ARYNews.tv | Urdu – Har Lamha Bakhabar

Tag: Video Viral

  • ایشوریا رائے بچن کی گاڑی حادثے کا شکار، ویڈیو وائرل

    ایشوریا رائے بچن کی گاڑی حادثے کا شکار، ویڈیو وائرل

    بالی ووڈ کی معروف اداکارہ اور بچن خاندان کی بہو، ایشوریا رائے بچن کی گاڑی ایک حادثے کا شکار ہوئی جس کی ویڈیو بھی سامنے آگئی۔

    بھارتی میڈیا رپورٹس کے مطابق بالی ووڈ اداکارہ ایشوریا رائے کی گاڑی کی 26 مارچ کو ایک ویڈیو آن لائن منظر عام پر آئی جس میں دکھایا گیا ہے کہ ایشوریا رائے بچن کی کار کو ایک لوکل بس نے پیچھے سے ٹکر ماری جس سے گاڑی کو نقصان پہنچا ۔

     

    View this post on Instagram

     

    A post shared by Varinder Chawla (@varindertchawla)

    بھارتی میڈیا کا کہنا ہے کہ خوش قسمتی سے اس حادثے کے وقت ایشوریا  کی گاڑی میں موجود نہیں تھیں اور کوئی جانی نقصان نہیں ہوا تاہم اس حادثے کے باعث ممبئی کے اس علاقے میں تقریباً آدھے گھنٹے تک ٹریفک جام رہا، جسے بعد میں پولیس نے کلیئر کر دیا۔

     پولیس نے فوری طور پر ایشوریا کی کار کو محفوظ مقام پر منتقل کیا جبکہ پبلک بس اپنی منزل کی جانب چلی گئی تاکہ مزید ہجوم اکٹھا نہ ہو۔

    جیسے ہی یہ ویڈیو انٹرنیٹ پر وائرل ہوئی، بالی ووڈ کی اداکارہ ایشوریا کے مداح اداکارہ کی خیریت کے حوالے سے کافی فکر مند ہوگئے۔

  • فرانسیسی فضائیہ کے 2 طیارے مشق کے دوران ٹکرا گئے، ویڈیو وائرل

    فرانسیسی فضائیہ کے 2 طیارے مشق کے دوران ٹکرا گئے، ویڈیو وائرل

    فرانسیسی فضائیہ کے ایروبیٹک ٹیم کے 2 طیارے دوران مشق آپس میں ٹکرا گئے، جس کی ویڈیو منظر عام پر آگئی۔

    غیر ملکی ذرائع ابلاغ کے مطابق فرانسیسی فضائیہ کے طیاروں کے درمیان یہ حادثہ نارتھ ایسٹرن فرانس کے علاقے سینٹ ڈیزیے کے قریب پیش آیا، حادثے کے دوران 2 پائلٹ اور ایک مسافر طیارے سے باہر نکلنے میں کامیاب ہو گئے۔

    رپورٹس کے مطابق ایک طیارہ گودام نما ٹاور سے ٹکراگیا، جس کے باعث شدید آگ بھڑک اٹھی اور آسمان کی جانب دھواں اُٹھنے لگا۔ خوفناک حادثے میں 2 پائلٹس اور ایک مسافر باہر نکلنے میں کامیاب ہوگئے جبکہ 3 دیگر افراد بے ہوش ہو گئے۔

    واضح رہے کہ گزشتہ سال اگست میں بھی 2 فرانسیسی رافیل طیاروں کے درمیان تصادم ہوا تھا، جس کے نتیجے میں 2 پائلٹس ہلاک ہوگئے تھے۔

    اس سے قبل ڈینورایئرپورٹ پر امریکی ایئرلائنز کے جیٹ طیارے میں اچانک آگ بھڑک اُٹھی تھی، طیارے سے ایک سو اٹھتر مسافروں کو با حفاظت باہر نکال لیا گیا۔

    رپورٹ کے مطابق طیارہ ڈیلاس سے کولوراڈو جارہا تھا کہ انجن میں آگ بھڑک اٹھی، مسافر جان بچانے کیلئے طیارے کے پنکھ پر کھڑے ہوگئے۔

    بھارتی فضائیہ کے دو طیارے ایک ہی دن میں گرکر تباہ

    امریکی طیارہ گیٹ سی تھرٹی ایٹ پر موجود تھا، جیٹ طیارے میں آگ لگنے سے ہرسمت دھواں پھیل گیا۔ آگ لگنے کے واقعے میں کسی جانی نقصان کی اطلاع نہیں ملی ہے۔

  • روضہ رسولؐ کے سامنے افطار، حنا خان کی تمنا پوری ہوگئی

    روضہ رسولؐ کے سامنے افطار، حنا خان کی تمنا پوری ہوگئی

    معروف بھارتی اداکارہ و گلوکارہ حنا خان نے روضہ رسولؐ کے سامنے روزہ افطار کرنے کے روح پرور لمحات کی ویڈیو شیئر کرکے اپنے چاہنے والوں کی توجہ سمیٹ لی۔

    اداکارہ نے حال ہی میں فوٹو اینڈ ویڈیو شیئرنگ ایپ انسٹاگرام پر ویڈیو پوسٹ کی جس میں انہیں مدینہ منورہ میں دیکھا جاسکتا ہے۔

    شیئر کی گئی ویڈیو میں دیکھا جاسکتا ہے کہ حنا خان روضہ رسولؐ کے سامنے بیٹھی ہیں، وہ پہلے جائے نماز بچھاتی ہیں اور پھر افطار کا انتظار کرنے کے لئے بیٹھ جاتی ہیں۔

    حنا خان نے پوسٹ شیئر کرتے ہوئے کیپشن میں لکھا کہ،‘تمنا تھی کہ مدینے میں روزہ ہو اور سامنے پیارے آقا صلی اللہ علیہ وآلہ وسلم کا روضہ مبارک ہو۔

    انہوں نے لکھا کہ مدینہ یہ شہر رسول اللہ ﷺ کا ہے جہاں دل کو چھو لینے والا سکون، وہ جاہ و جلال، وہ ٹھہراؤ، وہ خوشبو بھری ہوا، وہ ناقابلِ بیان خوشی، وہ روحانی تعلق ہے جہاں سب کچھ بالکل درست محسوس ہوتا ہے۔

    واضح رہے کہ اس سے قبل اداکارہ نے عمرے کی سعادت حاصل کرنے کی ویڈیو بھی شیئر کی تھی۔

    اداکارہ نے فوٹو اینڈ شیئرنگ ایپ انسٹاگرام پر تصاویر اور ویڈیو کا ایک طویل ایلبم شیئر کیا، اداکارہ نے بابرکت مہینے میں عمرہ کرنے کے لیے اپنے کزن بھائی منان میر کے ساتھ مکہ مکرمہ، سعودی عرب کا سفر کیا ہے۔

    اداکارہ نے پوسٹ میں رمضان المبارک میں اپنے کزن کے ساتھ گزارے گئے خوشگوار لمحات کی جھلکیاں شیئر کیں، جن میں سعودی عرب میں افطار اور سحری کے مناظر بھی شامل تھے۔

    حنا نے دعائیہ ہاتھوں والے ایموجی کے ساتھ الحمدللہ، عمرہ 2025 لکھا ہے انہوں نے کیپشن میں مزید لکھا کہ’دل میں آرزو جاگی، اللہ نے قبول فرمائی، اللہ پاک مجھے اپنے در پر بلانے کا بے حد شکریہ، بس مجھے جلد ہی مکمل صحت عطا فرمائیں۔‘

  • عاطف اسلم نے اپنی سحر انگیز آواز میں نعتیہ کلام پیش کردیا

    عاطف اسلم نے اپنی سحر انگیز آواز میں نعتیہ کلام پیش کردیا

    معروف گلوکار عاطف اسلم نے رمضان المبارک کی آمد کے ساتھ ہی اپنی آواز میں نعتیہ کلام ‘یانبی سلام علیک’ پیش کر دیا۔

    عاطف اسلم ماہ رمضان کی مناسبت سے اس بابرکت مہینے میں کلام پیش کرتے ہیں اور اس بار ماہ صیام کی آمد کے ساتھ ہی گلوکار نے نعتیہ کلام ‘یانبی سلام علیک’  پیش کیا ہے جس کی ویڈیو انہوں نے یو ٹیوب پر اپ لوڈ کی۔

     

    View this post on Instagram

     

    A post shared by Atif Aslam (@atifaslam)

    اس نعت کو عاطف اسلم نے تنہا نہیں بلکہ دو دیگرساتھی فنکاروں احسن پرویز مہدی اور کمیل جعفری کے ساتھ مل کر پیش کیا ہے، نعت کی یہ ویڈیو خوبصورت مناظر کے ساتھ پہاروں پر شوٹ کی گئی ہے جسے ان کے مداح پسند کررہے ہیں۔

    عاطف اسلم نے اس سے قبل بھی رمضان المبارک میں ‘اللہ ہو’، ‘تاج دار حرم’، ‘مصطفیٰ جان رحمت پر لاکھوں سلام’  اور حمد ‘وہی خدا ہے’ پیش کی تھی جسے دنیا بھر میں پسند کیا گیا تھا۔

  • ویڈیو: سخی حسن پر پولیس اور ڈاکو کے درمیان فلمی سین، ڈکیت تاروں پر لٹک گیا

    ویڈیو: سخی حسن پر پولیس اور ڈاکو کے درمیان فلمی سین، ڈکیت تاروں پر لٹک گیا

    کراچی کے علاقے سخی حسن میں فلمی سین ہوگیا، رائیڈر سے موبائل فون چھیننے والا ڈاکو تاروں میں لٹک گیا جس کی ویڈیو سوشل میڈیا پر وائرل ہوگئی۔

    تفصیلات کے مطابق کراچی کے علاقے سخی حسن پر پولیس اور ڈاکو کے درمیان فلمی واقعہ پیش آیا جہاں بائیک رائیڈر سے موبائل فون چھیننے والا ڈاکو پل پر چڑھ گیا، ملزم نے پولیس کو پل سے چھلانگ لگانے کی دھمکی دی۔

     

    ملزم کو بھاگنےکا راستہ نہ ملا تو پل سے چھلانگ لگائی اور تاروں پر لٹک گیا جس کی ویڈیو سوشل میڈیا پر وائرل ہے، ویڈیو میں دیکھا جاسکتا ہے کہ پولیس نے صورتحال دیکھ کر بڑی چادر منگوائی۔

    ویڈیو میں دیکھا جاسکتا ہے کہ کافی دیر جدوجہد کے بعد پولیس نے ڈکیت کو پکڑ لیا، پل سے چھلانگ لگانے کے بعد بھی ملزم نے رائیڈر کا موبائل فون واپس نہ کیا، پولیس ملزم کو لے کر جانے لگی تو رائیڈر بھی موبائل کے ساتھ لٹک گیا۔

    https://urdu.arynews.tv/karachi-saeedabad-police-muqbala/

  • موٹر سائیکل بچانے کی کوشش میں بس اُلٹ گئی، ویڈیو سامنے آگئی

    موٹر سائیکل بچانے کی کوشش میں بس اُلٹ گئی، ویڈیو سامنے آگئی

    بھارت میں مہاراشٹر کے لاتوڑ-ناندیڑ ہائی وے پر ایک خوفناک حادثہ رونما ہوا، تیز رفتار بس موٹر سائیکل کو بچانے کی کوشش میں توازن برقرار نہ رکھ سکی اور اُلٹ گئی۔ حادثے میں 36 افراد کے زخمی ہونے کی اطلاعات سامنے آرہی ہیں، جن میں بعض کی حالت تشویشناک بتائی جارہی ہے۔

    بین الاقوامی خبر رساں ادارے کی رپورٹ کے بس اُلٹنے کے بعد مسافر چیخ و پکار کرنے لگے اور کئی لوگ بس کے اندر ہی پھنس گئے۔

    مقامی افراد اور پولیس حادثے کی اطلاع ملتے ہی جائے وقوع پر پہنچ گئے، زخمیوں کو فوری طور پر قریبی اسپتال منتقل کردیا گیا، ڈاکٹروں کا کہنا ہے کہ 6 زخمیوں کی حالت تشویشناک ہے، جبکہ دیگر زخمیوں کا علاج کیا جارہا ہے۔

    پولیس کا کہنا ہے کہ ابتدائی تحقیقات سے یہ بات پتہ چلی ہے کہ بس کی رفتار زیادہ تھی اورموٹر سائیکل سامنے آنے پر اچانک بریک لگانے کی وجہ سے یہ حادثہ رونما ہوا، تحقیقات جاری ہیں تاکہ یہ معلوم کیا جا سکے کہ آیا ڈرائیور کی غلطی تھی یا سڑک کی خراب حالت کے باعث حادثہ رونما ہوا۔

    اس سے قبل ترکیہ کے وسطی صوبے اکسارے میں بس خوفناک حادثے کا شکار ہوگئی، جس کے نتیجے میں 6 افراد جاں بحق اور 25 زخمی ہو گئے۔

    رپورٹس کے مطابق ترکیہ کے اکسارے انقرہ موٹر وے پر بس کو حادثہ پیش آیا ہے، بس الٹنے سے 6 افراد موقع پر ہی دم توڑ گئے، جبکہ 25 شدید زخمی ہوگئے۔

    گورنر مہمت علی کمبوزوگلو کے مطابق حادثے کا شکار ہونے والی بس مغربی صوبے بالی سیر سے مسافروں کو وسطی ترکیہ کے مشہور سیاحتی مقام کپاڈو شیا کے علاقے میں لے جا رہی تھی۔

    جائیداد کا لالچ، درندہ صفت بیٹے نے ماں کو مار ڈالا

    گورنر مہمت علی کمبوزوگلو کا مزید کہنا تھا کہ حادثے میں ہلاک ہونے والوں کی لاشوں اور زخمیوں اسپتال منتقل کردیا گیا ہے، جبکہ واقعے کی تحقیقات بھی شروع کردی گئی ہیں۔

  • اے ٹی ایم مشین سے 30 لاکھ کی چوری، ویڈیو وائرل

    اے ٹی ایم مشین سے 30 لاکھ کی چوری، ویڈیو وائرل

    بھارت میں تلنگانہ کے ضلع رنگاریڈی میں ملزمان نے انتہائی مہارت سے کارروائی کرتے ہوئے اے ٹی ایم مشین میں سے 30 لاکھ روپے کی رقم چرالی۔

    بھارتی میڈیا رپورٹس کے مطابق چار رکنی گروہ گزشتہ روز صبح ایک کار میں ایس بی آئی اے ٹی ایم پہنچا، نقاب پوش افراد نے سی سی ٹی وی کیمروں پر اسپرے کیا۔

    ملزمان نے ایمرجنسی سائرن کو بجنے سے روکنے کے لیے سینسر کے وائر بھی کٹ کردیئے، بعد ازاں انہوں نے کٹر اور لوہے کی سلاخوں کی مدد سے اے ٹی ایم کو توڑدیا۔

    رپورٹس کے مطابق چار منٹ کے اندر انہوں نے اے ٹی ایم توڑ کر رقم نکال لی۔ اس کے بعد با آسانی فرار ہونے میں کامیاب ہوگئے، مقامی افرادکی اطلاع کی بنیاد پر پولیس کے اعلی عہدیدار وہاں پہنچ گئے۔

    پولیس کا اس حوالے سے کہنا ہے کہ شواہد اکٹھے کرلئے ہیں، جبکہ مقدمہ درج کرکے ملزمان کی تلاش شروع کردی گئی ہے۔

    اس سے قبل بھی بھارت کے شہر نظام آباد میں اے ٹی ایم میں چوری کا واقعہ رونما ہوا تھا، چوروں نے اسٹیٹ بینک آف انڈیا کی اے ٹی ایم مشین توڑ کر 25 لاکھ لوٹ لئے تھے۔ چوری کی یہ واردات ریاست تلنگانہ ضلع نظام آباد میں پیش آئی۔

    بس اسٹینڈ کے نزدیک لگی اسٹیٹ بینک آف انڈیا کی اے ٹی ایم میں رات دیر گئے چار چور داخل ہوئے، جنہوں نے ماسک لگائے ہوئے تھے۔

    ملزمان نے انتہائی مہارت سے چوری کی واردات کی، پہلے سی سی ٹی وی کیمروں سے محفوظ رہنے کے لیے کیمروں پر اسپرے کیا گیا اس کے بعد اے ٹی ایم مشین کو توڑ کر 25 لاکھ روپے چوری کرلئے۔

    زیلنسکی نے امریکا کیلئے ویڈیو پیغام جاری کر دیا

    ملزمان رقم لوٹنے کے بعد وہاں سے با آسانی فرار ہونے میں کامیاب ہوگئے، اطلاع ملتے ہی مقامی پولیس پہنچ گئی۔ لٹیروں کی گرفتاری کے لیے خصوصی ٹیمیں تشکیل دی گئی ہیں۔

  • دودی خان نے راکھی ساونت کو ہیرے کی انگوٹھی پہنا دی

    دودی خان نے راکھی ساونت کو ہیرے کی انگوٹھی پہنا دی

    بھارتی متنازع اداکارہ راکھی ساونت کو پاکستانی اداکار دودی خان نے ہیرے کی انگوٹھی پہنا کر سب کی توجہ حاصل کرلی۔

    راکھی ساونت بالی ووڈ کی معروف اداکارہ و ڈانسر ہیں، راکھی اس وقت اپنی غیرمعمولی بولڈ شخصیت کی وجہ سے بھی بہت مشہور ہیں۔

    حال ہی میں انہوں نے پاکستان کی بہو بننے کی خواہش کا اظہار بھی کیا تھا جس کے بعد پاکستانی اداکار دودی خان نے ایک ویڈیو میں اداکارہ کو پرپوز کیا تھا۔

     

    View this post on Instagram

     

    A post shared by Zoom TV (@zoomtv)

     ویڈیو میں دودی راکھی ساونت کا ہاتھ تھامنے کی پیشکش کرتے دکھے جس پر راکھی بھی بھارت سے جواب دیتی رہیں تاہم دودی خان کو سوشل میڈیا پر تنقید کا سامنا ہوا جس کے بعد انہوں نے راکھی سے شادی نہ کرنے کا اعلان کردیا اور کہا کہ میں راکھی کی شادی اپنے کسی دوست سے کروادونگا، وہ بہو تو پاکستان کی ہی بنے گی۔

    اب راکھی اور دودی خان بالآخر دبئی میں ملاقات کرچکے ہیں جس کی ویڈیوز سوشل میڈیا پر زیرِ گردش ہیں، ویڈیوز میں راکھی نے دودی پر شکایات کی برسات کردی اور کہا کہ تم نے تو مجھ سے وعدہ کر کے بیچ راستے میں چھوڑ دیا، یوٹرن لے لیا جس پر دودی خان بھی مختلف جواز پیش کیے۔

    اسی ملاقات کی ایک اور وائرل ویڈیو سوشل میڈیا پر وائرل ہے جس میں دودی خان کو اپنی بھارتی دوست راکھی ساونت کو ڈائمند رنگ پہناتے ہوئے دیکھا جاسکتا ہے۔

    ویڈیو میں راکھی نے کہا کہ یہ اصلی انگوٹھی ہے کہ نقلی؟ جس پر دودی خان نے کہا کہ یہ اصلی انگوٹھی ہے، ایک دوست کی جانب سے ایک دوست کے لیے ہے یہ انگوٹھی۔

  • فیروز خان کی تلخ کلامی کی ویڈیو سوشل پر وائرل

    فیروز خان کی تلخ کلامی کی ویڈیو سوشل پر وائرل

    پاکستان شوبز انڈسٹری کے معروف اداکار فیروز خان کی خاتون صحافی سے تلخ کلامی کی ویڈیو سوشل پر وائرل ہوگئی۔

    اپنے تنازعات اور غیر متوقع رویے کے لیے مشہور پاکستانی اداکار فیروز خان ایک بار پھر سے سرخیوں میں ہیں، لاہور میں انہیں اپنے آئندہ باکسنگ میچ کے لیے ایک پریس کانفرنس میں شرکت کرنی تھی تاہم وہ پریس کانفرنس میں 2.5 گھنٹے تاخیر سے پہنچے تھے۔

    دیر سے پریس کانفرنس شروع ہونے پر لاہور سے تعلق رکھنے والی صحافی نے اداکار فیروز خان کو تنقید کا نشانہ بنایا۔

     

    View this post on Instagram

     

    A post shared by Galaxy Lollywood (@galaxylollywood)

    خاتون نے کہا کہ میڈیا کو سختی سے تین بجے پہنچنے کی تاکید کی گئی تھی، اور سب وقت پر موجود تھے، مگر فیروز خان کی دیر سے آمد کی وجہ سے مین اسٹریم میڈیا کے بیشتر نمائندے جا چکے ہیں۔

    خاتون صحافی نے کہا کہ فنکاروں کو شہرت اللّٰہ کے کرم کے ساتھ ساتھ مداحوں اور میڈیا کی سپورٹ سے ملتی ہے،جس پر اداکار فیروز خان نے مداخلت کرتے ہوئے کہا کہ کیا میڈیا اسٹار بناتا ہے؟ میڈیا تو پچھلے تین سال سے میرے پیچھے پڑا ہوا ہے۔

    صحافی نے اپنا مؤقف دہراتے ہوئے کہا کہ فینز اسٹار بناتے ہیں لیکن میڈیا ہی فنکاروں کو سپورٹ اور پروموٹ کرتا ہے، مگر یہاں موجود افراد پچھلے ڈھائی گھنٹے سے انتظار کر رہے ہیں۔

    جواب میں فیروز خان نے تاخیر کی وضاحت دیتے ہوئے کہا کہ میرے گھر میں گرم پانی نہیں آ رہا تھا، جس پر خاتون صحافی نے اس جواز کو ناقابل قبول قرار دیتے ہوئے کہا کہ یہ کوئی مذاق نہیں، اور کسی کو اتنی دیر انتظار کروانا ایک غیر پیشہ ورانہ وریہ ہے۔

  • ویڈیو: برطانوی گلوکار ایڈ شیرن کے کانسرٹ میں اے آر رحمن کی سرپرائز انٹری نے میلہ لوٹ لیا

    ویڈیو: برطانوی گلوکار ایڈ شیرن کے کانسرٹ میں اے آر رحمن کی سرپرائز انٹری نے میلہ لوٹ لیا

    برطانوی گلوکار ایڈ شیرن کی چنائے کانسرٹ کے دوران بھارت کے معروف گلوکار  اے آر رحمان کی اچانک انٹری نے مداحوں کو حیران کردیا۔

    برطانوی گلوکار ایڈ شیرن نے فوٹو اینڈ شیئرنگ ایپ انسٹاگرام پر بھارت کے شہر چنائے میں اپنے کانسرٹ کی ویڈیو شیئر کی ہے، جس میں انہیں اے آر رحمن کے ساتھ گانوں پر پرفارمنس دیتے ہوئے دیکھا جاسکتا ہے۔

     

    View this post on Instagram

     

    A post shared by Ed Sheeran (@teddysphotos)

    ویڈیو میں دیکھا جاسکتا ہے کہ گلوکار ایڈ شیرین نے اے آر رحمن کے ساتھ چنائے کانسرٹ کے دوران خوب انجوائے کیا، کنسرٹ کے دوران بنائی گئی ویڈیوز دونوں فنکاروں نے سوشل میڈیا پر شیئر کی ہیں جسے مداح بہت زیادہ پسند کررہے ہیں۔

    برطانوی گلوکار ایڈ شیرن نے ویڈیو کے ساتھ کیپشن میں لکھا ’آپ کے ساتھ پرفارم کرنا میرے لیے اعزاز ہے‘۔

     

    View this post on Instagram

     

    A post shared by Ed Sheeran (@teddysphotos)

    واضح رہے کہ 1991 میں انگلینڈ میں پیدا ہونے والے ایڈ شیران آج دنیا کے سب سے بڑے پاپ آئیکونز میں سے ایک ہیں جن کے 15 کروڑ سے زیادہ ریکارڈز فروخت ہوچکے ہیں۔

    دوسری جانب بھارت کے معروف گلوکار اے آر رحمان نے اپنی آواز اور موسیقی کے جادو سے دنیا کو اپنی گرفت میں لے رکھا ہے، نہ صرف ہندوستان بلکہ بیرون ملک بھی ان کی مداحوں کی بڑی تعداد ہے۔

    گلوکار اے آر رحمان نے اپنے کیریئر میں بہت سے ایوارڈز اور کامیابیاں حاصل کیں، جن میں آسکر اور بہت سے دوسرے معزز اعزازات شامل ہیں۔