ARYNews.tv | Urdu – Har Lamha Bakhabar

Tag: Video Viral

  • نیوزی لینڈ میں خاتون ممبر پارلیمنٹ کا ڈانس کرکے احتجاج، ویڈیو وائرل

    نیوزی لینڈ میں خاتون ممبر پارلیمنٹ کا ڈانس کرکے احتجاج، ویڈیو وائرل

    ویلنگٹن: نیوزی لینڈ کی پارلیمنٹ میں کچھ ممبران کی جانب سے ایک بل کی مخالفت کی گئی، اس موقع پر خاتون ممبر پارلیمنٹ نے روایتی رقص کرکے اپنا احتجاج ریکارڈ کرایا۔

    بین الاقوامی خبر رساں ادارے کی رپورٹ کے مطابق نیوزی لینڈ کی کم عمر ترین ممبر پارلیمنٹ ہانہ رواہیتی مائیپی کلارک کو ویڈیو میں جذباتی انداز میں پارلیمنٹ میں پیش کردہ بل کی مخالفت کے دوران روایتی رقص کرتے دیکھا جاسکتا ہے۔

    کم عمر ترین ممبر پارلیمنٹ نے بل کو پھاڑ کر روایتی رقص مورائی ہاکا شروع کیا جس کے بعد اسمبلی کے دیگر ممبران اور گیلری میں بیٹھے لوگ ان کا ساتھ دینے کے لئے اُٹھ گئے اور ڈانس شروع کردیا، صورتحال کو دیکھتے ہوئے اسپیکر اسمبلی نے اجلاس ملتوی کردیا۔

     

    View this post on Instagram

     

    A post shared by ARY Stories (@arystories)

    غیر ملکی میڈیا کے مطابق نیوزی لینڈ اسمبلی میں ملک کے قدیم باشندوں مورائی (پولی نیشیئن نسل) کے حقوق سے متعلق 1840 میں ہونے والے معاہدے کی نئی تشریح سے متعلق بل پیش کیا گیا تھا اور مائیپی کلارک اس کے شدید خلاف تھیں۔

    نیوزی لینڈ کا اسٹوڈنٹ ویزا حاصل کرنے کے خواہشمند طلبا کیلئے اہم خبر

    22 سالہ مائیپی کلارک کا تعلق بھی نیوزی لینڈ کے قدیم باشندوں مورائی سے ہے جو یورپی آباد کاروں کی نیوزی لینڈ میں آمد سے ہزاروں سال قبل یہاں کے اصل (قدیمی) باشندے تھے۔

  • فیصل قریشی اور انکی اہلیہ نے مداحوں کی فرمائش پوری کردی، ویڈیو وائرل

    فیصل قریشی اور انکی اہلیہ نے مداحوں کی فرمائش پوری کردی، ویڈیو وائرل

    پاکستان شوبز انڈسٹری کے معروف اداکار فیصل قریشی کی اہلیہ ثنا فیصل کی مزاحیہ پوسٹ سوشل میڈیا پر وائرل ہورہی ہے۔

    معروف اداکار کی اہلیہ ثناء فیصل نے گزشتہ دنوں ایک دلچسپ ویڈیو شیئر کی تھی جسے ان کے مداحوں کی جانب سے خوب پسند کیا گیا تھا تاہم اب فینز کی فرمائش پر انہوں نے ایک اور ریل شیئر کی ہے۔

    فوٹو اینڈ شیئرنگ ایپ انسٹاگرام پر شوبز اداکار فیصل قریشی کی اہلیہ ثنا فیصل نے مضحکہ خیز ریل شیئر کی جس میں اداکار شوہر کو بیوی کے بنائے ہوئے کھانے کے بارے میں شکایت کرتے ہوئے دیکھا گیا۔

     

    View this post on Instagram

     

    A post shared by Sana Faysal (@sanafaysal)

    فیصل قریشی کہتے ہیں ’’رات کو میری بیوی نے پیار سے میرے لیے ٹنڈے کی سبزی بنائی، اور میں نے غصے سے بول دیا کیا واحیات سبزی بنائی ہے، اس دوران ان کی بیگم آجاتی ہیں جس کے بعد فیصل کہتے ہیں آج سبزی کھا کر دیکھا اچھی لگ رہی ہے۔

    ثنا فیصل کی جانب سے کی گئی مزاحیہ پوسٹ پر ان کے چاہنے والوں کی جانب سے لائکس اور کمنٹس کا سلسلہ جاری ہے، ایک صارف نے کمنٹس میں کہا کہ’ یہ فیصل قریشی کو بھی ٹک ٹاک پسند ہے، ایک اور صارف کا کہنا تھا کہ یہ اداکار کس لائن میں آگئے۔

     

    View this post on Instagram

     

    A post shared by Sana Faysal (@sanafaysal)

    پاکستان کے معروف اداکار نے حال ہی میں ایک پوڈ کاسٹ میں شرکت کی تھی جہاں انہوں نے پاکستانی ڈراموں کی بھارت میں مقبولیت پر بات کی۔

    پوڈ کاسٹ کی وائرل ہونے والی ویڈیو میں فیصل پاکستانی ڈراموں کی بھارت میں مقبولیت پر بات کرتے ہوئے کہا کہ میرے بہت سے ڈرامے بھارتی ٹیلی وژن پر نشر ہوئے ہیں۔

    اداکار نے کہا تھا کہ بھارتی عوام پاکستانی ڈراموں کے دیوانے ہیں، مجھے بھارتی کوریوگرافرنے بتایا کہ جب پاکستانی ڈرامے ’میری ذات ذرہ بے نشاں ’اور ’ہم سفر‘ دکھائے جاتے تھے اس وقت سڑکیں ویران ہوجاتی تھیں۔

    یہاں یہ بات قابل ذکر ہے کہ مشہور اداکار فیصل قریشی نے 2010 میں ثنا سے تیسری شادی کی، جوڑے کے دو بچے ہیں جن میں ایک بیٹی کا نام آیت اور ایک بیٹا فرمان ہے۔

    ’لوگ کیا کہیں گے‘ اداکار کی پہلی شادی سے ایک بڑی بیٹی ہنیش بھی ہے اور وہ اپنی والدہ اور تجربہ کار اداکار افشاں قریشی کے ساتھ رہتی ہیں۔

  • فیمنزم پر یقین نہیں، عورت کو گھر میں ہی رہنا چاہیے: مائرہ خان

    فیمنزم پر یقین نہیں، عورت کو گھر میں ہی رہنا چاہیے: مائرہ خان

    پاکستان شوبز انڈسٹری کی معروف اداکارہ مائرہ خان نے کہا ہے کہ میں فیمنزم پر زیادہ یقین نہیں رکھتی، اور میرا ماننا ہے کہ عورت کو گھر میں ہی رہنا چاہیے۔

    پاکستان شوبز انڈسٹری کی ماڈل و اداکارہ مائرہ خان نے حال ہی میں ڈیجیٹل پوڈ کاسٹ میں شرکت کی، جہاں انہوں نے مختلف موضوع پر کھل کر بات کی۔

    پوڈ کاسٹ کے دوران میزبان نے کہا کہ کچھ عرصہ قبل مہم چلی تھی کہ مرد اور خاتون ایک ہیں، جس پر مائرہ خان نے کہا کہ میں ہیش ٹیگ فیمنزم پر اتنا یقین نہیں رکھتی، اور میرا ماننا ہے کہ عورت کو گھر کے اندر ہی رہنا چاہیے اور اسے گھر کے اندر ہی ساری سہولتیں فراہم کی جانی چاہیے۔

    انہوں نے کہا کہ میرا خیال ہے کہ خواتین کو اپنا، گھر کا اور بچوں کا خیال رکھنے پر ہی توجہ دینی چاہیے، انہیں شاپنگ کرنی چاہیے، انہیں شوہر سے پیسے ملتے رہیں اور وہ انہیں خرچ کرتی رہیں۔

    انہوں نے مسکراتے ہوئے کہا کہ جب سے ہیش ٹیگ فیمنزم اور ہیش ٹیگ فیمنسٹ آیا ہے، تب سے ہر کوئی نعرے لگا رہا ہے کہ ہم برابر ہیں، ہم بھی کام کریں گے لیکن میں کہتی ہوں مجھے کام نہیں کرنا، میں برابر نہیں۔

    مائرہ خان نے کہا کہ عورت ذات برابر نہیں ہے، ہمیں باہر جاکر کام نہیں کرنا چاہیے، کمائی کرکے ہمیں ہاتھ میں پیسے دینا مرد کی ذمہ داری ہے اور میری زندگی میں کوئی نہ کوئی ایسا مرد ضرور آئے گا جو مجھے کما کر دے گا اور میں خرچ کروں گی۔

     

    View this post on Instagram

     

    A post shared by FHM PAKISTAN (@fhmpakistan)

  • ویڈیو: نعیمہ بٹ نے لیجنڈ بھارتی اداکارہ کا اسٹائل اپنا لیا

    ویڈیو: نعیمہ بٹ نے لیجنڈ بھارتی اداکارہ کا اسٹائل اپنا لیا

    پاکستانی شوبز انڈسٹری کی ابھرتی ہوئی اداکارہ نعیمہ بٹ نے بالی ووڈ کی آنجہانی حسینہ اداکارہ سمیتا پاٹیل کا آئیکونک لُک اپنا لیا۔

    اے آر وائی ڈیجیٹل کی ڈرامہ سیریل کبھی میں کبھی تم سے شہرت کی بلندیوں پر پہنچنے والی پاکستانی اداکارہ نعیمہ بٹ نے انسٹاگرام پوسٹ پر اپنی ایک ویڈیو شیئر کی ہے۔

     

    View this post on Instagram

     

    A post shared by NaeemaButt(naima) (@naeemabutt)

    نعیمہ بٹ کی پوسٹ فوراً ہی مداحوں کی توجہ کا مرکز بن گئی، ویڈیو میں وہ بالی ووڈ کی لیجنڈ اداکارہ سمیتا پٹیل کی لُک میں نظر آئیں، کیپشن میں انہوں نے بتایا کہ یہ ویڈیو اپنی ٹیم کے ساتھ سمیتا پاٹل کو خراج عقیدت پیش کرنے کے لیے ریکارڈ کررہی ہیں۔

    ان کی سوشل میڈیا پر یہ پوسٹ شیئر کرنے کی دیر تھی کہ اس پر کمنٹس کا تانتا بندھ گیا، نعیمہ بٹ نے سفید شلوار قمیص کے اتھ سبز دوپٹہ پہن، بالوں میں چوٹی بنائی اور چہرے پر دو گھنگریالی لٹیں ڈالیں۔

    یار رہے کہ لیجنڈ بھارتی اداکارہ سمیتا پٹیل 1986 میں اپنے بیٹے پرتیک کو جنم دینے کے کچھ دنوں کے بعد ہی بیماری کے باعث چل بسی تھیں، کہا جاتا ہے کہ اداکارہ کی موت دوران زچگی ڈاکٹروں کی غفلت کے باعث ہونے والی بیماریوں کے باعث ہوئی۔

    سمیتا پٹیل نے ہندی سمیت دیگر ہندوستانی زبان کی 80 فلموں میں اداکاری کی، انہوں نے کم عمری میں ہی فلم انڈسٹری میں اچھا مقام حاصل کیا۔

    سمیتا پٹیل نے نہ صرف نیشنل اور فلم فیئر ایوارڈ حاصل کیے، بلکہ انہیں پدماشری ایوارڈ سے بھی نوازا گیا، ان کی مقبول فلموں میں ’بھومیکا، چکرہ، بازار، ارتھ، منڈی، آکروش، ستم اور صبح‘ سمیت دیگر فلمیں شامل ہیں جبکہ انہیں ماضی کی گلیمر اداکارہ بھی کہا جاتا تھا۔

    واضح رہے کہ کبھی میں کبھی تم ڈرامے میں نعیمہ بٹ نے ایک رئیس زادی ’رباب‘ کا کردار نبھایا تھا جبکہ عماد عرفانی ان کے شوہر بنے ہیں جس نے اپنی بیوی کو دھوکہ دیا تھا۔

    خیال رہے کہ اے آر وائی ڈیجیٹل کی ڈرامہ سیریل کبھی میں کبھی تم اس وقت شہرت کی بلندیوں پر ہے، یہ ڈرامہ نہ صرف پاکستان اور بھارت بلکہ بنگلہ دیش سمیت یورپی ملکوں میں بھی پسند کیا جارہا ہے۔

    ڈرامے میں فہد مصطفیٰ، ہانیہ عامر، نعیمہ بٹ، عماد عرفانی، بشریٰ انصاری، جاوید شیخ اور اریج چوہدری نے اداکار کے جوہر دکھائے ہیں۔

  • کانگو میں کشتی اُلٹنے سے 78 ہلاک، درجنوں لاپتہ، ویڈیو سامنے آگئی

    کانگو میں کشتی اُلٹنے سے 78 ہلاک، درجنوں لاپتہ، ویڈیو سامنے آگئی

    کانگو کی ایک جھیل میں کشتی اُلٹنے کا افسوسناک واقعہ پیش آیا، جس کے نتیجے میں 78 افراد زندگی کی بازی ہار گئے جبکہ درجنوں لاپتہ ہوگئے۔

    بین الاقوامی خبر رساں ادارے کی رپورٹ کے مطابق کانگو کے ایک صوبائی گورنر نے بتایا کہ جمعرات کو کانگو کی جھیل کیوو میں 278 مسافروں سے بھری کشتی حادثے کا شکار ہوگئی، جس سے کم از کم 78 افراد جھیل میں ڈوب گئے۔

    سوشل میڈیا پر شیئر کی گئی ویڈیو فوٹیج میں ایک بھاری ملٹی ڈیک جہاز کو پانی میں اُلٹتے ہوئے دیکھا جاسکتا ہے جبکہ مسافر تیرتے ہوئے اپنی جان بچانے کی کوششوں میں مصروف ہیں۔

    رپورٹس کے مطابق جنوبی کیوو صوبے کے گورنر کا کہنا ہے کہ مرنے والوں کی تعداد 78 تک پہنچ ہے جبکہ کشتی میں 278 افراد سوار تھے۔انہوں نے کہا کہ ہلاکتیں بڑھنے کا قوی امکان ہے۔

    واضح رہے کہ گزشتہ روز نائیجیریا میں بھی گنجائش سے زیادہ افراد بٹھانے پر کشتی سمندر میں ڈوب گئی تھی، جس میں سوار 300 افراد میں سے 100 لاپتہ ہوگئے، جنہیں تلاش کیا جارہا ہے۔

    رپورٹ کے مطابق کشتی نائیجیریا کے ضلع موقوا کے مقام پر دریائے نائیجر میں ڈوبی جس کے ریسکیو کا عمل شروع کردیا گیا ہے۔

    میڈیا رپورٹس میں کہا گیا ہے کہ کشتی مقامی طور پر لکڑی سے تیار کی گئی تھی جس میں 100 افراد کے سفر کرنے کی گنجائش تھی، مگر کشتی کی روانگی کے وقت اس میں 300 افراد سوار ہوگئے، جن میں زیادہ تر خواتین اور بچے تھے۔

    امریکا کی 6 ریاستوں میں سیلاب سے تباہی، 223 ہلاک، متعدد لاپتا

    حادثے کی اطلاع ملنے کے بعد مقامی حکام کی جانب سے 150 افراد کو بحفاظت سمندر سے باہر نکال لیا گیا مگر 100افراد کا تاحال کچھ پتہ نہیں چل سکا۔

  • یویو ہنی سنگھ نے پاکستانی مداحوں کو خوشخبری سنادی

    یویو ہنی سنگھ نے پاکستانی مداحوں کو خوشخبری سنادی

    بھارتی ریپر ہنی سنگھ، جو پاکستان سمیت دنیا بھر میں اپنے بڑے مداحوں کی وجہ سے مشہور ہیں، انہیں حال ہی میں دبئی میں منعقدہ آئیفا ایوارڈز میں دیکھا گیا۔

    بھارتی گلوکار یو یو ہنی سنگھ کی فوٹو اینڈ ویڈیو شیئرنگ ایپ انسٹاگرام پر حال ہی میں آئیفا ایوارڈز 2024 کی تقریب کی ویڈیو وائرل ہورہی ہے جس میں انہوں نے پاکستانی مداحوں کو خوشخبری سنائی ہے۔

    ویڈیو میں بھارتی گلوکار ہنی سنگھ جلد پاکستان میں اپنے کانسرٹ کے حوالے سے بات کرتے نظر آرہے ہیں۔

     

    View this post on Instagram

     

    A post shared by Zia Uddin (@ziauddinofficial)

    ویڈیو میں دیکھا جاسکتا ہے کہ آئیفا ایوارڈز کی ریڈ کارپٹ پر یو یو سے سوال کیا گیا کہ ’آپ پاکستان کب آئیں گے؟ وہاں بھی آپ کے مداح موجود ہیں جو آپ کا بے صبری سے انتظار کررہے ہیں‘؟

    ہنی سنگھ نے جواب میں کہا کہ میں 12 سال سے دبئی میں اپنے کانسرٹ کررہا ہوں جہاں بھارتی مداحوں کے ساتھ ساتھ پاکستانی پرستاروں کی بھی ایک کثیر تعداد آتی ہے۔

    ہنی سنگھ کا کہنا تھا کہ ’مجھے کانسرٹس کے بعد کئی پاکستانی مداح کہتے ہیں کہ ہمارے پاس پیسہ ہے تو ہم آپ کو سننے دبئی آجاتے ہیں لیکن پاکستان میں بہت سے ایسے مداح ہیں جو آپ کو سننا تو چاہتے ہیں آپ پاکستان میں بھی شو کریں‘۔

    بھارتی ریپر و گلوکار ہنی سنگھ  نے اس دوران پاکستان ٹوور کی تصدیق کرتے ہوئے کہا کہ  اگلے سال میرا انگلینڈ کا ٹوور ہے جہاں میں پہلی بار  پرفارم کررہا ہوں، انگلینڈ کے بعد پاکستان بھی ضرور آؤں گا، آپ سب دعا کریں۔

    واضح رہے کہ حال ہی میں بھارتی گلوکار ہنی سنگھ نے ایک انٹوریو میں کہا تھا کہ وہ پاکستانی گلوکار فارس شفیع  کی اپکمنگ ایلبم کو پروڈیوس کررہے ہیں۔

  • ’سر دو ہی ہاتھ ہیں‘ ویرات کوہلی کا ہوٹل کے عملے سے ہاتھ نہ ملانے کی ویڈیو وائرل

    ’سر دو ہی ہاتھ ہیں‘ ویرات کوہلی کا ہوٹل کے عملے سے ہاتھ نہ ملانے کی ویڈیو وائرل

    کانپور: بھارت کرکٹ ٹیم کے کھلاڑی ویرات کوہلی کی کانپور میں ہوٹل کے عملے سے ہاتھ نہ ملانے کی ویڈیو سوشل میڈیا پر وائرل ہوگئی۔

    بھارتی کرکٹ ٹیم بنگلہ دیش کے خلاف دو طرفہ سیریز کے دوسرے ٹیسٹ کے لیے کانپور پہنچ گئی، بی سی سی آئی نے اپنے ایکس اکاوئنٹ پر ٹیم کے چنئی سے کانپور کے سفر کی ایک ویڈیو بھی پوسٹ کی ہے جس میں ہوٹل عملے کی جانب سے ٹیم انڈیا کا شاندار استقبال کرتے ہوئے دیکھا گیا۔

    اس دوران ویرات کوہلی کی ایک ویڈیو سوشل میڈیا پر وائرل ہوگئی، وہرات کوہلی جیسے ہی ہوٹل پہنچے تو وہاں کھلاڑیوں کے استقبال کے لیے ہوٹل کے عملے میں سے ایک نے کوہلی کو پھولوں کا گلدستہ پیش کیا ساتھ ہی موجود دوسرے عملے نے کوہلی سے مصافحہ کرنا چاہا جس پر کوہلی نے کہا کہ سر دو ہی ہاتھ ہے۔

    ویڈیو میں دیکھا جاسکتا ہے کہ اس وقت کوہلی کے ایک ہاتھ میں بیگ اور دوسرے میں گلدستہ ہوتا ہے جس کی وجہ سے وہ مصافحہ کیے بغیر وہاں سے چلے جاتے ہیں۔

  • ادیتی راؤ حیدری شادی کے بعد پہلی بار شوہر کے ہمراہ، ویڈیو وائرل

    ادیتی راؤ حیدری شادی کے بعد پہلی بار شوہر کے ہمراہ، ویڈیو وائرل

    بھارت کی معروف اداکارہ ادیتی راؤ حیدری شادی کے بعد اپنے شوہر سدھارتھ کیساتھ ممبئی ایئرپورٹ پر نظر آئیں جس کی ویڈیو سوشل میڈیا پر وائرل ہوگئی۔

    بھارت کی معروف اداکارہ ادیتی راؤ اور سدھارتھ نے اچانک اپنی شادی کا اعلان کر کے سب کو حیران کردیا تھا، ادیتی نے انسٹاگرام پر تصاویر کی ایک سیریز شیئر کی تھی۔

    تصویر میں دولہا اور دلہن دونوں نے اپنی شادی کے لیے روائتی لباس کا انتخاب کیا تھا، شادی کا وینیو واناپارتھی میں 400 سال پرانا مندر تھا جو ادیتی راؤ حیدری کے خاندان کے لیے اہمیت کا حامل ہے۔

     

    View this post on Instagram

     

    A post shared by Aditi Rao Hydari (@aditiraohydari)

    تاہم اب بھارتی پاپارازی کی جانب سے شیئر کی جانے والی ویڈیو میں اداکارہ ادیتی اور سدھارتھ کو ہاتھ پکڑے ایئرپورٹ سے باہر نکلتے ہوئے دیکھا جاسکتا ہے۔

    اس کے علاوہ ویڈیو میں دیکھا جاسکتا ہے کہ ایک شخص اداکار سدھارتھ کے پاس آیا اور ہاتھ ملایا، سدھارتھ نے بھی اس سے بات کی اور گلے لگا لیا۔

    نئے شادی شدہ جوڑے نے کیمرے کے سامنے پوز بھی دیے اور دوسری طرف چل دیے، اداکارہ گلابی اور سرخ رنگ کے سوٹ میں تھیں جبکہ سدھارتھ ڈینم شرٹ، بلیک پینٹ میں نظر آئے۔

     

    View this post on Instagram

     

    A post shared by Zoom TV (@zoomtv)

    واضح رہے کہ سال 2021 میں تیلگو فلم ’ماہا سمودرم‘ میں پہلی مرتبہ ساتھ کام کرنے والے سدھارتھ اور ادیتی گزشتہ کئی سالوں سے محبت کے رشتے میں بندھے ہوئے تھے اور دونوں کو اکثر ایک ساتھ دیکھا جاتا رہا تھا تاہم اب دونوں نے شادی کرلی ہے۔

    یاد رہے کہ سدھارتھ نے سال 2003 میں میگھنا نارائن سے پہلی شادی کی تھی لیکن 2007 میں دونوں میں علیحدگی ہوگئی تھی۔

  • سجل علی کی نئی ویڈیو نے سوشل میڈیا پر دھوم مچا دی

    سجل علی کی نئی ویڈیو نے سوشل میڈیا پر دھوم مچا دی

    عالمی شہرت یافتہ اور مشہور و معروف اداکارہ سجل علی کی ویڈیو انسٹاگرام پر مداحوں کی توجہ کا مرکز بنی ہوئی ہیں۔

    حال ہی میں اداکارہ سجل علی نے سوشل میڈیا کی فوٹو اینڈ ویڈیو شیئرنگ ایپ انسٹا گرام پر ویڈیو پوسٹ کیں جنہیں مداحوں کی جانب سے خوب پسند کیا جارہا ہے۔

    شیئر کی گئی ویڈیو میں اداکارہ سجل علی گلابی پرنٹڈ قمیص کے ساتھ سفید شلوار پہنی نظر آئیں، ویڈیو میں سجل علی صوفے پر پیر اوپر کر کے بیٹھی ہوئی ہیں اور کیمرے کی جانب دیکھ کر مختلف پوز دیتے ہوئے دیکھا جاسکتا ہے۔

     

    View this post on Instagram

     

    A post shared by Sajal Ali (@sajalaly)

    انہوں نے چند گھنٹوں قبل یہ ویڈیو شیئر کیں جسے ساتھی اداکاروں سمیت ہزاروں کی تعداد میں مداح دیکھ چکے ہیں اور اس پر اپنی رائے بھی ظاہر کررہے ہیں۔

    اداکارہ نے اے آر وائی ڈیجیٹل کے مقبول ڈرامہ سیریل ’صنف آہن‘ میں رابعہ سفیر کا کردار ادا کیا تھا، اس کے علاوہ بالی ووڈ فلم ’موم‘ میں آنجہانی اداکارہ سری دیوی کے ساتھ اداکاری کے جوہر دکھائے تھے۔

    سجل علی کے انسٹاگرام فالوورز کی تعداد 10 ملین سے زائد ہے، وہ سوشل میڈیا پر کافی متحرک رہتی ہیں اور مداحوں کو گاہے بگاہے اپنے نئے پروجیکٹس سے متعلق بتاتی رہتی ہیں۔

  • ایمن اور منیب بٹ کی باکو میں سیر سپاٹے کی ویڈیو وائرل

    ایمن اور منیب بٹ کی باکو میں سیر سپاٹے کی ویڈیو وائرل

    پاکستانی اسٹار جوڑی و اداکارہ ایمن خان اور منیب بٹ کی اپنی بیٹیوں امل اور میرال کے ساتھ باکو میں سیر سپاٹے کرنے کی ویڈیو سوشل میڈیا پر وائرل ہوگئی۔

    فوٹو اینڈ شیئرنگ ایپ انسٹاگرام پر اداکارہ ایمن خان نے ایک ویڈیو شیئر کی ہے جس میں انہیں اپنے شوہر و اداکار منیب بٹ اور بچوں کے ہمراہ باکو میں سیر سپاٹے کرتے ہوئے دیکھا جاسکتا ہے۔

     

    View this post on Instagram

     

    A post shared by Aiman Muneeb (@aimankhan.official)

    اسٹار جوڑی کی جانب سے جاری کی گئی ویڈیو میں انہیں باکو کے دلکش مقامات پر گھومتے پھرتے دیکھا جاسکتا ہے، ویڈیو پر گانا ’کھو گئے ہم کہاں‘ لگایا اور باکو کی دل موہ لینے والی خوبصورتی میں کھو جانے کا اشارہ دیا۔

    واضح رہے کہ اداکارہ ایمن خان اور منیب نے سال 2018 میں شادی کی جس کے ایک سال بعد انکے گھر ننھی پری امل بٹ کی پیدائش ہوئی اور گزشتہ سال ایک اور ننھی پری کے والدین بنے جس کا نام میرال بٹ رکھا۔

    ایمن خان کا شمار پاکستان کی خوبصورت اداکاراؤں کی فہرست میں ہوتا ہے لیکن اب وہ شوبز انڈسٹری سے کنارہ کشی اختیار کر چکی ہیں تاہم اب وہ سوشل میڈیا پر متحرک رہتی ہیں۔