ARYNews.tv | Urdu – Har Lamha Bakhabar

Tag: video

  • شہرت کے لیے بنائی جانے والی ویڈیو نے شوہر کی جان لے لی

    شہرت کے لیے بنائی جانے والی ویڈیو نے شوہر کی جان لے لی

    واشنگٹن: انٹرنیٹ پر مقبولیت حاصل کرنے کے لیے خاتون کی معمولی غلطی نے شوہر کو موت کے گھاٹ اتار دیا، عدالت نے بیوی کو چھ ماہ قید کی سزا سنا دی۔

    تفصیلات کے مطابق انٹرنیٹ وہ ذریعہ ہے جس سے مختصر وقتوں میں کچھ انوکھا کر کے دنیا بھر میں مشہور ہوا جا سکتا ہے، لیکن شہرت کی لالچ کبھی کبھی جان لیوہ ثابت ہوتی ہے، ایسا ہی کچھ دیکھنے میں آیا امریکا میں جہاں ویڈیو بنانے کے دوران بیوی نے گولی چلائی جس سے شوہر ہلاک ہوگیا۔

    انوکھی ودلچسپ ویڈیو بنانے اور غیر معمولی شہرت حاصل کرنے کے لیے شوہر (پیڈور روئز) نے بیوی کو گولی چلانے کو کہا جس کہ کہنے پر بیوی (مونا لیزا) نے گولی چلائی تاہم جان بچانے کے لیے سینے پر رکھی گئی کتاب بے سود ثابت ہوئی اور گولی کتاب کو پھاڑتی ہوئی دل میں جا لگی۔

    انٹرنیٹ پر وائر ل ہونے والی دہشت ناک تصویر کی اصل حقیقت

    مونا لیزا نے عدالت کو بتایا کہ ان کے شوہر پیڈرو روئز نے کہا تھا کہ وہ انہیں چند فٹ کی دوری سے سینے پر گولی ماریں۔ان کا خیال تھا کہ انھوں نے جو انتہائی موٹی کتاب پکڑ رکھی تھی اسے ڈھال کے طور پر استعمال کر کے بچا جاسکتے ہیں لیکن گولی جان لیوا ثابت ہوئی۔

    عدالت کی جانب واقعہ سے متعلق بیوی کے خلاف 6 ماہ کی سزا سنائی جس کے تحت انہیں تین ماہ جیل میں قید جبکہ تین ماہ گھر میں نظر بند رہنا پڑے گا، مونا لیزا نے اپنے کئے پر ندامت کا اظہار کیا۔

    خیال رہے کہ اس سے قبل جوڑے نے متعدد ویڈیوز بنائی اور سوشل میڈیا پر اپلوڈ کی تاہم ان کی آخری کوشش شوہر کے لیے جان لیوا ثابت ہوئی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امریکا نے افغانستان میں نان نیوکلیئربم حملے کی ویڈیو جاری کردی

    امریکا نے افغانستان میں نان نیوکلیئربم حملے کی ویڈیو جاری کردی

    واشنگٹن : امریکا نے افغانستان میں سب سے بڑا بم گرائے جانے کی سٹیلائٹ فوٹیج جاری کردی جبکہ ننگرہاربم حملے میں ہلاکتوں کی تعداد90 ہوگئی ہے۔

    پینٹاگون نے افغانستان میں سب سے بڑے غیر جوہری بم گرائے جانے کی سیٹلائٹ فوٹیج جاری کردی ہے، فوٹیج میں پہاڑی سلسلے میں ہدف کا نشانہ لئے جانے اور بم گرائے جانے کے بعد سیاہ دھواں اٹھتے دیکھا جاسکتا ہے۔

    امریکا نے داعش کیخلاف چلائی جانے والی مہم میں دوروزقبل افغانستان کے صوبے ننگرہار میں داعش کے غاروں کے کمپلیکس پر اکیس ہزارپونڈ وزنی سب سے بڑا غیرجوہری بم گرایا تھا، ننگرہار بم حملےمیں ہلاکتوں کی تعداد90ہوگئی ہے۔

    بشکریہ یاہو۔۔۔

    مزید پڑھیں : امریکا نے افغانستان پر دنیا کا سب سے بڑا بم گرادیا

    امریکی حکام کا کہنا ہے کہ جہاں بم گرایا گیا وہاں داعش نے سرنگوں اور غاروں میں کمپلیکس بنا رکھا تھا، داعش کے جنگجو اس کمپلیکس کو استعمال کرکے امریکی اورافغٖان فورسزپرحملے کرتے تھے۔

    وائٹ ہاؤس کے ترجمان شون اسپائسرنے افغانستان میں بم گرانے کی تصدیق کی  اور کہا کہ مدرآف آل بم کہا جانے والااکیس ہزارپاؤنڈ وزنی جی بی یوفورٹی تھری بم ننگرہارمیں داعش کے ٹھکانوں پرسی ون تھرٹی طیارے سے گرایا گیا ،جے بی یو 43 غیر جوہری بم اب تک سب سے بڑا ہتھیار ہے، جو داعش کیخلاف استعمال کیا گیا۔

    پینٹاگون کے مطابق اس مشن کی تیاری کئی ماہ سے جاری تھی، ننگرہار میں جو بم گرایا گیا ہے اس میں ٹی این ٹی کی مقدار 11کلو ٹن تھی، امریکا نے ہیروشیما پر لٹل بوائے نامی جو بم گرایا تھا اس میں ٹی این ٹی کی مقدار 15کلو ٹن تھی۔

    امریکی صدر نے کامیاب بم حملے پر مبارکباد دیتے ہوئے کہا ہے کہ امریکی کمانڈر کو داعش پر حملوں کا مکمل اختیار دیا ہے۔

    خیال رہے کہ مریکا نے پہلی مرتبہ کسی لڑائی میں یہ بم استعمال کیا ہے، یہ بم عراق جنگ کے دوران تیار تھا مگر اسے استعمال نہیں کیا گیا تھا۔،

  • عامر کے اہل خانہ مجھے مائیکل جیکسن کہتے تھے، اہلیہ

    عامر کے اہل خانہ مجھے مائیکل جیکسن کہتے تھے، اہلیہ

    ٹورنٹو: پاکستانی نژاد برطانوی باکسر عامر خان کی اہلیہ فریال مخدوم نے کہا ہے کہ سسرال والے مجھے مائیکل جیکسن کہہ کر پکارتے تھے جبکہ عامر کی والدہ مجھے اپنا غلام بنانا چاہتی ہیں۔

    ان خیالات کا اظہار انہوں نے ’’ڈیلی میل‘‘ کو دیئے جانے والے انٹرویو میں کیا۔ فریال مخدوم نے کہا کہ گھر کی باتیں باہر لانا میری عادت نہیں مگر مجبوری کی حالت میں یہ بات کہنا پڑ رہی ہے کہ عامر کے گھر والوں نے میرے ساتھ ہتھک آمیز رویہ رکھا اور مجھے مائیکل جیکسن کہہ کر پکارا جاتا تھا۔

    پڑھیں: ’’ جھگڑاختم کریں ایسانہ ہو والدین بیٹا اور اہلیہ شوہر کھو دے، باکسر عامرخان ‘‘

    انہوں نے کہا کہ ’’جب عامر کے گھر والے رشتے کے لیے آئے تھے تو اُس وقت میں آدھی آستین کے کپڑوں میں تھیں اُس وقت انہوں نے کوئی اعتراض نہیں کیا مگر بعد میں مجھ پر شراب نوشی سمیت دیگر الزامات عائد کیے گئے‘‘۔ انہوں نے کہا کہ میں جو بھی کروں مگر اپنے مذہب کا بہت زیادہ احترام کرتی ہوں۔

    فریال مخدوم کا کہنا تھا کہ میں نے فیشن شو میں کیٹ واک کی جس کی وجہ سے داد ملی تاہم یہ بات سسرال والوں کو ناگوار گزری اور انہوں نے میرے حوالے سے غلط باتیں کیں، جب میں نے اپنے چہرے کی پلاسٹک سرجری کروائی تو عامر کے گھر والوں نے حسد میں مجھے مائیکل جیکسن کہہ کر پکارا جو میرے لیے تکلیف کا باعث تھا۔

    باکسرعامر خان کی اہلیہ کا کہنا تھا کہ میری عادت نہیں کہ سسرال کی باتیں منظر عام پر لاؤں تاہم اب ساری باتیں برداشت سے باہر ہوچکی ہیں اور اب سارے حقائق سامنے لاؤں گی۔

  • اسنیپ چیٹ کا نیا فیچر‘ واٹس ایپ کے لیے خطرہ

    اسنیپ چیٹ کا نیا فیچر‘ واٹس ایپ کے لیے خطرہ

    سان فرانسسکو: سماجی رابطے کی ویب سائٹ اسنیپ چیٹ واٹس ایپ و دیگرپر سبقت حاصل کرنے اور صارفین کی توجہ  حاصل کرنے کے لیے اپیلیکشن میں نت نئے فیچرز متعارف کروارہی ہے‘ اس بار انتظامیہ نے اسنیپ چیٹ میں صارفین کے لیے گروپ چیٹ کی سہولت متعارف کروائی ہے۔

    تفصیلات کے مطابق فیس بک ‘ واٹس ایپ کے مد مقابل سماجی رابطے کی معروف موبائل ایپلیکشن اسنیپ چیٹ نے پہلی بار صارفین کے لیے گروپ چیٹ کی سہولت متعارف کروائی ہے جس کے بعد واٹس ایپ کے لیے مقابلہ مزید سخت ہوگیا ہے۔

    اسنیپ چیٹ کی انتظامیہ نے اعلان کیا ہے کہ ’’موبائل ایپلیکشن میں گروپ چیٹ کی سہولت متعارف کروائی گئی ہے جس کے تحت اب 16 صارفین ایک گروپ میں موجود رہ کر چیٹ کرسکیں گے اور اسکرین کے نیچے دیکھا جاسکے گا کہ گروپ میں کون سے ممبران آن لائن ہیں‘‘۔

    پڑھیں: ’’ فیس بک کا’اسنیپ چیٹ ‘کے لیے میدان سخت کرنے کا فیصلہ ‘‘

    اسنیپ چیٹ نے صارفین کو ہر شخص سے علیحدہ چیٹ کے لیے علیحدہ سے آپشن بھی فراہم کیا ہے تاہم اس کی خصوصیت یہ ہے کہ ممبران کی جانب سے گروپ میں بھیجی جانے والی تصاویر اور ویڈیوز 24 گھنٹے بعد خود ڈیلیٹ ہوجائیں گی۔

    اسنیپ چیٹ گروپ میں بھیجی جانے والی ویڈیو صرف ایک بار ہی دیکھی جاسکے گی‘ جبکہ اگر کوئی صارف چوبیس گھنٹے کے دوران پیغام کو نہیں دیکھ سکا تو بھیجا جانے والا پیغام پالیسی کے حساب سے خود بہ خود غائب ہوجائے گا۔

    علاوہ ازیں اسنیپ چیٹ نے چند فیچرز متعارف کروائے ہیں جن میں اسٹیکرز سے تصویر سجانے‘ پینٹ برش کے استعمال سے تصویر کو نیا رخ دینے کی سہولت فراہم کی گئی ہے۔

  • آؤ لے کرچلیں، عروہ حسین کا پہلا گانا ریلیز

    آؤ لے کرچلیں، عروہ حسین کا پہلا گانا ریلیز

    اداکاری کے میدان میں اپنی صلاحیتوں کا لوہا منوانے کے بعد اداکارہ عروہ حسین نے گلوکاری کےمیدان میں قدم رکھتے ہوئے اپنے پہلے گانے’’آؤ لے کر چلیں‘‘ کی ویڈیو ریلیز کردی ہے۔

    تفصیلات کے مطابق حال ہی میں معروف پاکستانی گلوکار فرحان سے منگنی کرنے والی فنکارہ عروہ حسین نے گلوکاری کے میدان میں قدم رکھتے ہوئے اپنے پہلے گانے کی ویڈیو جاری کردی ہے۔

    گانے کو ’’آؤ لے کر چلیں‘‘ کا نام دیا گیا ہے، اس کی ویڈیو میں اداکارہ کے منگیتر فرحان سعید بھی نظر آئے ہیں،ویڈیو میں عروہ حسین کراچی کی سٹرکوں پر خوشگوار موڈ میں اسکوٹی چلاتی بھی دکھائی دے رہی ہیں۔

    پڑھیں: ’’ عروہ نے ہاں کردی، فرحان سعید ‘‘

    اس گانے کی ویڈیو اور بول سے ایسا محسوس ہورہا ہے کہ یہ گانا خاص طور پر نوجوانوں کے لیے بنایا گیا ہے اور اس میں مایوس لوگوں کو یہ بتانے کی کوشش کی گئی ہے کہ زندگی بہت حسین ہے۔

    خیال رہے جل بینڈ کے گلوکار فرحان سعید اور عروہ حسین کی منگنی ہوچکی ہے اور قریبی ذرائع کے مطابق دونوں افراد رواں سال کے آخر میں ازدواجی بندھن میں جڑ جائیں گے۔ گزشتہ دنوں فرحان سعید کے اپنی منگنی کا اعلان کرتے ہوئے انسٹا گرام پر ایک تصویر پوسٹ کی تھی جس میں انہوں نے عروہ کا ہاتھ تھاما ہوا تھا اور ساتھ لکھا تھا کہ ’’اُس نے ہاں کردی‘‘۔

    عروہ حسین کے گانے کی ویڈیو آنے کے بعد اُن کے مداحوں کی جانب سے مسرت کا اظہار کیا گیا ہے۔

  • کیپٹن عمیرآبائی علاقے میں سپردخاک، شہید کا آخری ویڈیو پیغام

    کیپٹن عمیرآبائی علاقے میں سپردخاک، شہید کا آخری ویڈیو پیغام

    پشاور: شوال میں شہید کیپٹن عمیرکو آبائی علاقے میں سپر دخاک کردیا، قوم امیدرکھے۔پریشان نہ ہو۔دہشت گردوں کا خاتمہ کریں گے۔کیپٹن عمیر شہید نے آپریشن پر جانے سے پہلےویڈیو پیغام ریکارڈ کروایا تھا۔

    تفصیلات کے مطابق وطن عزیز کا ایک اور سپوت پاکستان کی حرمت پر جان قُربان کرگیا۔ شوال میں شہید ہونے والے کیپٹن عمیر نے قوم کا سر فخر سے بلند کردیا۔

    شہید کیپٹن عمیرعبداللہ کا جسد خاکی ان کےآبائی علاقے پہنچا تو پورا علاقہ اُمڈ آیا ۔ نماز جنازہ میں آرمی چیف جنرل راحیل شریف، صوبائی وزیر راجہ اشفاق سرور ،وفاقی وزیر پٹرولیم شاہد خاقان عباسی سمیت اعلیٰ سول اور فوجی افسران کے علاوہ عوام کی بڑی تعداد شریک ہوئی ۔

    شہید کو فوجی اعزاز کے ساتھ مری کے علاقے ترمیٹھیاں میں سپرد خاک کیا گیا، شہید کے والد کا کہنا ہے انہیں بیٹے کی شہادت پر فخر ہے۔

    انہوں نے آرمی چیف جنرل راحیل شریف سے گزارش کی کہ چھوٹے بیٹے کو بھی محاذ پر بھیجیں ،یاد رہے کہ گزشتہ روز شوال کے علاقے منگروتی میں پاک فوج کےکیپٹن سمیت چار سیکورٹی اہلکاروں نے انیس دہشت گردوں کو ٹھکانے لگاتے ہوئے جام شہادت نوش کیا تھا۔

    دریں اثناء شہید کیپٹن عمیر عبداللہ کا آخری ویڈیو پیغام بھی منظر عام پر آ گیا ہے، جس میں انہوں نے کہا ہے کہ قوم حوصلہ رکھے، زیادہ علاقہ کلیئر کرا لیا ہے، جلد آپریشن کے آخری مرحلے میں بھی کامیاب ہونگے۔

     

  • بلوچ علیحدگی پسندوں نے باغی لیڈر’اللہ نظر‘ کی ویڈیوجاری کردی

    بلوچ علیحدگی پسندوں نے باغی لیڈر’اللہ نظر‘ کی ویڈیوجاری کردی

    اسلام آباد: بلوچ علیحدگی پسند باغیوں نے ایک ویڈیو ریلیز کی ہے جس کے ذریعے انہوں نے دعویٰ کیا ہے کہ ان کا لیڈراللہ نظرزندہ ہے جس کے بارے میں پاکستانی حکومت کا موقف تھا کہ وہ اگست میں ہونے والے ایک حملے میں مارا جاچکا ہے۔

    ویڈیو شوٹ ہونے کی تاریخ کی تاحال مصدقہ ذرائع سے تصدیق نہیں کی جاسکی ہے تاہم بی ایل ایف کے ترجمان میران بلوچ نے کہا ہے کہ یہ ویڈیوماہ نومبرمیں بلوچستان میں فلمائی گئی ہے۔

    ویڈیو میں بلوچ باغی لیڈر اللہ نظر نے کہا ہے کہ ’’کچھ عرصے سے حکومت میری موت کا پروپیگنڈہ کررہی ہے جو کہ جھوٹ ہے‘‘۔

    ویڈیو میں اللہ نظرنے گولیوں کی بیلٹ پہن رکھی ہے اوران کے برابرمیں ایک آٹومیٹک رائفل رکھی ہوئی تھی۔

    بلوچستان کے صوبائی وزیرداخلہ سرفراز بگٹی نے کہا ہے کہ ’’ابھی انہوں نے یہ ویڈیو نہین دیکھی لہذا وہ اس پر کوئی بھی تبصرہ کرنے سے قاصرہیں‘‘۔

    واضح رہے کہ ماہ ستمبر میں سرفراز بگٹی نے دعویٰ کیا تھا کہ ’’اللہ نظر ماہ اگست میں بلوچستان کے ڈسٹرکٹ آواران میں ہونےوالے ایک حملے میں مارا جاچکا ہے‘‘۔

    باغی گروہ کی جانب سے آئے دن اغوا برائےتاوان اورحکومتی اور سیکیورٹی اداروں پر حملے کے واقعات پیش آتے رہتے ہیں۔

    اللہ نظرکا تعلق بلوچستان کے صوبائی دارالحکومت کوئٹہ سے ہے اوروہ ایک ڈاکٹرتھے ، بلوچ علیحدگی پسند لیڈروں میں ان کی شہرت بے پناہ ہے اور وہ ابھی بھی حکومت کے خلاف برسرِ پیکارہیں جبکہ زیادہ تر علیحدگی پسند لیڈر بیرونِ ملک فرار ہوچکے ہیں جن میں براہمداخ بگٹی بھی شامل ہیں جنہوں نے ماہ اگست میں حکومت کے ساتھ مذکرات پررضامندی ظاہرکی تھی۔

  • خاتون کو بلیک میل کرنے والے تین ملزمان گرفتار

    خاتون کو بلیک میل کرنے والے تین ملزمان گرفتار

    ملتان : پولیس نے خاتون سے زیادتی کی وڈیو بنانے والے گروہ کو گرفتار کرلیا،پانچ ملزمان شادی شدہ خاتون کو بلیک میل کر کے تین ماہ تک ذیادتی کا نشانہ بناتے رہے۔

    تفصیلات کے مطابق ملتان کے علاقہ بوہڑ گیٹ کی رہائشی خاتون کو اس کا محلہ دار مدثر دھوکے سے اپنے دوست مظہر کی موبائل شاپ پر لے گیا اور اس کی عریاں ویڈیو بنالی۔ بعدازاں دونوں ملزمان نے ویڈیو اپنے دوستوں کو دے دی۔

    جنہوں نے خاتون کو بلیک میل کر کے تین ماہ تک زیادتی کا نشانہ بنایا۔ ملزمان کی بلیک میلنگ سے تنگ آ کر متاثرہ خاتون نےتھانہ بوہڑ گیٹ میں واقعہ کا مقدمہ درج کروا دیا۔

    پولیس نے ملزمان مظہر،عاشق،عبدالرحمان،منیر اور جاوید کو گرفتار کر کے قانونی کارروائی شروع کردی ہے۔ پولیس کے مطابق مرکزی ملزم مدثر کو بھی جلد گرفتار کر لیا جائے گا۔

  • لاہور: بلوائیوں کوکچلنےوالی خاتون کی ویڈیو منظرعام پرآگئی

    لاہور: بلوائیوں کوکچلنےوالی خاتون کی ویڈیو منظرعام پرآگئی

    لاہور: یوحنا آباد میں ہنگامہ آرائی کرنےوالوں کوکچلنےوالی خاتون کی ویڈیو سامنےآگئی، احتجاج کے دوران کار کی ٹکر سے زخمی ہونے والا ایک اور شخص دم توڑ گیا ،کار کی ٹکر سے مارے گئے افراد کی تعداد تین ہوگئی۔

    ویڈیو کے مطابق پولیس نےبڑی مشکل سے خاتون کو بلوائیوں کےچنگل سےبچایا۔ ورنہ شایدوہ اس کا بھی وہی حشرکرتےجواس کی گاڑی کا کیا۔درجنوں بلوائیوں نےایک گاڑی کوگھیررکھاتھا،وہ اس پرلاٹھیاں اورڈنڈے برسارہےتھے۔

    اسکول ٹیچرمریم صفدراس وقت فیروزپورروڈ پرپھنس گئی تھیں ، بلوائیوں سے بچنےکے لئےانہوں نےگاڑی ریورس کی توکچھ لوگ زخمی ہوگئے جن میں سے بعد میں  دو زخمی دم توڑگئے۔

    پولیس نےمریم کوحراست میں لے لیا جنہوں نےبیان دیا کہ بلوائیوں نےان سےدست درازی کی کوشش بھی کی تھی،وہ جان بچانےکےلیےبھاگیں توحادثہ پیش آگیا۔

    علاوہ ازیں یوحنا آباد میں احتجاج کے دوران کار کی ٹکر سے زخمی ہونے والا ایک اور شخص دم توڑ گیا کار کی ٹکر سے مارے گئے افراد کی تعداد تین ہوگئی ہے۔

    حادثے کا تیسرا زخمی بیس سالہ تنویر بھی زخموں کی تاب نہ لاکر دم توڑ گیا جس کے بعد کار کی زد میں آکر ہلاک ہونے والوں کی تعداد تین ہوگئی۔