Tag: video

  • ہیمامالنی کی پارلیمنٹ کے باہر جھاڑو لگانے کی ویڈیو وائرل

    ہیمامالنی کی پارلیمنٹ کے باہر جھاڑو لگانے کی ویڈیو وائرل

    نئی دہلی : حکمران جماعت بھارتیہ جنتا پارٹی (بی جے پی) کی رکن پارلیمنٹ اور بالی ووڈ کی ڈریم گرل ہیما مالنی نے جھاڑو لگا کر صفائی کی اہمیت اجاگر کی۔

    تفصیلات کے مطابق بالی ووڈ سابقہ ڈریم گرل و بھارتی سیاست دان ہیما مالنی نے حکمران جماعت کی صفائی مہم کے دوران بھارتی پارلیمنٹ کے باہر جھاڑو لگا کر ملک بھر کو صفائی کی تعلیم دی۔

    غیر ملکی خبر رساں ادارے کا کہنا تھا کہ بھارت کی موجود ہ سرکار آئے دن بھارت شہریوں کو صفائی ستھرائی کی اہمیت سے متعلق تعلیم دینے میں لگی رہتی ہے۔

    مقامی خبر رساں ادارے کا کہنا تھا کہ مودی سرکار کبھی ٹوائلٹ کی اہمیت کی مہم چلاتی ہے تو کبھی گلی محلوں میں صفائی کی اہمیت آگاہی فراہم کررہی ہے تو کبھی کچھ اور۔

    صفائی مہم کے تناظر میں ہیمامالنی بھی ساتھی ارکان پارلیمنٹ کے ساتھ لوک سبھاکے باہر جھاڑو لگانے پہنچیں تھیں تاہم نزاکت سے جھاڑو لگانے کے باعث انٹرنیٹ انہیں طنز و مزاح کا سامنا کرنا پڑرہا ہے۔

    عمر عبداللہ نامی صارف نے ٹویٹ میں طنز کیا کہ ’پارلیمنٹ ہاؤس پورے ملک کی صاف ترین جہگوں میں سے ایک ہے خاص طور پر جب سیشن جاری ہوتو وہاں کہاں جھاڑو دے رہے ہیں‘۔

    ایک صارف نے ٹویٹ کیا کہ ’انوراگ ٹھاکر اپنی کرکٹ کی صلاحیتوں کو استعمال کررہے ہیں جبکہ ہیمامالینی اپنی فنکاری کی صلاحیتوں کا استعمال کررہی ہیں‘۔

    خیال رہے کہ بھارت کی آبادی 130 کروڑ سے زائد ہے،وہاں صحت اور صفائی انتہائی اہم مسائل ہیں۔

  • کاپی کیٹ چیلنج مہنگا پڑگیا، پولیس نے آئس کریم خراب کرنے والے شہری کو گرفتار کرلیا

    کاپی کیٹ چیلنج مہنگا پڑگیا، پولیس نے آئس کریم خراب کرنے والے شہری کو گرفتار کرلیا

    واشنگٹن : پولیس نے سپر مارکیٹ میں آئسکریم چاٹ کر واپس فریج میں رکھنے والی خاتون کی طرز پر آئسکریم چکھنے اور واپس شیلف میں رکھنے والے شخص کو گرفتار کرلیا۔

    تفصیلات کے مطابق دو روز سوشل میڈیا پر وائرل ہونے والی ایک اور ویڈیو میں ایک سیاہ فام شخص کو فیملی سائز بلو بیل آئس کریم کا ڈبّہ کھول کر چاٹنےاور واپس فریج میں رکھتے ہوئے دیکھا جاسکتا ہے۔

    غیر ملکی خبر رساں ادارے کا کہنا تھا کہ لینیائز مارٹن تھری ٹیکساس کی سپر مارکیٹ میں آئسکریم چکھ کر واپس رکھنے والی خاتون کی طرح ویڈیو اسٹنٹ کررہا تھا۔

    میڈیا رپورٹس کا کہنا ہے کہ ویڈیو پرینک کی کاپی کیٹ  بنانے شخص کو پولیس نے گرفتار کرلیا۔

    سوشل میڈیا پر وائر ل ہونےو الی ویڈیو میں دیکھا جاسکتا ہے کہ مارٹن تھری بلوبیل آئسکریم کا ٹب فریج سے نکالتا ہے اور انگلی سے چکھنے کے بعد زبان آئسکریم چاٹ کر واپس فریج میں رکھ دیتا ہے۔

    امریکی ریاست لوویزیانا کی پولیس نے شہریوں سے گزارش کی ہے کہ وہ اس ظالمانہ حرکت کی نقل کرنے کوشش نہ کریں کیونکہ اگر کوئی پکڑا گیا تو اسے مقدمے کا سامنا کرنا پڑے گا۔

    تحقیق کارروں کا کہنا ہے کہ 36 سالہ مارٹن لوویزیانا کے بیلی روز سپرمارکیٹ میں واپس گیا اور ثبوت کے طور پر آئسکریم خریدنے کی سلپ بھی فراہم کی۔

    برطانوی خبرر ساں ادارے کاکہنا تھا کہ پولیس نے مارٹن تھری کے خلاف غیرقانونی ویڈیو کرنے اور شہرت و پبلک سٹی کےلیے کنزیومر اشیاء کو نقصان پہنانے کے جرم میں مقدمہ درج کیا ہے اور مذکورہ شخص تاحال پولیس کی تحویل میں ہے۔

    پولیس ترجمان کا کہنا تھا کہ ’ہم ظالمانہ و ناپسندیدہ حرکت کی نقل بنانے کی حوصلہ شنکی کریں گے‘ ۔

    پولیس ترجمان کا کہنا تھا کہ یہ کام غیر قانونی ہے اور اس سے دوسروں کی صحت کو خطرہ ہے اور کوئی ایسا کام کرتا نظر آیا تو اس کےخلاف مقدمہ درج ہوگا۔

    یاد رہے کہ کچھ روز قبل سماجی رابطے کی ویب سائٹ پر ایک خاتون کی ویڈیو وائرل ہوئی تھی جس میں خاتون کو بلو بیل کمپنی کی آئسکریم کا فیملی سائز کھول کر چکھنے اور واپس شیلف میں رکھتے دیکھا گیا تھا، خاتون کا یہ ویڈیوکلپ ابتک 1 کروڑ 10 لاکھ افراد ٹویٹر پر دیکھ چکے ہیں۔

    پولیس نے کہنا تھا کہ خاتون کو کنزیومر اشیاء سے چھیڑ چھاڑ کرنے کے جرم میں 20 سال قید اور 8 ہزار ڈالر جرمانے کا سامنا کرنا پڑے گا۔

  • ہانگ کانگ میں 20لاکھ مظاہرین نے ایمبولینس کو رستہ دیکر انسانیت کی مثال قائم کردی

    ہانگ کانگ میں 20لاکھ مظاہرین نے ایمبولینس کو رستہ دیکر انسانیت کی مثال قائم کردی

    ہانگ کانگ : ملزمان کی حوالگی سے متعلق بل کے خلاف احتجاج کرنے والے 20 لاکھ مظاہرین نے سائرن کی آواز سن کر چند سیکنڈ میں ایمبولینس کو راستہ دے کر انسانیت کی مثال قائم کردی۔

    تفصیلات کے مطابق ہانگ کانگ میں ملزمان کی حوالگی سے متعلق پیش کیے جانے والے بل کے خلاف گزشتہ کئی روز سے عوامی احتجاجی جاری تھا میں لاکھوں مظاہرین نے پارلیمنٹ جانے والے تمام راستوں کو بند کردیا گیا تھا تاہم مظاہرین نے ایمبولینس کو رستہ دے کر عظیم قوم ہونے کا ثبوت پیش کردیا۔

    غیر ملکی خبر رساں ادارے کا کہنا تھا کہ ہانگ کانگ میں ہونے والا احتجاج شروع سے ہی عالمی میڈیا کی زینت بنا ہوا ہے لیکن گزشتہ دنوں سوشل میڈیا پر ایک ویڈیو وائرل ہوئی جس نے ہانگ کانگ کے شہریوں کو ضرب مثل بنا دیا۔

    سوشل میڈیا پر دو روز قبل ایک ویڈیو بے تحاشا وائرل ہورہی ہے جس میں دیکھا جاسکتا ہے کہ 20 لاکھ مظاہرین کے درمیان سے ایک ایمبولینس بڑی آرام سے چند سیکنڈ میں گزر گئی اور کسی نے کوئی مزاحمت نہیں کی نہ ایمبولینس کو روکا۔

    سوشل میڈیا پر وائرل ہونے والی ویڈیو میں دیکھا جاسکتا ہے کہ 20 لاکھ مظاہرین نے احتجاج کے دوران سائرن کی آواز سنتے ہی خود باخود ایمبولینس کے لیے راستہ صاف کرکے انسانیت اور نظم و ضبط کی اعلیٰ مثال قائم کردی۔

    ویڈیو میں دیکھا جاسکتا ہے کہ ہانگ کانگ کے شہری ایمبولینس گزرنے کے بعد دوبارہ احتجاج میں مصروف ہوگئے۔

    خیال رہے کہ ہانگ کانگ کی سڑکوں پر 12 جون سے شروع ہونے والے مظاہروں کے دوران ایک شخص ہلاک اور متعدد زخمی ہوئے تھے۔

    مظاہرین کی جانب سے مطالبہ کیا گیا تھا کہ چیف ایگزیکٹو کیری لام اپنے عہدے سے استعفیٰ دیں۔ عام کے شدید احتجاج کے بعد کیرم لام نے مجرمان کی حوالگی سے متعلق بل پر بحث منسوخ کردی۔

  • دبئی کے ولی عہد شیخ حمدان کو شادی مبارک

    دبئی کے ولی عہد شیخ حمدان کو شادی مبارک

    دبئی : حاکم دبئی شیخ محمد بن راشد المکتوم کے تینوں بیٹوں کی شادی کی تیاریاں عروج پر ہیں جبکہ شادی کارڈ شوشل میڈیا پر وائرل ہوگیا۔

    تفصیلات کے مطابق متحدہ عرب امارات کی ریاست دبئی میں ان دنوں عروسی کے شادیانے بج رہے ہیں کیونکہ حاکم دبئی اور یو اے ای کے نائب صدر و وزیر اعظم کے بیٹوں رشتہ ازدواج میں منسلک ہورہے ہیں۔

    سماجی رابطوں کی ویب سائٹ پر جاری ہونے والی تصویر کے مطابق دبئی کے ولی عہد اور دبئی ایگزیکیٹو کونسل کے چیئرمین شیخ حمدان بن محمد بن راشد المکتوم اور ان کے دو بھائیوں کی شادی اگلے ہفتے دبئی کے آئیکونک ورلڈ ٹریڈ سینٹر میں ہوگی۔

    اماراتی میڈیا کا کہنا تھا کہ 36 سالہ شیخ حمدان کی شادی شیخہ شیخہ بنت سعید بن ثانی المکتوم، نائب حاکم 35 سالہ شیخ مکتوم بن محمد کی شادی شیخہ مریم بنت بطّی المکتوم جبکہ چیئرمین محمد بن راشد المکتوم نالج فاؤنڈیشن کے چیئرمین 32 سالہ شیخ احمد بن محمد شیخہ مدیہ بنت دلموج المکتوم کے ساتھ رشتہ ازدواج میں منسلک ہورہے ہیں۔

    سوشل میڈیا پر وائرل ہونے والے شادی کارڈ پر عربی میں تقریب کی تاریخ و جگہ بھی واضح ہے، کارڈ کے مطابق شادی کی تقریب 6 جون 2019 کو ورلڈ ٹریڈ سینٹر میں منعقد ہوگی۔

    اماراتی خبر رساں ادارے کا کہنا تھا کہ سوشل میڈیا پر شاہی محل کی ویڈیو بھی وائرل ہوئی ہے جس میں دیکھا جاسکتا ہے کہ پورے محل کو برقی قمقموں سے سجایا گیا ہے۔

    سماجی رابطوں کی ویب سایٹ پر وائرل ہونے والے شاہی محل کی ویڈیو کے پس منظر میں دبئی کا آئیکونک ٹاور بھی نظر آرہا ہے۔

  • فیس بک کا اسپیکر امریکی ایوان نمائندگان کی ترمیم شدہ ویڈیوز ہٹانے سے انکار

    فیس بک کا اسپیکر امریکی ایوان نمائندگان کی ترمیم شدہ ویڈیوز ہٹانے سے انکار

    واشنگٹن : فیس بک نے امریکی ایوان نمائندگان کی اسپیکر نینسی پلوسی کی ویڈیو کو ترمیم شدہ قرار دینے کے باوجود سوشل میڈیا سے ہٹانے سے انکار کر دیا۔

    میڈیا رپورٹس کے مطابق ماہرین نے سوشل میڈیا پر وائرل ہونے والی نینسی پلوسی کی ویڈیو کو ترمیم شدہ قرار دیتے ہوئے کہا کہ نینسی پلوسی کی متعدد ویڈیوز کو ایڈٹ کر کے سوشل میڈیا پر جاری کیا گیا ہے۔

    امریکی خبر رساں ادارے کا کہنا تھا کہ ویڈیو میں نینسی پلوسی کی ویڈیو کو آہستہ کر کے انہیں بیمار یا نشہ میں ظاہر کرنے کی کوشش کرتے ہوئے انہیں عہدے کے لیے نااہل ثابت کرنے کی کوشش کی گئی ہے۔

    یوٹیوب نے نینسی پلوسی کی ویڈیوز ہٹانے کا اعلان کرتے ہوئے کہا کہ اس طرح کی ویڈیوز کے حوالے سے ان کی پالیسی واضح ہے اس لیے انہوں نے نینسی پلوسی کی ترمیم شدہ ویڈیوز کو ہٹا دیا ہے۔

    ٹوئٹر نے تبصرہ کرنے سے انکار کرتے ہوئے کہا کہ نینسی پالیسی کی ویڈیوز کو شیئر کرنا کمپنی پالیسی سے متضاد نہیں ہے اور اس کی اجازت ہے کہ اگر منتخب نمائندہ کے بارے میں غلط بیانات انتخابی سازش یا ووٹرز کو دباؤ میں لانے کی کوشش نہ ہو۔

    فیس بک پر نینسی پلوسی کی ترمیم شدہ ویڈیو بہت زیادہ دیکھی جا رہی ہے، فیس بک انتظامیہ کا کہنا تھا کہ یہ ہماری پالیسی میں نہیں ہے کہ شیئر کی گئی ویڈیو درست ہو۔

    مزید پڑھیں : فیس بک کا رواں سال دو ارب 19 کروڑ جعلی اکاﺅنٹ حذف کرنے کا دعویٰ

    جعلی فیس بک اکاﺅنٹس کی آڑ میں فلسطینیوں کے سینکڑوں اکاﺅنٹس بند

    امریکی صدر ڈونلڈ ٹرمپ نے بھی نینسی پلوسی کی ایک ترمیم شدہ ویڈیو کو ٹوئٹ کیا، نینسی پلوسی کی ترمیم شدہ ویڈیو کی حقیقت نہ جاننے والے لوگوں نے انہیں شدید تنقید کا نشانہ بنایا ہے جبکہ حقیقت سے آشنا لوگ محظوظ ہو رہے ہیں۔

    واضح رہے کہ امریکی ایوان نمائندگان میں نینسی پلوسی دوسری بار اسپیکر منتخب ہوئی ہیں اور 78 سالہ نینسی پلوسی امریکی تاریخ کے 50 سالوں میں دوسری بار منتخب ہونے والی پہلی خاتون اسپیکر ہیں۔

  • امریکا نے لبنان میں القدس بریگیڈ کے ٹریننگ سینٹر کی ویڈیو جاری کردی

    امریکا نے لبنان میں القدس بریگیڈ کے ٹریننگ سینٹر کی ویڈیو جاری کردی

    بیروت : امریکا نے لبنان میں القدس بریگیڈ کی تربیت گاہ کی ویڈیو جاری کردی، جہاں پرلوگوں کو گوریلا جنگ اور معمول کی جنگ کے منظرنامے کی ضروریات کے مطابق تربیت دی جاتی ہے۔

    تفصیلات کے مطابق امریکا کے محکمہ خارجہ نے لبنان میں ایران کی سپاہِ پاسداران انقلاب کے تحت القدس فورس کی ایک عسکری تربیت گاہ کی ویڈیو جاری کی ہے جہاں حزب اللہ اور عراق سے تعلق رکھنے والی ملیشیاؤں کے جنگجووں کو جدید اسلحہ چلانے اور حربی امور کی تربیت دی جارہی ہے۔

    محکمہ خارجہ نے عربی زبان میں ایک ٹویٹ میں اس تربیت گاہ کی لبنان میں موجودگی کا انکشاف کیا ہے۔ اس کی جاری کردہ ایک ویڈیو میں مرکز برائے تزویراتی اور بین الاقوامی مطالعات ( سی ایس آئی ایس) کے سینیر فیلو جوزف ایس برمودیز جونئیر ایک تصویر کی وضاحت کررہے ہیں۔

    غیر ملکی میڈیا کا کہنا تھا کہ یہ لبنان کی مشرقی سرحد پر واقع ایک تربیت گاہ کی تصویر ہے، انھوں نے وہاں کرائے جانے والے بکتر بند گاڑیوں سے متعلق ایک تربیتی کورس کی بھی وضاحت کی ہے۔

    سی ایس آئی ایس کے ایک سینیر مشیر سیٹھ جی جونز کا کہنا ہے کہ لبنان ایسے ملک میں ایران کے اس طرح کے فوجی اڈوں کی موجودگی کا مقصد اپنے مقامی اتحادیوں کی صلاحیت کار میں اضافہ کرنا ہے۔

    ایران میں بھی ایسی تربیت گاہیں موجود ہیں جہاں ان تمام مقامات سے تعلق رکھنے والے افراد کو عسکری تربیت کے لیے لایا جاسکتا ہے۔

    جوزف ایس برمودیز ایک تصویر کی وضاحت کرتے ہوئے یہ دعویٰ کرتے ہیں کہ یہ تہران کے نواح میں واقع امام علی تربیتی مرکز کی تصویر ہے۔

    ان کے بہ قول 2008ء تک اس کو ایک چھوٹی تربیت گاہ کے طور پر استعمال کیا جاتا رہا ہے لیکن اس وقت یہ ایک بہت بڑا تربیتی مرکز بن چکا ہے ،یہ اب پہلے کی نسبت زیادہ جامع اور زیادہ صلاحیتوں اور سہولتوں کا حامل ہے۔

    وہ یہ بھی کہتے ہیں مجموعی طور پر یہاں لوگوں کو گوریلا جنگ اور معمول کی جنگ کے منظرنامے کی ضروریات کے مطابق تربیت دی جاتی ہے۔

    یہاں فائرنگ کے اہداف (رینجز) موجود ہیں ۔یہاں نئے بھرتی کنندگان یا زیر تربیت جنگجوؤں کو حربی فنون سکھائے جاتے ہیں اور وہ مختلف جگہوں پر مقرر کردہ اہداف کو نشانہ بنانے کے لیے فائرنگ کرتے ہیں۔

    ویڈیو میں سیٹھ جی جونز یہ دعویٰ کرتے ہیں کہ ایران نے 1980ء کے عشرے میں عراق کے ساتھ جنگ میں جو بات تسلیم کی تھی ، یہ کہ وہ کبھی بڑی روایتی فوجی طاقت نہیں بن سکتا۔

    ان کا کہنا تھا کہ 2011ءسے 2019ء تک ہم نے سپاہ پاسداران انقلاب کے تحت القدس فورس کے ساتھ یمن ، شام ، عراق ، لبنان ، افغانستان ، پاکستان اور بحرین میں کام کرنے والی مزید ملیشائیں اور دوسرے جنگجو دیکھے ہیں۔

    ایران کے پاس زیادہ عسکری تربیت گاہیں کیوں ہیں کیونکہ اس نے زیادہ جنگجو وں کو تربیت کے لیے میدان میں اتارنا ہوتاہے۔

  • مودی کی مداح خاتون کی دلت اقلیت کو مغلظات بکنے کی ویڈیو وائرل

    مودی کی مداح خاتون کی دلت اقلیت کو مغلظات بکنے کی ویڈیو وائرل

    نئی دہلی : مودی کی مداح خاتون کی دلت اقلیتوں کو سب و شتم کا نشانہ بنانے اور نفرت کا اظہار کرنے کی ویڈیو سوشل میڈیا پر وائرل ہوگئی۔

    تفصیلات کے مطابق سماجی رابطے کی ویب سائٹ ٹیوٹر میں بھارت میں اعلیٰ ذات سمجھے جانے والی برہمن سے تعلق رکھنے والی خاتون کی ویڈیو وائرل ہوئی جس میں خاتون دلت اقلیت سے ناصرف شدید نفرت کا اظہار کر رہی ہیں بلکہ غیر اخلاقی زبان بھی استعمال کر رہی ہیں۔

    بھارتی میڈیا پر جاری ہونے والی ویڈیو میں دیکھا جا سکتا ہے کہ سرکاری ملازمتوں میں کوٹے کی وجہ سے دلت اقلیتوں کو برے القاب سے پکارنے والی خاتون وزیراعظم نریندرا مودی کی تعریفوں کے پل باندھ رہی ہیں اور واشگاف الفاظ میں مودی سرکار کی اقلیتوں کے خلاف نفرت آمیز پالیسی کی مداح ہے۔

    غیر ملکی خبر رساں ادارے کا کہنا تھا کہ بھارتی گجرات میں مسلمانوں کے قتل عام سے گجرات کے قصاب کا عالمی لقب حاصل کرنے والے نریندرا مودی کی ساری سیاست اقلیتوں کے خلاف نفرت پھیلانے اور اکھنڈ بھارت کے کبھی نہ پورا ہونے والے سوشے پر انحصار کرتی ہے۔

    واضح رہے کہ نریندر مودی کے دور حکومت میں مسلمانوں اور دلتوں سمیت دیگر اقلیتوں کے لیے زمین تنگ کردی گئی۔

  • برج خلیفہ پر بنائی گئی ویڈیو نے ول اسمتھ کی مقبولیت میں‌ مزید اضافہ کردیا

    برج خلیفہ پر بنائی گئی ویڈیو نے ول اسمتھ کی مقبولیت میں‌ مزید اضافہ کردیا

    دبئی : برج خلفیہ پر بنائی گئی ویڈیو شیئر کرنے کے بعد ہالی ووڈ اداکار ول اسمتھ کی سوشل میڈیا پر مقبولیت میں بے پناہ اضافہ ہوگیا۔

    سوشل میڈیا کا استعمال بہت عام ہوچکا ہے، کسی کو ٹویٹڑ زیادہ پسند ہے کسی کو فیس بک تو کسی کو انسٹاگرام، ہم اپنے دوستوں سے باتیں، تصاویر شیئر کرنے کیلئے سوشل میڈیا کا استعمال کرتے ہیں اسی طرح ہالی ووڈ کی مشہور و معروف شخصیات بھی اپنے مداحوں سے رائے، تصاویر اور خبریں شیئر کرنے کیلئے سوشل میڈیا کا سہارا لیتے ہیں۔

    اماراتی خبر رساں ادارے کا کہنا ہے کہ ہالی ووڈ اسٹار ول اسمتھ نے متحدہ عرب امارات کی ریاست دبئی میں واقع دنیا کی بلند ترین عمارت برج خلیفہ پر بنائی گئی اپنی ویڈیو سوشل میڈیا پر شیئر کی ان کی مقبولیت میں بے پناہ اضافہ ہوگیا ہے۔

    View this post on Instagram

    Pppsshhhhkkeewww⁣ ⁣ @willsmithsbucketlist

    A post shared by Will Smith (@willsmith) on

    خبر رساں ادارے کا کہنا ہے کہ شوخ مزاج اسٹار ول اسمتھ دنیا کی بلند ترین عمارت پر بنائی گئی اپنی ویڈیو سوشل میڈیا پر اپلوڈ کرنے کے بعد دس ویں نمبر سے تیسرے نمبر پر آگئے ہیں۔

    ول اسمتھ نے سماجی رابطے کی ویب سائٹس پر وائرل ہونے والی ویڈیو میں خود کو ’دبئی کا روحانی جانور‘ کہہ کر مخاطب کررہے ہیں اور عجیب و غریب آوازیں بھی نکال رہے ہیں۔

    غیر ملکی خبر رساں ادارے کا کہنا تھا کہ ول اسمتھ کی ویڈیو کو اب تک صرف انسٹا گرام پر 78 لاکھ صارفین دیکھ چکے ہیں۔

  • بھارتی پائلٹ کی بیوہ نے اپنے میڈیا کو آئینہ دکھا دیا

    بھارتی پائلٹ کی بیوہ نے اپنے میڈیا کو آئینہ دکھا دیا

    ممبئی: بھارتی فضائیہ کے ہلاک ہونے والے پائلٹ کی بیوہ نے بھارتیوں کو جنگی جنون سے باز رہنے اور امن کا راستہ اختیار کرنے کا مشورہ دے دیا.

    تفصیلات کے مطابق 27 فروری کو پاک فضائیہ نے بھارت کے دو جنگی طیارے مار گرائے تھے. ایک طیارے کے پائلٹ ابھی نندن کو گرفتار کر لیا گیا، دوسرے جہاز کا ملبہ مقبوضہ کشمیر میں‌ گرا، جس کا پائلٹ ہلاک ہوگیا.

    [bs-quote quote=”سوشل میڈیاکےجنگجوؤں کو نہیں پتا کہ جنگ کے کیا نقصانات ہیں.” style=”style-8″ align=”left”][/bs-quote]

    اب ہلاک ہونے والے پائلٹ کی بیوہ کی ایک ویڈیو سامنے آئی ہے، جس میں اس نے کہا ہے کہ سوشل میڈیاکے جنگجوؤں کو نہیں پتا کہ جنگ کے کیا نقصانات ہیں.

    بیوہ بھارتی پائلٹ نے کہا کہ سوشل میڈیا پر لڑنے والے جنگجو بارڈر پر جائیں تو انھیں پتا لگ جائے گا.

    خاتون کاکہنا تھا کہ آخری بار26 تاریخ کو اپنے شوہر سے بات ہوئی، شوہر نے 27 تاریخ کومیسج کیا کہ بہت مصروف ہوں بات نہیں ہوسکتی.

    مزید پڑھیں: پاکستان مخالف ٹویٹ کیا، کسی پاکستانی نے برا نہیں‌ کہا، سابق بھارتی چیف جسٹس

    خاتون نے کہا کہ ہم جنگ نہیں‌ چاہتے، کیوں کہ آپ کو اندازہ نہیں ہے کہ جنگ کے کیا نتائج سامنے آتے ہیں.

    یاد رہے کہ پاکستان نے 2 مارچ کو جذبہ خیر سگالی اور فروغ امن کے لیے بھارتی پائلٹ کو واہگہ پر بھارت کے حوالے کر دیا تھا.

  • دبئی کے صحراؤں میں اڑنے والا جیٹ مین

    دبئی کے صحراؤں میں اڑنے والا جیٹ مین

    ابوظبی : اماراتی ریاست دبئی کے صحراؤں میں ایک مرتبہ پھر جیٹ مین (اڑنے والے آدمی) پرواز کرتے دیکھے گئے ہیں، ویڈیو سوشل میڈیا پر وائرل ہوگئی۔

    تفصیلات کے مطابق متحدہ عرب اماراتی کی ریاست دبئی کے ولی عہد حمدان بن محمد بن راشد المکتوم نے سماجی رابطے کی ویب سائٹ پر دبئی کے جیٹ مین وینس ریفٹ اور ریڈ فوگین کی جیٹ پیک پہن کر بادلوں میں خطرناک کرتب دیکھانے کی ویڈیو سوشل میڈیا پر اپلوڈ کی تھی۔

    حمدان بن محمد نے مذکورہ ویڈیو عربی اور انگریزی تحریر کے ساتھ اپلوڈ کی کہ ’مستقبل یہاں ہے‘ جو دیکھتے ہی دیکھتے وائرل ہوگئی۔

    View this post on Instagram

    Future is here @jetman #Dubai المستقبل هنا

    A post shared by Fazza (@faz3) on

     

    ویڈیو میں دیکھا جاسکتا ہے کہ دو افراد کو جیٹ پیک پہنے ہیلی کاپٹر سے چھلانگ لگاتے ہیں اور فضاؤں میں کسی پرندے کی مانند پرواز کرنے لگتے ہیں۔

    جیٹ مین صحرا میں پرواز کرتے ہوئے مختلف انداز سے کرتب دکھاتے ہیں اور کچھ لمحوں بعد ہیلی کاپٹر سے اونچی پرواز کرتے ہوئے آنکھوں سے اوجھل ہوجاتے ہیں۔

    اماراتی خبر رساں ادارے کا کہنا ہے کہ جیٹ مین کی ویڈیو کو 24 گھنٹوں کے دوران اتنی زیادہ وائرل ہوئی کہ اب تک اسے 7 لاکھ 63 ہزار لوگ دیکھ چکے ہیں۔

    مزید پڑھیں : لندن : برطانوی شہری نے اڑنے والا جیٹ سوٹ تیار کرلیا

    خبر رساں ادارے کا کہنا تھا کہ دبئی کے ولی عہد کی ویڈیو پر رد عمل دیتے ہوئے جیٹ مین اس تحریر کے ساتھ ’جی۔۔۔مستقبل یہاں ہے‘ اپنی خوفناک کرتب کی ویڈیو خود بھی سوشل میڈیا پر اپلوڈ کی۔

    View this post on Instagram

    Yes… Future is here! #jetman #dubai #mydubai #xdubai #human #flight #skydivedubai 🏃‍♂️: @vincereffet

    A post shared by Jetman Dubai (@jetman) on