ہنوئی : ویت نام میں کرونا وائرس کی وجہ سے نافذ کیے جانے والے لاک ڈاؤن میں غریب عوام کی پریشانی کو مدنظر رکھتے ہوئے مشینوں کے ذریعہ چاول کی فراہمی شروع کر دی گئی۔
تفصیلات کے مطابق ویت نام میں عوام کی پریشانی کو ملحوظ خاطر رکھتے ہوئے لاک ڈاؤن کے دوران شہریوں کو جدید انداز میں چاولوں کی فراہمی شروع کی ہے۔
میڈیا رپورٹس کے مطابق مخیر افراد نے ویتنام کے دارالحکومت ہنوئی میں مختلف مقامات پر غریبوں کے لیے چاولوں کی اے ٹی ایم مشینیں نصب کر دی ہیں، جہاں سے غریب اور ضرورت مند افراد چاول حاصل کر سکتے ہیں۔
A machine that gives out free rice — it sounds too good to be true. But these "rice ATMs” have been set up around Vietnam to help those who need it most during the coronavirus pandemic. https://t.co/4ubR0dbAKA
— CNN International (@cnni) April 13, 2020
اس دوران سماجی فاصلے کی ہدایت پر بھی سختی سے عمل درآمد کیا جا رہا ہے، صبح 8 بجے سے شام 5 بجے تک چاولوں کی مشینوں سے بیگز بھرے جا سکتے ہیں جس کے لیے ضروری ہے کہ تمام افراد 6 فٹ کے فاصلے پر کھڑے ہوں اور ان کے ہاتھ سینیٹائزڈ ہوں۔
میڈیا رپورٹس کے مطابق ہنوئی کے علاوہ ملک کے دیگر مقامات پر بھی راشن کی فراہمی کے لیے اے ٹی ایم مشینیں نصب کی جا رہی ہیں، جہاں سے لوگ مفت راشن حاصل کررہے ہیں۔
