جکارتہ : عالمی وبا کورونا وائرس کی تباہ کاریوں کو روکنے کیلئے مختلف ممالک میں حکومتی سطح پر ایس او پیز پر عمل کرنے کی ہدایات جاری کی جاتی ہیں اور عمل درآمد نہ کرنے پر جرمانے اور سزاؤں کا تعین کیا جاتا ہے۔
اس حوالے سے انڈونیشیا کی حکومت نے معروف مذہبی رہنما رزاق شہاب کو دو کروڑ روپے جرمانہ اور آٹھ ماہ قید کی سزا سنائی ہے۔ جو اب تک کسی بھی ملک میں دی جانے والی سب سے بڑی سزا ہے۔
غیر ملکی خبر رساں ادارے کے مطابق گزشتہ برس نومبر میں سعودی عرب سے خود ساختہ جلاوطنی ختم کرکے انڈونیشیا پہنچنے والے مقامی مذہبی رہنما رزاق شہاب کو کورونا ایس اوپیز کی خلاف ورزی کرتے ہوئے بڑے بڑے اجتماعات منعقد کرنے پر گرفتار کیا گیا ہے۔
رزاق شہاب جب انڈونیشیا پہنچے تو ان کے ہزاروں عقیدت مند انہیں ایئرپورٹ سے آبائی گھر جلوس کی شکل میں لیکر آئے تھے۔ بعد ازاں بیٹی کی شادی میں بھی رزاق شہاب نے بڑا اجتماع منعقد کیا تھا۔مذہبی بورڈنگ سکول کی تقریب میں شرکت کے بعد گھر جا رہے تھے تو انہیں گرفتار کرلیا گیا۔
بار بار حکومتی تنبیہ کے باوجود باز نہ آنے پر رزاق شہاب کو ایک مذہبی بورڈنگ اسکول کی تقریب میں شرکت کے بعد گھر واپسی پر گرفتار کرلیا گیا۔ عدالت نے کورونا ایس اوپیز کی خلاف ورزی پر مذہبی رہنما کو 8 ماہ قید اور 2 کروڑ انڈونیشی روپے جرمانہ عائد کیا ہے۔
رزاق شہاب پر مبینہ طور پر بچوں کے ساتھ زیادتی اور ملکی نظریات کا مذاق اُڑانے اور دیگر مقدمات درج تھے جس کے بعد وہ سعودی عرب چلے گئے تھے اور تین سال سے خود ساختہ جلاوطنی اختیار کی ہوئی تھی۔
