کراچی : پاکستان شوبز انڈسٹری کی معروف گلوکارہ آئمہ بیگ کی تازہ ترین تصاویر سوشل میڈیا پر وائرل ہو رہی ہیں۔
تفصیلات کے مطابق آئمہ بیگ نے فوٹو اینڈ ویڈیو شیئرنگ ایپ انسٹاگرام پر اپنی نئی تصاویر پوسٹ کی ہیں جسے ان کے مداحوں نے بہت پسند کیا ہے۔
وائرل ہونے والی تصاویر میں وہ جامنی رنگ کے لباس میں پوز دیتی ہوئی نظر آرہی ہیں، ان تصاویر کو کم از کم 50,000 سے زیادہ لائکس ملے ہیں، جن میں اداکار حمائمہ ملک کے لائکس بھی شامل ہیں۔
26سالہ گلوکارہ نے سپرہٹ ٹی وی ڈراموں اور فلموں کے لیے گانے گائے ہیں، جس میں فلم جوانی پھر نہیں آنی ٹو، دو بول، پرے ہٹ لو اور لاہور سے آگے شامل ہیں۔
اس کےعلاوہ پاکستانی گانوں میں بی مائی سیلف، ایک منزل، ساؤ بنجارہ، ایک قوم، نہ چھیڑ ملنگاں نوں، ننھے ہاتھوں میں قلم اور میں ہوں ستارہ بھی ہٹ ہوئے ہیں۔
آئمہ بیگ اپنے گانوں، فوٹو شوٹس کی تصاویر اور ویڈیوز اپنے انسٹاگرام فالوورز کے لیے شیئر کرتی رہتی ہیں، جن کی تعداد 3.2 ملین ہے۔
گلوکارہ آئمہ بیگ کو میوزک اسٹریمنگ پورٹل "اسپوٹیفائی” کی پاکستان کی سب سے زیادہ اسٹریم کی جانے والی گلوکارہ کا اعزاز بھی حاصل ہے۔
یہاں یہ امر قابل ذکر ہے کہ یہ پوسٹ آئمہ بیگ اور ان کے منگیتر شہباز شگری کے بارے میں سوشل میڈیا پر گردش کرنے والی افواہوں کے بعد سامنے آئی ہے جس میں دونوں نے انسٹاگرام پر ایک دوسرے کو ان فالو کر رکھا ہے۔
آئمہ بیگ نے شہباز شگری کے ساتھ منگنی کی اور20 مارچ کو انسٹاگرام پر اپنی انگوٹھی کا ایک کلک شیئر کیا۔ ان دونوں نے اکثر ایک دوسرے کے لیے رومانوی اور بھاری بھرکم انسٹاگرام پوسٹس بھی لگائیں۔
