ARYNews.tv | Urdu – Har Lamha Bakhabar

Tag: viral video

  • ٹرمپ جہاز کی سیڑھیاں چڑھتے ہوئے لڑکھڑا گئے، ویڈیو وائرل

    ٹرمپ جہاز کی سیڑھیاں چڑھتے ہوئے لڑکھڑا گئے، ویڈیو وائرل

    امریکی صدر ڈونلڈ ٹرمپ اپنے صدارتی جہاز ائیر فورس ون کی سیڑھیاں چڑھتے ہوئے اچانک لڑکھڑا گئے۔ جس کی ویڈیو سوشل میڈیا پر وائرل ہوگئی۔

    غیر ملکی ذرائع ابلاغ کے مطابق امریکی صدر ڈونلڈ ٹرمپ کے لڑکھڑانے کا واقعہ نیوجرسی سے چھٹیاں گزارکر واشنگٹن ڈی سی واپس جانے کے دوران پیش آیا۔

    ٹرمپ طیارے میں سوار ہونے کے لیے طیارے کی سیڑھیاں چڑھتے ہوئے لڑکھڑائے، جس کے بعد انہوں نے سنبھل کر سیڑھیاں چڑھیں اور طیارے کے دروازے پر پہنچ کر ایئرپورٹ پر موجود افرادکو ہاتھ بھی ہلایا۔

    واضح رہے کہ امریکی صدر ٹرمپ رواں ماہ 79 سال کے ہوجائیں گے۔

    گزشتہ سال جولائی میں پنسلوینیا میں ایک انتخابی ریلی کے دوران ان پر قاتلانہ حملہ ہوا تھا جس میں ان کا کان گولی سے معمولی زخمی ہوا تھا۔

    دوسری جانب امریکی صدر ٹرمپ سے صحافی نے ایلون مسک کے وائٹ ہاؤس میں منشیات لانے سے متعلق سوال کیا۔ جس پر امریکی صدر نے لب کشائی کی۔

    صحافی کے سوال پر جواب میں امریکی صدر ٹرمپ کا کہنا تھا کہ میں بالکل نہیں جانتا اور نہ ہی سمجھتا ہوں کہ مسک منشیات لاتے تھے۔

    انہوں نے کہا کہ ایلون مسک کے ساتھ اچھا تعلق تھا، ان کے لیے نیک خواہشات ہیں۔ مسک سے فون پر بات کرنے کا نہیں سوچا، مگر میں تصور کر سکتا ہوں کہ مسک مجھ سے بات کرنا چاہتے ہیں۔

    امریکا سے جوہری مذاکرات پر ایران کا نیا فیصلہ

    امریکی صدر نے مزید کہا کہ اسٹار لنک اچھی سروس ہے، اسے بند نہیں کریں گے۔

  • بابراعظم کی بیچ سڑک پر مداحوں سے تلخ کلامی، ویڈیو وائرل

    بابراعظم کی بیچ سڑک پر مداحوں سے تلخ کلامی، ویڈیو وائرل

    پاکستان کرکٹ ٹیم کے سابق کپتان اور ورلڈ کلاس بیٹر بابراعظم کی ایک ویڈیو سوشل میڈیا پر گردش کررہی ہے، جس میں انہیں بیچ سڑک پر نوجوان مداحوں سے اُلجھتے ہوئے دیکھا جاسکتا ہے۔

    سابق کپتان بابراعظم کی سوشل میڈیا پلیٹ فارم ایکس (ٹوئٹر) پر وائرل ہونے والی ویڈیو میں دیکھا جاسکتا ہے کہ مداح سابق کپتان کو گھیرے ہوئے ہیں اور کرکٹر تلخ لہجے میں انہیں کچھ کہہ رہے ہیں تاہم اسکی آواز واضح نہیں کہ معاملہ کیا ہوا۔

    بابراعظم ایک مداح کو دھکا دیتے ہوئے وہاں سے اپنی گاڑی کی طرف بڑھ جاتے ہیں، یہ ویڈیو کلپ سوشل میڈیا پر وائرل ہورہا ہے جس پر سوشل میڈیا صارفین کی جانب سے سابق کپتان کو تنقید کا نشانہ بھی بنایا جارہا ہے۔

    واضح رہے کہ دورہ نیوزی لینڈ میں خراب پرفارمنس کے بعد بابراعظم کو ٹی20 اسکواڈ سے ڈراپ کردیا گیا تھا جبکہ بنگلادیش کیخلاف ٹی20 سیریز میں بھی انہیں شامل نہیں کیا گیا۔

    دوسری جانب کامران اکمل نے بابر اعظم اور محمد رضوان کو صرف ٹیسٹ تک محدود رکھنے کا کہا جس پر بابر کے والد اعظم صدیق کا ردعمل آیا، تاہم اب سابق وکٹ کیپر بلے باز کامران اکمل نے سابق کپتان کے والد کو اپنی حدود میں رہنے کا کہا ہے۔

    اے آر وائی پوڈ کاسٹ کے دوران کامران اکمل نے بابر اور رضوان کو پاکستان کے ٹی 20 اسکواڈ سے ڈراپ کرنے کو ’بالکل صحیح فیصلہ‘ قرار دیا۔

    انہوں نے دعویٰ کیا کہ دونوں کھلاڑی طویل فارمیٹ کے لیے زیادہ موزوں ہیں اور کہا کہ میرے خیال میں انہیں اب صرف ٹیسٹ میچز کے لیے ہی رکھا جانا چاہیے، ہو سکتا ہے مزید چھ ماہ بعد انھیں صرف ٹیسٹ کرکٹ کے لیے ہی سمجھا جائے۔

    کامران اکمل نے ون ڈے فارمیٹ میں ان کے مستقبل پر سوالیہ نشان لگاتے ہوئے مزید کہا کہ مزید چھ ماہ کے بعد انہیں ون ڈے سے بھی علیحدہ کر دینا چاہیے کیونکہ ان دنوں پاکستان شاید ہی ٹیسٹ میچ کھیلتا ہے، کوئی بھی ٹیسٹ کرکٹ کے بارے میں بات نہیں کر رہا لیکن اگر کوئی حقیقی کھلاڑی بنتا ہے تو وہ ٹیسٹ کرکٹ کھیلنے سے ہوتا ہے۔

    جواب میں بابر کے والد نے ایک پرانی تصویر شیئر کی جس میں خود کو اسٹار بلے باز اور اکمل کو دکھایا گیا، جس کے عنوان کے ساتھ بالواسطہ طور پر سابق وکٹ کیپر بلے باز کے ریمارکس کو مخاطب کیا گیا۔

  • ٹرمپ کا قطر کے ایئر بیس پر امریکی فوجیوں کے سامنے ڈانس، ویڈیو وائرل

    ٹرمپ کا قطر کے ایئر بیس پر امریکی فوجیوں کے سامنے ڈانس، ویڈیو وائرل

    امریکی صدر ڈونلڈ ٹرمپ اپنے دوسرے دورِ اقتدار کے مشرق وسطیٰ کے پہلے دورے پر سعودی عرب کے بعد قطر پہنچ چکے ہیں، ٹرمپ کی قطر کے ایئر بیس پر امریکی فوجیوں کے سامنے ڈانس کی ویڈیو وائرل ہورہی ہے۔

    غیر ملکی ذرائع ابلاغ کے مطابق امریکی صدر ڈونلڈ ٹرمپ کے اس دورے میں امریکا اور قطر کے درمیان بیش بہا اور تاریخی نوعیت کے تجارتی معاہدے طے پائے ہیں۔

    اپنے دورے کے دوران ٹرمپ نے قطر میں واقع العدید ائیر بیس کا بھی دورہ کیا اور وہاں تعینات امریکی فوجیوں سے خطاب بھی کیا۔

    اس موقع پر ٹرمپ کی صدارتی مہم کے دوران مقبول ہونے والا پارٹی نغمہ چلایا گیا جس پر کچھ لمحوں کے لیے ٹرمپ نے اپنا روایتی رقص بھی کیا۔

    امریکی فوجی اس دوران تالیاں بجاتے رہے اور ٹرمپ بھی قطر کے ساتھ 42 ارب ڈالر کے تجارتی معاہدوں پر خوشی سے نہال نظر آ رہے تھے۔

    واضح رہے کہ اس رقص کو اب ٹرمپ ڈانس کے نام سے جانا جاتا ہے جسے صدارتی انتخابات کی مہم کے دوران دنیا بھر میں مقبولیت حاصل ہوئی تھی۔

    دوسری جانب ٹیرف معاملے کے بعد امریکی صدر ٹرمپ کی گرتی ہوئی عوامی مقبولیت میں ایک بار پھر اضافہ ہوگیا۔

    امریکی سروے رپورٹ کے مطابق ریپبلکن ووٹرز کی اکثریت صدر ٹرمپ کے اقدامات سے مطمئن ہے، تازہ سروے میں معیشت اور مہنگائی سے متعلق عوام کی پریشانی میں کمی نظر آئی ہے۔

    ٹرمپ کا کہنا ہیکہ معاشی مسائل کی وجہ بائیڈن دور کی ناکام پالیسیاں ہیں، سروے رپورٹس میں 44 فیصد افراد نے صدر ٹرمپ کی پالیسیوں کی حمایت کی ہے۔

    یاد رہے کہ ڈونلڈ ٹرمپ نے صدر بنتے ہی درجنوں متنازع ایگزیکٹو آرڈرز پر دستخط کیے ہیں جس کی وجہ سے ان پر تنقید بھی کی جارہی تھی۔

    جس کے بعد اپریل میں امریکی صدرڈونلڈ ٹرمپ کی بطور صدر عوامی حمایت میں واضح کمی ہوگئی اور مقبولیت کم ترین سطح پر آگئی تھی اور ان کی مقبولیت کم ہو کر 42 فیصد رہ گئی تھی۔

    امریکی صدر کا ابوظہبی کی شیخ زاید گرینڈ مسجد کا دورہ، تصاویر وائرل

    گزشتہ سروے میں شامل 57 فیصد افراد نے امریکی صدر کی جانب سے یونیورسٹیوں کی فنڈنگ??روکنے کی مخالفت کی تھی، جبکہ 59 فیصد افراد نے کہا کہ امریکا عالمی سطح پر اپنی ساکھ کھو رہا ہے۔

    سروے میں شامل 75 فیصد افراد کی رائے تھی کہ ٹرمپ کو تیسری بار صدر بننے کی کوشش بھی نہیں کرنی چاہیے۔

  • ہاتھی کا بچہ ماں کے ہمراہ سڑک عبور کرتے ہوئے ہلاک، المناک ویڈیو وائرل

    ہاتھی کا بچہ ماں کے ہمراہ سڑک عبور کرتے ہوئے ہلاک، المناک ویڈیو وائرل

    ملائیشیا میں ایک انتہائی افسوسناک حادثہ رونما ہوا، ماں کیساتھ سڑک عبور کرنے کے دوران ہاتھی کا بچہ حادثے میں زندگی کی بازی ہار گیا، حادثے کی ویڈیو دیکھ کر ہر کوئی افسردہ ہوگیا۔

    غیر ملکی خبر رساں ادارے کی رپورٹ کے مطابق ملائیشیا میں ہاتھی کا بچہ اپنی ماں کے ساتھ سڑک عبور کرنے کی کوشش کے دوران حادثے کا شکار ہوگیا، مذکورہ حادثے کی ویڈیو سوشل میڈیا پر وائرل ہوگئی۔

    سڑک پر گزرتی ہوئی ایک گاڑی سے سوشل میڈیا پر زیر گردش ویڈیو کو ریکارڈ کیا گیا، اس میں دکھایا گیا کہ ہلاک ہاتھی کی ماں نے اپنا سر گاڑی پر ٹکا رکھا ہے جیسا کہ وہ اپنے بے حرکت بچے کو گاڑی کے نیچے سے نکالنے کے لیے کوشش کررہی ہے۔

    مقامی میڈیا کا اس حوالے سے کہنا ہے افسوسناک حادثہ حادثہ ایسٹ ویسٹ ہائی وے پر رات 2 بجے کے قریب پیش آیا، ہاتھی کو ٹکر مارنے والا ٹرک مرغیوں کی نقل و حمل کے لیے استعمال میں لایا جارہا تھا،
    استعمال کیا جا رہا تھا۔

    رپورٹس کے مطابق ایک نر ہاتھی جس کی عمر 5 سال بتائی جاتی ہے اس وقت ہلاک ہو گیا جب وہ سڑک پار کرنے کی کوشش کر رہا تھا، ہاتھی کی ٹرک سے ٹکر ہوگئی۔

    ریسکیو حکام نے عملے کو اس مقام پر تعینات کردیا ہے تاکہ مادہ ہاتھی کی نگرانی کی جاسکے اور اسے پکڑ کر محفوظ علاقے میں پہنچایا جاسکے۔

    رپورٹ کے مطابق ہلاک ہاتھی کی ماں حادثے کے بعد مشتعل ہو گئی اور غصے میں ٹرک کے اگلے حصے کو نقصان پہنچایا تاہم بچ نکلنے میں کامیاب ہوگیا۔ غمزدہ ہتھنی جائے حادثہ پر تقریبا 5 گھنٹے تک کھڑی رہی جسے گاڑی کی مدد سے جنگل میں دھکیلا گیا۔

    زلزلے کے دوران ہاتھیوں نے کیا کیا؟حیرت انگیز ویڈیو دیکھیں

    لوگوں نے واقعے کی ویڈیو سامنے آنے کے بعد ہتھنی کے ساتھ اظہار ہمدردی کیا اور کہا کہ یہ ایک ماں کے لیے کتنے دکھ کی بات ہے، وہ اپنے بچے کا انتظار کر رہی ہے لیکن وہ گاڑی کے نیچے سے نہیں نکل رہا، اس کے پاس ماں کا دل ہے حالانکہ وہ ایک جانور ہے۔

  • کلدیپ یادیو نے جھگڑے کے دوران رنکو سنگھ کو تھپڑ دے مارا، ویڈیو وائرل

    کلدیپ یادیو نے جھگڑے کے دوران رنکو سنگھ کو تھپڑ دے مارا، ویڈیو وائرل

    انڈین پریمئیر لیگ (آئی پی ایل) کے ایک میچ کے دوران کولکتہ نائٹ رائیڈرز کے بیٹر رنکو سنگھ کو دہلی کیپیٹلز کے کلدیپ یادیو نے میدان میں تھپڑ دے مارا۔

    بھارتی کرکٹر کلدیپ یادیو کی اپنے ساتھی کرکٹر رنکو سنگھ کو میچ کے اختتام پر طمانچہ مارنے کی ویڈیو سوشل میڈیا پلیٹ فارمز پر وائرل ہورہی ہے۔

    میچ کے دوران دونوں کرکٹرز میں جھگڑا شروع ہوا تھا تاہم میدان میں کھلاڑیوں نے بیچ بچاؤ کرتے ہوئے جھگڑا ختم کروادیا تھا جبکہ واقعہ میچ ریفری کو رپورٹ کردیا گیا۔

    میچ کے اختتام پر جب تمام کھلاڑی ایک ساتھ موجود تھے تو کلدیپ یادیو نے رنکو سنگھ کو میدان میں تھپڑ مار دیا۔

    سوشل میڈیا صارفین کی جانب سے کلدیپ یادیو کی جانب سے نامناسب رویہ اختیار کرنے پر انہیں تنقید کا نشانہ بنایا جارہا ہے جبکہ صارفین نے بھارتی کرکٹر پر جرمانے یا معطلی کیلئے بھی مطالبہ کررہے ہیں۔

    اس میچ میں رنکو سنگھ کی کولکتہ نائٹ رائیڈرز نے دہلی کیپیٹلز کو 14 رنز سے شکست دی تھی۔

    واضح رہے کہ آئی پی ایل 2008 کے پہلے سیزن میں سابق بھارتی اسپنر ہربھجن سنگھ نے اپنی ہی ٹیم کے کھلاڑی سری سانتھ کو زور دار تھپڑ جڑ دیا تھا۔

    محمد عامر سے بہترین مشورے لیتا رہتا ہوں، خرم شہزاد

    تاہم بعد میں سابق بھارتی اسپنر ہربھجن سنگھ نے اپنے اس رویے پر معافی بھی مانگی تھی۔

  • دھونی کی ٹیم کی مسلسل شکستوں سے مایوس شروتی ہاسن رو پڑیں، ویڈیو وائرل

    دھونی کی ٹیم کی مسلسل شکستوں سے مایوس شروتی ہاسن رو پڑیں، ویڈیو وائرل

    انڈین پریمئیر لیگ (آئی پی ایل) میں بھارتی ٹیم کے سابق کپتان دھونی کی ٹیم چنائی سپر کنگز کی مسلسل شکستوں کے باعث بھارتی اداکارہ شروتی ہاسن اور فینز گراؤنڈ میں رونے لگے، جس کی ویڈیو بھی سوشل میڈیا پر گردش کررہی ہے۔

    گزشتہ روز سن رائزرز حیدرآباد نے چنائی کو اپنے ہوم گراؤنڈ پر 5 وکٹوں سے ہرادیا تھا، اس میچ میں دھونی کی ٹیم محض 154 رنز بناکر آؤٹ ہوگئی تھی، مخالف ٹیم نے 18.4 اوورز میں ہدف حاصل کرلیا تھا۔

    دھونی کی ٹیم ٹورنامنٹ میں صرف 2 مقابلے جیت سکی ہے اور پلے آف مرحلے میں ٹیم کی رسائی کا امکان ختم ہوچکا ہے۔

    دھونی کی ٹیم چنائی سپر کنگز کے سپورٹرز اور فینز مسلسل شکستوں پر سخت مایوس ہوچکے ہیں، جبکہ اسٹیڈیم میں میچ کے دوران بھارتی اداکارہ شروتی ہاسن کی روتے ہوئے ویڈیو بھی وائرل ہورہی ہے۔

    اس سے قبل بھارتی ٹیم کے سابق کپتان مہندرا سنگھ دھونی کا 5 لیٹر دودھ پینے اور واشنگ مشین میں لسی بنانے والی خبر پر ردعمل بھی سامنے آیا تھا۔

    حال ہی میں آئی پی ایل کی فرنچائز ٹیم چنئی سپر کنگز کے کپتان ایم ایس دھونی نے ایک پروموشنل ایونٹ میں شرکت کی۔

    ایونٹ کے دوران سابق بھارتی کپتان سے سوال ہوا کہ انہوں نے اپنے لیے سب سے عجیب افواہ اب تک کیا سنی؟ جس کے جواب میں انہوں نے بتایا کہ ’میں روزانہ 5 لیٹر دودھ پیتا ہوں‘۔

    یاد رہے کہ 2000 کی دہائی میں افواہیں سامنے آئی تھیں کہ سابق بھارتی کپتان کی تندرستی کا راز روزانہ 5 کلو دودھ کا استعمال ہے جب کہ وہ واشنگ مشین میں لسی بناتے ہیں۔

    پہلگام واقعہ: شاہد آفریدی کا بھارتی سازش پر سخت ردعمل

    ماضی میں بھی سابق بھارتی کپتان نے اپنے ایک انٹرویو میں بتایا تھا کہ میں دن بھر میں ایک لیٹر دودھ پیتا ہوں لیکن مزید 4 لیٹر بہت زیادہ ہے۔

  • شبمن گِل نے شادی کے سوال پر کیا کہا؟ ویڈیو وائرل

    شبمن گِل نے شادی کے سوال پر کیا کہا؟ ویڈیو وائرل

    انڈین پریمئیر لیگ (آئی پی ایل) میں گجرات ٹائٹنز کے کپتان شبمن گِل سے ٹاس کے دوران شادی سے متعلق سوال کیا گیا جس پر وہ پریشان نظر آئے۔

    ایڈن گارڈنز اسٹیڈیم میں گزشتہ روز کھیلے گئے میچ میں کولکتہ نائٹ رائیڈرز اور گجرات ٹائٹنز کا ٹاکرا تھا، جہاں شبمن گِل کی ٹیم نے پہلے بیٹنگ کرتے ہوئے مقررہ 20 اوورز 3 وکٹوں کے نقصان پر 198 رنز اسکور کئے، کپتان نے 90 رنز بنائے۔

    کولکتہ نائٹ رائیڈرز کی ٹیم ہدف کے تعاقب میں محض 20 اوورز میں 8 وکٹوں کے نقصان پر 158 رنز اسکور کرسکی، اور 39 رنز سے شکست کا سامنا کرنا پڑا۔

    سابق کیوی کرکٹر و معروف کمنٹیٹر ڈینی موریسن نے ٹاس کے دوران شبمن گِل کی تعریف اور اسی دوران انہوں نے ان سے شادی کے حوالے سے بھی پوچھ لیا، جس پر شبمن حیران رہ گئے اور جواب کو گول مول کرگئے۔

    واضح رہے کہ شبمن گِل کا نام بھارت کے لیجنڈری کرکٹر سچن ٹنڈولکر کی بیٹی کیساتھ جوڑا جاتا رہا ہے تاہم دونوں کی جانب سے تاحال اس کی تصدیق نہیں کی گئی ہے۔

    حال ہی میں دونوں نے انسٹاگرام پر ایک دوسرے کو ان فالوبھی کردیا ہے، جس کے بعد قیاس آرائیاں زور پکڑ گئیں ہیں۔

    ایک وقت میں ایک ٹویٹ نے سوشل میڈیا پر ہلچل مچا دی تھی، جس میں دعویٰ کیا گیا کہ سچن ٹنڈولکر نے اعلان کیا ہے کہ ان کی بیٹی سارہ کی شبمن سے منگنی ہو رہی ہے۔

    بعد ازاں یہ خبر جھوٹی ثابت ہوئی لیکن اس سے مداحوں کے دلوں میں پھر ایک امید نے جنم لیا۔

    سارہ سب سے زیادہ اپنے والد سچن ٹنڈولکر کی بیٹی ہونے کے باعث پہچانی جاتی ہیں، 1997 میں پیدا ہونے والی سارہ نے دھیرو بھائی امبانی انٹرنیشنل اسکول سے تعلیم حاصل کی، جبکہ یونیورسٹی کالج لندن سے ایم ایس سی کی ڈگری بھی حاصل کی۔

  • عمر گل کی گھر کے باہر سے برف ہٹانے کی ویڈیو وائرل

    عمر گل کی گھر کے باہر سے برف ہٹانے کی ویڈیو وائرل

    قومی کرکٹ کے سابق فاسٹ بولر عمر گل کی ایک ویڈیو سوشل میڈیا پر وائرل ہورہی ہے، جس میں وہ اپنے گھر کے باہر برف ہٹانے میں مصروف نظر آرہے ہیں۔

    اپنے سوشل میڈیا پر سابق فاسٹ بولر عمر گل نے ایک ویڈیو شیئر کی ہے، جس میں بارش اور ژالہ باری کے مناظر بھی دیکھے جاسکتے ہیں۔

    سابق فاسٹ بولر کو انسٹاگرام پر شیئر کی گئی ویڈیو میں کو گھر کے باہر سے برف ہٹاتے ہوئے دیکھا جاسکتا ہے۔

    اپنے پیغام میں اُن کا کہنا تھا کہ ”اس طرح کی ژالہ باری بہت خطرناک ہوسکتی ہے، خاص طور پر جب اچانک آجائے۔ اللّٰہ ہم سب کو ایسی آفات سے محفوظ رکھے، اپنا خیال رکھیں اور آس پاس کے لوگوں کا بھی حال معلوم کرتے رہیں۔

    واضح رہے کہ وفاقی دارالحکومت اسلام آباد میں شدید بارش اور ژالہ باری ہوئی، کئی علاقوں میں اولوں سے گاڑیوں کے شیشے ٹوٹ گئے۔

    اسلام آباد میں اچانک شروع ہونے والی طوفانی بارش اور ژالہ باری نے شہر کا نقشہ بدل دیا، بڑے بڑے اولے پڑے تو باہر کھڑی گاڑیوں کے شیشے ٹوٹ گئے، لنڈی کوتل، طور خم و دیگر علاقوں میں طوفانی بارش سے چل تھل ہوگا۔

    برساتی ریلوں میں مال بردار گاڑیوں پھنس گئیں، تیز ہواؤں اور بارش کے باعث پاک افغان شاہراہ بھی بند کردی گئی۔

    ویڈیو: عمر گل دوران انٹرویو بے اختیار رو پڑے؟

    ژالہ باری کے بعد شاہراہوں نے سفید چادر اوڑھ لی اور دلکش نظارے دیکھنے میں آئے، تاہم پارکنگ میں کھڑی مختلف گاڑیوں کو بڑے اولے پڑنے سے شدید نقصان پہنچا۔

  • بابر اعظم اور زباب رانا کی وائرل ویڈیو پر مداحوں کا دلچسپ ردِ عمل

    بابر اعظم اور زباب رانا کی وائرل ویڈیو پر مداحوں کا دلچسپ ردِ عمل

    قومی کرکٹ ٹیم کے سابق کپتان بابر اعظم اور اداکارہ زباب رانا کی وائرل ویڈیو پر مداحوں نے ردعمل دیتے ہوئے کہا ہے کہ سابق کپتان ویڈیو میں کنفیوز نظر آرہے تھے۔

    قومی کرکٹ ٹیم کے سابق کپتان بابر اعظم ایک بار پھر سوشل میڈیا پر توجہ کا مرکز بنے ہوئے ہیں، مگر اس بار کرکٹ کی پرفارمنس نہیں بلکہ ایک وائرل ویڈیو اس کی اصل وجہ ہے۔

    سابق کپتان کی ایک ویڈیو سوشل میڈیا پر گردش کررہی ہے جس میں وہ معروف اداکارہ اور ماڈل زباب رانا کے ساتھ موجود ہیں اور اس موقع پر بابر کا انداز سوشل میڈیا صارفین کے لیے حیرت کا باعث بنا ہوا ہے۔

    @kabeergill #foryoupage #viral #kabeergill #trending #fyp #foryou #punjabi #babarazam #zubabrana ♬ original sound – ATIQ RAJPOOT

    وائرل ویڈیو میں بابر کو زباب رانا کے ساتھ ایک موقع پر دیکھا گیا جہاں دونوں کی باہمی موجودگی پر مداح متوجہ ہوگئے، بابر کے چہرے کے تاثرات اور نظریں گھمانے کا انداز کئی سوشل میڈیا صارفین کو تجسس میں ڈال گیا۔

    مداحوں کا وائرل ویڈیو پر کہنا تھا کہ بابر، جذبات پر قابو رکھو!، بابر اعظم چاہ رہے ہیں کہ وہ زباب کے ہیئر اسٹائلسٹ بن جائیں، بابر کے تاثرات کچھ زیادہ فلرٹی لگ رہے ہیں، بابر میں وہ کانفیڈنس ہی نہیں جو ایک سپر اسٹار میں ہونا چاہیے۔

    جہاں کچھ افراد نے بابر اعظم کے انداز پر ہنسی مذاق کیا، وہیں ان کے مداحوں کی بڑی تعداد نے یہ کہا کہ ایک لمحے کو دیکھ کر کسی کے کردار یا مزاج پر بات کرنا مناسب نہیں۔

    بابر اعظم کو پشاور زلمی کی کپتانی چھوڑنے کا مشورہ

    بعض مداحوں کا کہنا تھاکہ بابر اعظم ایسی سچویشنز میں غیر آرام دہ محسوس کرتے ہیں اور ان کی باڈی لینگویج سے واضح ہو رہا تھا کہ وہ زباب کے اتنے قریب بیٹھنے پر مطمئن نہیں تھے۔

  • یورپی کرکٹ لیگ، انوکھے کیچ کی ویڈیو سے سب حیران

    یورپی کرکٹ لیگ، انوکھے کیچ کی ویڈیو سے سب حیران

    مشہور یورپی کرکٹ لیگ (ECL) ایک T10 کرکٹ ٹورنامنٹ ہے جس میں مختلف یورپی ممالک کے کرکٹ کلبز شامل ہیں۔ اس کا اہتمام یورپی کرکٹ نیٹ ورک کی جانب سے کیا جاتا ہے۔

    یورپی کرکٹ لیگ کے ایک میچ کے دوران حیرت انگیز کیچ کی ویڈیو نے دیکھنے والوں کو ورطہ حیرت میں ڈال دیا، بلے باز نے گیند کو زور دار شاٹ مارا، باؤنڈری لائن کی رسیوں کے پاس موجود فیلڈر کیچ لینے میں کامیاب رہے، مگر اس دوران وہ غیر متوازن ہوگئے۔

    فیلڈر نے جلدی سے فیصلہ کیا کہ گیند کو بالر کی طرف پھینک دیا جائے اور ایسا ہی ہوا، بولر نے کیچ مکمل کیا جس کے نتیجے میں بلے باز آؤٹ ہوگئے، کرکٹ کی دنیا میں اس طرح کے واقعات انتہائی نایاب ہیں، جس کے باعث یہ لمحہ بھی تاریخ کے منفرد ترین لمحات میں سے ایک ہے۔

     

    View this post on Instagram

     

    A post shared by European Cricket (@europeancricket)

    واضح رہے کہ یورپ میں ہونے والی اس لیگ کی بنیاد 2018 میں آسٹریلوی نژاد کرکٹر ڈینیئل ویسٹن نے رکھی تھی۔ ای سی ایل کا افتتاحی ایڈیشن 2019 میں اسپین میں منعقد ہوا، جس میں آئی سی سی کی 8 آفیشل ممبر فیڈریشنز نے شرکت کی۔ یہ ٹورنامنٹ 2020 اور 2021 میں COVID-19 وبائی امراض کی وجہ سے منسوخ کر دیا گیا تھا۔

    ’اگر شعیب ملک کھیل رہے ہیں تو معین خان اور ویوین رچرڈز کو بھی کھیلنا چاہیے‘

    فی الحال، ٹورنامنٹ میں 35 ٹیمیں شامل ہیں۔ 2022 کا ایڈیشن ہسپانوی ٹیم نے جیتا تھا۔ فرانس نے 2023 میں فتح حاصل کی اور2024 میں انگلینڈ نے ٹائٹل اپنے نام کیا۔ 2025 کے ایڈیشن میں جرسی کلب فارمرز نے فائنل میں فتح حاصل کی۔