Tag: viral

انا یونیورسٹی جنسی زیادتی کیس میں انصاف کی عدم فراہمی کے خلاف سربراہ تمل ناڈو بھارتیہ جنتا پارٹی (بی جے پی) انامالائی نے خود کو کوڑے مارے۔

انڈین میڈیا کی رپورٹس کے مطابق جمعرات کو انامالائی نے کہا تھا کہ وہ 27 دسمبر کو صبح 10 بجے اپنی رہائش گاہ کے باہر انا یونیورسٹی کی طالبہ کے ساتھ ہونے والے المناک جنسی زیادتی پر لوگوں کی توجہ مبذول کروانے کیلیے خود کو 6 کوڑے ماریں گے۔ انہوں نے پولیس اور ریاستی حکومت کی اس طرح کے معاملات سے نمٹنے میں بے حسی کی مذمت بھی کی تھی۔

بی جے پی رہنما نے یہ بھی کہا تھا کہ وہ سینڈل نہیں پہنیں گے اور اُس وقت تک ننگے پاؤں چلیں گے جب تک کہ سیاسی جماعت دراوڑ منیترا کزگم (ڈی ایم کے) کی حکومت کا خاتمہ نہیں ہو جاتا۔

پریس کانفرنس سے خطاب کرتے ہوئے انامالائی نے الزام لگایا تھا کہ ملزم گناسیکرن ڈی ایم کے کا عہدیدار ہے۔

جبکہ تمل ناڈو کے وزیر قانون ایس ریگوپتی نے اپنے بیان میں بتایا کہ یونیورسٹی کی طالبہ کے ساتھ جنسی زیادتی کیس کا ملزم ڈی ایم کے کا بنیادی رکن بھی نہیں۔ تاہم بی جے پی رہنما نے الزام لگایا کہ ملزم نے حکمراں جماعت سے وابستگی کی وجہ سے اس جرم کا ارتکاب کیا۔

انامالائی کے مطابق ملزم کا تعلق ڈی ایم کے سے ہت لہٰذا پولیس نے اس کے خلاف کارروائی نہیں کی۔

انہوں نے ایف آئی آر کے لکھے جانے کے طریقے پر بھی سوال اٹھایا اور کہا کہ اسے اس طرح تیار کیا گیا جیسے متاثرہ نے جرم کیا ہو، ڈی ایم کے حکومت کو متاثرہ کی شناخت ظاہر کرتے ہوئے شرم آنی چاہیے۔

واضح رہے کہ کالج آف انجینئرنگ گوئنڈی کی ایک طالبہ کو 23 دسمبر کی رات تقریباً 8 بجے ایک نامعلوم شخص نے جنسی زیادتی کا نشانہ بنایا تھا۔ یہ واقعہ اُس وقت پیش آیا تھا جب وہ کالج کیمپس میں ایک دوست کے ساتھ تھیں۔

بھارتی ریاست تلنگانہ کے شہر حیدر آباد میں پولیس نے سڑکوں پر پیسے پھینک کر ویڈیوز پر ویوز (Views) حاصل کرنے والے یوٹیوبر کو گرفتار کر لیا۔

انڈین میڈیا کی رپورٹس کے مطابق یوٹیوبر بھانوچندر سوشل میڈیا پر اپنی ویڈیوز پر ویوز اور لائیکس بڑھانے کیلیے سڑکوں پر پیسے پھینکا کرتا تھا۔

بھانوچندر کا تعلق بالا نگر سے ہے جس کے خلاف پولیس میں شکایت درج کروائی گئی تھی۔

یہ بھی پڑھیں: برطانوی یوٹیوبر نے بھارت کو دنیا کی مایوس کن جگہ قرار دے دیا

حال ہی میں اس نے حیدر آباد آوٹررنگ روڈ کے قریب نوٹوں کی گڈیاں پھینکیں اور دیکھنے والوں کو چیلنج دیا کہ وہ اس مقام پر آکر یہ پیسے لے جائیں۔

حیدر آباد آوٹررنگ روڈ کے قریب پھینکی گئی بھاری رقم کو حاصل کرنے کیلیے لوگوں کی بڑی تعداد آمد متوقع تھی لہٰذا قانون نافذ کرنے والے ادارے نے شکایت پر فوری عمل کیا اور اسے گرفتار کیا۔

یوٹیوبر اس وقت تلنگانہ کی گھٹکیسر پولیس کے پاس زیرِ حراست ہے جس سے تفتیش کی جا رہی ہے۔

پولیس نے نوٹوں کی گڈیاں برآمد کر لیں اور ملزم کے خلاف بی این ایس کی دفعہ 125، 292 اور نیشنل ہائی وے ایکٹ کی دفعہ 8 (بی) کے تحت مقدمہ درج کیا۔

یہ ویڈیو کئی سوشل میڈیا پلیٹ فارمز پر وائرل ہوئی جس پر صارفین کا غصہ بھی دیکھا گیا جنہوں نے اس کے خلاف کارروائی کا مطالبہ کیا۔

بھارت کی ریاست راجستھان کے علاقے بھیواڑی میں نقاب پوش ڈاکو جیولری شاپ میں لوٹ مار کے بعد فائرنگ کرتے ہوئے بآسانی فرار ہوگئے۔

میڈیا رپورٹس کے مطابق پولیس نے بتایا کہ واقعہ جمعے کو پیش آیا، جیولری شاپ کے اندر اور اطراف میں لگے سی سی ٹی وی کی فوٹیجز حاصل کر لیں۔

سوشل میڈیا پر گردش کرتی دکان کے اندر کی فویج میں دیکھا گیا کہ نقاب پوش ڈاکوؤں کا پانچ رکنی گروہ بندوقوں، لاٹھیوں اور تیز دھار ہتھیاروں کے ساتھ گاڑی سے اتر کر جیولری شاپ میں داخل ہوا۔

ایک ڈاکو نے شاپ کے باہر کھڑے گارڈ پر لاٹھی سے حملہ کیا اور ان کی رائفل چھین کر اندر گھس آیا۔

ڈاکوؤں نے دکان کے مالک جئے سونی اور بھائی مدھوسودن سونی پر فائرنگ کی جس کے نتیجے میں وہ دنوں شدید زخمی ہوگئے۔

ایک فوٹیج میں ملزمان کو لوٹ مار اور فائرنگ کے بعد اپنی گاڑی میں فرار ہوتے ہوئے دیکھا گیا۔

پولیس کے مطابق جئے سونی، اس کا بھائی مدھوسودن سونی اور گارڈ سوجن سنگھ دکان پر تھے جب پانچ نقاب پوش ملزمان نے دھاوا بولا، زخمیوں کو اسپتال منتقل کیا گیا جہاں جئے سونی زخموں کی تاب نہ لاتے ہوئے ہلاک ہوگیا۔

فوٹیج کی بنیاد پر ملزمان کی تلاش اور شناخت کیلیے پولیس نے ٹیمیں تشکیل دے دیں۔ پولیس نے بتایا کہ راجستھان اور ہریانہ پولیس مشترکہ چھاپے مار رہی ہے اور ڈاکوؤں کو جلد سے جلد پکڑنے کی کوششیں کر رہے ہیں۔