ARYNews.tv | Urdu – Har Lamha Bakhabar

Tag: viral

  • مودی کی مداح خاتون کی دلت اقلیت کو مغلظات بکنے کی ویڈیو وائرل

    مودی کی مداح خاتون کی دلت اقلیت کو مغلظات بکنے کی ویڈیو وائرل

    نئی دہلی : مودی کی مداح خاتون کی دلت اقلیتوں کو سب و شتم کا نشانہ بنانے اور نفرت کا اظہار کرنے کی ویڈیو سوشل میڈیا پر وائرل ہوگئی۔

    تفصیلات کے مطابق سماجی رابطے کی ویب سائٹ ٹیوٹر میں بھارت میں اعلیٰ ذات سمجھے جانے والی برہمن سے تعلق رکھنے والی خاتون کی ویڈیو وائرل ہوئی جس میں خاتون دلت اقلیت سے ناصرف شدید نفرت کا اظہار کر رہی ہیں بلکہ غیر اخلاقی زبان بھی استعمال کر رہی ہیں۔

    بھارتی میڈیا پر جاری ہونے والی ویڈیو میں دیکھا جا سکتا ہے کہ سرکاری ملازمتوں میں کوٹے کی وجہ سے دلت اقلیتوں کو برے القاب سے پکارنے والی خاتون وزیراعظم نریندرا مودی کی تعریفوں کے پل باندھ رہی ہیں اور واشگاف الفاظ میں مودی سرکار کی اقلیتوں کے خلاف نفرت آمیز پالیسی کی مداح ہے۔

    غیر ملکی خبر رساں ادارے کا کہنا تھا کہ بھارتی گجرات میں مسلمانوں کے قتل عام سے گجرات کے قصاب کا عالمی لقب حاصل کرنے والے نریندرا مودی کی ساری سیاست اقلیتوں کے خلاف نفرت پھیلانے اور اکھنڈ بھارت کے کبھی نہ پورا ہونے والے سوشے پر انحصار کرتی ہے۔

    واضح رہے کہ نریندر مودی کے دور حکومت میں مسلمانوں اور دلتوں سمیت دیگر اقلیتوں کے لیے زمین تنگ کردی گئی۔

  • مودی کا دوبارہ اقتدار کیلئے نیا ڈرامہ، جعلی ابھی نندن کا بھانڈہ پھوٹ گیا

    مودی کا دوبارہ اقتدار کیلئے نیا ڈرامہ، جعلی ابھی نندن کا بھانڈہ پھوٹ گیا

    نئی دہلی : مودی سرکار کا دوبارہ اقتدار کے حصول کے لیے نیا ڈرامہ، بی جے پی کی حمایت کرتا جعلی ابھی نندن سوشل میڈیا پر وائرل ہو گیا۔

    تفصیلات کے مطابق سوشل میڈیا پر ان دنوں پاکستانی فورسز کے ہاتھوں گرفتار ہونے والے بھارتی پائلٹ ابھی نندن کی ایک تصویر بھی وائرل ہے جس میں دعوی کیا گیا ہے کہ پائلٹ ابھی نندن نے نہ صرف بی جے پی کی بھرپور حمایت کی ہے بلکہ وزیرِ اعظم نریندر مودی کو ووٹ بھی دیا ہے۔

    مقامی خبر رساں ادارے کا کہنا ہے کہ کچھ بھارتی شہری سوشل میڈیا پر اس جھوٹ کا پول کھولتے بھی نظرآئے۔

    بھارتی خبر رساں ادارے کا کہنا تھا کہ سوشل میڈیا پر وائرل ہونے والی تصویر میں جعلی ابھی نندن نے پاکستانی فورسز کے ہاتھوں گرفتار ہونے والے بھارتی فضائیہ کے پائلٹ ابھی نندن کی طرح موچیں رکھی ہوئیں ہیں اور ریبن عینک بھی پہنی ہوئی ہے جبکہ لگے میں بی جے پی کے انتخابی نشان (کنول کا پھول) والا رومال بھی گلے میں ڈالا ہوا ہے۔

    بھارتی میڈیا کے مطابق تصویر کے نیچے جعلی ابھی نندن نے لوگوں پر بھارتیہ جتنا پارٹی کو ووٹ دینے کی گزارش کی ہے۔

    صارفین کا کہنا تھا کہ یہ تصویر گجرات کی ہے جہاں ابھی ووٹنگ ہوئی ہی نہیں، دوسری جانب بھارتی ائیر فورس نے بھی تصویر کو جعلی قرار دے دیا۔

    رپورٹس کے مطابق بھارتی آئین آرمی خدمات انجام دینے والے اہلکاروں کو سیاسی مہم میں حصّہ لینے کی اجازت نہیں دیتا۔

    مزید پڑھیں : پاکستان نے جذبہ خیر سگالی کے تحت پائلٹ ابھی نندن کو بھارت کے حوالے کر دیا

    یاد رہے کہ بھارتی پائلٹ ابھی نندن کا طیارہ 27 فروری کو پاکستان ایئرفورس کے بہادر سپوتوں نے لڑائی کے دوران نشانہ بنا تھا جس کے بعد ابھی نندن لڑاکا طیارے سے زندہ نکلنے میں کامیاب ہوگیا تھا تاہم وہ بدقسمتی سے پاکستانی سرزمین پر گرا اور شہریوں کے ہاتھ آگیا جسے انہوں نے شدید تشدد کا نشانہ بنایا بعد ازاں پاک فوج کے جوان اسے گرفتار کرکے لے گئے۔

    خیال رہے کہ بھارتی پائلٹ کو وزیر اعظم عمران خان نے 28 فروری کو جذبہ خیر سگالی کے تحت رہا کرنے کا حکم دیا تھا جسے یکم مارچ کو واہگہ بارڈر کے ذریعے بھارت کے حوالے کردیا گیا تھا۔

    یہ بھی پڑھیں : بھارت جانے سے قبل ابھی نندن کا آخری پیغام

    بھارتی پائلٹ نے بھارت جانے سے قبل بیان دیا تھا جس میں اُس نے پاک فوج کے پیشہ وارانہ صلاحیتوں کا اعتراف کیا تھا جبکہ بھارتی میڈیا پر شدید تنقید بھی کی تھی۔

  • شہد کی مکھیوں میں لپٹے سعودی شہری کی تصاویر سوشل میڈیا پر وائرل

    شہد کی مکھیوں میں لپٹے سعودی شہری کی تصاویر سوشل میڈیا پر وائرل

    ریاض : 63.7 کلوگرام وزنی شہد کی چادر اوڑھ کر لاکھوں شہد کی مکھیوں کو اپنے جسم پر بٹھانے والے سعودی شہری کی تصویر سوشل میڈیا پر وائرل ہوگئی، تاہم شہری گینز بُک آف ورلڈ ریکارڈ میں نام لکھوانے میں ناکام رہا۔

    63.7 کلو گرام وزنی شہد کی چادر اوڑھ کر لاکھوں مکھیوں کو اپنے جسم پر بٹھانے والا سعودی شہری گینز بُک آف ورلڈ ریکارڈ میں نام درج کروانے کے لیے پُرعزم ہے۔

    دنیا میں بڑی تعداد میں ایسے افراد پائے جاتے ہیں جو اپنی حیران کن صلاحتیوں کے ذریعے عالم انسانیت کو حیران زدہ کرنے کے ساتھ ساتھ عالمی ریکارڈ بھی بنالیتے ہیں، ایسا ہی ایک شخص سعودی عرب میں بھی مقیم ہے جس کے جسم پر شہد کی مکھیاں ایسے چپکتی ہیں جیسے سعودی شہری مکھیوں میں ڈوب گیا ہو۔

    غیر ملکی خبر رساں ادارے کا کہنا تھا کہ سعودی شہری زھیر بن فطانی شہر مکہ کی شہد آرگنائزیشن کے بورڈ آف ڈائریٹر کا رکن ہیں، زھیر بن فطانی کی شہد کی مکھیوں کے ہمراہ سوشل میڈیا پر وائرل ہونے والی تصویر نے لوگوں کو حیران و پریشان کردیا تھا۔

    عرب میڈیا کا کہنا ہے کہ مذکورہ شخص گینز بُک آف ورلڈ ریکارڈ میں اپنا نام درج کروانے میں ناکام رہا تھا تاہم ایک مرتبہ پھر زھیر بن فطانی نے ورلڈ ریکارڈ بنانے کے نئے اپنے جسم پر 100 کلوگرام شہد کی چادر چڑھانے کا اعلان کیا تھا۔

    ذرائع کا کہنا تھا کہ مذکورہ شخص نے مکھیوں کو اپنے جسم پر بٹھانے کےلیے 63.7 کلوگرام شہد کی چادر اوڑھی تھی لیکن اس مرتبہ 100 کلو گرام وزنی شہد کی چادر اوڑھنے کا ارادہ کیا ہے۔

    زھیر بن فطانی نے عرب میڈیا کو بتایا کہ شہد کی 63 کلو وزنی چادر اوڑھنے کے بعد میرا سانس لینا بھی دشوار ہوگیا تھا اور مسلسل ڈیڑھ گھنٹے تک شہد کی چادر اوڑھے رہنے سے میرے پٹھے جواب دے گئے تھے۔

    سعودی شہری کا کہنا تھا کہ قدرتی طور پر میرے جسم پر شہد کی مکھیوں کے ڈنک کا اثر نہیں ہوتا جب لاکھوں مکھیاں میرے جسم پر بیٹھی تو ہزاروں مرتبہ مکھیوں نے مجھے ڈنک مارے لیکن میری صحت متاثر نہیں ہوئی۔

    زھیر بن فطانی نے کہا کہ پچھلی مرتبہ میں ورلڈ ریکارڈ بنانے میں ناکام ہوگیا تھا تاہم مستقبل میں پھر اسی کوشش کروں گا اور اس مرتبہ ضرور گینز بُک آف ورلڈ ریکارڈ میں اپنا نام درج کروانے میں کامیابی حاصل کرلوں گا۔

  • ساؤتھ افریقا میں تھریسا مے کا رقص، ویڈیو سوشل میڈیا پر وائرل

    ساؤتھ افریقا میں تھریسا مے کا رقص، ویڈیو سوشل میڈیا پر وائرل

    کیپ ٹاؤن : برطانوی وزیر اعظم تھریسا مے کی ساؤتھ افریقا میں اسکول کے بچوں کے ساتھ کے رقص کی ویڈیو سوشل میڈیا پر وائرل ہوگئی، سوشل میڈیا صارفین نے وزیراعظم کے رقص کو ڈانسنگ ڈپلومیسی قرار  دے دیا۔

    تفصیلات کے مطابق برطانوی وزیراعظم تھریسا مے ان دنوں افریقہ کے دورے پر ہیں اور وزیراعظم بننے کے بعد یہ ا ن کا براعظم افریقہ کا پہلا دورہ ہے، انہوں نے افریقی ممالک میں چار بلین پاؤنڈ کی سرمایہ کاری کا عندیہ دیا ہے۔

    غیر ملکی خبر رساں ادارے کا کہنا تھا کہ تھریسا مے ساؤتھ افریقا میں اسکول کے دورے کے دوران بچوں کو ڈانس کرتا دیکھ کر خود پر قابو نہ رکھ سکیں اور اسکول کے باہر ہی ڈانس شروع کردیا۔

    برطانوی خبر رساں اداروں کا کہنا ہے کہ برطانوی وزیر اعظم نے رقص شروع کیا تو ارد گرد کھڑے لوگ دیکھتے رہے اور تھریسا مے اسکول طلباء کے ہمراہ رقص کرتی رہیں، جس کی ویڈیو سوشل میڈیا پر اپلوڈ ہوتے ہی وائرل ہوگئی۔

    غیر ملکی میڈیا کا کہنا تھا کہ ساؤتھ افریقن گورنمنٹ نے ویڈیو سماجی رابطے کی ویب سایٹ ٹوئیٹر پر پوسٹ کی تو منچلوں نے وزیر اعظم تھریسا مے کے رقص پر دلچسپ تبصرے کیے۔

    سوشل میڈیا پر تھریسا مے کی رقص والی ویڈیو اپلوڈ ہونے پر کسی اسے ڈانسنگ ڈپلومیسی قرار دیا تو کسی نے بوڑھوں کے ڈانس ڈیڈ ڈانسنگ سے تشبہیہ دے دی۔

    مزید پڑھیں : بریگزٹ: تھریسا مے نئی منڈیوں کی تلاش میں افریقی ممالک کے دورے پر

    یاد رہے کہ کیپ ٹاؤن میں خطاب کرتے ہوئے تھریسا مے نے اعلان کیا تھا کہ 4 بلین پاؤنڈ کی سرمایہ کاری سے افریقی معیشتوں کی مدد کی جائے گی، تاکہ وہ نوجوانوں کے لیے زیادہ سے زیادہ روزگار پیدا کرسکیں۔

    انہوں نے زور دیا کہ اب امداد کو محدود مدت کے غربت مٹانے والے منصوبوں کے بجائے طویل المعیاد معاشی منصوبوں میں استعمال کیا جائے تاکہ معاشی صورتحال اور سیکیورٹی ایک ساتھ بہتر کی جاسکے۔

  • مفرور ملزم اسحاق ڈار کی لندن کی سڑک پر واک، شہری نے گھیر لیا، ویڈیو وائرل

    مفرور ملزم اسحاق ڈار کی لندن کی سڑک پر واک، شہری نے گھیر لیا، ویڈیو وائرل

    لندن: سابق وزیر خزانہ اور مفرور ملزم اسحاق ڈار کو لندن کی سڑک پر واک کے دوران شہری نے گھیر لیا، ویڈیو وائرل ہوگئی۔

    تفصیلات کے مطابق بیماری کا بہانا بنا کر لندن میں گھومنے والے اسحاق ڈار کو شہری نے گھیر لیا اور ویڈیو بھی بنائی جس میں سابق وزیر خزانہ بظاہر چاق و چوبند نظر آ رہے ہیں۔

    اسحاق ڈار کی اکیلے گھومتے ہوئے ویڈیو سامنے آگئی، جس میں سابق وزیرخزانہ بظاہر چاق و چوبند نظر آ رہے ہیں، اسحاق ڈار نے ویڈیو بنانے والے سے سوال کیا کہ وہ اس کی کیا مدد کر سکتے ہیں؟

    پوچھے گئے سوال پر شہری نے نام پوچھ لیا، اسحاق ڈار جواب دیے بغیر آگے بڑھ گئے، جس کے بعد شہری نے پھر سوال کیا کہ ایسے کام ہی کیوں کرتے ہو کہ منہ چھپانا پڑے؟ تاہم وہ جواب دیے بغیر چلے گئے۔

    نیب کی درخواست پر اسحاق ڈار کا پاسپورٹ بلاک کردیا

    خیال رہے کہ قومی احتساب بیورو (نیب) نے اثاثہ جات ریفرنس میں اشتہاری اور مفرور ملزم و سابق وفاقی وزیر خزانہ اسحاق ڈار کو بلیک لسٹ کرتے ہوئے ان کا پاسپورٹ بھی بلاک کردیا ہے۔

    قومی احتساب بیورو نے اسحاق ڈارکو انٹرپول کے ذریعے لندن سے گرفتار کرکے وطن واپس لانے کے لیے ریڈ وارنٹ بھی جاری کیے ہوئے ہیں۔

    واضح رہے کہ نیب کی جانب سے جاری ریڈ وارنٹ میں برطانیہ کے ایون فیلڈ ہاؤس پارک لین 16 اے اور سابق وفاقی وزیرخزانہ کے دبئی میں موجود دوسرے گھر ای 144 ہجویری ویلا ایمریٹس ہل کے گھر کا ایڈریس لکھا ہوا ہے۔

  • جانور کے بچے کی انسانی شکل؟ تصاویر کی حقیقت سامنے آگئی

    جانور کے بچے کی انسانی شکل؟ تصاویر کی حقیقت سامنے آگئی

    نیروبی: انٹرنیٹ پر وائرل ہونے والی دہشت ناک تصویر اور عجیب الخلقت مخلوق کی حقیقت سامنے آگئی جسے جان کر آپ بھی سر پکڑ لیں گے۔

    تفصیلات کے مطابق انٹرنیٹ پر گزشتہ دنوں کچھ تصاویر وائرل ہوئیں جس میں دعویٰ کیا گیا کہ کینیا میں مادہ خنزیر کے ہاں ایسے عجیب الخلقت اور خوفناک بچے کی پیدائش ہوئی جس کی شکل انسانوں سے مشابہہ ہے۔

    اس ضمن میں یہ بھی دعویٰ کیا گیا تھا کہ مادہ جانور نے پیدائش کے بعد نہ صرف بچے کو قبول کیا بلکہ اس کی مکمل دیکھ بھال بھی کررہی ہے۔

    البتہ اب ان تمام تصاویر کی حقیقت سامنے آگئی جس کے مطابق انسانی شکل سے مشابہہ مخلوق دراصل کھونا ہے جسے اٹلی کے آرٹسٹ لائرہ نے تیار کیا۔ْ

    اس ضمن انہوں نے انسٹاگرام پر اس کلھونے کی ویڈیو بھی شیئر کی جس میں دیکھا جاسکتا ہے کہ وہ حرکت کررہا ہے۔

    خیال رہے کہ انٹرنیٹ صارفین بغیر تصدیق کے سوشل میڈیا پر کوئی بھی معلومات یا تصویر شیئر کردیتے ہیں جس پر اُن  لوگ یقین کر کے اسے وائرل کرتے اور  دوسروں کو مزید خوفزدہ کرنے کی کوشش کرتے ہیں۔

    یہ بھی دیکھیں: انٹرنیٹ پر وائر ل ہونے والی دہشت ناک تصویر کی اصل حقیقت

    اس ضمن میں فیس بک، واٹس ایپ نے اب جعلی خبروں اور تصاویر پھیلانے والے صارفین کے خلاف سخت ایکشن لینے کا فیصلہ بھی کیا ہے، جس کے تحت صارف کا آئی ڈی یا نمبر بلاک کردیا جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • صیہونی مظالم کے آگے ڈٹ جانے والی احد تمیمی اسرائیلی جیل سے رہا

    صیہونی مظالم کے آگے ڈٹ جانے والی احد تمیمی اسرائیلی جیل سے رہا

    یروشلم : ہمت و مزاحمت کی علامت سمجھی جانے والی فلسطینی لڑکی احد تمیمی کو اسرائیلی فوجیوں کو تھپڑ مارنے کے جرم میں 8 ماہ قید کے بعد آج صبح رہائی مل گئی۔

    تفصیلات کے مطابق اسرائیلی فوجیوں کے سامنے مزاحمت کرتے ہوئے فوجیوں کو تھپڑ رسید کرنے والی احد تمیمی کو 8 ماہ بعد قید کی صعوبتیں برداشت کرنے کے بعد اسرائیلی جیل شیرون سے آج صبح رہا کردیا گیا ہے۔

    غیر ملکی خبر رساں ادارے کا کہنا ہے کہ اسرائیلی جیل میں آٹھ ماہ کی اذیتوں اور مصیببتوں کے باوجود نوجوان احد تمیمی کے صبر و استقامت میں کوئی کمی یا واقع نہیں آئی۔

    اسرائیلی میڈیا کے مطابق اسرائیل کے حکومتی ارکان کی جانب سے بھی بہادر لڑکی احد تمیمی کی رہائی کی تصدیق کردی ہے۔

    غیر ملکی خبر رساں ادارے سے گفتگو کرتے ہوئے اسرائیل کی جیل خانہ جات کے حکام نے بتایا کہ آج صبح فلسطینی لڑکی احد تمیمی اور اس کی والدہ کو مغربی کنارے پر آباد ان کے گاؤں نبی صالح روانہ کردیا تھا۔

    غیر ملکی خبر رساں ادارے کا کہنا ہے کہ ہمت و مزاحمت کی علامت سمجھی جانے والی فلسطینی لڑکی احد تمیمی نے جیل سے رہائی کے بعد اہم پریس کانفرنس کرنے کا اعلان کیا ہے، خیال رہے کہ احد تمیمی اور ان کا پورا گھرانہ فلسطین سمیت دنیا بھر میں سماجی کارکن اور مزاحمت کار کے طور پر پہنچانے جاتے ہیں۔

    خیال رہے کہ احد تمیمی کے خلاف مقدمے کی سماعت کا آغاز 13 فروری کو فوجی عدالت میں ہوا تھا جہان ان کی وکیل کی جانب سے مقدمے لیے اوپن ٹرائل کی درخواست کی گئی تھی جسے عدالت نے مسترد کردیا تھا۔

    یاد رہے کہ 2 جنوری 2018 کو قابض اسرائیلی فوجیوں کو تھپڑ رسید کرنے والی فلسطینی لڑکی احمد تمیمی پر اسرائیل کی فوجی عدالت نے فرد جرم عائد کی تھی۔

    واضح رہے کہ احد تمیمی کو دسمبر 2017 میں دو اسرائیلی فوجیوں کو تھپڑ مارنے کی ویڈیو منظر عام پر آنے کے جرم میں والدہ کے ہمراہ صیہونی افواج کے اہلکاروں نے گرفتار کیا گیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سوشل میڈیا اسٹار پریا پرکاش موبائل فون سے محروم

    سوشل میڈیا اسٹار پریا پرکاش موبائل فون سے محروم

    ممبئی: انٹرنیٹ پر وائرل ہونے والی ویڈیو کے ذریعے شہرت کی بلندیوں پر پہنچنے والی بھارتی اداکارہ پریا پرکاش کے لیے موبائل فون کے استعمال پر پابندی عائد کردی گئی۔

    تفصیلات کے مطابق سوشل میڈیا پر اپنی رومانوی ویڈیو کے ذریعے مقبولیت حاصل کرنے اور لاکھوں فلمی مداحوں کی توجہ اپنی جانب مبذول کرانے والی اداکارہ پریا پرکاش پر یہ پابندی ان کے والد کی جانب سے عائد کی گئی ہے۔

    مقامی میڈیا سے گفتگو کرتے ہوئے اداکارہ کے والد (پرکاش ویریئر) نے کہا کہ جب سے بیٹی کی ویڈیو وائرل ہوئی اس کے بعد سے ہی پریا پاکاش کو موبائل فون استعمال کرنے سے روک دیا ہے، یہ فیصلہ ہم نے ان کی حفاظت کے پیش نظر کیا، ضرورت پڑنے پر وہ اپنی والدہ کا فون استعمال کرتی ہیں۔

    پریا پرکاش کی ویڈیووائرل، فالوورزکی تعداد ایک ملین تک جاپہنچی

    انہوں نے کہا کہ پریا کے پاس ذاتی فون تو دور کی بات اس کے پاس تو اپنی ’سم‘ تک نہیں، وہ اپنے آنے والے تمام کالز اپنی والدہ کے فون پر ریسیو کر رہی ہیں، اور ان ہی کے موبائل پر انٹرنیٹ بھی استعمال کر رہی ہیں۔

    اداکارہ کے والد کا مزید کہنا تھا کہ میری بیٹی کی سوشل میڈیا پر وائرل ہونی والی ویڈیو میرے ساتھ کام کرنے والے ایک شخص نے بھیجی میں نے اس سے پوچھا کہ تم اس لڑکی کو جانتے ہو تو انہوں نے جواباً کہا نہیں جس کے بعد میں نے بتایا کہ ویڈیو میں نظر آنے والی لڑکی میری بیٹی ہے تو وہ حیران رہ گئے۔

    نٹ کھٹ پریا پرکاش کا دل کش انداز میں سری دیوی کو خراج تحسین، ویڈیو وائرل

    خیال رہے کہ گذشتہ ماہ انٹرنیٹ پر ایک ملیالم فلم کا گانے سامنے آیا، جس میں پریا پرکاش کی شوخیاں، نادانیاں اور معصومیت نے نہ صرف بھارت، بلکہ دنیا بھر میں یکدم مقبول حاصل کر لی تھی۔

    واضح رہے کہ بالی ووڈ میں یہ خبریں بھی گردش میں ہیں کہ روہت شیٹھی کی ہدایت کاری میں بننے والی فلم ’سامبا‘ میں اداکارہ پریا پرکاش اپنی صلاحیتوں کے جوہر دکھائیں گی تاہم اب تک کوئی حتمی فیصلہ نہیں کیا گیا البتہ مذکورہ فلم میں رنویر سنگھ مرکزی کردار نبھا رہے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بھارت میں پاکستان بن رہا ہے: وائرل ویڈیو

    بھارت میں پاکستان بن رہا ہے: وائرل ویڈیو

    نئی دہلی: بھارت کے عوام بھی اپنی حکومت کے آئے دن پاکستان کےخلاف بیانات سے تنگ آچکے ہیں اور ایسی ہی ایک نوجوان لڑکی کی ویڈیو سوشل میڈیا پر وائرل ہورہی ہے۔

    سوشل میڈیا پر وائرل ہوتی اس ویڈیو میں ایک نامعلوم نوجوان لڑکی تقریر کرتے ہوئے بھارتی سرکار کو شدید تنقید کا نشانہ بنار ہی ہے۔

    تقریر میں بھارتی حکومت کو موردِ الزام ٹھہرارہی ہیں کہ’’حکومت کے خلاف آواز اٹھانے پر کہاجاتا ہے کہ ’پاکستان چلے جاؤ‘۔

    لڑکی نے ویڈیو میں یہ بھی کہا کہ بہار میں بے جی پی کی شکست ہوتی ہے تو کہا جاتا ہے کہ سارے پٹاخے پاکستان پر چلادو‘۔

    لڑکی نے پاکستان کے بارے میں مثبت تاثرات دیتے ہوئے یہ بھی کہا کہ پاکستان جانے میں ہمیں کوئی مسئلہ نہیں‘ ہمارے جیسا ہی دیش ہے‘‘۔

    ویڈیو میں کہی گئی سب سے اہم بات یہ تھی کہ بھارت میں بہت سے لوگ اب یہ کہنے لگے ہیں کہ’’پاکستان جانے کی کیا ضرورت ہے جب بھارت میں ہی پاکستان بن رہا ہے‘‘۔

    واضح رہے کہ بھارت کی جانب سے بلا سبب اشتعال انگیز ی اور ایل او سی پر آئے دن کی گولہ باری کے سبب دونوں ممالک کے درمیان کشیدگی اپنے عروج پر ہے‘ بھارتی حکومت پاکستان کی خطے میں امن و استحکام کی خواہش کو ہماری کمزوری سمجھ رہی ہے۔

    بھارت میں تعینات پاکستانی سفیر عبد الباسط کا کہنا ہے کہ ہارٹ آف ایشیا کانفرنس کے دوران دونوں ممالک کے سرد تعلقات میں کسی پیش رفت کا ہونا ممکن نہیں ہے۔

    اگر ہارٹ آف ایشیا کانفرنس میں تعلقات پر جمی برف نہیں پگھلتی تو پھر کسی اور موقع کا انتظار کرنا ہوگا تاہم انہوں نے واضح کیا کہ پاکستان بھارت سے مذاکرات کے لیے بھیک نہیں مانگ رہا۔

  • شیرل کس دن پیدا ہوئی؟

    شیرل کس دن پیدا ہوئی؟

    سنگاپور میں ایک ٹی وی پروگرام کے میزبان نے ریاضی کا ایک سوال اپنی فیس بک پر پوسٹ کیا جس کا جواب تلاش کرنے میں جہاں ہزاروں افراد ناکام رہے وہیں بہت سے لوگ یہ سوچتے رہ گئے کہ کیا سنگاپور میں طلبہ سے ایسے ہی سوال کیے جاتے ہیں؟

    اس سوال میں قارئین سے ایک لڑکی شیرل کے یوم پیدائش کے بارے میں سوال کیا گیا ہے اور اس کی بنیاد وہ چند اشارے ہیں جو شیرل اپنے دوست البرٹ اور برنارڈ کو دیتی ہے۔

    مئی 15، 16 اور 19

    جون 17 اور 18

    جولائی 14 اور 16

    اگست 14، 15 اور 17

    سنگاپور میں طلبہ سخت امتحانات کی وجہ سے دباؤ کا شکار رہتے ہیں اور یہ یہاں کا ایک مستقل مسئلہ ہے۔

    شیرل کے یوم پیدائش کے سوال نے ایک بار پھر اس تشویش کو ہوا دی ہے کہ یہاں کا نظام تعلیم بہت پیچیدہ ہے۔

    ابتدا میں یہ بات سامنے آئی تھی کہ یہ سوال 11 سال کے بچوں کے امتحان کا تھا لیکن بعد میں پتہ چلا کہ یہ گذشتہ ہفتے سنگاپور اینڈ ایشین سکول میتھ اولمپیاڈ (سیسمو) میں حصہ لینے والے 15 سال کے بچوں سے پوچھا گیا تھا۔

    منتظمین نے کہا کہ یہ سوال ٹاپ 40 فی صد کے لیے تھا تاکہ ’بہتر طلبہ کا اندازہ لگایا جا سکے۔‘