Tag: virat kholi

  • پاکستان سے مقابلہ ہمارے لیے عام میچ جیسا ہے، ویرات کوہلی

    پاکستان سے مقابلہ ہمارے لیے عام میچ جیسا ہے، ویرات کوہلی

    متحدہ عرب امارات : ٹی 20 ورلڈ کپ میں 24اکتوبر کو کھیلے جانے والے پہلے پاک بھارت میچ کا دنیا بھر کے شائقین کرکٹ بے صبری سے انتظار کررہے ہیں۔

    ایسے میں بھارتی کپتان ویرات کوہلی اس اہم میچ کو اپنی ٹیم کیلئے دیگر میچوں جیسا ایک میچ سمجھتے ہیں، ان کا کہنا ہے کہ دوسری جانب دونوں ممالک میں کافی جوش و خروش پایا جاتا ہے۔

    متحدہ عرب امارات میں میڈیا سے گفتگو کے دوران بھارتی کپتان سے جب پوچھا گیا کہ پاکستان کے خلاف کھیلتے ہوئے کیا دیگر ٹیموں کے مقابلے میں مختلف احساس ہوتا ہے تو انہوں نے کہا کہ صحیح بات تو یہ ہے کہ مجھے ایسا کبھی محسوس نہیں ہوا۔

    انہوں نے کہا کہ میں ہمیشہ اس مقابلے کے کسی کرکٹ میچ کی طرح کا سمجھتا ہوں، مجھے معلوم ہے کہ اس مقابلے کے حوالے سے لوگوں میں کافی جوش و خروش پایا جاتا ہے اور اس کی ٹکٹوں کی بہت زیادہ مانگ ہے۔

    ویرات کوہلی — اے ایف پی فائل فوٹو

    ویرات کوہلی نے مذاق کرتے ہوئے کہا کہ وہ ہائی پروفائل میچ کے لیے اپنے دوستوں کو مفت ٹکٹ دینے سے انکار کردیتے ہیں۔

    انہوں نے کہا کہ اس وقت ٹکٹوں کی قیمت حیران کن حد تک بڑھ چکی ہے، تو میں جانتا ہوں کہ میرے دوستوں کی جانب سے ٹکٹوں کا کہا جائے گا اور میں انکار کردوں گا۔

    بھارتی کرکٹر نے تسلیم کیا کہ روایتی حریفوں کے مقابلے کے حوالے سے مداحوں کا اشتیاق اور جوش و خروش اس میچ کو دیگر سے الگ کرتا ہے۔

    ان کا کہنا تھا کہ ہاں آپ کہہ سکتے ہیں کہ ماحول مختلف ہے، مداحوں کے نکتہ نظر سے یہ یقیناً زبردست مقابلہ ہے، جہاں تک کھلاڑیوں کا نکتہ نظر ہے تو ہم جس حد تک پروفیشنل رہ سکتے ہیں ہمیں رہنا ہوگا۔

    واضح رہے کہ یہ ٹورنامنٹ بھارت میں ہونا تھا مگر کورونا وائرس کی وبا کے باعث اسے متحدہ عرب امارات میں منتقل کیا گیا۔

    خیال رہے کہ پاکستان اور بھارت کا ٹی 20 ورلڈ کپ میں ٹاکرا ایونٹ کے دوسرے میچ میں 24 اکتوبر کو ہوگا۔ پاکستان نے یو اے ای میں گزشتہ 10 ٹی 20 انٹرنیشنل میچوں میں کامیابی حاصل کی ہے۔

    رواں ماہ 16اکتوبر کو پاکستانی ٹیم کے کپتان بابر اعظم نے اپنے ایک بیان میں کہا تھا کہ اس کی وجہ سے ان کی ٹیم کو بھارت کے خلاف ایڈوانٹیج حاصل ہے۔

    بھارت کے خلاف ٹی 20 ورلڈ کپ میں بھارت کے خلاف 5 میچوں میں شکست کے سوال پر ان کا کہنا تھا کہ ہم نے یو اے ای میں بہت زیادہ کرکٹ کھیلی ہے، یہاں کے حالات ہمارے لیے موزوں ہیں اور ہم جانتے ہیں کہ یہاں کیسے کھیلتے ہیں۔

  • ٹاس کیلئے شارٹس پہن کر آنے پر ویرات کوہلی کو شدید تنقید کا سامنا

    ٹاس کیلئے شارٹس پہن کر آنے پر ویرات کوہلی کو شدید تنقید کا سامنا

    سڈنی : شارٹس پہن کر ٹاس کے لیے آنے پر ویرات کوہلی کو شدید تنقید کا سامنا کرنا پڑا، بھارتی کرکٹ ٹیم کے کپتان آسٹریلیا سے وارم اپ میچ کے دوران شارٹس پہن کر ٹاس کے لیے آگئے تھے۔

    تفصیلات کے مطابق بھارتی کرکٹ ٹیم کے کپتان ویرات کوہلی کی حرکت نے مداحوں کو حیران کردیا۔ آسٹریلیا سے وارم اپ میچ کے موقع پر شارٹس پہن کر ٹاس کیلئے آنا مداحوں کو پسند نہ آیا۔

    سماجی رابطے کی ویب سائٹ ٹوئٹر پر ویرات کوہلی مداحوں کی جانب سے کی گئی تنقید کی زد میں آگئے۔ شائقین کرکٹ نے اس حرکت کو جینٹل مین گیم کی بے ادبی قرار دے دیا.

    ٹوئٹر پر کوہلی کی ٹا س والی تصاویر متنازعہ بن گئیں۔ مداحوں کا کہنا تھا کہ جس کھیل نے تم کو عزت دی، افسوس کہ کوہلی تم اس کھیل کو عزت نہ دے سکے۔

    ایک مداح نے اپنے پیغام میں لکھا کہ ویرات کوہلی یہ حرکت شرمناک اور ناپسندیدہ ہے، ایک کپتان کا ٹاس کے دوران شارٹس پہن کر آنا ناقابل قبول ہے۔

  • کوہلی سالگرہ:‌ انوشکا کی رومانوی انداز سے شوہر کو مبارک باد

    کوہلی سالگرہ:‌ انوشکا کی رومانوی انداز سے شوہر کو مبارک باد

    ممبئی: بالی ووڈ اداکارہ انوشکا شرما نے اپنے خاوند اور بھارتی کرکٹ ٹیم کے کپتان ویرات کوہلی کی سالگرہ پر انہیں انوکھے انداز سے مبارک باد دی۔

    تفصیلات کے مطابق بھارتی کرکٹ ٹیم کے کپتان آج 5 نومبر کو اپنی 30ویں سالگرہ منارہے ہیں، انوشکا سے ازدواجی بندھن میں بندھنے کے بعد ویرات کوہلی کی پہلی سالگرہ ہے۔

    انوشکا شرما نے بھی سالگرہ کے موقع پر بیوی ہونے کا حق ادا کرتے ہوئے سماجی رابطے کی ویب سائٹ پر ویرات کوہلی کو انوکھے انداز سے مبارک باد کی اور رومانوی تصاویر شیئر کیں

    مزید پڑھیں: وفاقی وزیر کی انوشکا اور ویرات کو سرکاری مہمان بننے کی دعوت

    بالی ووڈ اداکار نے سماجی رابطے کی ویب سائٹ پر لکھا کہ ’اللہ کا شکر ہے آج اُن کی سالگرہ ہے‘۔

    View this post on Instagram

    Thank God for his birth 😁🙏❤️✨

    A post shared by AnushkaSharma1588 (@anushkasharma) on

    دوسری جانب ویرات اور انوشکا کے مداحوں نے پرمسرت موقع پر بھارتی کرکٹ ٹیم کے کپتان کو مبارک باد پیش کی اور دونوں کے لیے نیک خواہشات کا اظہار بھی کیا۔

    یہ بھی پڑھیں: کیا انوشکا شرما بھی پلیئنگ الیون کا حصہ ہوں گی؟

    بھارتی میڈیا کے مطابق انوشکا اور ویرات اتم بدھ آشرام کا دورہ کریں گے جہاں کو سالگرہ کی خوشی میں خصوصی عبادت بھی کریں گے۔

    واضح رہے کہ انوشکا شرما آج کل اپنی نئی آنے والی فلم ’زیرو‘ کی ریلیز میں مصروف ہیں، اس فلم میں بالی ووڈ اداکارہ ایک امیر گھرانے کی معذور لڑکی کا کردار ادا کررہی ہیں جو فالج کے باعث معذوری کی زندگی گزار رہی ہے۔

    یاد رہے کہ انوشکا شرما اور ویرات کوہلی گزشتہ برس دسمبر میں ازدواجی بندھن میں بندھے تھے، اس سے قبل دونوں کے درمیان بہت گہری دوستی بھی تھی اور ذرائع ابلاغ میں اس حوالے سے کئی قیاس آرائیاں بھی سامنے آئیں تھیں۔

  • کوہلی کی ناقص کارکردگی، مداح نے خود کشی کرلی

    کوہلی کی ناقص کارکردگی، مداح نے خود کشی کرلی

    نئی دہلی: بھارتی کرکٹ ٹیم کے کپتان ویرات کوہلی کی ساؤتھ افریقا کے خلاف پہلے ٹیسٹ میں ناقص بیٹنگ دیکھ کر مداح نے خود کو آگ لگا کر خودکشی کرلی۔

    ساؤتھ افریقا کے خلاف کھیلے جانے والے ٹیسٹ میچ میں ویرات کوہلی کی ناقص بیٹنگ اور جلدی آؤٹ ہونے پر اُن کا 63 سالہ مداح اس قدر دلبرداشتہ ہوئے کہ مٹی کا تیل چھڑک کر خود کو آگ لگا لی۔

    بھارتی میڈیا کے مطابق بابو لال باریا نامی 63 سالہ شخص ریلوے کا ریٹائرڈ ملازم ہے اور بھارتی کرکٹ ٹیم کے کپتان ویرات کوہلی کا جذباتی مداح ہے جو اپنے ہیرو کی ناقص کارکردگی نہیں دیکھ سکتا۔

    کیپ ٹاؤن میں بھارت اور ساؤتھ افریقا کی ٹیموں کے مابین پہلا ٹیسٹ میچ کھیلا گیا جس کی پہلی اننگز میں ویرات کوہلی صرف 5 رنز بنا کر آؤٹ ہوگئے۔

    ویرات کوہلی کے مدھیا پردیش سے تعلق رکھنے والے مداح کپتان کی ناقص کارکردگی پر اس قدر دلبرداشتہ ہوئے کہ اُن سے یہ منظر دیکھا نہ گیا اور انہوں نے مٹی کا تیل چھڑ ک کر خود کو آگ لگا لی۔

    پولیس حکام کے مطابق بابو لال شراب پینے کا عادی تھا اور اُس نے جب خود کو آگ لگائی وہ ہوش و حواس میں نہیں تھا مگر اہل خانہ کا کہنا ہے کہ بابو کرکٹ کا بہت بڑا مداح ہے اور اُن کے پسندیدہ کھلاڑی ویرات کوہلی ہیں۔

    اسپتال انتظامیہ کے مطابق بابو کا 70 فیصد جسم کا حصہ جھلس چکا تھا اس لیے اُسے بچانے کی ہر ممکن کوشش کی گئی مگر وہ منگل کے روز دم توڑ گیا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • ویرات کوہلی کا انوشکا کے ساتھ ڈانس، ویڈیو وائرل

    ویرات کوہلی کا انوشکا کے ساتھ ڈانس، ویڈیو وائرل

    ممبئی: بھارتی کرکٹ ٹیم کے سابق کپتان ویرات کوہلی اور بالی ووڈ اداکارہ انوشکا شرما نے ظہیر خان کی مہندی پر ڈانس کر کے سب کو حیران کردیا۔

    تفصیلات کے مطابق پیر کے روز بھارتی کرکٹ ٹیم کے کھلاڑی ظہیر خان اور ساگاریکا گھاٹکے کی مہندی کی شاندار تقریب منعقد کی گئی جس میں بالی ووڈ ستاروں سمیت نامور شخصیات نے شرکت کی۔

    تقریب میں شریک ہونے والی شخصیات نے نوبیہاتا جوڑے کو مبارک باد دی اور مہندی کے پروگرام میں خوب رقص کیا۔

    اس موقع پر ویرات کوہلی اور انوشکا شرما بھی تقریب میں شریک ہوئے جن کی آمد مہمانوں کے لیے کافی خوشگوار ثابت ہوئی کیونکہ بھارتی کرکٹ ٹیم کے سابق کپتان نے اپنی دوست کے ساتھ خوب رقص کیا۔

    مزید پڑھیں: ویرات اور انوشکا کی شادی، خبریں زیرگردش

    انٹرنیٹ پر وائرل ہونے والی ویڈیو میں دیکھا جاسکتا ہے کہ ششمتا سین، چک دے انڈیا کے ڈائریکٹر کرتسی راوت، بالی ووڈ اداکار ارشد وارثی اور اُن کی اہلیہ سمیت ویران کوہلی نے بھی ڈانس کیا۔

    ویڈیو دیکھیں

    واضح رہے کہ ظہیر خان نے رواں سال مئی میں اداکارہ کے ساتھ منگنی اور پھر 23 نومبر کو شادی کرنے کا اعلان کیا تھا۔

    Look at Virat They both are slaying it #Virushka #ViratKohli #AnushkaSharma #virushka_nation

    A post shared by virushka_nation (@virushka_nation) on

    یاد رہے کہ کہ ویرات کوہلی اور انوشکا شرما کے درمیان اچھے تعلقات ہیں جس کے وجہ سے دونوں شخصیات خبروں کی زینت بنی رہتی ہیں، گزشتہ دنوں بھارتی کپتان اور انوشکا نے ایک دوسرے سے کنارہ کشی بھی اختیار کرلی تھی تاہم اب یہ دوریاں ختم ہوچکی ہیں۔

    یہ بھی یاد رہے کہ بھارتی کپتان اور انوشکا شرما کے درمیان 2012 سے گہرے تعلقات ہیں، دونوں شخصیات کے بارے میں یہ تاثر عام ہے کہ یہ ایک دوسرے کی محبت میں گرفتار ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کوہلی کے ساتھ کاروبار، انوشکا کی تردید

    کوہلی کے ساتھ کاروبار، انوشکا کی تردید

    ممبئی: بھارتی اداکارہ انوشکا شرما نے ویرات کوہلی کے ساتھ کاروبار کرنے اور ہوٹل کھولنے کے حوالے سے نشر ہونے والی خبروں کی تردید کردی۔

    تفصیلات کے مطابق بھارتی کرکٹ ٹیم کے کپتان ویرات کوہلی اور انوشکا شرما آپسی تعلقات کی وجہ سے خبروں کی زینت بنے رہتے ہیں گزشتہ دنوں دونوں شخصیات چھٹیاں گزارنے کے لیے بیرونِ ملک پہنچے تھے۔

    بھارتی میڈیا میں نشر ہونے والی خبروں کے مطابق انوشکا شرما اور ویرات کوہلی ایک دوسرے کے قریب رہنے کے لیے اب ایک ساتھ کاروبار کا آغاز کرنے جارہے ہیں اور دونوں نے مل کر ریسٹورنٹ کھولنے کا فیصلہ کیا ہے۔

    انوشکا شرما نے بھارتی خبروں کی تردید کرتے ہوئے کہا کہ ریسٹورنٹ کھلنے یا کوہلی سے ساتھ کاروباری شراکت داری کے حوالے سے سامنے آنی والی خبروں کی کوئی حقیقت نہیں یہ سب بے بنیاد باتیں ہیں۔

    مزید پڑھیں: دوریاں ختم ہوگئیں، انوشکا شرما اور ویرات کوہلی پھر سے ایک ساتھ

    انہوں نے کہا کہ زیر گردش افواہوں میں کوئی حقیقت نہیں کیونکہ میرا اور کوہلی کا مستقبل میں بھی کوئی ایسا ارادہ نہیں، کنگ خان کے ساتھ اپنی نئی آنے فلم پر پوچھے جانے والے سوال پر انوشکا نے مداحوں کو انتظار کرنے کا مشورہ بھی دیا۔

    واضح رہے کہ ویرات کوہلی اور انوشکا شرما نے طویل عرصہ گہری دوستی کے بعد چند ماہ قبل ایک دوسرے سے کنارہ کشی اختیارکرلی تھی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • آج کے میچ میں بیٹنگ لائن نے مایوس کیا، سرفرازاحمد

    آج کے میچ میں بیٹنگ لائن نے مایوس کیا، سرفرازاحمد

    برمنگھم : قومی ٹیم کے کپتان سرفراز احمد نے بھارت سے شکست کے بعد کہا ہے کہ میچ میں بیٹنگ لائن نے مایوس کیا۔

    کھیل کے اختتام کے بعد گفتگو کرتے ہوئے ان کا کہنا تھا کہ تمام کھلاڑی بیٹھ کرباؤلنگ اوربیٹنگ پربات کریں گے، ہمیں باؤلنگ اوربیٹنگ کاشعبہ مضبوط کرناہوگا۔

    دووسری جانب بھارتی ٹیم کے کپتان ویرات کوہلی نے کہا کہ تمام بلے بازوں نے اچھا کھیل پیش کیا، ان کو میں دس میں سے دس نمبر دیتا ہوں، یوراج سنگھ کے حوالے ان کا کہنا تھا کہ انہوں نے بہت شاندار بیٹنگ کی۔

    علاوہ ازیں پاکستان کرکٹ ٹیم کے کوچ مکی آرتھر نے کہا ہے کہ ہمیں ون ڈے کرکٹ کوتبدیل کرناہوگا، ہم آج کےمیچ میں اچھانہیں کھیلے، وہاب ریاض توقعات پرپورانہیں اترسکے۔

  • بھارت: شاہدآفریدی سے محبت کے جرم میں نوجوان گرفتار

    بھارت: شاہدآفریدی سے محبت کے جرم میں نوجوان گرفتار

    نئی دہلی: آسام میں کھیلے جانے والے میچ کے دوران پولیس نے کارروائی کرتے ہوئے شاہد آفریدی کے مداح  کو پاکستانی ٹیم کی شرٹ پہننے کے جرم میں گرفتار کر کے مقدمہ درج کرلیا۔

    تفصیلات کے مطابق پاک بھارت کشیدگی کے باوجود دونوں ممالک کے عوام ایک دوسرے کے فنکاروں اور کھلاڑیوں سے متاثر ہیں تاہم انہیں اپنی محبت کا اظہار کرنے کی اجازت نہیں ہے۔

    بھارتی جنتا پارٹی کی شکایت پر آسام کی پولیس نے کارروائی کرتے رپون چوہدری کو شاہد آفریدی کا مداح ہونے اور پاکستانی ٹیم کی ٹی شرٹ پہننے کے جرم میں گرفتار کرلیا ہے۔


    پڑھیں: ’’ بی پی ایل، آفریدی کی شاندار باؤلنگ ‘‘


    پولیس نے نوجوان کے خلاف بھارتی ایکٹ سیکشن 120 بی ، 294 کے تحت مقدمہ درج کرکے اُسے تھانے میں قید کرلیا ہے، مقامی اخبار سے بات کرتے ہوئے بھارتی یووا موچرا کمیٹی کے رہنماء نے کہا کہ ’’ویپون کے خلاف بغاوت کا مقدمہ درج کروایا گیا ہے کیونکہ وہ دشمن ملک کے کھلاڑی کو نہ صرف پسند کرتا ہے بلکہ اُن کا یونیفارم بھی پہن کر گھومتا تھا‘‘۔


    مزید پڑھیں: ’’ کرکٹر شاہد آفریدی کا خصوصی بچوں کیلئے 25لاکھ روپے امداد کا اعلان ‘‘


    خیال رہے یہ پہلا واقعہ نہیں اس سے قبل پاکستان میں مقیم ویرات کوہلی کے مداح عمر دراز کو اپنے گھر کی چھت پر ہندوستان کا جھنڈا لہرانے کے جرم میں گرفتار کیا گیا تھا جنہیں عدالت نے 10 سال قید کی سزا سنائی تھی۔

    عمردراز لاہور سے دو سوکلومیٹر دور ایک گاؤں میں اپنے اہل خانہ کے ہمراہ رہائش پذیر ہے ، بعد ازاں ملزم کو شخصی ضمانت پر رہا کردیا گیا تھا۔

  • ویرات کوہلی کے خلاف کارروائی نہیں کرسکتے، آئی سی سی

    ویرات کوہلی کے خلاف کارروائی نہیں کرسکتے، آئی سی سی

    ممبئی: بھارتی کپتان ویرات کوہلی گیند سے چھیڑ چھاڑ کرتے پکڑے گئے مگر آئی سی سی نے انڈیا کے سامنے گھٹنے ٹیکتے ہوئے کا موقف اختیار کیا ہے کہ فوٹیج بہت پرانی ہے اس لیے کوئی کارروائی نہیں کرسکتے۔

    تفصیلات کے مطابق  راجکوٹ میں بھارت اور انگلینڈ کے درمیان کھیلے جانے والے پہلے ٹیسٹ میں انڈین کپتان ویرات کوہلی گیند کے ساتھ چھیڑ چھاڑ کرتے پکڑے گئے، اس ضمن میں ایک ویڈیو بھی سامنے آئی جس میں کوہلی کو چیونگم چپاتے ہوئے دکھایا گیا ہے۔

    ویڈیو میں صاف دیکھا جاسکتا ہےکہ ویرات کوہلی چیونگم چبانے کے دوران منہ سے ہاتھ باہر نکال کر گیند پر رگڑ رہے ہیں اور بال کو شائن کرنے کی غیر قانونی کوشش میں مصروف ہیں تاکہ مخالف ٹیم کے بلے بازوں کو پریشان کرسکیں۔

    انٹرنیشنل کرکٹ کونسل نے ویڈیو کے حوالے سے صاف مؤقف اختیار کرتے ہوئے کہا ہے کہ ’’ویڈیو بہت پرانی ہے اس لیے بھارتی کپتان کے خلاف کارروائی نہیں کی جاسکتی‘‘۔

    دوسری جانب جنوبی افریقی کھلاڑی ڈوپلسی پر اسی طرز کی ویڈیو  سامنے آنے کے بعد آئی سی سی نے سزا سنادی ہے، جس کے خلاف افریقی کوچ نے کہا کہ ’’دوسری ٹیمیں بھی ایسا کرتی ہیں مگر ہر بار صرف جنوبی افریقہ کو ہی ہدف بنایا جاتا ہے‘‘۔

    انٹرنیشنل کرکٹ کونسل نے بال ٹیمپرنگ کا الزام ثابت ہونے پر جنوبی افریقا کے کپتان فاف ڈوپلیسی پر میچ فیس کا 100 فیصد جرمانہ عائد کردیا ہے۔

  • دنیا کے امیر ترین کرکٹرز کی فہرست جاری، آفریدی کا چھٹا نمبر

    دنیا کے امیر ترین کرکٹرز کی فہرست جاری، آفریدی کا چھٹا نمبر

    دبئی: پاکستانی آل راؤنڈر اور ٹی ٹوئنٹی کے سابق کپتان شاہد آفریدی انٹرنیشنل کرکٹ سے دور رہنے کے بعد بھی دنیا کے 6 سب سے زیادہ کمانے والے کھلاڑیوں کی فہرست میں شامل ہیں۔

    خلیجی اخبارکی رپورٹ کے مطابق دنیا کے سب سے زیادہ آمدنی کے معاملے میں بھارتی کرکٹ ٹیم کے کپتان مہندر سنگھ دھونی سرفہرست ہیں انہوں نے تنخواہ سے 5.7 ڈالر جبکہ اشہارات کے ذریعے 23 ملین ڈالر کمائے۔

    crick-1

    بھارتی کھلاڑی ویرات کوہلی 24.9 ملین ڈالر کما کر دوسرے جب کہ فہرست میں ویسٹ انڈین کھلاڑی کا تیسرا نمبر ہے انہوں نے 7.5 ملین ڈالر تنخواہ، اشتہارات اور انڈین پریمئیر لیگ سے کمائے۔

    crick-3

    بھارت کے سابق اوپنر وریندر سہواگ نے انٹرنیشنل کرکٹ سے ریٹائر ہونے کے باوجود رواں برس اشتہاری معاہدوں 5.8 ملین ڈالر حاصل کیے۔

    crick-4

    آسٹریلین کے سابق بلے باز شین واسٹن ہیں جنہوں نے رواں برس مختلف اشتہاری مہم اور سیریز سے رواں برس 5.5 ملین ڈالر حاصل کیے ہیں۔

    crick-5

    پاکستانی آل راؤنڈر اور ٹی ٹوئنٹی کے سابق کپتان بوم بوم آفریدی رواں برس مجموعی طور پر 06.3 ملین ڈالر کما کر چھٹے نمبر پر ہیں انہوں نے تنخواہ کی مد میں 2.3 ملین جبکہ تشہیری مہم سے 04 ملین ڈالر حاصل کیے۔