Tag: virginia

  • ایک سانپ کی وجہ سے ہزاروں گھروں کی بجلی منقطع

    ایک سانپ کی وجہ سے ہزاروں گھروں کی بجلی منقطع

    ورجینیا : امریکا میں ایک سانپ نے بجلی کے ٹرانسفارمر میں گھس کر تار کاٹ دیئے جس کے نتیجے میں ہزاروں گھر تاریکی میں ڈوب گئے۔

    اپنی نوعیت کا یہ انوکھا واقعہ امریکی ریاست ورجینیا میں پیش آیا جہاں اچانک بجلی غائب ہوگئی اور فوری طور پر اس کی کوئی وجہ بھی سامنے نہیں آسکی کیونکہ تمام ہائی ٹینشن وائر درست حالت میں تھے اور کوئی گرڈ اسٹیشن بھی ٹرپ نہیں ہوا تھا۔

    امریکی میڈیا کی رپورٹ کے مطابق بعد ازاں یوٹیلیٹی کمپنی کے حکام نے انکشاف کیا کہ ورجینیا میں بجلی کی فراہمی میں تعطل ایک سانپ کی وجہ سے ہوا جس سے تقریباً 11ہزار 700 صارفین کے گھروں میں اندھیرا چھایا رہا۔

    عملے نے بتایا کہ بجلی بندش کی وجہ ایک سانپ تھا جو ہائی وولٹیج تاروں سے ہوتا ہوا پھسل کر ایک ٹرانسفارمر میں داخل ہوگیا۔

    رپورٹ کے مطابق تقریباً ڈیڑھ گھنٹے بعد تمام صارفین کی بجلی بحال کر دی گئی، تاہم بندش کے ذمہ دار سانپ کی قسم کی شناخت نہیں ہو سکی۔

  • 6 سالہ طالب علم نے اپنی ایلیمنٹری اسکول ٹیچر کو کلاس میں گولی مار دی

    ورجینیا: امریکی ریاست ورجینیا کے شہر ’نیوپورٹ نیوز‘ کے ایک اسکول میں ابتدائی کلاسوں کی ٹیچر کو 6 سالہ طالب علم نے گولی مار کر شدید زخمی کر دیا۔

    امریکی میڈیا کے مطابق شہر نیوپورٹ نیوز کے حکام نے جمعہ کو بتایا کہ ورجینیا کے ایک ایلیمنٹری اسکول کی 30 سالہ ٹیچر کو ایک 6 سالہ لڑکے نے گولی مار دی ہے جس سے ان کی حالت تشویش ناک ہے، جب کہ طالب علم کو حراست میں لے لیا گیا ہے۔

    سٹی حکام کا کہنا ہے کہ فائرنگ حادثاتی نہیں تھی، طالب علم نے فرسٹ گریڈ کے کلاس روم میں پہلے ٹیچر سے بحث شروع کی، اور پھر پستول نکالی اور ایک گولی چلا دی۔

    یہ واقعہ نیوپورٹ نیوز میں واقع رِچنیک ایلیمنٹری اسکول میں پیش آیا، حکام نے بتایا کہ 6 سالہ بچہ حراست میں ہے۔ فائرنگ کے فوراً بعد اسے حراست میں لے لیا گیا، واقعے میں اور کوئی طالب علم یا عملہ زخمی نہیں ہوا۔

    پولیس چیف اسٹیو ڈریو نے میڈیا کو بتایا کہ وہ بچے کے معاملے میں کامن ویلتھ اٹارنی اور کچھ دیگر اداروں کے ساتھ رابطے میں ہیں۔

    پولیس چیف نے کہا کہ ٹیچر کی حالت میں آخری اطلاعات تک بہتری آئی ہے، دوسری طرف شہر کے نئے میئر فلپ جونز نے صحافیوں کو بتایا کہ یہ شہر کے لیے ایک سیاہ دن ہے۔

  • ورجینیا شاپنگ مال کا منیجر اچانک فائرنگ کرنے لگا، متعدد ہلاک

    ورجینیا شاپنگ مال کا منیجر اچانک فائرنگ کرنے لگا، متعدد ہلاک

    ورجینیا: امریکی ریاست ورجینیا میں شاپنگ مال کے منیجر کی فائرنگ سے 6 افراد ہلاک ہو گئے۔

    امریکی میڈیا کے مطابق ورجینیا کے ایک شاپنگ مال میں فائرنگ سے چھ افراد ہلاک ہو گئے ہیں، جب کہ چھ زخمی افراد کا اسپتال میں علاج جار ی ہے، پولیس کا کہنا ہے کہ فائرنگ شاپنگ مال کے منیجر نے کی۔

    پولیس حکام کے مطابق جب وہ شاپنگ مال میں داخل ہوئے تو وہاں دس کے قریب افراد زمین پر پڑے ہوئے تھے، جن میں منیجر بھی شامل تھا، اسٹور کا منیجر جوابی فائرنگ میں مارا گیا۔

    یہ ایک ہفتے سے بھی کم عرصے میں امریکا میں دوسری بڑی شوٹنگ تھی، ایک ہفتہ قبل کولوراڈو کے ایک کلب میں فائرنگ سے 5 افراد ہلاک ہوئے تھے۔

    ورجینیا کے علاقے چیسا پیک کی پولیس کے ایک افسر نے سی این این کو بتایا کہ ہمارا خیال ہے کہ شوٹر مرنے والوں میں شامل ہے، پولیس کی جانب سے جوابی کارروائی کے دوران کوئی گولیاں نہیں چلائی گئیں۔

  • جادو ٹونے کی شوقین ماں نے بچوں کے ساتھ کیا کیا؟

    جادو ٹونے کی شوقین ماں نے بچوں کے ساتھ کیا کیا؟

    ولیمزبرگ : امریکہ میں سفاک ماں نے پانچ بچوں کو گولیاں مار کر قتل کرکے گھر کو آگ لگادی، بعد ازاں خود کو بھی گولی مار کر زندگی کا خاتمہ کرلیا۔

    غیر ملکی خبر رساں ادارے کی رپورٹ کے مطابق امریکی ریاست مغربی ورجینیا کے شہر ولیمزبرگ میں گھر میں آتشزدگی کے بعد پانچ بچوں کی لاشیں ملی تھیں جسے ان کی والدہ نے گولی مار کر ہلاک کیا جس کے بعد خاتون نے خود کشی کرلی۔

    پولیس کے مطابق مغربی ورجینیا کی رہائشی25سالہ خاتون اوریانا مائرز نے22جنوری کو شاٹ گن سے پانچوں بچوں کو قتل کیا اور گھر میں آگ لگانےکے بعد خود کو گولی مار کر ہلاک کردیا تھا۔ بچوں کو قتل کرنے کے بعد مائرز نے اپنے شوہر برائن کو میسج بھی کیا۔

    قتل ہونے والے5 بچوں میں سے تین اوریانا مائرز کے اپنے جبکہ دو بچے سوتیلے تھے، اس بات کا انکشاف دو مقتول سوتیلے بچوں7 سالہ شان اور6 سالہ ریلی کی والدہ 27 سالہ ریوین بومنگر نے پولیس کو بیان دیتے ہوئے کیا۔

    ریوین بومنگر نے بتایا کہ اوریانا مائرز جادوئی عملیات پر یقین رکھتی تھی، اس حوالے سے اسے کچھ عجیب قسم کی غیر معمولی حرکات کرنے میں بھی جنون کی حد تک گہری دلچسپی تھی۔

    سوتیلی ماں کے مطابق اوریانا اپنے فیس بک اور انسٹا گرام اکاؤنٹ پر بھی اسی قسم کی پوسٹ کیا کرتی تھی کہ جس میں چاند کے مراحل، ٹیرو کارڈز اور جادو سے متعلق مختلف کتابوں کا ذکر ہوتا تھا۔

    امریکی میڈیا کے مطابق اوریانا نے اپنے اہل خانہ کے لئے متعدد خطوط چھوڑے تھے جس میں کہا جاتا ہے کہ اس نے بچوں کے قتل کا اعتراف کیا ہے۔

    ایک خط میں اس نے لکھا ہے کہ یہ کسی کی غلطی نہیں ہے بلکہ میری اپنی ہے، مجھ پر شیطانوں نے فتح حاصل کرلی، معذرت چاہتی ہوں کہ میں اتنی مضبوط نہیں تھی۔

    ذرائع کے مطابق واردات کے وقت اوریانا کا شوہر برائن کسی کام کے سلسلے میں کافی دن سے گھر سے باہر تھا دوسری جانب پولیس کو حاصل کردہ موبائل پیغامات کے مطابق برائن کی عدم موجودگی بھی خاتون پر ذہنی دباؤ کا سبب تھی۔

  • چار سالہ بچے نے ہرن کو دوست بنالیا، تصویر وائرل

    چار سالہ بچے نے ہرن کو دوست بنالیا، تصویر وائرل

    میسنٹوئن: امریکا میں ایک چار سالہ بچے نے ہرن کے بچے سے دوستی کی اور اسے اپنے گھر لے آیا، منظر دیکھ کر اس کی والدہ حیرت زدہ رہ گئیں اور اس کی تصویر سوشل میڈیا پر پوسٹ کردی۔

    امریکی ریاست ورجینیا کے علاقے میسنٹوئن میں ایک چھوٹے سے بچے ڈومینک براؤن نے گھر سے باہر کھیلتے ہوئے ایک چھوٹے سے ہرن کے بچے کو اپنا دوست بنالیا اور اسے اپنے ساتھ گھر لے آیا۔

    غیر ملکی خبر رساں ادارے کی رپورٹ کے مطابق چار سالہ ڈومینک براؤن کی والدہ اسٹیفنی براؤن نے اپنے بیٹے اور ہرن کے بچے کی گھر کے دروازے پر بنائی گئی ایک خوبصورت سی تصویر سوشل میڈیا پر شیئر کی جو دیکھتے ہی دیکھتے وائرل ہوگئی۔

    بچے کی ماں اسٹیفنی نے وضاحت کی کہ ہم یہاں میسنٹوئن ریزرٹ پرچھٹیاں گزارنے آئے تھے اور ورجینیا میں اپنے گھر واپس جانے تیاری کررہے تھے کہ ڈومینک اپنے نئے دوست کے ساتھ آگیا۔

    اس بچے کی اپنے ہرن دوست کے ساتھ تصویر سوشل میڈیا پر کافی مقبول ہورہی ہے اور لوگ اسے پسند کرتے ہوئے اس پر خوب دلچسپ تبصرے بھی کررہے ہیں۔

  • گھر میں بم بنانے کے دوران خوفناک دھماکہ، ملزم کا ہاتھ اڑ گیا

    گھر میں بم بنانے کے دوران خوفناک دھماکہ، ملزم کا ہاتھ اڑ گیا

    امریکی پولیس نے 23 سالہ شخص کو گھر میں بم بنانے کے جرم میں گرفتار کرلیا ہے، پولیس کو ملزم کے گھر سے دھماکہ خیز مواد کلیئر کرنے میں 40 گھنٹے کا وقت لگا۔

    یہ واقعہ امریکی ریاست ورجینیا میں پیش آیا جہاں 23 سالہ کول کیرینی ایک کلینک گیا، اس کا ہاتھ کٹا ہوا تھا اور گردن شدید زخمی تھی۔ کول نے ڈاکٹر سے کہا کہ وہ گھاس کاٹنے والی مشین سے زخمی ہوا ہے۔

    تاہم اس کے زخموں کی نوعیت نے پولیس کو اس کی طرف متوجہ کرلیا۔ پولیس جب اس کے گھر پہنچی تو اس کے گھر کے لان کی گھاس بڑھی ہوئی تھی اور اس پر مشین استعمال کرنے کے کوئی آثار نظر نہیں آرہے تھے۔

    جلد ہی پولیس نے گھر میں ایک دھماکے کے آثار معلوم کرلیے، کول کے زخم بھی اس بات کو تقویت دے رہے تھے۔

    بعد ازاں پولیس نے گھر سے دھماکہ خیز مواد کی بڑی مقدار برآمد کرلی، کول اس سے بارودی سرنگ تیار کرنے کی کوشش کر رہا تھا جس کے دوران حادثہ پیش آیا۔

    پولیس کو گھر سے دھماکہ خیز مواد کلیئر کرنے میں 40 گھنٹے کا وقت لگا۔ اس دوران اسٹیٹ پولیس اور ایف بی آئی سمیت متعدد سیکیورٹی ادارے وہاں موجود رہے۔

    گھر کو کلیئر کرنے کے دوان سڑک کو بند کردیا گیا، جبکہ قریبی گھروں کو بھی عارضی طور پر خالی کروا دیا گیا۔

    گھر میں داخل ہونے کے بعد پولیس کو ڈرائیو وے میں خون بھی دکھائی دیا جو کول کے کمرے تک جارہا تھا، کول کے کمرے میں مزید خون اور گوشت کے ٹکڑے بھی موجود تھے جو دھماکے کے بعد کول کے جسم کے تھے۔

    ملزم کو سیکیورٹی اداروں نے تحویل میں لے کر مزید تفتیش شروع کردی ہے۔

  • امریکہ : سیاہ فام کے ساتھ بہیمانہ سلوک کا دوسرا واقعہ، پولیس اہلکار نے گولی ماردی

    امریکہ : سیاہ فام کے ساتھ بہیمانہ سلوک کا دوسرا واقعہ، پولیس اہلکار نے گولی ماردی

    ورجینیا : امریکہ میں پولیس اہلکار نے ایک اور سیاہ فام کو گولی مار دی، اہلکار نے اس کو زمین پر گرا کر اس کی گردن کو دبا دیا، پولیس اہلکار کیخلاف مقدمہ درج کرلیا گیا۔

    تفصیلات کے مطابق امریکی ریاست ورجینیا کے فیئر فیکس کاونٹی میں سیاہ فام شخص پر پولیس تشدد کا ایک اور واقعہ پیش آیا ہے، امریکہ سمیت کئی ممالک میں سیاہ فام شخص جارج فلائیڈ کی موت کیخلاف مظاہروں کا سلسلہ ابھی تھما بھی نہیں تھا کہ ایک دوسرا ویڈیو بھی سامنے آ گیا۔

    ویڈیو میں ٹائلر ٹمبرلاک نامی امریکی پولیس اہلکار نے ایک سیاہ فام امریکی شہری کو اسٹن گن سے گولی مار دی، یہ واقعہ امریکی ریاست ورجینیا کے فیئر فیکس کاؤنٹی میں پیش آیا۔ گن سے فائر کرنے کے بعد سیاہ فام شخص زمین پر گر گیا اور

    حادثے کا ویڈیو پولیس افسر کے یونیفارم میں لگے ہوئے کیمرے میں محفوظ ہو گیا گن لگنے کے بعد زمین پر گرے شخص کے اوپر چڑھ کر پولیس اہلکار ٹمبرلاک نے اس کی گردن کے پیچھے حصے پر دبایا اور دوبارہ گولی ماردی جس سے وہ شدید زخمی ہوگیا۔

    اس حوالے سے فیئر فیکس کاؤنٹی کے پولیس چیف ایڈون سی روزلر جونیئر کا کہنا ہے کہ کسی شخص نے پولیس کو اطلاع دی تھی کہ ایک شخص سڑک پر جا رہا تھا اور یہ آواز دے رہا تھا کہ اسے آکسیجن کی ضرورت ہے۔

    پولیس چیف نے مزید کہا کہ یہ بات واضح نہیں ہے کہ ٹمبرلاک نے اس شخص پر اپنی اسٹین گن کیوں استعمال کی؟ فیئر فیکس کاؤنٹی پولیس انتظامیہ نے بتایا ہے کہ پولیس اہلکار ٹائلر ٹمبر لاک کے خلاف سیاہ فام شخص پر اسٹن گن استعمال کرنے سے متعلق مقدمہ درج کر لیا گیا ہے۔ پولیس کے مطابق اس زخمی شخص کا اسپتال میں علاج کیا گیا اور اس کے بعد چھٹی دے دی گئی۔

    خیال رہے کہ گذشتہ 25 مئی کو امریکی ریاست مینی سوٹا کے مینی پولیس شہر میں پولیس اہلکار کی جانب سے ایک سیاہ فام کا گلا گھونٹے جانے کے سبب 46 سالہ جارج فلائیڈ کی موت ہو گئی تھی، جس کی وجہ سے اب تک امریکہ سمیت دنیا کے متعدد ممالک میں احتجاجی مظاہرے ہورہے ہیں۔

  • امریکی ریاست ورجینیا میں فائرنگ، 12 افراد ہلاک

    امریکی ریاست ورجینیا میں فائرنگ، 12 افراد ہلاک

    ورجینیا: امریکی ریاست ورجینیا میں حملہ آور کی فائرنگ سے 12 افراد ہلاک اور متعدد زخمی ہوگئے، پولیس کی جوابی کارروائی میں حملہ آور بھی مارا گیا۔

    تفصیلات کے مطابق امریکی ریاست ورجینیا کی سرکاری عمارت میں مقامی وقت کے مطابق شام چار بجے حملہ آور نے اندھا دھند فائرنگ کردی جس کے نتیجے میں 12 افراد جان کی بازی ہارگئے۔

    پولیس کی جانب سے کی گئی جوابی کارروائی میں حملہ آور ہلاک ہوگیا، فائرنگ کے تبادلے میں ایک پولیس اہلکار زخمی بھی ہوا۔

    ورجینیا کے سینیٹر ٹیم کین نے سماجی رابطے کی ویب سائٹ ٹویٹر پر اپنے پیغام میں کہا کہ ورجینیا بیچ میں شوٹنگ کی خبرسن کر صدمے میں ہیں۔

    انہوں نے فائرنگ کے واقعے میں زخمی ہونے والے افراد کی جلد صحت یابی کے لیے دعا کی۔

    ورجینیا کے گورنر راف نارتھم نے فائرنگ کے واقعے کو شہراور ریاست کے لیے المناک دن کے طور پر یاد کیا۔

    ورجینیا بیچ ریاست کی سب سے گنجان آبادی والا شہر ہے جہاں 4 لاکھ 40 ہزار شہری رہتے ہیں۔

    امریکی ٹریکنگ ویب سائٹ گن وائلینس آرکائوز کے مطایق یہ امریکا میں رواں سال ہونے والا 150 واں فائرنگ کا واقعہ ہے۔

    امریکا: اسکول میں فائرنگ، 8 طالب علم شدید زخمی

    یاد رہے کہ گزشتہ ماہ امریکا کی ریاست کولوراڈو میں ایک اسکول میں دو مشتبہ افراد کی فائرنگ سے آٹھ طالب علم زخمی ہوگئے تھے، پولیس نے بروقت کارروائی کرکے حملہ آوروں کو گرفتار کرلیا تھا۔

  • امریکی لائبریری نے ٹرمپ مخالف کتاب لینے سے انکار کر دیا

    امریکی لائبریری نے ٹرمپ مخالف کتاب لینے سے انکار کر دیا

    ورجینا: امریکی لائبریری کی انتظامیہ نے ٹرمپ مخالف کتاب کو اپنے شیلف میں رکھنے سے انکار کر دیا.

    تفصیلات کے مطابق امریکی ریاست مغربی ورجینیا میں ایک لائبریری نے ٹرمپ مخالف صحافی باب ووڈ ورڈز کی کتاب Fear: Trump in the White House کی مفت کاپی کو وصول کرنے سے انکار کر دیا.

    لائبریری کی ڈائریکٹر کا کہنا ہے کہ انھیں ووڈ ورڈز کی کتاب لینے میں کوئی دلچسپی نہیں، ان کے بیش تر صارفین ٹرمپ کے حامی ہیں، گذشتہ انخابات میں‌ یہاں سے ٹرمپ نے واضح کامیابی حاصل کی تھی.

    یاد رہے کہ امریکی صحافی نے اپنی کتاب میں امریکی صدر کو کڑی کا تنقید کا نشانہ بنایا تھا. کتاب میں کئی اہم انکشافات کیے گئے ، جن کے مطابق خود وائٹ ہاؤس انتظامیہ ان پر بھروسا نہیں‌ کرتی.


    مزید پڑھیں: صدر بننے کے بعد ٹرمپ اب تک 5 ہزار بار جھوٹ بول چکے ہیں: امریکی رپورٹ


    اس کتاب پر ٹرمپ انتظامیہ کی جانب سے شدید تنقید کی گئی. ڈونلڈ ٹرمپ نے اپنے ٹویٹس میں کتاب کے مندرجات کو آڑے ہاتھ لیا اور اس میں‌بیان کر دہ باتوں‌کو کو من گھڑت اور حقائق کے منافی قرار دیا ہے۔

    لائبریری انتظامیہ کے رویے پر سوشل میڈیا پر شدید تنقید کی جارہے اور اسے آزادی اظہار کے منافی قرار دیا جارہا ہے.

    واضح رہے کہ باب ووڈ ورڈز کی کتاب بیسٹ سیلر ثابت ہوئی. اب تک اس کی سات لاکھ سے زاید کاپیاں‌ فروخت ہوچکی ہیں.

  • خواب میں نظر آنے والے نمبرز نے نوجوان کو کروڑپتی بنا دیا

    خواب میں نظر آنے والے نمبرز نے نوجوان کو کروڑپتی بنا دیا

    ورجینیا : خواب میں دکھائی دینے والے نمبرز نے نوجوان کو کروڑپتی بنا دیا۔

    تفصیلات کے مطابق امریکہ میں ایک دلچسپ واقعہ رونما ہوا ،جب خواب نے حقیقت کا روپ دھار لیا، ورجینیا سے تعلق رکھنے والے نوجوان وکٹر ایملے پر قسمت کی دیوی ایسی مہربان ہوئی کہ وہ خود بھی حیران رہ گئے۔

    کمپیوٹر پروگرامر وکٹر کو خواب میں کچھ عجیب نمبرز دیکھے، وکٹر نے ان نمبرز کو لاٹری کے چار ٹکٹوں پر آزمایا، وکٹر کے گمان میں نہیں تھا کہ اسکے ہرلاٹری ٹکٹ پر ایک لاکھ ڈالر کا انعام نکل آئے گا۔

    وکٹر نے چار لاکھ ڈالر کی رقم جیت لی جو پاکستانی روپوں میں چارکروڑ بنتی ہے۔

    ایملے کا کہنا ہے کہ اس سے پہلے ایسا خواب کبھی نہیں آیا اور سوچ رہا ہوں کہ انعامی رقم کیسے خرچ کروں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔