ARYNews.tv | Urdu – Har Lamha Bakhabar

Tag: virus

  • کروناوائرس: بلوچستان سے اچھی خبر آگئی

    کروناوائرس: بلوچستان سے اچھی خبر آگئی

    کوئٹہ: صوبہ بلوچستان میں وبائی مرض کے دو مریضوں نے کروناوائرس کو شکست دے دی۔

    تفصیلات کے مطابق بلوچستان حکومت کے ترجمان لیاقت شاہوانی کا کہنا ہے کہ بلوچستان میں کرونا وائرس کے 2 مریض مکمل صحت یاب ہوچکے ہیں۔ دونوں مریض شیخ زید اسپتال میں زیر علاج تھے۔

    انہوں نے بتایا کہ علاج کے بعد دونوں افراد کی کرونا رپورٹ منفی آئی، دونوں افراد کو اسپتال سے فارغ کردیا گیا ہے۔

    قبل ازیں اسکردو میں کرونا وائرس سے 2مریض صحتیاب ہوئے، دونوں مریضوں کو رپورٹ منفی آنے پر گھر بھجوا دیا گیا، دونوں مریض کروناٹیسٹ مثبت آنے پر آئسولیشن وارڈ میں زیر علاج تھے۔

    پاکستان میں کورونا وائرس کے مزید 2 مریض صحتیاب

    خیال رہے ملک بھر میں کرونا کےکیسزکی تعداد 1200 سے تجاوز کر گئی جبکہ کرونا سے جاں بحق افراد کی تعداد 10 ہوگئی ہے۔ اعدادو شمار کے مطابق پنجاب میں کرونا کیسز کی تعداد 408 تک جا پہنچی ہے۔

    سندھ میں 429، بلوچستان میں 131، خیبر پختونخوا میں147، اسلام آباد میں 27 کرونا وائرس کے کیسز رپورٹ ہوئے اور گلگت بلتستان 91،آزادکشمیر میں کروناکیسزکی تعداد دو ہے۔

  • میواسپتال میں مبینہ غفلت سے کرونامریض کی موت، پنجاب حکوت کا نوٹس

    میواسپتال میں مبینہ غفلت سے کرونامریض کی موت، پنجاب حکوت کا نوٹس

    لاہور: پنجاب حکومت نے میواسپتال انتظامیہ کی مبینہ غفلت سے کرونامریض کی موت کا نوٹس لے لیا۔

    تفصیلات کے مطابق لاہور کے میواسپتال میں مبینہ طور پر غفلت کے باعث شیخوپورہ سے تعلق رکھنے والے کرونامریض کی موت واقع ہوئی، وزیرصحت پنجاب ڈاکٹر یاسمین راشد تحقیقات کرنے خود میو اسپتال پہنچ گئیں۔

    یاسمین راشد کا کہنا ہے کہ تحقیقات کے لیے 2سینئر پروفیسرز کی کمیٹی تشکیل دے دی ہے، ڈاکٹرز کی غفلت ثابت ہونے پر کارروائی کی جائے گی۔ خیال رہے کہ مذکورہ موت معمہ بن گئی ہے، میواسپتال انتظامیہ کی جانب سے مریض کے ساتھ ناروا سلوک کا انکشاف ہوا ہے۔

    ذرائع نے انکشاف کیا کہ لاہور کے میواسپتال میں شیخوپورہ سے تعلق رکھنے والے کرونامریض نے طبیعت خراب ہونے پر ڈاکٹر سے وینٹی لیٹر مانگا، وینٹی لیٹر دینے کے بجائے مریض کو رسیوں سے باندھ دیا گیا۔

    لاہور کے میو اسپتال میں کرونا مریض کی موت معمہ بن گئی

    ’’مریض کو 2وارڈز بوائے نے مل کر رسیوں سے باندھا، مریض صبح کے وقت واش روم گیا اور بیس منٹ تک باہر نہیں آیا، بعد ازاں واش روم کا دروازہ توڑنے پر مریض کی لاش ملی‘‘۔

    پاکستان میں ایک اور کورونا وائرس کا مریض چل بسا، تعداد 10 ہوگئی

    خیال رہے کہ آج لاہور کے میو اسپتال میں شیخوپورہ سے تعلق رکھنے والے 70 سالہ شہری کی کروناوائرس سے موت واقع ہوئی۔ محکمہ صحت پنجاب نے ہلاکت کی تصدیق بھی کی۔

  • لاہور کے میو اسپتال میں کرونا مریض کی موت معمہ بن گئی

    لاہور کے میو اسپتال میں کرونا مریض کی موت معمہ بن گئی

    لاہور: صوبہ پنجاب میں کرونا وائرس کے مریض کی موت معمہ بن گئی، میواسپتال انتظامیہ کی جانب سے مریض کے ساتھ ناروا سلوک کا انکشاف ہوا ہے۔

    ذرائع کے مطابق لاہور کے میواسپتال میں شیخوپورہ سے تعلق رکھنے والے کرونامریض نے طبیعت خراب ہونے پر ڈاکٹر سے وینٹی لیٹر مانگا، وینٹی لیٹر دینے کے بجائے مریض کو رسیوں سے باندھ دیا گیا۔

    ذرائع نے انکشاف کیا ہے کہ مریض کو 2وارڈز بوائے نے مل کر رسیوں سے باندھا، مریض صبح کے وقت واش روم گیا اور بیس منٹ تک باہر نہیں آیا، بعد ازاں واش روم کا دروازہ توڑنے پر مریض کی لاش ملی۔

    خیال رہے کہ آج لاہور کے میو اسپتال میں شیخوپورہ سے تعلق رکھنے والے 70 سالہ شہری کی کروناوائرس سے موت واقع ہوئی۔ محکمہ صحت پنجاب نے ہلاکت کی تصدیق بھی کی۔

    پاکستان میں ایک اور کورونا وائرس کا مریض چل بسا، تعداد 10 ہوگئی

    ترجمان ہیلتھ کیئر کا کہنا تھا کہ پنجاب میں کروناوائرس سےجاں بحق افراد کی تعداد 4ہوگئی ہے، لاہور میں تین اور راولپنڈی میں ایک مریض جاں بحق ہوا۔

    ترجمان نے مزید کہا کہ پنجاب میں کرونا وائرس کے419 کنفرم مریض ہیں، ڈی جی خان سے207 زائرین، ملتان سے19زائرین اور لاہورمیں 113 افراد میں کرونا وائرس کی تصدیق ہوئی۔

  • لاک ڈاؤن، بھارتی پولیس نے درندگی کی انتہا کردی

    لاک ڈاؤن، بھارتی پولیس نے درندگی کی انتہا کردی

    نئی دہلی: بھارت میں لاک ڈاؤن کے دوران پولیس نے ڈیلیوری بوائز کو بہیمانہ تشدد کا نشانہ بنایا۔

    غیرملکی خبررساں ادارے کی رپورٹ کے مطابق بھارت کے مختلف شہروں میں پولیس اور دیگر قانون نافذ کرنے والے اداروں کے اہلکاروں کی جانب سے شہریوں سے بدسلوکی کی شکایات سامنے آئی ہیں۔

    بھارتی پولیس اُن شعبوں کے رضاکاروں اور ملازمین کو بھی تشدد کا نشانہ بنارہی ہے جنہیں کروناوائرس کے پیش نظر نافذ العمل لاک ڈاؤن سے مستثیٰ قرار دیا گیا ہے۔ درندہ صفت پولیس نے اشیاء اور ادویات ڈیلیور کرنے والے بوائز کو شدید تشدد کا نشانہ بنایا۔ خیال رہے کہ مذکورہ لاک ڈاؤن میں ان ملازمین کو خصوصی استثنیٰ حاصل ہے۔

    بھارت میں لاک ڈاؤن کے نتیجے میں ضروری اشیاء کی دکانیں، میڈیکل اسٹورز، کلینک اور اسپتال سمیت دیگر ہنگامی بنیادوں پر کام کرنے والے تمام شعبے کھلے رہیں گے اور ان کے ملازمین پر کسی قسم کی کوئی پابندی نہیں ہوگی۔

    بھارت میں21 روزہ لاک ڈاؤن کا اعلان

    حکومتی احکامات کے باوجود بھارتی پولیس مذکورہ شعبوں سے تعلق رکھنے والے افراد سے بھی ناروا سلوک سے پیش آرہی ہے۔ شہر ممبئی اور دہلی میں دو ڈیلیوری بوائز پر پولیس اہلکاوں نے حملہ کیا۔ دریں اثنا مختلف شہروں سے بھی اسی طرح کی شکایات موصول ہورہی ہیں۔

    اس بھیانک صورت حال پر سوشل میڈیا صارفین نے بھی پولیس کو تنقید کا نشانہ بنایا۔

  • چین کی کروناوائرس کے خلاف بڑی کامیابی

    چین کی کروناوائرس کے خلاف بڑی کامیابی

    بیجنگ: چین کروناوائرس کے خلاف جنگ میں آہستہ آہستہ کامیابی حاصل کررہا ہے، چین میں گزشتہ 24 گھنٹے میں صرف 47 نئے کیسز رپورٹ ہوئیں۔

    تفصیلات کے مطابق گزشتہ چوبیس گھنٹوں کے دوران صرف 47 نئے کیسز کے سامنے آنے کو بڑی کامیابی قرار دیا جارہا ہے۔ چین میں گزشتہ 24 گھنٹے میں کرونا کے 4 مریضوں کا انتقال ہوا جبکہ اڑتالیس نئے کیسز رپورٹ ہوئیں۔

    چین میں کروناوائرس کے مجموعی طور 81ہزار218 کیسز رپورٹ ہوئے۔ ملک میں کروناوائرس کے صحتیاب مریضوں کی تعداد 73ہزار650 ہے۔ جبکہ چین میں ملک وائرس کے ایکٹیو کیسز کی تعداد 4ہزار287 ہے۔

    خیال رہے کہ دنیا بھر میں تیزی سے پھیلنے کے بعد کووِڈ نائنٹین کی ہلاکت خیزی کو تاحال نہیں روکا جا سکا ہے، اموات کی تعداد تیزی سے بڑھتی جا رہی ہے، اب تک وائرس سے 422,945 افراد متاثر ہو چکے ہیں جن میں انیس ہزار کے قریب لوگ جان کی بازی ہار گئے، جب کہ 1 لاکھ 9 ہزار افراد صحت یاب ہو چکے۔

    البتہ اس ضمن میں چین آہستہ آہستہ کامیابی حاصل کررہا ہے۔ ماضی کے مقابلے میں کافی حد تک وائرس پر قابو پالیا گیا۔

  • کروناوائرس: وزیراعظم کا ریلیف پیکج، اعلامیہ جاری

    کروناوائرس: وزیراعظم کا ریلیف پیکج، اعلامیہ جاری

    اسلام آباد: وزیراعظم عمران خان نے کروناوائرس سے متعلق ریلیف پیکج کی منظوری دے دی۔

    تفصیلات کے مطابق وزارت خزانہ کی جانب سے جاری کردہ اعلامیہ میں کہا گیا ہے کہ امدادی پیکیج کا مقصد کروانا وبا سے متاثرہ افراد کو ریلیف دینا ہے۔ مزدوروں اور یومیہ اجرت پر کام کرنے والوں کے لیے 200ارب روپے کی منظوری دی گئی ہے۔ صنعتوں اور برآمدی شعبے کے لیے 100ارب روپے مختص کیے گئے ہیں۔

    پیکج میں ٹیکس ریفنڈ کے اجرا سمیت قرضوں اور سود کی ادائیگی میں سہولت کا اعلان کیا گیا ہے۔ زراعت اور ایس ایم ای کے لیے 100ارب روپے کی ریلیف مختص ہے۔ جبکہ شدید متاثرہ خاندانوں کے لیے 144ارب روپے کی ریلیف رکھی گئی ہے۔ ایک کروڑ 20لاکھ مستحق خاندانوں کو 4ماہ تک رقم فراہم کی جائے گی۔

    ریلیف پیکج: وزیراعظم کا پٹرولیم مصنوعات کی قیمتوں میں بڑی کمی کا اعلان

    اعلامیہ میں کہا گیا ہے کہ یوٹیلیٹی اسٹورز کے لیے 50ارب جبکہ پناہ گاہوں کے لیے 6ارب روپے مختص کیے گئے ہیں۔ گندم کی خریداری کے لیے 280ارب روپے مقرر کیے گئے۔ پٹرولیم مصنوعات کی قیمتوں میں 15،15روپے فی لیٹر کمی کی گئی۔ ریلیف کے تحت دو ہزار روپے تک گیس کے بلز 3ماہ کی آسان اقساط میں لیے جائیں گے۔ جبکہ انرجی فنڈز کے لیے 100ارب اور این ڈی ایم اے کے لیے 25 ارب روپے مختص کیے گئے ہیں۔

  • چین میں کرونا کے بعد ’’ہنتا وائرس‘‘ کا خوف، پہلی موت

    چین میں کرونا کے بعد ’’ہنتا وائرس‘‘ کا خوف، پہلی موت

    بیجنگ: چین میں کروناوائرس کے بعد ’’ہنتاوائرس‘‘ کا خوف پھیلنے لگا، مذکورہ وائرس سے پہلا مریض ہلاک ہوگیا۔

    غیرملکی خبررساں ادارے کی رپورٹ کے مطابق چین میں کرونا کے بعد ہنتاوائرس نے شہریوں میں خوف پھیلا رکھا ہے۔ صوبے ینان میں پہلا مریض ہنتاوائرس سے دم توڑ گیا۔

    مرنے والے مریض نے بس میں سفر کی تھی جس کے بعد مذکورہ بس میں سوار تمام مسافروں کی اسکریننگ کی گئی ہے۔ ماہرین کا کہنا ہے کہ ہنتا وائرس چوہوں سے پھیلتا ہے، چوہا کسی شخص کو کاٹ لے تو اسے وائرس منتقل ہوسکتا ہے۔

    ماہرین نے بتایا کہ ہنتاوائرس انسان سے انسان میں منتقل نہیں ہوسکتا اور نہ ہی فضا میں اس کے کوئی اثرات ہوتے ہیں۔ البتہ چوہوں کے کاٹنے سے مذکورہ وائرس ہونے کے خطرات بڑھ جاتے ہیں۔

    کروناوائرس کتنا بھیانک ثابت ہوسکتا ہے؟ طبی ماہر نے خبردار کردیا

    رپورٹ میں کہا گیا ہے شہری کی ہنتاوائرس رپورٹ مثبت آئی تھی جس کے بعد موت واقع ہوئی۔ شہری نے جس بس میں سفر کیا تھا اس کے 32 مسافروں کا بھی معائنہ کیا گیا ہے البتہ رپورٹس سامنے نہیں آئیں۔

    خیال رہے کہ چین سمیت پوری دنیا اس وقت کروناوائرس سے لڑ رہی ہے۔ مہلک وائرس کا آغاز چینی شہر وہان سے ہوا اور اب تک دنیا بھر میں 16 ہزار کے قریب افراد مارے جاچکے ہیں۔

  • سعودی عرب میں کروناوائرس سے پہلی موت

    سعودی عرب میں کروناوائرس سے پہلی موت

    ریاض: سعودی عرب میں کروناوائرس سے پہلا مریض جاں بحق ہوگیا، حکومت نے تصدیق کردی۔

    عرب میڈیا کی رپورٹ کے مطابق سعودی محکمہ صحت نے مملکت میں کروناوائرس سے پہلے مریض کی موت کی تصدیق کردی ہے۔ ملک میں مہلک وائرس کے مریضوں کی مجموعی تعداد 767 ہوگئی۔

    محکمہ صحت نے پریس کانفرنس کرتے ہوئے موت کی تصدیق کی اور بتایا کہ سعودی عرب میں جان لیوا وائرس کے مریضوں کی تعداد 767 تک جاپہنچی ہے۔ غیرملکی شہری کی کرونا سے ہلاکت مدینے شہر میں قائم ایک اسپتال میں ہوئی۔

    سعودی عرب میں آج بھی کروناوائرس کے 205 نئے کیسز سامنے آئے ہیں۔

    کرونا وائرس، عوام گھروں پر رہیں، درود شریف پڑھیں، عبدالرحمان السدیس

    خیال رہے کہ ہلاک خیز وائرس کے پیش نظر سعودی عرب میں کرفیو نافذ ہے۔ وزارت داخلہ نے شہریوں کو سخت ہدایات جاری کرتے ہوئے کہا ہے کہ وہ غیرضروری طور پر گھروں سے باہر نہ نکلیں۔

    دوسری جانب امام کعبہ اور حرمین شریفین امور کے سربراہ شیخ عبدالرحمان السدیس نے عوام سے گھروں پر رہنے کی اپیل کرتے ہوئے کہا ہے کہ وہ قرنطینہ اختیار کر کے درود شریف کا ورد کریں۔

  • کروناوائرس کتنا بھیانک ثابت ہوسکتا ہے؟ طبی ماہر نے خبردار کردیا

    کروناوائرس کتنا بھیانک ثابت ہوسکتا ہے؟ طبی ماہر نے خبردار کردیا

    لندن: برطانوی طبی ماہر پروفیسر موٹگو میری نے خبردار کیا ہے کہ اب بھی کچھ لوگ کروناوائرس کو سنجیدہ نہیں لے رہے، مہلک وائرس دنیا کے لیے بہت بھیانک ثابت ہوسکتا ہے۔

    غیرملکی خبررساں ادارے کی رپورٹ کے مطابق اپنے ایک انٹرویو میں پروفیسر کا کہنا تھا کہ لوگ کرونا کو ایک نزلے کی طرح کی بیماری تصور کررہے ہیں اور یہی سب سے بڑا مسئلہ ہے کہ شہری اسے سنجیدہ نہیں لے رہے۔

    انہوں نے تشویش کا اظہار کرتے ہوئے کہا کہ کئی اسے شہری بھی ہیں جن کے مطابق اگر وائرس ان میں منتقل ہوجائے تو کوئی مسئلے کی بات نہیں ہے۔ عوام کے سوچنے کا معیار بہت غلط ہے۔

    موٹگومیری نے پیش گوئی کی ہے کہ مہلک وائرس لاکھوں لوگوں کو ہلاک کرسکتا ہے۔

    طبی ماہر کا شہریوں کو ہدایت کرتے ہوئے کہنا تھا کہ خود کو بیمار محسوس کرنے کی صورت میں فوری طور پر اسپتال کا رخ کرنا لازمی ہے۔ برطانیہ میں زیادہ سے زیادہ وینٹی لیٹرز کروناوائرس سے لڑنے میں معاون ثابت ہوں گے۔

    بڑی کامیابی ،چار مختلف تجرباتی دوائیوں سے کورونا وائرس کا آزمائشی علاج شروع

    خیال رہے کہ دنیا بھر کے ممالک کی طرح برطانیہ بھی کروناوائرس سے شدید متاثر ہے اور مریضوں کی تعداد میں بھی اضافہ دیکھنے میں آیا ہے۔ البتہ حکومت عوام کو محفوظ رکھنے کے لیے ہرممکن اقدامات کررہی ہے۔

  • کروناوائرس: ’’پاکستان محدود وسائل کے باوجود ہر ممکن اقدام کررہا ہے‘‘

    کروناوائرس: ’’پاکستان محدود وسائل کے باوجود ہر ممکن اقدام کررہا ہے‘‘

    اسلام آباد: وزیرخارجہ شاہ محمود قریشی دارالحکومت میں قائم اٹلی کے سفارت خانے پہنچے اور اطالوی سفیر سے خصوصی ملاقات کی، اس دوران کروناوائرس کے تباہ کاریوں پر تبادلہ خیال کیا گیا۔

    تفصیلات کے مطابق اطالوی سفیر سے ملاقات کے دوران وزیر خارجہ شاہ محمود قریشی نے کرونا وبا کے باعث اٹلی میں جانی نقصان پر گہرے دکھ اور افسوس کا اظہار کیا جس پر اطالوی سفیر نے وزیرخارجہ کا خیر مقدم کیا۔

    شاہ محمود کا کہنا ہے کہ کروناعالمی وبا نے بہت تیزی کے ساتھ دنیا کو اپنی لپیٹ میں لیا ہے، یہ وہ چیلنج ہے جس کا سامنا ہم سب کو درپیش ہے، عالمی چیلنج سے نمٹنے کے لیے اقوام عالم کو متفقہ کاوشیں کرنا ہوں گی۔

    ان کا مزید کہنا تھا کہ عالمی آفت سے نمٹنے کے لیے پاکستان محدود وسائل کے باوجود ہر ممکن اقدام کررہا ہے۔ دریں اثنا اطالوی سفیر نے سفارتخانے آمد اور مشکل گھڑی میں اظہار یکجہتی پر وزیرخارجہ کا شکریہ ادا کیا۔

    بڑی خبر، پاکستان میں کورونا وائرس کے مزید 4 مریض صحتیاب

    خیال رہے پاکستان میں کرونا سے متاثرہ افراد کی تعداد 892ہوگئی جبکہ وائرس سے اب تک 7مریض جاں بحق ہوچکے ہیں، خیبرپختونخوا میں کرونا وائرس سے 3افراد جاں بحق ہوئے، کراچی اور بلوچستان میں ایک ایک مریض جاں بحق ہوا جبکہ گلگت بلتستان میں کرونا کے خلاف کام کرنے والے ڈاکٹرجاں بحق ہوا۔