Tag: virus

کراچی: ملک کے مختلف ایئر پورٹس پر کل سے تمام عملے کی اسکریننگ کا فیصلہ سامنے آگیا۔

تفصیلات کے مطابق ذرائع کا کہنا ہے کہ اسٹاف ممبر بھی ایئرپورٹ میں بغیر ماسک کے داخل نہیں ہوسکے گا۔ جبکہ مسافر سے ملنے کے لیے صرف ایک شخص کو ایئرپورٹ میں داخل ہونے کی اجازت دی جائے گی۔

ذرائع نے بتایا کہ ایئرلائنز کو مسافروں کے ہیلتھ کارڈز یقینی بنانے کی ہدایت کی ہے۔ ہیلتھ کارڈز یقینی نہ بنانے والی ایئرلائنز کے خلاف سخت کارروائی کی جائے گی۔

مہلک کرونا وائرس سے بچاؤ کے لیے حفاظتی اقدامات کا سلسلہ تیزی سے آگے بڑھنے لگا ہے۔

واضح رہے کہ ایران میں کرونا وائرس سے اموات نے پاکستان کو بھی ہائی الرٹ کر دیا ہے، تفتان بارڈر، ٹرانزٹ گیٹ، راہداری، پاسپورٹ گیٹ بند کر دیے گئے ہیں، تفتان بارڈر پر ایران سے آنے والوں کی اسکریننگ بھی کی جا رہی ہے، آئیسولیشن وارڈ بھی قائم کر دیے گئے۔ ظفر مرزا کا کہنا ہے کہ انٹری پوائنٹس پر عالمی ہیلتھ ریگولیشن پر عمل ہو رہا ہے۔

خیال رہے کہ ایئرپورٹس پر خصوصی اقدامات کیے جارہے ہیں۔

کراچی: وزیراعلیٰ سندھ سید مراد علی شاہ کی زیرصدارت کروناوائرس پر ٹاسک فورس کا اجلاس ہوا، جس میں وزیرصحت، وزیربلدیات، مشیرقانون اور چیف سیکریٹری نے شرکت کی۔

اے آر وائی نیوز کے مطابق وزیراعلیٰ سندھ کی زیرصدارت ہونے والے اجلاس میں کورکمانڈر کراچی اور رینجرز کے اعلیٰ حکام سمیت آئی جی سندھ، وزیراعلیٰ کے پرنسپل سیکریٹری اور سیکریٹری داخلہ بھی شریک ہوئے۔

اجلاس میں سیکریٹری صحت، کمشنرکراچی، ایڈیشنل آئی جی، ڈی جی پی ڈی ایم اے، ایئرپورٹ، سی اےاے، ایف آئی اے اور آغاخان اسپتال کے ڈاکٹر فیصل نے بھی شرکت کی۔ اس موقع پر کرواناوائرس سے متعلق فریفنگ دی گئی کہ ایران سے کل زائرین 2355 ہیں جن میں سے گزشتہ 14دن میں 1748واپس آئے۔

بریفنگ کے مطابق 497زائرین کو اب بھی ان کےگھروں میں قرنطینہ میں رکھا گیا ہے جب کہ 2245 مکمل ٹریس ہوئے اور باقی 110ٹریس ہونے ہیں، ٹریس نہ ہونے والوں میں 109 کا تعلق کراچی اور ایک کابدین سے ہے۔

کراچی میں کروناوائرس کا ایک اور کیس سامنے آگیا

اجلاس میں وزیراعلی سندھ کا کہنا تھا کہ آج کروناوائرس کا ایک مشتبہ ٹیسٹ کرایا وہ منفی آیا، وائرس کے 2 ٹیسٹ بھجوائے ان کے نتائج آنےباقی ہیں، معاون خصوصی ڈاکٹر ظفر مرزا سے بات کی ہے، ڈاکٹرظفرمرزا نے ہر طرح کا تعاون کرنے کی یقین دہانی کرائی ہے۔

بریفنگ کے دوران مزید بتایا گیا کہ سندھ میں کروناوائرس کے 68 ٹیسٹ کئے گئے، پنجاب میں 75، اسلام آباد میں59، کے پی میں 24ٹیسٹ کئےگئے۔ بلوچستان میں 8، آزادکشمیر میں 3، گلگت بلتستان میں 14ٹیسٹ ہوئے۔