Tag: visa

(31 اگست 2025): وہ پاکستانی پیشہ ور افراد جو کینیڈا میں کام کرنے کے خواہاں ہیں ان کیلیے ڈیجیٹل نومیڈ ویزا سنہری موقع ہے جس کے ذریعے وہ ریموٹ ورکر کی حیثیت سے وہاں کام کر سکتے ہیں۔

کینیڈا کا ڈیجیٹل نومیڈ ویزا پاکستان کے فری لانسرز اور ریموٹ ورکرز میں خوب مقبولیت سمیٹ رہا ہے لہٰذا اسے حاصل کرنے کا طریقہ اور شرائط کے بارے میں جاننا بھی ضروری ہے۔

کینیڈا کا ڈیجیٹل نومیڈ ویزا کیا ہے؟

یہ ویزا اُن ریموٹ ورکرز کیلیے ہے جو دنیا کے کسی بھی حصے میں رہ کر بیرون ملک خدمات فراہم کر کر سکتے ہیں۔ پاکستان کے بڑھتے ہوئے فری لانسرز، آئی ٹی پروفیشنلز، کنٹینٹ کری ایٹرز اور ڈیجیٹل مارکیٹرز کیلیے یہ ایک سنہری موقع ہے۔

ویزا اور امیگریشن سے متعلق مزید خبریں

روایتی ورک ویزا کے برعکس یہ افراد کو کینیڈا میں عارضی طور پر رہنے کی اجازت دیتا ہے جس سے وہ ٹورنٹو، وینکوور، اور مونٹریال جیسے شہروں کو دریافت کرنے کی آزادی حاصل کر سکتے ہیں جبکہ وہ کینیڈا کی معیشت میں حصہ ڈالتے ہیں۔ یہ اُن پیشہ ور افراد کیلیے موزوں ہے جو غیر ملکی کمپنیوں کیلیے کام کرتے ہیں یا اپنے ریموٹ کاروبار کو سنبھالتے ہیں۔

درخواست دہندگان کیلیے اہلیت کا معیار

کینیڈا کا ڈیجیٹل نومیڈ ویزا حاصل کرنے کیلیے پاکستانی درخواست دہندگان کو کئی اہم معیارات پر پورا اترنا ہوگا تاکہ یہ یقینی بنایا جا سکے کہ وہ وہاں رہتے ہوئے اپنے اخراجات خود برداشت کر سکیں جو یہ ہیں:

• کم از کم ایک سال کیلیے درست پاسپورٹ
• غیر ملکی کمپنی کے ساتھ ریموٹ ورک یا خود روزگار ہونے کی تصدیق کیلیے دستاویزات (جیسے کہ آجر سے خط یا کلائنٹ کے معاہدے)
• رہائشی اخراجات پورے کرنے کیلیے موجود رقم کا ثبوت (فی مہینہ 2 ہزار سے 2500 کینیڈین ڈالر ہیں)
• درخواست دہندگان کو پاکستان میں مقامی درخواست مرکز پر بائیو میٹرک ڈیٹا فراہم کرنا ہوگا

یہ تقاضے اس بات کو یقینی بناتے ہیں کہ غیر ملکی کینیڈا میں مقامی روزگار پر انحصار کیے بغیر خود کو سہارا دے سکتے ہیں جو اس ویزا کے مقصد کے مطابق ہے۔

درخواست دینے کا طریقہ

درخواست کا عمل مکمل طور پر آن لائن ہے جو پاکستانیوں کیلیے قابل رسائی ہے۔ اس عمل کو مؤثر طریقے سے مکمل کرنے کیلیے ایک رجسٹرڈ کینیڈین ایمیگریشن کنسلٹنٹ کی ضرورت ہے، مرحلہ وار رہنمائی ملاحظہ کیجیے:

• پاسپورٹ، ملازمت کا ثبوت، مالی دستاویزات اور دیگر کاغذات تیار کریں
• کینیڈا کے سرکاری ایمیگریشن پورٹل کے ذریعے درخواست مکمل کریں یا پیشہ ور افراد کی مدد لیں
• اگر ضرورت ہو تو بائیو میٹرک اپائنٹمنٹ شیڈول کریں اور اپ ڈیٹس کیلیے اپنا ای میل چیک کریں
• منظوری کے بعد اپنی فلائٹس بک کریں اور رہائش کا انتظام کریں

ان مراحل پر عمل کر کے پاکستانی درخواست دہندگان عام نقائص سے بچ سکتے ہیں اور درخواست کے عمل کو آسان بنا سکتے ہیں۔

ڈیجیٹل نومیڈ ویزا کے فوائد

• کینیڈین ورک پرمٹ کی ضرورت کے بغیر غیر ملکی کلائنٹس یا آجروں کیلیے ریموٹ طور پر کام کریں
• ایک متنوع اور خوش آئند ملک میں رہ کر عالمی برادریوں سے رابطہ قائم کرنے کے مواقع حاصل کریں
• وینکوور اور مونٹریال جیسے ٹیک ایڈوانس شہروں میں کو-ورکنگ اسپیسز تک رسائی
• کینیڈا کے اعلیٰ معیار زندگی سے لطف اندوز ہوں بشمول بہترین صحت کی دیکھ بھال اور حفاظت

ممکنہ چیلنجز

اگرچہ ڈیجیٹل نومیڈ ویزا ایک دلچسپ موقع ہے لیکن پاکستانی درخواست دہندگان کو کچھ چیلنجز کا سامنا بھی کرنا پڑ سکتا ہے جیسے کہ مقامی مراکز پر زیادہ مانگ کی وجہ سے بائیو میٹرک اپائنٹمنٹس کا بروقت حصول۔

اس کے علاوہ مالی وسائل اور ریموٹ ملازمت کا ثبوت دینا لازمی ہو سکتا ہے جس کیلیے مکمل دستاویزات کی ضرورت ہوتی ہے۔ تجربہ کار ایمیگریشن کنسلٹنٹس کے ساتھ شراکت داری سے اس عمل کو ہموار کیا جا سکتا ہے اور ان رکاوٹوں کو مؤثر طریقے سے حل کیا جا سکتا ہے۔

(30 اگست 2025): نیوزی لینڈ نے بزنس انویسٹر ویزا متعارف کروانے کا اعلان کر دیا جس سے پاکستان و دیگر ممالک کے سرمایہ کاروں کو کاروبار قائم کرنے اور اسے فعال طور پر چلانے کے نئے مواقع میسر ہوں گے۔

نیوزی لینڈ کے بزنس انویسٹر ویزا کیلیے درخواستیں وصول کرنے کا عمل نومبر 2025 سے شروع ہوگا۔ غیر ملکی سرمایہ کار یا تو کسی موجودہ کاروبار میں 10 لاکھ نیوزی لینڈ ڈالر انویسٹ کر کے تین سالہ ورک ٹو ریزیڈنس اختیار کر سکتے ہیں یا پھر 20 لاکھ نیوزی لینڈ ڈالر سے 12 ماہ کے فاسٹ ٹریک ریزیڈنسی لے سکتے ہیں۔

پاکستان سرمایہ کار براہ راست کاروبار خرید سکتے ہیں یا کم از کم 25 فیصد ملکیت حاصل کر سکتے ہیں لیکن اس کیلیے شرط یہ ہے کہ وہ سرمایہ کاری کے معیار پر پورا اتریں۔

نیوزی لینڈ کا ویزا چار سال تک کارآمد ہے اور اس کی لاگت 12380 نیوزی لینڈ ڈالر ہے جس میں درخواست کی فیس اور لیوی بھی شامل ہے۔

اہلیت کے تقاضے:

نیوزی لینڈ کے بزنس انویسٹر ویزا کیلیے کوالیفائی کرنے کیلیے سرمایہ کاروں کی عمر 55 سال یا اس سے کم ہونی چاہیے، اس کو انگریزی زبان پر عبور حاصل ہو اور 5 لاکھ نیوزی لینڈ ڈالر ہوں تاکہ وہ اپنے خاندانوں کی کفالت کرنے کے قابل ہوں۔

درخواست دہندگان کیلیے کاروباری تجربہ، صحت اور کم از کم پانچ کل وقتی عملے کو ملازمت دے کر ملازمتیں پیدا کرنا ضروری ہیں۔

نیوزی لینڈ حکام کہتے ہیں کہ یہ اسکیم ایکٹو انویسٹر پلس ویزا کی تکمیل کرتی ہے اور عالمی ہنر اور سرمایہ کاری کو راغب کرنے کیلیے وسیع تر امیگریشن اصلاحات کا حصہ ہے۔

ویزا سے متعلق مزید تفصیلات اکتوبر 2025 میں جاری کی جائیں گی۔

(27 اگست 2025): پاکستانی ریموٹ ورکرز اور فری لانسرز کو بہت جلد ایک نئے یورپی ملک مالدووا میں اپنی خدمات فراہم کرنے کا سنہری موقع ملنے والا ہے۔

میڈیا رپورٹس کے مطابق یورپی ملک مالدووا نے ستمبر 2025 کے آخر تک ڈیجیٹل نومیڈ (خانہ بدوش) ویزا کیٹیگری لانچ کرنے کا فیصلہ کر لیا۔

ڈیجیٹل نومیڈ ویزا پاکستان سمیت دنیا بھر کے شہریوں کو دو سال تک ملک میں رہنے کی اجازت دے گا جس میں توسیع کا امکان بھی موجود ہے۔

ویزا اور امیگریشن سے متعلق مزید خبریں

اس اقدام کا مقصد دور دراز کے پیشہ ور افراد کو اپنی طرف متوجہ کرنا ہے اور پاکستان کی بڑھتی ہوئی فری لانس کمیونٹی اس موقع سے بھرپور فائدہ اٹھا سکتی ہے۔

ہزاروں پاکستانی پہلے ہی دنیا بھر میں آن لائن اپنی خدمات فراہم کر رہے ہیں جن کیلیے مالدووا مشرقی یورپ میں ایک پُرکشش ٹھکانہ بن سکتا ہے۔

اگرچہ ڈیجیٹل نومیڈ ویزا سے متعلق باضابطہ تفصیلات سامنے نہیں آ سکیں تاہم ویزا کیلیے درخواست دینے والے پاکستانیوں سے توقع کی جاتی ہے کہ وہ کچھ شرائط کو پورا کریں جو یہ ہیں:

• درست پاسپورٹ
• غیر ملکی فرد یا کمپنی کیلیے ریموٹ ورک کرنے کا ثبوت
• کم از کم آمدنی کی ضرورت کو پورا کرنا
• کوئی مجرمانہ ریکارڈ نہ ہو
• انٹرنیشنل ہیلتھ انشورنس
• مالدووا میں رہائش کا ثبوت

مذکورہ پیشرفت مالدووا کو مشرقی یورپی ممالک جیسے رومانیہ، ہنگری، مونٹی نیگرو اور سلووینیا میں شامل ہونے والا نیا ملک بناتی ہے جو پہلے ہی اس طرح کے ویزا پیش کر رہے ہیں۔

نیوزی لینڈ نے اپنے بہتر امیگریشن آن لائن سسٹم میں اسٹوڈنٹ ویزا کیلیے درخواست دینے کے عمل کو مکمل طور پر ڈیجیٹل کر دیا۔

میڈیا رپورٹس کے مطابق یہ اقدام نیوزی لینڈ حکومت کی جانب سے 2034 تک ملک کی بین الاقوامی تعلیمی مارکیٹ کو دوگنا کرنے کے منصوبے کی نقاب کشائی کے چند ہفتوں بعد سامنے آیا۔

امیگریشن نیوزی لینڈ نے کہا کہ اسٹوڈنٹ ویزا وہ پہلی کیٹیگری ہے جو مکمل طور پر ڈیجیٹل ہوگئی۔ امیگریشن نیوزی لینڈ کا مقصد ایک قابل اعتماد اور عالمی معیار کی امیگریشن سروس فراہم کرنا ہے۔

حکومتی ایجنسی کے مطابق ہم نے حال ہی میں ہماری فیوچر سروسز کا آغاز کیا، ایک طویل مدتی پروگرام کی تعمیر جو کہ ہمیں اس مقصد کی طرف لے جانے کیلیے پہلے سے کیے گئے کام پر ہے۔

18 اگست 2025 سے درج ذیل ویزا کیٹیگریز کیلیے درخواست کو آن لائن سسٹم پر بھیجا جائے گا:

English Language Student Visa

Exchange Student Visa

Fee Paying Student Visa

Pathway Student Visa

New Zealand Government Scholarship Student Visa

Foreign Government Supported Student Visa

پرانے فارم پر 17 اگست کو یا اس سے پہلے جمع کرائی گئی درخواستوں پر عمل جاری رہے گا۔ درخواست دہندگان دستاویزات کو اپ لوڈ کرنے یا درخواستوں کا جواب دینے کے قابل ہو جائیں گے جب تک کہ کوئی فیصلہ نہیں ہو جاتا۔

پرانے فارم پر تیار کردہ ڈرافٹ درخواستیں 17 ستمبر 2025 تک جمع کرائی جا سکتی ہیں جبکہ اس کے بعد وہ حذف ہو جائیں گے اور ڈیجیٹل پلیٹ فارم کے ذریعے صرف نئی درخواستیں قبول کی جائیں گی۔

امیگریشن نیوزی لینڈ نے بتایا کہ اسٹوڈنٹ ویزا کی درخواستیں اس وقت زیادہ ہیں لہٰذا درخواست دہندگان کو مشورہ دیا جاتا ہے کہ وہ اپنی مطلوبہ سفری تاریخ سے کم از کم تین ماہ قبل درخواست دیں تاکہ تاخیر سے بچ سکیں۔