Tag: Visa on Arrival

دبئی: متحدہ عرب امارات نے متعدد ممالک کے مسافروں کو وزٹ ویزہ آن آرائیول کی سہولت فراہم کرنے کا اعلان کردیا ہے۔

میڈٰیا رپورٹ کے مطابق متحدہ عرب امارات سمیت دنیا کے متعدد ممالک آہستہ آہستہ سیاحوں اور دیگر مسافروں کے لئے کھل رہے ہیں، متحدہ عرب امارات کی جانب سے گذشتہ ماہ اگست میں وزٹ ویزوں کا اجرا دوبارہ شروع کرچکا ہے۔

ایمرٹس ایئر لائن کے مطابق ستر ممالک کے مسافر دبئی پہنچنے پر ویزا حاصل کرسکتے ہیں، جس میں انہیں نوے دن کا وزٹ ویزا دیا جائے گا اور ملٹی پل انٹری کی اجازت ہوگی۔

یہ سہولت ارجنٹائن، آسٹریا، جزائر بہاماس، بارباڈوس، بیلجیئم، برازیل، بلغاریہ، چلی، کولمبیا، کوسٹاریکا، کروشیا، قبرص، جمہوریہ چیک ، ڈنمارک، ال سلواڈور، ایسٹونیا، فن لینڈ، فرانس، جرمنی، یونان، ہونڈراس، ہنگری، آئس لینڈ،اٹلی، کیریبتی، لیٹویا، لیکٹنسٹائن، لیتھوانیا، لکسمبرک، مالدیپ، مالٹا، مونٹی نیگرو، ناروے، نیدرلینڈ، ناورو، پیراگوئے، پیرو سمیت پولینڈ، پرتگال، رومانیہ، روسی فیڈریشن، سینٹ ونسنٹ اور گریناڈائنز، سان مارینو، سربیا، سیچلس، سلوواکیہ، سلووینیا، جزائر سلیمان، جنوبی کوریا، اسپین، سویڈن، سوئزرلینڈ، یوراگوئے کے لئے ہے، پاکستان اس میں شامل نہیں۔

حکام نے مزید بتایا کہ آگر آپ درج ذیل ممالک سے تعلق رکھتے ہیں تو آپ کو یو اے ای آنے کے لئے پہلے سے ویزا حاصل کرنے کی ضرورت نہیں ہے، آپ دبئی انٹرنیشنل پہنچ سکتے ہیں جہاں سے آپ کو تیس دن کا وزٹ ویزا بغیر کسی فیس کے جاری کردیا جائے گا۔

یہ فیصلہ اندورا، آسٹریلیا، برونائی، کینیڈا، چین، ہانگ کانگ، چین، جاپان، قازقستان، مکاؤ، چین، ملائشیا، ماریشس، موناکو،نیوزی لینڈ، جمہوریہ آئرلینڈ، سان مارینو، سنگاپور، یوکرین، برطانیہ اور شمالی آئرلینڈ، ریاست ہائے متحدہ امریکا، ویٹی کن سٹی پر نافذ العمل ہوگا۔

اس کے علاوہ امریکا کا وزٹ ویزا یا گرین کارڈ یا یوکے کا رہائشی ویزا رکھنے والے بھارتی مسافروں کو چودہ دن کا آن آرائیول وزٹ ویزا جاری کیا جائے گا۔