ARYNews.tv | Urdu – Har Lamha Bakhabar

Tag: visit

  • وزیر اعظم کے دورہ متحدہ عرب امارات کا مشترکہ اعلامیہ جاری

    اسلام آباد: وزیر اعظم شہباز شریف کے دورہ متحدہ عرب امارات کے دوران انہوں نے حالیہ سیلاب کے بعد امارات کی فراخدلانہ مدد پر شیخ محمد بن زید النہیان کا شکریہ ادا کیا۔

    تفصیلات کے مطابق وزیر اعظم شہباز شریف کے دورہ متحدہ عرب امارات کا مشترکہ اعلامیہ جاری کردیا گیا۔

    اعلامیے میں کہا گیا ہے کہ وزیر اعظم نے 12 اور 13 جنوری کو متحدہ عرب امارات کا دورہ کیا، وزیر اعظم کا دورہ امارات کے صدر شیخ محمد بن زاید النہیان کی دعوت پر کیا گیا۔

    شہباز شریف کا وزارت عظمیٰ کا عہدہ سنبھالنے کے بعد عرب امارات کا یہ تیسرا دورہ ہے، وزیر اعظم نے شیخ محمد بن زید النہیان سے دو طرفہ ملاقات کی۔ اس موقع پر وزیر اعظم کو صدارتی محل میں گارڈ آف آنر پیش کیا گیا۔

    اعلامیے کے مطابق دونوں رہنماؤں نے دو طرفہ تعلقات مضبوط بنانے کے لیے اقدامات پر تبادلہ خیال کیا، دونوں رہنماؤں نے علاقائی سیاسی اور سلامتی کے امور پر بھی تبادلہ خیال کیا جبکہ سیاسی، دفاعی، اقتصادی، تجارتی اور ثقافتی شعبوں میں تعاون بڑھانے پر بھی اتفاق کیا گیا۔

    وزیر اعظم نے حالیہ سیلاب کے بعد امارات کی فراخدلانہ مدد پر شیخ محمد بن زید النہیان کا شکریہ ادا کیا، دونوں فریقین نے اسٹریٹجک شراکت داری اور تعاون مضبوط بنانے کے لیے تعاون تیز کرنے پر اتفاق کیا۔

    اعلامیے میں کہا گیا کہ انفارمیشن، کمیونی کیشن ٹیکنالوجی شعبے اور ڈیجیٹل تقسیم ختم کرنے کے لیے مل کر کام کرنے پر اتفاق کیا گیا۔

    پاکستان اور متحدہ عرب امارات نے اپنے تاریخی اور برادرانہ تعلقات کا اعادہ کیا، دونوں اطراف نے متعدد علاقائی اور عالمی امور پر خیالات کے یکسانیت پر اطمینان کا اظہار کیا گیا۔

    اعلامیے میں مزید کہا گیا کہ شہباز شریف نے شیخ محمد بن زید النہیان کو دورہ پاکستان کی دعوت دی، امارات کے صدر شیخ محمد بن زید النہیان نے پاکستان کے دورے کی دعوت قبول کر لی۔

  • آرمی چیف جنرل قمر جاوید باجوہ کا پشاور کا دورہ

    آرمی چیف جنرل قمر جاوید باجوہ کا پشاور کا دورہ

    اسلام اباد / پشاور: پاک فوج کے سربراہ جنرل قمر جاوید باجوہ نے پشاور کا دورہ کیا، جوانوں سے خطاب کرتے ہوئے انہوں نے کہا کہ افسران اور جوان قوم کی خدمت اور پیشہ وارانہ ذمہ داریوں پر توجہ مرکوز رکھیں۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کا کہنا ہے کہ آرمی چیف جنرل قمر جاوید باجوہ نے پشاور کا دورہ کیا، آرمی چیف نے یادگار شہدا پر حاضری دی اور پھول چڑھائے۔

    کور ہیڈ کوارٹر آمد پر کور کمانڈر پشاور لیفٹیننٹ جنرل حسن اظہر حیات نے آرمی چیف کا استقبال کیا۔

    آئی ایس پی آر کا کہنا تھا کہ آرمی چیف نے پشاور کور کے افسروں اور جوانوں سے خطاب بھی کیا، خطاب میں انہوں نے امن و استحکام کے لیے افسروں اور جوانوں کی کوششوں کو بھی سراہا۔

    جنرل قمر جاوید باجوہ کا کہنا تھا کہ امن و استحکام ہمارے شہدا کی قربانیوں کی مرہون منت ہے، شہدا کی قربانیوں کے نتیجے میں معاشی اور اقتصادی ترقی ممکن ہوئی۔

    انہوں نے کہا کہ افسران اور جوان قوم کی خدمت اور پیشہ وارانہ ذمہ داریوں پر توجہ مرکوز رکھیں۔

  • وزیر اعظم کا بلوچستان کے ضلع کچھی کا دورہ

    وزیر اعظم کا بلوچستان کے ضلع کچھی کا دورہ

    کوئٹہ: وزیر اعظم شہباز شریف نے صوبہ بلوچستان میں انفرااسٹرکچر کی بحالی میں مصروف مزدوروں کے لیے 50 لاکھ روپے کا اعلان کیا، انہوں نے کہا کہ متاثرہ سڑکوں کو جلد سے جلد بحال کیا جائے گا۔

    تفصیلات کے مطابق وزیر اعظم شہباز شریف نے صوبہ بلوچستان کے ضلع کچھی کا دورہ کیا، وزیر اعظم نے سیلاب سے متاثرہ روڈ، ریلوے انفرااسٹرکچر کی بحالی اور سیلاب سے بہہ جانے والے پنجرا پل کی بحالی کے کام کا جائزہ لیا۔

    انہوں نے بی بی نانی میں ریلوے پل کا بھی فضائی جائزہ لیا۔

    وزیر اعظم کو امدادی کارروائیوں اور بحالی کے کاموں کے حوالے سے بریفنگ دی گئی۔ بریفنگ میں بتایا گیا کہ انفرا اسٹرکچر کی بحالی کا کام تیزی سے جاری ہے۔

    وزیر اعظم کا کہنا تھا کہ ہم یہاں موجود تمام افراد کا شکریہ ادا کرتے ہیں، آپ لوگ بہت مشکل وقت میں کام کر رہے ہیں۔

    انہوں نے کہا کہ سیلاب سے لاکھوں گھر تباہ ہوگئے، لوگوں کے مویشی سیلاب میں بہہ گئے، فصلیں تباہ ہوگئیں، انفرااسٹرکچر کی بحالی میں مصروف عملہ قوم کی عظیم خدمت کر رہا ہے۔

    وزیر اعظم کا کہنا تھا کہ یہاں انفرااسٹرکچر کی بحالی میں مصروف مزدوروں کے لیے 50 لاکھ روپے کا اعلان کرتا ہوں، متاثرہ سڑکوں کو جلد از جلد بحال کیا جائے۔

  • وزیر اعظم کا بلوچستان کے سیلاب متاثرہ علاقوں کا دورہ ایک بار پھر ملتوی

    وزیر اعظم کا بلوچستان کے سیلاب متاثرہ علاقوں کا دورہ ایک بار پھر ملتوی

    اسلام آباد: وزیر اعظم شہباز شریف کا صوبہ بلوچستان کے سیلاب متاثرہ علاقوں کا دورہ ایک بار پھر ملتوی ہوگیا، وزیر اعظم سیلاب متاثرین سے ملاقات کرنے والے تھے۔

    تفصیلات کے مطابق وزیر اعظم شہباز شریف کا سیلاب سے متاثرہ علاقوں کا دورہ ایک بار پھر ملتوی ہوگیا، وزیر اعظم کو طے شدہ شیڈول کے مطابق بلوچستان کا دورہ کرنا تھا تاہم ان کی بلوچستان روانگی موسم کی شدید خرابی کے سبب مؤخر ہوگئی۔

    وزیر اعظم نے ہدایت کی ہے کہ موسم بہتر ہوتے ہی بلوچستان روانہ ہوا جائے۔

    خیال رہے کہ وزیر اعظم کو سندھ، بلوچستان اور پنجاب میں متاثرہ علاقوں کا دورہ کرنا تھا جہاں وہ سیلاب متاثرین سے ملاقات کرنے والے تھے جبکہ ریسکیو اور ریلیف کے اقدامات کا بھی جائزہ لینا تھا۔

    ذرائع کا کہنا ہے کہ موسم بہتر ہوتے ہی وزیر اعظم متاثرہ علاقوں کا دورہ کریں گے۔

  • روسی وزیر خارجہ نے اچانک جاپان کا دورہ منسوخ کردیا، وجہ کی بنی؟

    روسی وزیر خارجہ نے اچانک جاپان کا دورہ منسوخ کردیا، وجہ کی بنی؟

    ماسکو: مخالفانہ بیانات کے باعث روس اور جاپان کے تعلقات بھی سردمہری کا شکار ہونے لگے ہیں۔

    غیر ملکی میڈیا رپورٹ کے مطابق ایک اعلیٰ روسی سفارت کار نے ایک انٹرویو میں بتایا کہ روس فی الحال وزیر خارجہ سرگئی لاوروف کے دورہ جاپان کے لئے کسی انتظامات پر غور نہیں کررہا ہے۔

    روسی وزیر خارجہ کے تیسرے ایشیائی محکمے کے ڈائریکٹر نکولے نوزردیف نے کہا کہ یوکرین میں روس کے خصوصی فوجی آپریشن کے آغاز کے بعد سے ٹوکیو مغرب کی قیادت میں "روسوفوبک مہم” میں سرگرم عمل ہے اور کھلے عام اعلان کرچکا ہے جس کا مقصد روس کو سب سے زیادہ نقصان پہنچانا ہے۔

    غیر ملکی ویب سائٹ پر شائع ایک انٹرویو میں روسی سفارت کار کا کہنا تھا کہ جاپانی وزیراعظم کی انتظامیہ نے روس مخالف تباہ کن اقدامات کئے جو دو طرفہ تعلقات کے لئے بے پناہ نقصان دہ ہیں جس کے باعث دونوں ممالک کے درمیان کئی سالوں پر محیط باہمی تعاون کو نقصان پہنچ سکتا ہے۔

    یہ بھی پڑھیں: بجلی کے بعد اب ۔۔۔۔۔ کی بھی بندش، کیا روس فن لینڈ کے گرد گھیرا تنگ کررہا ہے؟

    انٹرویو میں ان سے سوال کیا گیا کہ روسی وزیر خارجہ کے دورہ جاپان سے متعلق کوئی اقدامات کئے جارہے ہیں؟ جس پر انہوں نے کہا کہ سیاسی حالات میں کوئی بھی حرف آخر نہیں سمجھی جاتی، تاہم ہم ابھی جاپان کے ساتھ کسی رابطوں سے متعلق انتظامات پر کوئی غور نہیں کررہے ہیں۔

  • ازبک صدر 2 روزہ دورے پر پاکستان پہنچیں گے

    ازبک صدر 2 روزہ دورے پر پاکستان پہنچیں گے

    اسلام آباد: ازبکستان کے صدر 3 مارچ سے 2 روزہ دورے پر پاکستان پہنچیں گے، وزیر اعظم پاکستان عمران خان معزز مہمان کے اعزاز میں عشائیہ دیں گے۔

    تفصیلات کے مطابق وزیر اعظم عمران خان کے معاون خصوصی شہباز گل نے سماجی رابطے کی ویب سائٹ ٹویٹر پر اپنے ٹویٹ میں کہا کہ 3 مارچ کو ازبک صدر 2 روزہ دورے پر پاکستان پہنچ رہے ہیں۔

    معاون خصوصی نے بتایا کہ 3 مارچ کی شام وزیر اعظم پاکستان عمران خان معزز مہمان کے اعزاز میں عشائیہ پر ان کی میزبانی کریں گے۔

    انہوں نے کہا کہ پوری پاکستانی قوم معزز مہمان کو دل و جان سے خوش آمدید کہتی ہے۔

    ذرائع کے مطابق ازبک صدر کے دورہ پاکستان کے موقع پر دونوں رہنماؤں کے درمیان اہم موضوعات زیر گفتگو آئیں گے جن میں باہمی دلچسپی کے امور اور عالمی صورتحال پر غور شامل ہے۔

  • وزیر اعظم لاہور میں اہم اجلاسوں کی صدارت کریں گے

    وزیر اعظم لاہور میں اہم اجلاسوں کی صدارت کریں گے

    اسلام آباد / لاہور: وزیر اعظم عمران خان آج صوبہ پنجاب کے دارالحکومت لاہور کا ایک روزہ دورہ کریں گے جس کے دوران وہ اہم اجلاسوں کی صدارت کریں گے۔

    تفصیلات کے مطابق وزیر اعظم عمران خان آج لاہور کا ایک روزہ دورہ کریں گے، وزیر اعظم سے گورنر پنجاب چوہدری محمد سرور ملاقات کریں گے۔

    ملاقات میں سیاسی و حکومتی امور سمیت دیگر معاملات پر مشاورت ہوگی، گورنر پنجاب یورپی یونین نمائندوں سے ملاقات پر بریف کریں گے۔

    ملاقات میں وزیر اعظم کو یونیورسٹیز میں ریفارمز کے لیے اقدامات سے آگاہ کیا جائے گا جبکہ پاک اتھارٹی کے منصوبوں کی تفصیلات سے بھی آگاہ کریں گے۔

    وزیر اعظم عمران خان مختلف اجلاسوں کی صدارت کریں گے جبکہ ان سے وزیر اعلیٰ پنجاب بھی ون آن ون ملاقات کریں گے۔ وزیر اعلیٰ صوبے کے انتظامی اور سیاسی امور پر بریف کریں گے۔

    وزیر اعظم کی زیر صدارت پاکستان تحریک انصاف پنجاب کے پارلیمانی بورڈ کا اجلاس بھی ہوگا، وزیر اعظم کو بلدیاتی انتخابات کی تیاریوں پر بریفنگ دی جائے گی، اجلاس میں ٹکٹوں کی تقسیم سے متعلق امور پر مشاورت ہو گی۔

    دورے کے دوران ملاقاتوں میں ملکی سیاسی صورتحال اور پارٹی امور کا بھی جائزہ لیا جائے گا۔

  • بلوچستان میں ترقیاتی عمل کوسبوتاژنہیں کرنےدیں گے،وزیراعظم

    بلوچستان میں ترقیاتی عمل کوسبوتاژنہیں کرنےدیں گے،وزیراعظم

    وزیراعظم عمران خان اور آرمی چیف نے نوشکی بلوچستان کا دورہ کیا اس موقع پر انہوں نے جوانوں سے ملاقات کی اور شہدا کو بھرپور خراج عقیدت پیش کیا۔

    آئی ایس پی آر کے مطابق وزیراعظم عمران خان اور آرمی چیف جنرل قمر جاوید باجوہ نے نوشکی کا دورہ کیا، اس موقع پر گورنر، وزیراعلیٰ بلوچستان اور وفاقی اور صوبائی وزرا بھی ہمراہ موجود تھے

    وزیراعظم عمران خان نے جوانوں سے ملاقات کی اور شہدا کو بھرپور خراج عقیدت پیش کیا۔

    آئی ایس پی آر کے مطابق اس موقع پر وزیراعظم کو علاقے کی سیکیورٹی صورتحال پر بریفنگ دی گئی جب کہ وزیراعظم نے جوانوں کی آپریشنل تیاریوں اور جرات وبہادری کو سراہا۔

    وزیراعظم عمران خان نے قبائلی عمائدین سے بھی بات چیت کی اور دہشتگردی کے خلاف ان کے تعاون کو سراہا۔

    اس موقع پر خطاب کرتے ہوئے وزیراعظم عمران خان نے  کہا کہ دشمن پاکستان کے ٹکڑے ٹکڑے کرنا چاہتا ہے، دہشت گردی کےخاتمےکیلئےپاک افواج کی قومی سطح پرحمایت کرتےرہیں گے۔

    انہوں نے کہا کہ بلوچستان کی ترقی حکومت کی اولین ترجیح ہے اور یہاں کسی کو بھی ترقیاتی عمل کوسبوتاژنہیں کرنےدیں گے۔

    وزیراعظم کا مزید کہنا تھا کہ بلوچستان کی ترقی اور خوشحالی کے لیے تمام اقدامات بروئے کار لائیں گے اور مسلح افواج کے تعاون سے صوبے کے حقیقی پوٹینشل کو سامنے لائیں گے۔

    مزید پڑھیں: آرمی چیف جنرل قمرجاوید باجوہ نوشکی پہنچ گئے

    واضح رہے کہ اس سے قبل آرمی چیف جنرل قمر جاوید باجوہ  نوشکی پہنچے تھے۔

  • وزیر اعظم اور آرمی چیف آج کا دن بلوچستان میں گزاریں گے

    وزیر اعظم اور آرمی چیف آج کا دن بلوچستان میں گزاریں گے

    اسلام آباد: وفاقی وزیر اطلاعات و نشریات فواد چوہدری کا کہنا ہے کہ وزیر اعظم عمران خان اور آرمی چیف آج کا دن بلوچستان میں سیکیورٹی فورسز کے جوانوں کے ساتھ گزاریں گے۔

    تفصیلات کے مطابق وفاقی وزیر اطلاعات و نشریات فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ آج کابینہ کا اجلاس منسوخ کر دیا گیا ہے۔

    فواد چوہدری کا کہنا تھا کہ وزیر اعظم اور آرمی چیف آج کا دن بلوچستان میں سیکیورٹی فورسز کے جوانوں کے ساتھ گزاریں گے۔

    انہوں نے کہا کہ جوان جن کے عزم پہاڑوں سے بلند اور جذبوں میں سمندروں سے زیادہ وسعت ہے، وہ ہمارا فخر بھی ہیں اور ہمارا مان بھی، پاکستان کے یہ بیٹے مادر وطن کے لیے سربکف ہیں۔

    یاد رہے کہ 2 فروری کی رات دہشت گردوں نے نوشکی اور پنجگورمیں سیکیورٹی فورسز کے کیمپوں پر حملے کیے تھے۔

    پاک فوج نے دہشت گردوں کا حملہ ناکام بناتے ہوئے 13 دہشت گرد ہلاک کر دیے تھے جبکہ ایک افسر سمیت 7 اہلکار شہید ہوئے تھے، دہشت گرد افغانستان اور بھارت میں ہینڈلرز کے ساتھ رابطے میں تھے

    بعد ازاں سیکیورٹی فورسز نے نوشکی اور پنجگور میں کلیئرنس آپریشنز کیے جس کے دوران 20 دہشت گردوں کو ہلاک کیا گیا۔

  • نہایت کم خرچ میں کن ممالک کی سیر کی جاسکتی ہے؟

    نہایت کم خرچ میں کن ممالک کی سیر کی جاسکتی ہے؟

    ہم میں سے تقریباً ہر شخص گھومنے پھرنے کا شوق رکھتا ہے لیکن مہنگائی کے اس دور میں اخراجات کی لمبی فہرست کی وجہ سے ہر شخص یہ شوق پورا نہیں کر پاتا۔

    لیکن کیا آپ جانتے ہیں اس مہنگائی کے دور میں اب بھی ایسی جگہیں موجود ہیں جہان پر کم قیمت میں گھومنے جایا جاسکتا ہے۔ ان جگہوں کے بارے میں جاننا یقیناً آپ کے لیے دلچسپی کا باعث ہوگا۔

    مالدیپ

    اس فہرست میں سب سے پہلا مالدیپ کا ہے، خوبصورتی اور چھٹیاں گزارنے کے لحاظ سے مالدیپ بہت اچھی جگہ ہے۔

    اس کا ٹرپ پیکج 1 سے ڈیڑھ لاکھ میں مل جاتا ہے تو فیملیز یا جوڑے اپنے لیے اس جگہ کا انتخاب کر سکتے ہیں۔

    ترکی

    بیرون ملک کم خرچے کے ساتھ سفر کرنے کے لیے ترکی کا آپشن بھی اچھا ثابت ہوسکتا ہے، گزشتہ کچھ سال سے لوگ یہاں کا رخ کر رہے ہیں جس کی اصل وجہ اس کی خوبصورتی ہے۔

    ترکی کا پیکج 2 سے ڈھائی لاکھ میں آسانی سے مل سکتا ہے جہاں پر ہر قسم کی اعلیٰ سہولیات بھی ملیں گی۔

    دبئی

    کم خرچے کے ساتھ بیرون ملک گھومنے کے شوقین افراد دبئی کا بھی رخ کر سکتے ہیں، دبئی ایک ایسی جگہ ہے جہاں پر لوگ دنیا بھر سے سیر و تفریخ اور شاپنگ کرنے آتے ہیں۔

    اگر آپ دبئی جانے کے خواہش مند ہیں تو صرف 1 لاکھ یا اس سے بھی کم قیمت میں یہاں کا پیکج حاصل کر سکتے ہیں۔