ARYNews.tv | Urdu – Har Lamha Bakhabar

Tag: visit karachi

  • وزیر اعظم شہباز شریف آج ایک روزہ دورے پر کراچی پہنچ رہے ہیں

    وزیر اعظم شہباز شریف آج ایک روزہ دورے پر کراچی پہنچ رہے ہیں

    اسلام آباد : وزیر اعظم شہباز شریف آج ایک روزہ دورے پر کراچی پہنچ رہےہیں ، دورے کے دوران وہ کراچی شپ یارڈ میں تقریب میں شرکت کریں گے۔

    تفصیلات کے مطابق وزیراعظم شہبازشریف کراچی روانہ ہوگئے ، وہ آج دوپہرساڑھے 12بجے پی ایف فیصل بیس پہنچیں گے ، جہاں چیف سیکریٹری سندھ وزیر اعظم شہبازشریف کا استقبال کریں گے۔

    وزیر اعظم کراچی شپ یارڈ کا دورہ اور تقریب میں شرکت کریں گے، ذرائع کا کہنا ہے کہ تقریب میں دیگراتحادی جماعتوں کے وزرا بھی شریک ہوں گے۔

    وزیراعظم وزیر اعلیٰ ہاوس میں تاجروں ودیگروفودسےملاقاتیں بھی کریں

    دورہ کراچی میں شہباز شریف کراچی شپ یارڈکادورہ اورتقریب میں شرکت کریں گے۔۔۔ ذرائع کےمطابق تقریب میں دیگراتحادی جماعتوں کےوزرابھی شریک ہوں گے۔۔۔۔۔

    دورے کے دوران وزیراعظم تاجربرادری اور ن لیگ کے مقامی رہنماؤں سےوزیراعلیٰ ہاؤس میں ملاقات کریں گے تاہم وزیراعلیٰ سندھ مراد علی شاہ امریکا میں موجود ہونے کے باعث ملاقاتوں کا حصہ نہیں ہوں گے۔

    ملاقات میں بجٹ تجاویز، ڈالر ریٹ میں اضافہ اور معاشی صورتحال پر بات چیت ہوگی۔

  • وزیراعظم عمران خان کی ایم کیوایم سے ملاقات کا شیڈول طے

    وزیراعظم عمران خان کی ایم کیوایم سے ملاقات کا شیڈول طے

    اسلام آباد : وزیراعظم عمران خان کی کراچی میں اتحادی جماعت ایم کیوایم سے ملاقات کا شیڈول طے کرلیا گیا ہے، جس کے تحت وہ کل بہادرآباد پہنچیں گے۔

    اس حوالے سے ذرائع کا کہنا ہے کہ وزیراعظم عمران خان کل2بجے ایم کیوایم مرکز بہادرآباد کا دورہ کریں گے، عمران خان کا بطور وزیراعظم ایم کیو ایم کے مرکز کا یہ پہلا دورہ ہوگا۔

    وزیراعظم عمران خان متحدہ کنوینئرخالد مقبول صدیقی اور دیگر رہنماؤں سے ملاقات کریں گے، ملاقات میں سیاسی صورتحال اور سندھ میں امن وامان پر بات چیت ہوگی۔

    ذرائع کے مطابق گورننس سمیت اتحادیوں کے درمیان طے معاہدے پر بھی بات چیت ہوگی، تحریک انصاف، ایم کیو ایم کے درمیان معاہدے پر پیشرفت کا جائزہ لیا جائے گا۔

    ملاقات کے موقع پر متحدہ قومی موومنٹ کے رہنما وزیراعظم عمران خان کے سامنے اپنے تحفظات پھر رکھیں گے، اس موقع پر عدم اعتماد کی تحریک سمیت موجودہ صورتحال بھی زیر غور آئے گی۔

  • وزیر اعظم عمران خان ایک روزہ دورے پر آج کراچی پہنچیں گے

    وزیر اعظم عمران خان ایک روزہ دورے پر آج کراچی پہنچیں گے

    اسلام آباد : وزیر اعظم عمران خان ایک روزہ دورے پر آج کراچی پہنچیں گے ، دورے کے دوران وہ کراچی ٹرانسفارمیشن پلان پر جائزہ اجلاس کی صدارت کریں گے۔

    تفصیلات کے مطابق وزیراعظم عمران خان آج کراچی کا ایک روزہ دورہ کریں گے، دورے کے دوران وہ شپ یارڈمیں شپ لفٹ اینڈٹرانسفرسسٹم کی افتتاحی تقریب میں شریک ہوں گے اور کراچی ٹرانسفارمیشن پلان پر جائزہ اجلاس کی صدارت کریں گے۔

    وزیراعظم عمران خان کے پی ٹی ہیڈ کوارٹرز کادورہ بھی کریں گے، جہاں انھیں کےپی ٹی کی کارکردگی پر بریفنگ دی جائے گی۔

    وزیراعظم سونمیانی بیچ لسبیلہ میں شجرکاری مہم کا افتتاح کریں گے اور اس موقع پر پودے لگانے والے کارکنوں سمیت مقامی لوگوں سے خطاب بھی کریں گے۔

    گذشتہ روز وزیراعظم عمران خان نے لاہور میں دنیا کے سب سے بڑے میاواکی اربن فاریسٹ کا افتتاح کیا تھا ، اس موقع پر ان کا کہنا تھا کہ گلوبل وارمنگ کی وجہ سے سمندر اوپر چلاگیا ہے، پاکستان اپنی حیثیت سے زیادہ گلوبل وارننگ کیخلاف اقدامات کررہاہے، میاواکی کے پودے آلودگی کم کرنے کیلئے بہت اچھے ہیں۔

    انھوں نے کہا تھا کہ پاکستان بھر میں 2013تک صرف 64کروڑ درخت اگائے گئے تھے ، ہم نے کےپی میں2013سے2018تک ایک ارب درخت لگائے۔

  • وزیراعظم عمران خان کی کل کراچی آمد ، کراچی ٹرانسفارمیشن پلان کااعلان کریں گے

    وزیراعظم عمران خان کی کل کراچی آمد ، کراچی ٹرانسفارمیشن پلان کااعلان کریں گے

    اسلام آباد : وزیراعظم عمران خان کل کراچی کے دورے پر پہنچ رہے ہیں ، دورے کے دوران عمران خان کراچی ٹرانسفارمیشن پلان کااعلان کریں گے۔

    تفصیلات کے مطابق وزیراعظم عمران خان کل دوپہرمیں کراچی پہنچیں گے، جہاں وہ گورنرہاؤس میں پریس کانفرنس کریں گے اور کراچی ٹرانسفارمیشن پلان کااعلان کریں گے۔

    ذرائع کا کہنا ہے کہ وزیراعظم پاکستان اسٹاک ایکسچینج کادورہ بھی کریں گے اور صنعتکاروں،تاجروں سےملاقات کریں گے جبکہ وزیر اعظم کی اتحادی جماعتوں کے نمائندوں سے بھی ملاقات متوقع ہے۔

    یاد رہے اے آر وائی نیوزکے پروگرام الیونتھ آور میں‌ گفتگو کرتے ہوئے گورنر سندھ عمران اسماعیل نے بتایا تھا کہ وزیراعظم عمران‌ خان ہفتے کو کراچی آرہے ہیں ، کراچی سے متعلق جو پلان ہے اسٹیک ہولڈرز کے ساتھ شیئر کیا ہے، دل بہت کررہا ہے پلان شیئر کروں‌ لیکن وزیراعظم خود ہی اعلان کریں‌ گے۔

    گذشتہ روز وزیراعظم عمران خان نے  کراچی ٹرانسفارمیشن پلان کے حوالے سے اعلیٰ سطح اجلاس میں کہا تھا کہ حالیہ بارشوں نےانتظامی ڈھانچے کے مسائل کو اجاگر کیا ہے ، انتظامی ڈھانچے نے کراچی کےعوام کو بےتحاشامسائل سے دوچار کیاہے، کراچی کےعوام کے مسائل کا وفاقی حکومت کو مکمل ادراک ہے۔

    عمران خان  کا کہنا تھا کہ بااختیار اور موثر نظام کراچی ٹرانسفارمیشن پلان کیلئے ضروری ہے، کراچی کے مسائل کی سب سے بڑی وجہ انتظامی اختیارات کا منقسم ہونا رہا ہے، اس امر کی بارہا وفاقی اور صوبائی حکومت کی جانب سے نشاندہی کی جاتی رہی۔

    ان کا کہنا تھا کہ کراچی کےحالات کا تقاضا ہے اختیارات بااختیار ایڈمنسٹریٹر کو تفویض کیے جائیں، سیوریج ،سالڈویسٹ ،بلڈنگ کنٹرول اتھارٹی اختیارات ایڈمنسٹریٹرکے پاس ہونے چاہئیں۔

  • وزیراعظم عمران خان ہفتہ کو کراچی کا دورہ کریں گے

    وزیراعظم عمران خان ہفتہ کو کراچی کا دورہ کریں گے

    اسلام آباد : وزیراعظم عمران خان جمعے کے بجائے ہفتے کو کراچی کادورہ کریں گے، دورہ کےدوران عمران خان مسائل کے مستقل حل کااعلان کریں گے۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے بیان میں کہا وزیراعظم ہفتہ کوکراچی کادورہ کریں گے، وہ ہر روز کراچی پرمیٹنگ کررہے ہیں، کراچی کے دورے کےدوران عمران خان مسائل کےمستقل حل کااعلان کریں گے۔

    دوسری جانب وفاقی وزیراطلاعات سینیٹرشبلی فراز نے اپنے پیغام میں کہا کہ عمران خان شہر قائد کی روشنیاں بحال کرنے کےپختہ عزم پرکاربندہیں، وزیراعظم پورے پاکستان کو یکساں اندازمیں ترقی دینےکیلئےکوشاں ہیں، وزیراعظم کراچی میں عوام کیلئےخصوصی پیکیج کا اعلان کریں گے، کراچی کی ترقی ملک کی خوشحالی کی ضمانت ہے،یہ پاکستان کامعاشی دل ہے۔

    یاد رہے وزیراعظم عمران خان کی زیر صدارت کراچی کے مسائل کے مستقل حل کیلئے اعلیٰ سطح اجلاس ہوا تھا ، جس میں وزیرِ اعظم نے ہدایت کی تھی کہ تمام اسٹیک ہولڈرز کی مشاورت سے رواں ہفتے “کراچی ٹرانسفارمیشن پلان” کو حتمی شکل دی جائے تاکہ اس کی باقاعدہ منظوری اور عمل درآمد کا کام شروع کیا جا سکے۔

    وزیرِ اعظم نے کراچی کے مسائل کے حوالے سے بات کرتے ہوئے کہا تھا کہ ملک کی ترقی کراچی کی ترقی سے وابستہ ہے، کراچی میں سالہا سال سے درپیش عوامی مسائل کا مکمل ادراک ہے، عوام کی مشکلات پر آنکھیں بند نہیں کر سکتے۔

    عمران خان کا مزید کہنا تھا کہ کراچی کے مسائل کے حل اور ترقی کیلئے وفاق بھرپور کردار ادا کرے گا۔

  • وزیراعظم عمران خان کا جمعہ کو کراچی کا دورہ ، بڑے پیکج کا اعلان کریں

    وزیراعظم عمران خان کا جمعہ کو کراچی کا دورہ ، بڑے پیکج کا اعلان کریں

    اسلام آباد : وزیراعظم عمران خان جمعہ کے روز کراچی کے دورے کے دوران کراچی کے لئے بڑے پیکج کا اعلان کریں گے، عمران خان نے کہا ہے کہ کراچی کے عوام کو تنہا نہیں چھوڑ سکتا۔

    تفصیلات کے مطابق وزیر اعظم عمران خان کی زیر صدارت وفاقی کابینہ کے اجلاس میں ملکی سیاسی اور معاشی صورتحال کا جائزہ لیاگیا اور  وزیراعظم کو کراچی کی صورتحال امدادی کاموں پر بریفنگ دی گئی۔

    ذرائع کا کہنا ہے کہ وزیراعظم عمران خان جمعہ کے روز کراچی کا دورہ کریں گے اور دورے کے دوران کراچی کے لئے بڑے پیکج کا اعلان کریں گے۔

    وزیراعظم نے کہا کہ کراچی کے عوام کو تنہا نہیں چھوڑ سکتا، کراچی کے مسائل سے بخوبی آگاہ ہوں۔

    بارش کے باعث موجود حالات پر وزیراعظم کا تشویش کا اظہار کرتے ہوئے نالہ لئی کے بہتر انتظامات پر وزیراعلیٰ پنجاب کی تعریف کی اور کہا آٹا، چینی کی ترسیل مال گاڑی کی ذریعے کی جائے۔

    یاد رہے وزیراعظم عمران خان کی زیر صدارت کراچی کے مسائل کے مستقل حل کیلئے اعلیٰ سطح اجلاس ہوا تھا ، جس میں وزیرِ اعظم نے ہدایت کی تھی کہ تمام اسٹیک ہولڈرز کی مشاورت سے رواں ہفتے “کراچی ٹرانسفارمیشن پلان” کو حتمی شکل دی جائے تاکہ اس کی باقاعدہ منظوری اور عمل درآمد کا کام شروع کیا جا سکے۔

    وزیرِ اعظم نے کراچی کے مسائل کے حوالے سے بات کرتے ہوئے کہا تھا کہ ملک کی ترقی کراچی کی ترقی سے وابستہ ہے، کراچی میں سالہا سال سے درپیش عوامی مسائل کا مکمل ادراک ہے، عوام کی مشکلات پر آنکھیں بند نہیں کر سکتے۔

    عمران خان کا مزید کہنا تھا کہ کراچی کے مسائل کے حل اور ترقی کیلئے وفاق بھرپور کردار ادا کرے گا۔

  • وزیراعظم کو کراچی میں ایک ہفتہ رہ کر ہر مسئلہ مانیٹر کرنے کا مشورہ

    وزیراعظم کو کراچی میں ایک ہفتہ رہ کر ہر مسئلہ مانیٹر کرنے کا مشورہ

    لاہور : مسلم لیگ ق کے سربراہ چوہدری شجاعت نے وزیراعظم عمران خان کو خود کراچی میں ایک ہفتہ رہ کر ہر مسئلے کو مانیٹر اور ہدایات جاری کرنے کی تجویز دے دی۔

    تفصیلات کے مطابق مسلم لیگ ق کے سربراہ چوہدری شجاعت حسین نے کراچی کی صورتحال کے حوالے سے کہا کہ وزیر اعظم عمران خان کراچی جائیں، مسائل اوروقت کا تعین کریں ، دیکھیں کہ ان کے احکامات پر عمل ہوا ہے یا نہیں؟

    چوہدری شجاعت کا کہنا تھا کہ اکثر لوگ کراچی کی صفائی کےمسئلے پرہاتھ کی صفائی کو ترجیح دیتے ہیں، صفائی نہیں کر سکتے تو گندگی بھی نہ پھیلائیں۔

    مسلم لیگ ق کے سربراہ  نے کہا کہ لوگ اقتدارمیں آئےاورچلےگئےلیکن کراچی سیاسی بیان بازی کی نذررہا، گورنر راج بھی رہا ،میئر اور ایڈمنسٹریڑ بھی تعینات رہے ، افسوس ایک دوسرے پر الزام تراشی کے سوا کچھ نہیں کیا گیا، سب ایک دوسرے پرالزامات لگا کربری الذمہ ہوتے رہے اور ہمیشہ اقتدار اور اختیارات کا رونا رویا گیا۔

    ان کا کہنا تھا کہ کراچی کے اہم مسائل میں گندے اورصاف پانی کا مسئلہ نمایاں ہے، عملی طور پر شہر کی بجائے اپنی صفائی کو اہمیت دی گئی، اکثر لوگ کراچی کی بجائے ہاتھ کی صفائی دکھاتے ہیں۔

    چوہدری شجاعت نے مزید کہا کہ کراچی میں ختیارات کامطلب صرف پیسے ہیں، کبھی صفائی کا مسئلہ کھڑا ہو جاتا ہے،کبھی بارشی کبھی پینے کےپانی کا ، میئر سے پوچھیں تو وہ کہتے ہیں میرے پاس اختیارات نہیں۔

    سربراہ مسلم لیگ ق کا کہنا تھا کہ جب بات حد سے بڑھ جاتی ہے تو پھر فوج سے درخواست کی جاتی ہے ، تجویز ہے وزیر اعظم خود کراچی میں ایک ہفتہ رہیں اور کراچی کےہر مسئلےکوخود مانیٹراورہدایات جاری کریں۔

    انھوں نے مزید کہا کہ بر سال کراچی ڈوب جاتاہےلیکن بیانات آتے ہیں فلاں نےکراچی ڈبو دیا، مسئلہ اختیارات نہیں بلکہ انتظامی امور کی پالیسی بنانا ہے، ارجنٹینا کی وزیراعظم صفائی والےکپڑےپہن کرگلیوں کی صفائی کرتی تھی۔

  • وزیراعظم عمران خان کا اس ہفتے کے آخر میں کراچی کا دورہ متوقع

    وزیراعظم عمران خان کا اس ہفتے کے آخر میں کراچی کا دورہ متوقع

    کراچی : پاکستان تحریک انصاف کے رہنما خرم شیر زمان کا کہنا ہے کہ ہم وزیر اعظم تک کراچی کے تاجروں کی آواز پہنچائیں گے، عمران خان اس ہفتے کے آخر میں کراچی پہنچ رہے ہیں۔

    تفصیلات کے مطابق پاکستان تحریک انصاف کراچی کے صدر و رکن سندھ اسمبلی خرم شیر زمان نے اپنے بیان میں کہا کہ تاجر تھوڑےدن میں کاروبار کھولیں گےتو ساتھ دیں گے،تاجروں نے اب سیاسی جماعتوں سے رابطے شروع کردیے ہیں۔

    خرم شیر زمان کا کہنا تھا کہ ڈاکٹر فرقان کا قتل ہوا انتقال نہیں ،ہم کراچی کے بیٹے ہیں اور اس کی نمائندگی کررہے ہیں،وزیر اعظم دیہاڑی داراور تاجروں کا سوچ رہےہیں۔

    پی ٹی آئی کراچی کے صدر نے مزید کہا کہ ہم وزیر اعظم تک کراچی کے تاجروں کی آواز پہنچائیں گے، وہ اس ہفتے کے آخر میں کراچی پہنچ رہے ہیں۔

    گذشتہ روز پی ٹی آئی کے رہنما کا کہنا تھا کہ وزیر اعظم نے اجلاس میں کراچی کی صورتحال کاجائزہ لیا اور تشویش کا اظہار کیا ہے، عمران خان کراچی کی تاجربرادری کے لیے فکر مند ہیں۔

    انھوں نے مزید کہا کہ اس ہفتےکے آخر میں وزیراعظم کا دورہ کراچی متوقع ہے ، دورے کے دوران وزیراعظم کراچی کیلئےاحساس پروگرام کے مزید پیکیجز کا اعلان کریں گے، وزیراعظم مزدور طبقے اور کاروباری شخصیات کو سہولیات دینا چاہتےہیں۔

    خرم شیر زمان کا کہنا تھا کہ تحریک انصاف کراچی کےعوام کی حقیقی نمائندہ جماعت بن چکی ہے۔

  • بنگلہ دیشی وفد کا دورہ کراچی مکمل، سیکیورٹی انتظامات پر اطمینان کا اظہار

    بنگلہ دیشی وفد کا دورہ کراچی مکمل، سیکیورٹی انتظامات پر اطمینان کا اظہار

    کراچی: بنگلہ دیشی سیکیورٹی وفد نے دورہ کراچی مکمل کرلیا اور نیشنل اسٹیڈیم میں کیے جانے والے انتظامات کا اطمینان کا اظہار کیا ہے۔

    تفصیلات کے مطابق بنگلہ دیشی وفد سیکیورٹی انتظامات سے مطمئن ہے، وفد نے قانون نافذ کرنے والے اداروں سے ہوم منسٹری میں ملاقات کی اور نیشنل اسٹیڈیم کے مختلف مقامات کا معائنہ کرتے ہوئے تصاویر بنائیں۔

    ذرائع کا کہنا ہے کہ رواں ماہ بنگلہ دیش انڈر 16 اور ویمنز ٹیم کی پاکستان آمد یقینی ہوگئی ہے، واضح رہے کہ آئندہ سال جنوری میں بنگلہ دیش کرکٹ ٹیم کا دورہ پاکستان شیڈول ہے۔

    بنگلہ دیش سیکیورٹی وفد کراچی میں سیکیورٹی انتظامات کا جائزہ لینے کے بعد لاہور روانہ ہوگیا۔

    واضح رہے کہ اس سے قبل سری لنکا کی کرکٹ ٹیم نے کراچی میں ون ڈے میچز کی سیریز کھیلی تھی اور لاہورمیں تین ٹی ٹوینٹی میچز کی سیریز کھیلی گئی تھی۔

    سری لنکن ٹیم کے کپتان سمیت کھلاڑیوں نے بھی پاکستان میں سیکیورٹی اقدامات پر اطمینان کا اظہار کیا تھا، ان کا کہنا تھا کہ دیگر ٹیموں کو بھی پاکستان آکر میچز کھیلنا چاہئیں۔

  • وزیراعظم عمران خان ایک روزہ دورے پر 14ستمبر کو کراچی آئیں گے

    وزیراعظم عمران خان ایک روزہ دورے پر 14ستمبر کو کراچی آئیں گے

    کراچی : وزیراعظم عمران خان ایک روزہ دورے پر 14ستمبر کو کراچی آئیں گے جبکہ کراچی کے مسائل حل کرنے کے لئے عمران خان کی قائم کردہ کمیٹی کا پہلا اجلاس آج ہوگا۔

    تفصیلات کے مطابق کراچی کے مسائل حل کرنے کے لئے وزیراعظم عمران خان کی قائم کردہ کمیٹی کا پہلا اجلاس آج ہوگا، اجلاس وفاقی وزیرفروغ نسیم کے دفترمیں ہوگا۔

    اجلاس میں کراچی کے مسائل کے حل کے لئے تجاویز پیش کی جائیں گی جبکہ ذرائع کا کہنا ہے کہ وزیراعظم عمران خان ایک روزہ دورے پر 14 ستمبر کو کراچی آئیں گے۔

    یاد رہے گذشتہ روز وزیراعظم عمران خان کی زیرصدارت کراچی کے مسائل سے متعلق اجلاس ہوا تھا، جس میں شہر میں صفائی مہم اور دیگر ترقیاتی منصوبوں میں پیشرفت کا جائزہ لیا گیا۔

    اجلاس میں وزیراعظم نے کراچی کے مسائل کیلئے وزیرقانون فروغ نسیم کی سربراہی میں اعلیٰ سطح کمیٹی تشکیل دی تھی ، کمیٹی میں فروغ نسیم، علی زیدی، خسروبختیار، ڈی جی ایف ڈبلیواو اور دیگر ممبران شامل ہیں۔

    مزید پڑھیں : وزیراعظم نے کراچی کے مسائل حل کرنے کیلئے اعلیٰ سطح کی کمیٹی بنادی

    اجلاس میں وزیراعظم کو کلین کراچی مہم میں اب تک کی پیشرفت پر بریفنگ دی گئی جبکہ صاف پانی کی فراہمی، سیوریج، صفائی اور ماس ٹرانزٹ سسٹم و دیگرامور پر بھی تبادلہ خیال ہوا تھا۔

    اس موقع پر وزیراعظم کا کہنا تھا کہ کراچی پاکستان کا معاشی حب ہے، ملک کا مستقبل کراچی سے جڑا ہے ، ماضی کی بدانتظامی، غفلت کا خمیازہ اس شہر کے عوام کو بھگتنا پڑرہا ہے، یہاں صحت کے معاملے میں شدید خطرات لاحق ہیں۔

    انہوں نے کہا تھا کہ صاف پانی کی قلت اور صفائی کا ناقص انتظام بڑے مسائل ہیں، کراچی کے عوام کو درپیش مسائل پر شدید تشویش ہے، چاہتے ہیں شہر کے مسائل حل ہوں اور عوام کو بہتر سہولتیں میسر آئیں۔