بوسٹن: جاپان کے وزیرِاعظم شنزوآبے نے اتوارسےامریکہ کےسرکاری دورے کا آغازکر دیا ہے، پہلے مرحلے پر بوسٹن پہنچ گئے۔
بوسٹن ائیرپورٹ پہنچنے پر جاپانی وزیرِاعظم شنزوآبے کا پرتپاک استقبال کیا گیا، شنزوآبے اپنے آٹھ روزہ دورے میں بوسٹن، واشنگٹن، سان فرانسسکو اورلاس اینجلس بھی جائیں گے۔
واشنگٹن میں جاپانی وزیرِاعظم شنزوآبے امریکی صدر باراک اوباما سے پہلی سربراہ ملاقات کریں گے، وہ امریکی کانگریس کے مشترکہ اجلاس سے بھی خطاب کریں گے۔
شنزوآبے ان دونوں ایوانوں سے خطاب کرنے والے پہلے برسرِاقتدار جاپانی وزیراعظم ہوں گے، صدر اوباما سے ملاقات میں دونوں ملکوں کے درمیان دوطرفہ تعلقات، جاپان میں امریکہ بحری اڈے کی منتقلی سمیت چین کے تجویز کردہ ایشین انفرااسٹرکچرانوسٹمنٹ بینک سے متعلق بھی بات کریں گے۔
