Tag: visit

  • گوجرانوالہ کا دورہ ، عمران خان  کو  40تولے سونے کا تاج پہنایا جائے گا

    گوجرانوالہ کا دورہ ، عمران خان کو 40تولے سونے کا تاج پہنایا جائے گا

    اسلام آباد: پاکستان تحریک انصاف کے سربراہ عمران خان آج گوجرانوالہ کاایک روزہ دورہ کریں گے، اس موقع پر انھیں40تولے سونے کا تاج پہنایا جائے گا۔

    تفصیلات کے مطابق چیئرمین پی ٹی آئی عمران خان ن آج گوجرانوالہ میں پڑاؤ ڈالیں گے، جہاں ممبرسازی مہم کے حتمی مرحلے کا جائزہ لیں گے اور کارکنوں سے خطاب بھی کریں گے۔

    عمران خان گوجرانوالہ کے طوفانی دورے کا آغاز دوپہر دو بجے کریں گے، کپتان کوخوش آمدید کہنے کیلئے کھلاڑیوں نے شہر بھر میں استقبالیہ بینرز اور سائن بورڈ آویزاں کر دیئے گئے ہیں۔

    عمران خان کامونکی سے ممبر سازی مہم کا افتتاح کریں گے اور کھلاڑیوں کا لہو گرمائیں گے، کامونکی کے بعد ایمن آباد موڑ،چنددا قلعہ، شیخوپورہ موڑ سمیت مختلف مقامات پر خطاب بھی کریں گے۔

    اس موقع پر عمران خان کو 40تولے سونے کا تاج پہنایا جائے گا جبکہ تحفے میں چاندی کا بلا بھی دیاجائے گا، سونے کے تاج کی مالیت 20لاکھ روپے ہے، تاج کے چاروں اطراف قیمتی پتھر بھی لگائے گئے ہیں، سونے کا تاج اور چاندی کا بلا ایم این اے میاں طارق کی جانب سے تیار کرایا گیا۔

    خیال رہے کہ میاں طارق نےحال ہی میں ن لیگ چھوڑ کر پی ٹی آئی میں شمولیت اختیارکیا، جلسے میں ن لیگی ایم این اے میاں طارق
    پی ٹی آئی میں باقاعدہ شمولیت کا اعلان کرینگے۔

    یاد رہے کہ تحریک انصاف کے سربراہ عمران خان نے انتخابی مہم چلانے کا فیصلہ کرتے ہوئے ملک گیر جلسے کرنے کا اعلان کیا تھا۔

    خیال رہے کہ پاکستان تحریک انصاف کے سربراہ عمران خان  نے کراچی کے دورے کے دوران  مختلف تقاریب سے خطاب کرتے ہوئے کہا تھا کہ  جب تک کراچی خوشحال نہیں ہوگا تو پاکستان ترقی نہیں کرے گا، کراچی کو لندن اور پیرس کی طرح چلنا چاہئے۔

    انکا کہنا تھا کہ آئندہ الیکشن میں کراچی کے لیے بھی پورا زور لگا رہے ہیں، کراچی لاوارث شہر بنا ہوا ہے، اندرون سندھ سے جیتنے والا پاور میں آجاتا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نواز شریف کا عوامی رابطہ مہم تیزکرنے کا فیصلہ، یکم فروری کو کراچی پہنچیں گے

    نواز شریف کا عوامی رابطہ مہم تیزکرنے کا فیصلہ، یکم فروری کو کراچی پہنچیں گے

    اسلام آباد : نااہل سابق وزیراعظم نوازشریف نے مخالفین پردباؤ بڑھانے کیلئے عوامی رابطہ مہم تیزکرنے فیصلہ کیاہے، رابطہ مہم کی کامیابی کیلئے نواز شریف یکم فروری کو کراچی کا دورہ کرینگے۔

    تفصیلات کے مطابق نوازشریف کی زیرصدارت پنجاب ہاؤس میں پارٹی رہنماؤں کےاہم مشاورتی اجلاس ہوا، جس میں عوامی رابطہ مہم تیز کرنے کا فیصلہ کیا گیا۔

    اجلاس میں مریم نواز، پرویز رشید، مشاہد اللہ خان اور آصف کرمانی سمیت دیگررہنماؤں نے شرکت کی، نواز شریف نے مشاہد اللہ خان کو فوری طور پر کراچی پہنچنے کی ہدایت کی ہے۔

    ذرائع کا کہنا ہے کہ عوامی رابطہ مہم کی کامیابی کیلئے نوازشریف نے کراچی،پشاور،مظفرآباد اور چترال سمیت دیگر شہروں کے دوروں کافیصلہ کیا گیا۔ رابطہ مہم کی کامیابی کیلئے نوازشریف یکم فروری کو دو روزہ دورے پر کراچی پہنچیں گے۔

    جہاں وہ صوبائی قیادت کے اجلاس کی صدارت کے علاوہ وکلا اور سیاسی رہنماؤں سے ملاقات کرینگے جبکہ گورنر سندھ بھی نوازشریف سےملاقات کریں گے۔

    ذرائع کے مطابق نوازشریف چار فروری کو پشاور اور پانچ فروری کو مظفر آباد جائیں گے، فروری کے دوسرے ہفتے میں وہ چترال کا دورہ کریں گے۔


    مزید پڑھیں : ن لیگ کے کارکنان تیار ہو جائیں، ملک بھر میں جلسے جلوس کریں گے، نواز شریف


    یاد رہے 4 روز قبل نوازشریف نے جاتی امرا میں لیگی کارکنوں سے بھی ملے اور غیر رسمی گفتگو کرتے ہوئے کہا تھا کہ عوام سازشی عناصر کو 2018 کے انتخابات میں جواب دیں گے، لیگی کارکن متحرک ہو جائیں، عوامی رابطہ مہم میں تیزی لائیں گے۔

    انہوں نے کارکنوں کو تیار رہنے کی ہدایت کرتے ہوئے کہا کہ ملک بھر میں جلسے جلوس کریں گے، مسلم لیگ ن آئندہ انتخابات میں ووٹ کے تقدس اور عدل کی بحالی کے لیے میدان میں نکلے گی، کھوکھلے نعرے لگانے والے ہمارے ترقیاتی کاموں کا مقابلہ کر کے دکھائیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آصف زرداری کا شمار بڑے لیڈروں میں ہوتا ہے، وزیراعلیٰ بلوچستان

    آصف زرداری کا شمار بڑے لیڈروں میں ہوتا ہے، وزیراعلیٰ بلوچستان

    کراچی:وزیراعلیٰ بلوچستان عبدلقدوس بزنجو کا کہنا ہے کہ سندھ ہمارا دوسرا گھر ہے ، آصف زرداری کا شمار بڑے لیڈروں میں ہوتاہے، آصف علی زرداری نے دعا کی ہے دوا نہیں دی، پیپلزپارٹی کا بلوچستان سے کوئی سینٹر نہیں بن سکتا۔ نوازشریف بھی اگردعوت دیں توہم ضرورجائیں گے۔

    تفصلات کے مطابق وزیراعلی بلوچستان عبدالقدوس بزنجو نے اپنے صوبائی کابینہ کے ہمراہ بانی پاکستان محمد علی جناح کے مزار پر حاضری دی، پھولوں کی چادر چڑھائی اور فاتحہ خوانی کی۔

    مزار قائد کی سیکیورٹی پر موجود دستوں نے وزیراعلی بلوچستان عبدالقدوس بزنجو کو سلامی دی۔

    اس موقع پر میڈیا سے بات چیت کرتے ہوئے وزیراعلی بلوچستان عبدالقدوس بزنجو کا کہنا تھاکہ قائد اعظم ایک عظیم لیڈر تھے جن کی قربانیوں کی بدولت اسلامی ملک وجود میں آیا ۔

    وزیراعلی بلوچستان کا کہنا تھا کہ بیرون ملک میں کچھ لوگ بیٹھ کر بلوچستان میں حالات خراب کرتے ہیں ہیں لیکن اب یہاں کے نوجوان قومی دھارے میں شامل ہورہے ہیں۔

    عبدالقدوس بزنجو نے کہا کہ کہ آصف زرداری کاشماربڑےلیڈروں میں ہوتاہے، آصف زرداری کی نیک خواہشات ہمارے ساتھ ہیں ، آصف علی زرداری نے دوا نہیں کی بلکہ دعا دی ہے بلوچستان سے پیپلزپارٹی کا کوئی سینٹر نہیں بن سکتا۔

    راوٴ انوار کے متعلق پوچھے گئے سوال پر انکا کہنا تھا کہ اگر راوٴ انوار ایران باڈر سے فرار ہونے کی کوشش کرینگے تو گرفتار ہوجائیں گے۔

    وزیراعلی بلوچستان نے کہا کہ نوازشریف بھی اگردعوت دیں توہم ضرورجائیں گے، نوازشریف نےبلوچستان کےمسائل پرتوجہ نہیں دی ثنااللہ زہری نے وزارت اعلی کے دوران صرف 24 فیصد وقت بلوچستان میں گزرا ہوگا لاہور میں بلوچستان کےطلبہ پرظلم ہورہاہے، پنجاب حکومت سے بات کی ہے اپنا کردارادا کرے گی۔

    انکا مزید کہنا تھا کہ بلوچستان سےدہشت گردی کوختم کریں گے، دہشت گردی ختم کرکے بھائی چارےکی فضابحال کرینگے، اب بلوچستان میں ٹیم ورک نظر آئے گا، لوگ قومی دھارے میں آرہے ہیں،ہم پاکستان سے جدا نہیں ہوسکتے، ہمارے نوجوان دوسروں کے بہکاوے میں پہاڑوں پر گئے، باہر بیٹھ کرعیاشی کرنیوالوں کے پاس پیسہ کہاں سےآیا۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

  • زینب کے قاتل کوایسی سزاملنی چاہیےکہ آئندہ ایسی حرکت کی کسی کوجرات نہ ہو،مریم نواز

    زینب کے قاتل کوایسی سزاملنی چاہیےکہ آئندہ ایسی حرکت کی کسی کوجرات نہ ہو،مریم نواز

    لاہور: سابق وزیراعظم نواز شریف کی صاحبزادی مریم نواز کا کہنا ہے کہ دھرنوں اور لاک ڈاؤن کے ذریعے جمہوریت کے دشمنوں نے خود کو بے نقاب کیا ہے، سازشیں کرنے والوں کو عوام بھی پہچانتے ہیں، زینب کے قاتل کوایسی سزاملنی چاہیےکہ آئندہ ایسی حرکت کی کسی کوجرات نہ ہو۔

    تفصیلات کے مطابق سابق وزیراعظم نواز شریف کی صاحبزادی مریم نواز نے حلقہ این اے120 کا دورہ کیا ، کارکنوں نے نوازشریف کےحق میں نعرے
    لگائے، مریم نواز نے مختلف علاقوں میں شہریوں کے مسائل سنے۔

    مریم نواز نے کارکنوں سے خطاب میں کہا کہ پاکستان اورجمہوریت کیخلاف سازشیں ہورہی ہیں، سازشیں کرنےوالوں کوعوام پہچانتےہیں، دھرنوں لاک ڈاؤن سےجمہوریت دشمنوں نے خود کو بےنقاب کیا، جب تک چہرے نظر نہیں آئیں گے لوگوں کو کیسے پتہ چلے گا۔


    مزید پڑھیں : قصورمیں بچی کو زیادتی کا نشانہ بنانے والے ملزمان کونشان عبرت بنادیا جائے،مریم نواز


    سابق وزیراعظم کی صاحبزادی کا کہنا تھا کہ سازشیں کرنےوالوں نےہماراکام آسان کر دیاہے، نوازشریف اوروزیراعظم ملاقات میں سیاسی صورتحال پرگفتگو ہوئی، ملاقات میں سینیٹ الیکشن اورجنرل الیکشن پرتبادلہ خیال ہوا۔

    زینب قتل کے حوالے سے مریم نواز نے کہا کہ زینب کےقاتل کی گرفتاری کیلئےتمام وسائل استعمال کررہے ہیں، بہت جلد زینب کا قاتل پکڑا جائے گا اور انجام کو بھی پہنچے گا، ملزم کو ایسی سزا ملنی چاہیے کہ آئندہ ایسی حرکت کی کسی کوجرات نہ ہو۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • زینب توچلی گئی مگراس ظالمانہ نظام کیخلاف آوازبن گئی، سراج الحق

    زینب توچلی گئی مگراس ظالمانہ نظام کیخلاف آوازبن گئی، سراج الحق

    قصور : امیر جماعت اسلامی سراج الحق کا کہنا ہے کہ زینب توچلی گئی مگراس ظالمانہ نظام کیخلاف آواز بن گئی، زینب کیساتھ وہ سلوک ہوا جو جنگل کے درندے بھی نہیں کرتے ہونگے، زینب کے قاتل، فائرنگ کرنیوالے اہلکاروں کو بھی پھانسی دی جائے۔

    تفصیلات کے مطابق امیر جماعت اسلامی سراج الحق قصور میں زینب کے گھر پہنچے اور بچی کے لواحقین سے تعزیت کا اظہار کیا ، اس موقع پر سراج الحق کا کہنا ہے کہ زینب کےوالدین عمرےکی ادائیگی کےلئےمدینےمیں موجودتھے، زینب کیساتھ وہ سلوک ہواجوجنگل کےدرندے بھی نہیں کرتے ہونگے۔

    امیر جماعت اسلامی کا کہنا تھا کہ زینب کاخون ہم سےتقاضہ کرتاہےکہ ظالمانہ نظام کیخلاف باہرنکلیں، زینب توچلی گئی مگراس ظالمانہ نظام کیخلاف آوازبن گئی، پنجاب حکومت اور وزیراعظم سے پوچھتا ہوں آپ کا ضمیرکیوں نہیں جاگا۔

    امیر جماعت اسلامی نے کہا کہ شہبازشریف سے کہتا ہوں قصور،لاہورسےایک گھنٹہ دورہے شہبازشریف مصروفیات ترک کرکےکیوں نہیں آئے، انھوں نے سوال کیا کہ وزیراعلیٰ صاحب آپ کی ایلیٹ فورس کہاں گئی تھی؟، وزیراعلیٰ سے پوچھتا ہوں آپ کی ڈولفن فورس کہاں تھی۔

    انکا مزید کہنا تھا کہ میرے ملک میں غریبوں کے خون کی کوئی قیمت نہیں ہے، سنا ہے کہ وزیراعلیٰ پنجاب رات کے اندھیرے میں قصور آئے ، زینب کے قاتل، فائرنگ کرنیوالے اہلکاروں کو بھی پھانسی دی جائے، پنجاب پولیس کو شرم آنی چاہئے۔

    سراج الحق نے کہا کہ یزیدوں جواب دو ،قصور کوکربلا کیوں بنایا ہے، اب کارواں امام حسین کا ہوگا اوریزید کا گریبان ہوگا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعلیٰ پنجاب  کا وہاڑی میں ایک منصوبہ شہیدعبدالمعید کے نام سےمنسوب کرنے کا اعلان

    وزیراعلیٰ پنجاب کا وہاڑی میں ایک منصوبہ شہیدعبدالمعید کے نام سےمنسوب کرنے کا اعلان

    لاہور: وزیراعلیٰ پنجاب شہباز شریف نے وہاڑی میں ایک منصوبہ شہید عبدالمعید کے نام سے منسوب کرنے کا اعلان کرتے ہوئے کہا کہ عبدالمعید جیسے دلیر بیٹے پاک دھرتی کا فخر ہیں۔

    تفصیلات کے مطابق وزیرا علیٰ پنجاب شہباز شریف شہیدسیکنڈ لیفٹیننٹ عبدالمعید کے گھر پہنچے اور شہید کےاہل خانہ سے ملاقات کی اور تعزیت کا اظہار کیا۔

    اس موقع پر شہباز شریف نے کہا کہ پنجاب حکومت عبدالمعید کے اہلخانہ کی ہرممکن مدد کے لئے حاضر ہے، عبدالمعید نےبہادری اور جرأت کی مثال قائم کی، وطن پرجانیں نثارکرنے والے قوم کےہیروہیں۔

    ان کا کہنا تھا کہ عبدالمعید جیسے دلیر بیٹے پاک دھرتی کا فخر ہیں، عبدالمعید نے شہادت کا عظیم رتبہ پایا ہے، عبدالمعید کی عظیم قربانی رائیگاں نہیں جائے گی۔

    وزیراعلیٰ پنجاب نے وہاڑی میں ایک منصوبہ شہیدعبدالمعید کے نام سے منسوب کرنے کا اعلان بھی کیا۔


     مزید پڑھیں :  شمالی وزیرستان،  21سالہ سیکنڈ لیفٹیننٹ عبدالمعیداور سپاہی بشارت شہید 


    یاد رہے کہ شمالی وزیرستان میں فورسز کی گاڑی پر دہشتگردوں نے فائرنگ کی ، دہشتگردوں کی فائرنگ سے 21سالہ سیکنڈ لیفٹیننٹ عبدالمعید اور سپاہی بشارت شہید ہوگئے تھے۔

    شہید لیفٹیننٹ عبدالمعید کا تعلق وہاڑی کے علاقے بورے سے تھا جبکہ شہید ہونیوالے اکیس سالہ سپاہی بشارت کا تعلق گلگت سے تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند  آیا ہے تو اسے اپنی فیس بک وال پر شیئر کریں

  • شہباز شریف کا دورہ سعودی عرب، مسجد نبوی میں نماز فجر کی ادائیگی

    شہباز شریف کا دورہ سعودی عرب، مسجد نبوی میں نماز فجر کی ادائیگی

    مدینہ منورہ : آئندہ مسلم لیگ ن کے وزیراعظم کے نامزد امیدوارمیاں شہبازشریف اہم دورے پرسعودی عرب پہنچ گئے،جہاں انھوں نے نمازِ فجر مسجدِ نبوی ﷺ میں ادا کی میاں شہبازشریف سعودی عرب میں اہم شخصیات سےملاقاتیں کریں گے۔

    تفصیلات کے مطابق سعودی حکومت کے بھیجے گئے طیارے میں سوار وزیر اعلیٰ پنجاب شہباز شریف مدینہ منورہ جا پہنچے، جہاں انھوں نے مسجد نبوی میں نماز فجر ادا کی اور نوافل بھی ادا کئے اور ملک و قوم کی ترقی و خوشحالی، پاکستان کے استحکام اور امن و سلامتی کے لئے دعا کی۔

    یوں اچانک خصوصی طیارے میں سعودیہ روانگی کی وجہ کیا ہوئی ؟سیاسی صورتحال میں ایک نئی بحث چھڑگئی ۔

    ترجمان پنجاب حکومت کے مطابق شہباز شریف کی آج سعودی قیادت اور اعلیٰ حکام سے ملاقاتیں شیڈول ہیں۔

    پنجاب حکومت کے ٹوئٹر اکاﺅنٹ سے شہباز شریف کی ایک تصویر بھی شیئر کی گئی ہے جس میں انہیں سر پر ٹوپی اور ہاتھ میں قرآن پاک پکڑے ہوئے دیکھا جاسکتا ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • عبدالمعید شہید قوم کا اثاثہ ہیں، عبدالعلیم خان

    عبدالمعید شہید قوم کا اثاثہ ہیں، عبدالعلیم خان

    لاہور: پاکستان تحریک انصاف کے رہنما عبدالعلیم خان کا کہنا ہے کہ عبدالمعید شہید قوم کا اثاثہ ہیں، پوری قوم کو پاک فوج کی قربانیوں پر فخر ہے۔

    تفصیلات کے مطابق پی ٹی آئی کے رہنما اور سنٹرل پنجاب کے صدر عبدالعلیم خان شہید سیکنڈ لیفٹیننٹ عبدالمعید کے گھر پہنچے اور شہید کےاہل خانہ سے  ملاقات کی اور تعزیت کا اظہار کرتے ہوئے شہید کے بلند درجات کیلیے فاتحہ خوانی کی۔

    علیم خان نے چیئرمین تحریک انصاف عمران خان کا تعزیتی پیغام بھی پہنچایا۔

    اس موقع پر رہنما پی ٹی آئی کا کہنا تھا کہ عبدالمعید شہید قوم کا اثاثہ ہیں، پوری قوم کو پاک فوج کی قربانیوں پر فخر ہے۔


     مزید پڑھیں :  شمالی وزیرستان،  21سالہ سیکنڈ لیفٹیننٹ عبدالمعیداور سپاہی بشارت شہید 


    یاد رہے کہ شمالی وزیرستان میں فورسز کی گاڑی پر دہشتگردوں نے فائرنگ کی ، دہشتگردوں کی فائرنگ سے 21سالہ سیکنڈ لیفٹیننٹ عبدالمعید اور سپاہی بشارت شہید ہوگئے تھے۔

    شہید لیفٹیننٹ عبدالمعید کا تعلق وہاڑی کے علاقے بورے سے تھا جبکہ شہید ہونیوالے اکیس سالہ سپاہی بشارت کا تعلق گلگت سے تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند  آیا ہے تو اسے اپنی فیس بک وال پر شیئر کریں۔

  • ایم کیوایم لندن کا یادگار شہدا جانے کا اعلان، عزیزآباد کے راستے سیل

    ایم کیوایم لندن کا یادگار شہدا جانے کا اعلان، عزیزآباد کے راستے سیل

    کراچی : ایم کیو ایم لندن کے یادگار شہدا جانے کے اعلان کے بعد نائن زیرو ، جناح گراؤنڈ، عائشہ منزل، لیاقت علی خان چوک اور اطراف کے راستے بند کردیے گئے جبکہ پولیس اور رینجرز کی بھاری نفری نے علاقے کو گھیر لیا ہے۔

    تفصیلات کے مطابق ایم کیو ایم لندن نے یادگار شہدا پر حاضری کے پروگرام کے پیش نظر عزیزآباد کے کئی راستے سیل کردیئے گئے، رینجرز اور پولیس، وومن پولیس اور دیگر اداروں کے اہلکارکی بھاری نفری تعینات کردی گئی ہے۔

    پولیس نےعائشہ منزل سے لیاقت علی خان چوک جانے والے راستوں کو بند کردیا جبکہ جناح گراؤنڈ اور نائن زیرو جانے والی سڑک پر گاڑیاں کھڑی کرکے سڑک بلاک کردی گئی ہیں۔

    رکاوٹوں سے علاقہ مکینوں کو مشکلات کا سامنا ہے، عزیز آباد اور اطراف کی تمام مارکیٹیں بند ہیں، ٹرانسپورٹ نہ ہونے کے باعث خواتین کا بھی پیدل مارچ ممکنہ کشیدگی سے نپٹنے کیلئے رینجرز کے جوانوں نےبھی ڈٰیوٹیاں سنبھال لیں۔

    علاقے میں بکتربند گاڑیاں اورواٹرکینن بھی موجود ہے۔

    ذرائع کے مطابق انتظامیہ نے فیصلہ کیا ہے کہ ایم کیوایم لندن کے کارکنوں کو یادگار شہداء کی جانب مارچ نہیں کرنے دیا جائے گا۔

    پولیس کا کہنا ہے کہ ہدایت ہے کسی کو بھی لیاقت علی خان چوک نہ دینے جایا جائے، جوہر آباد کے سب انسپکٹر نےعلاقے میں اپنے گھروں کو جانے سے روک دیا، علاقہ مکین متبادل راستوں سے اپنے گھروں کو جائیں۔

    یاد رہے کہ ایم کیوایم لندن رہنماؤں نے آج پارٹی کی یادگارشہدا پر حاضری کا اعلان کیا ہے۔


    مزید پڑھیں : شہدائے یادگار پر ایم کیو ایم پاکستان اور ایم کیو ایم لندن کے کارکنان آمنے سامنے 


    واضح رہے کہ گذشتہ سال اکتوبر میں متحدہ قومی موومنٹ لندن کے رہنماؤں اور کارکنوں نے نائن زیرو کے قریب یادگارہ شہدا پر حاضری دینے کی کوشش کی تاہم رینجرز نے انہیں روک دیا اور صرف بزرگوں اور خواتین کو جانے کی اجازت دی تھی۔

    نومبر 2016 میں  عزیزآباد میں واقع شہدائے یادگار پر ایم کیو ایم پاکستان اور ایم کیو ایم لندن کے کارکنان آمنے سامنے آ گئے تھے اور صورتحال کشیدہ ہوگئی تھی، ایم کیو ایم لندن کے کارکنان نے قائد ایم کیو ایم کے حق میں شدید نعرے بازی کی تھی۔

    خیال رہےمیئر کراچی وسیم اختر کو آخری مقدمے میں ضمانت ملنے کے بعد سینٹرل جیل سے رہا کردیا گیا تھا جس کے بعد وہ ایک ریلی کی صورت مزارِ قائد پہنچے اور فاتحہ خوانی کی بعد ازاں وہ عزیز آباد میں واقع ایم کیو ایم کے شہدائے یاد گار حاضری دینے پہنچنا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاکستان سے ملنے والی والہانہ محبت باعث فخر ہے، صادق خان

    کراچی : لندن کے میئر صادق خان کا کہنا ہے کہ پاکستان سے ملنے والی والہانہ محبت باعث فخر ہے، لندن کے دروازے سب کے لئے کھلے ہیں۔ دنیا میں کئی شہر دہشت گردی سے بری طرح متاثر ہیں۔

    تفصیلات کے مطابق برطانیہ کے شہر لندن کے میئر صادق خان نے حبیب یونیورسٹی کا دورہ کیا اور مختلف شعبوں کا معائنہ کیا، اساتذہ اور طلبہ و طالبات سے ملاقات بھی کی۔

    طالبعلموں سے خطاب کرتے ہوئے میئرلندن کا کہنا تھا کہ پاکستان کے سب سے بڑے کراچی کے لئے مستقبل کو مد نظر رکھتے ہوئے ترقیاتی منصوبہ بندی کرنا ہوگی،عارضی اور وقتی منصوبے کراچی کی ترقی کیلئے ناکافی ہیں۔

    میئر لندن نے کہا کہ دنیا میں دائیں بازو کی سیاست عروج پر ہے، نیشنل اور پاپولر پالیٹکس دنیا میں جگہ بنارہی ہے، لندن کو تیزاب گردی جیسے مسائل کا سامنا ہے جس سے نمٹنے کے اقدامات کررہے ہیں، شہروں کا پھیلاوٴ مسئلہ نہیں بلکہ ایک مثبت عمل ہے، شہروں کی وسعت کے اعتبار سے وسائل کا مہیا نہ ہونا مسئلہ ہے۔

    انھوں نے کہا کہ پاکستان سے ملنے والی والہانہ محبت باعث فخر ہے، قائداعظم محمد علی جناح مذہبی رواداری اور جمہوریت کے وکیل تھے، لندن کے دروازے سب کے لئے کھلے ہیں۔

    صادق خان کا کہنا تھا کہ دہشت گردی پوری دنیا کا مسئلہ ہے، لندن میں بھی جرائم کی وارداتیں ہوتی ہیں، لندن میں اسٹریٹ کرائمزمیں گزشتہ3سالوں میں اضافہ ہوا، جرائم میں ملوث افراد کو گرفتار کرکے کڑی سزائیں دی گئیں، دہشت گردی کیخلاف عوام نے پولیس کا حوصلہ بڑھایا ہے۔

    میئر لندن نے مزید کہا کہ لندن کا سب سے بڑا مسئلہ گھر بے، لوگوں کو رہائش فراہم کرنا ہے، رہائش کےمسائل سنگین ہیں حل کیلئےکوشاں ہیں مجھے پاکستانی نژاد ہونے کی وجہ سے لندن میں کسی امتیازی سلوک کا سامنا نہیں کرنا پڑا، میں سب سے زیادہ ووٹ لے کر لندن کا میئر بنا۔


    مزید پڑھیں : میئرلند ن صادق خان کی مزارقائد پرحاضری


    اس سے قبل لندن میئر کراچی پہنچے اور مزار قائد پر حاضری دی، پھول چڑھائے اور فاتحہ خوانی کی جبکہ مہمانوں کی کتاب میں اپنے تاثرات قلمبند کئے۔

    س موقع پر میڈیا سے گفتگو کرتے ہوئے میئر لندن صادق خان کا کہنا تھا کہ کراچی آمد پر فخر محسوس کررہاہوں ، لندن میں تعلیم، کاروبار اور سیاحت کیلئے آپ کو خوش آمدید کہتا ہے۔

    صادق خان نے کہا کہ لندن سب کے لیئے کھلا ہے وہاں پاکستانیوں کے لیئے ملازمتوں ،کاروبارتجارت ،سیاحت اور تعلیم کے بہترین مواقع موجود ہیں۔

    یاد رہے کہ میئر لندن صادق نے وزیراعظم شاہدخاقان عباسی، وزیرخارجہ خواجہ آصف اور میئر کراچی سے ملاقاتیں کیں ، جس میں میئرلندن کوعلاقائی، معاشی میدان میں پاکستانی کامیابیوں سےآگاہ کیاگیا جبکہ صادق خان نے دونوں ممالک میں مختلف شعبوں میں تعاون بڑھانے پر زور دیا۔

    واضح رہے کہ 2 روز قبل میئر لندن صادق خان 9 رکنی وفد کے ساتھ بھارت سے براستہ واہگہ بارڈرلاہور پہنچے تھے ، مئیر لاہور مبشر جاوید اوربرطانوی ہائی کمشنر تھامس انڈریو نےاستقبال کیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔