Tag: visit

  • وزیراعظم عمران خان کا ہفتے کو لاہور آمد کا شیڈول جاری

    وزیراعظم عمران خان کا ہفتے کو لاہور آمد کا شیڈول جاری

    اسلام آباد : وزیراعظم عمران خان ہفتے کو لاہور کا دورہ کریں گے ، دورے کے دوران پنجاب انرولمنٹ پالیسی کاافتتاح، پنجاب کابینہ اجلاس کی صدارت اور وزراکی کارکردگی سےمتعلق بھی جائزہ لیں گے۔

    تفصیلات کے مطابق وزیراعظم عمران خان کی ہفتے کو لاہور آمد کا شیڈول جاری کردیا گیا ، جس کے تحت وزیراعظم گورنرہاؤس میں پنجاب انرولمنٹ پالیسی کا افتتاح اور موجوداسکولزمیں بچوں کے داخلے کے ٹارگٹ کا بھی اعلان کریں  گے۔

    پنجاب میں تمام بچوں کواسکول لانےکی پالیسی تیارکی گئی ہے۔

    وزیراعظم عمران خان دورے کے دوران پنجاب کابینہ اجلاس کی صدارت کریں گے اور وزرا کی کارکردگی سےمتعلق بھی جائزہ لیں گے جبکہ گورنرپنجاب چوہدری سرورسے اہم ایشوز پر بریفنگ لیں گے۔

    وزیراعظم کو پنجاب میں نیشنل ایکشن پلان پرعملدآمدرپورٹ اور اوورسیزکمیشن کی کارکردگی پربھی بریفنگ دی جائےگی۔

    مزید پڑھیں : زرعی رقبے پر کسی ہاؤسنگ اسکیم کی منظوری نہیں دی جائے گی، وزیراعظم

    یاد رہے یکم مارچ کو وزیر اعظم عمران خان ایک روزہ دورے پر لاہور پہنچے تھے، جہاں انہوں نے پنجاب کابینہ کے اجلاس کی صدارت کرتے ہوئے پنجاب کے بڑے شہروں میں زرعی اراضی پر ہاؤسنگ اسکیمیں بنانے سے روک دیا تھا جبکہ رقبے کے زیادہ استعمال کو روکنے کے لیے بھی نئی حکمت عملی کی منظوری دی گئی تھی۔

    وزیر اعظم کا کہنا تھا کہ زرعی رقبے پر کسی ہاؤسنگ اسکیم کی منظوری نہیں دی جائے گی۔

    اس سے قبل لاہور پہنچنے کے بعد وزیر اعظم عمران خان نے وزیر اعلیٰ پنجاب عثمان بزدار اور گورنر پنجاب چوہدری محمد سرور سے ملاقات کی تھی، ملاقات میں پاک بھارت کشیدگی سے متعلق تبادلہ خیال ہوا جبکہ بھارتی پائلٹ کو واپس بھیجنے سے متعلق بھی گفتگو کی گئی۔

    وزیر اعلیٰ نے بھارتی پائلٹ کو واپس بھیجنے کے فیصلے کو سراہا تھا۔

  • جاپان کے وائس چیف آف جوائنٹ اسٹاف کا ائیر ہیڈ کوارٹرز اسلام آباد کا دورہ

    جاپان کے وائس چیف آف جوائنٹ اسٹاف کا ائیر ہیڈ کوارٹرز اسلام آباد کا دورہ

    اسلام آباد : جاپان کے لیفٹینٹ جنرل تاکاشی موتومتس، وائس چیف آف جوائنٹ اسٹاف سیلف ڈیفنس فورسز نے آج ائیر ہیڈ کوارٹرز اسلام آباد کا دورہ کیا۔

    ایئر ہیڈ کوارٹرز آمد پر پاک فضائیہ کے سربراہ ائیرچیف مارشل مجاہد انور خان نے معزز مہمان کا استقبال کیا، پاک فضائیہ کے چاق وچوبند دستے نے انہیں سلامی پیش کی۔

    بعد ازاں لیفٹینٹ جنرل تاکاشی موتومتس نے ائیرچیف مارشل مجاہد انور خان سے ان کے آفس میں ملاقات کی اوردونوں سربراہان نے پیشہ ورانہ دلچسپی کے امور پر تباد لہ خیال کیا۔

    لیفٹینٹ جنرل تاکاشی موتومتس نے پاک فضائیہ کے افراد کی پیشہ وارانہ مہارت کی تعریف کی ،ائیر چیف نے معزز مہمان کو پاک فضائیہ کے خود انحصاری کے مختلف منصوبوں کے بارے میں آگاہ کیا۔

    ملاقات کے دوران دونوں معزز شخصیات نے باہمی تعاون اور دفاعی تعلقات کو مزید مستحکم کرنے پر زور دیا جس کی بدولت دونوں ملکوں کے درمیان بالعموم اور دونوں فضائی افواج کے مابین بالخصوص دوستانہ تعلقات کو مزید وسعت ملے گی۔

    یہ امر قابل ذکر ہے کہ گزشتہ سات برس میں کسی بھی جاپانی عسکری عہدیدار کا یہ پہلا پاکستانی دورہ ہے۔

  • وزیراعظم عمران خان کا دورہ متحدہ عرب امارات مکمل ہونے پر اعلامیہ جاری

    وزیراعظم عمران خان کا دورہ متحدہ عرب امارات مکمل ہونے پر اعلامیہ جاری

    اسلام آباد : وزیراعظم عمران خان کا دورہ متحدہ عرب امارات مکمل ہونے پر اعلامیہ جاری کردیا گیا، اعلامیہ میں کہا گیا ہے کہ وزیراعظم نے شیخ محمد بن راشد المکتوم کی دعوت پر یواے ای کا دورہ کیا۔

    دورے کا مقصد عالمی گورنمنٹ سمٹ کی تقریب میں شرکت کرنا تھی، دورے میں وزیراعظم کی یو اے ای قیادت سے اہم ملاقاتیں ہوئیں، یو اے ای کے ڈپٹی سپریم کمانڈر شیخ محمد بن زیدالنہیان سے وزیر اعظم کی ون آن ون ملاقات ہوئی۔

    اعلامیہ کے مطابق وزیراعظم نے انصاف، میرٹ اور فلاحی اقدامات کو معاشرتی ترقی کی بنیاد قرار دیا، انہوں نے پاکستان میں مدینہ کی فلاحی ریاست کا تصور پیش کیا، سمٹ کے دورن پاکستان میں سرمایہ کاری کے مواقع پر بھی بات کی گئی،وزیراعظم نے سیاحت کے شعبےاوراصلاحاتی ایجنڈے کو دنیا کے سامنے رکھا۔

    اس موقع پر معیشت کو مستحکم کرنے اور کاروباری سہولیات کے فروغ پر عالمی رہنماؤں کو اعتماد میں لیا گیا، اصلاحاتی ایجنڈا، اقتصادی صورتحال میں بہتری، نجی شعبہ کی حوصلہ افزائی سے متعلق آگاہ کیا گیا،

    اعلامیہ میں کہا گیا ہے کہ اماراتی قیادت سے مختلف شعبوں میں باہمی تعاون بڑھانے پراتفاق ہوا، پاک امارات لانگ ٹرم تجارت بڑھانے پر زور دیا گیا، پاکستان کی معاشی مدد پر وزیراعظم نے شیخ محمد بن زیدالنہان کا خصوصی شکریہ ادا کیا۔

    وزیر اعظم نے اپنے ہم منصب شیخ محمد بن راشد المکتوم سے بھی علیحدہ ملاقات کی، اس کے علاوہ دورے کے دوران وزیراعظم نے سائیڈ لائن ملاقاتیں بھی کیں۔

    ملاقات میں باہمی دلچسپی کے امور اور خطے کی صورتحال پر بھی تبادلہ خیال کرتے ہوئے دونوں رہنماؤں نے باہمی تعلقات کو مزید فروغ اور استحکام دینے کے عزم کا اعادہ کیا، وزیراعظم نے افغانستان میں امن کی کوششوں میں ولی عہد کے کردار کو بھی سراہا۔

    اس موقع پر لبنانی ہم منصب اور آئی ایم ایف منیجنگ ڈائریکٹر سے بھی ملاقاتیں ہوئیں، وزیر اعظم عمران خان نے سمٹ کے انعقاد پر یو اے ای قیادت کی تعریف کی۔

  • آبی تنازعات پر مذاکرات ،  پا کستانی وفد زیر تعمیر آبی منصوبوں کے معائنے کیلئے کل  بھارت روانہ ہوگا

    آبی تنازعات پر مذاکرات ، پا کستانی وفد زیر تعمیر آبی منصوبوں کے معائنے کیلئے کل بھارت روانہ ہوگا

    لاہور: پاکستانی وفد دریائے چناب پر زیر تعمیر آبی منصوبوں کے معائنے کے لئے کل بھارت جائے گا، جہاں وفد دریائے چناب پر لوئرکلنائی اورپاکل دل کامعائنہ کرےگا، مہرعلی شاہ کا کہنا ہے کہ سندھ طاس معاہدے کی خلاف ورزی پرپا کستان نے بھر پور آواز بلندکی ہے۔

    تفصیلات کے مطابق پاکستان اور بھارت کے درمیان پانی پر مذاکرات برف پگھل گئی، انڈس واٹر کمیشن حکام کا کہنا ہے کہ پا کستانی وفد 27 جنوری کو بھارت جائے گا، وفد اتوارکو واہگہ کے راستے نئی دہلی روانہ ہوگا۔

    حکام کا کہنا ہے کہ کمشنر سید مہر علی شاہ کی سربراہی میں 3 رکنی وفد بھارت جائے گا اور اور 27 جنوری سے یکم فروری تک بھارت کا دورہ کرےگا۔

    سید مہر علی شاہ کا کہنا ہے کہ پاکستانی ماہرین کا وفد دریائے چناب پر بننے والے منصوبے لوئر کلنائی اور پاکل دل کا معائنہ کرے گا، بھارت کی جانب سے دریائے چناب پر بنائے جانے والے دیگر منصوبوں کے معائنہ کے حوالے سے بھی مثبت اشارے دیئے گئے ہیں۔

    پا کستانی انڈس واٹر کمشنر نے کہا کہ سندھ طاس معاہدے کی خلاف ورزی پر پا کستان نے بھر پور آواز بلند کی ہے جس پر کامیابی ملی ہے۔

    یاد رہے 11 جنوری کو بھارت نے پاکستان کو دریائے چناب پر زیر تعمیر آبی منصوبوں کے معائنے کے لئے گرین سگنل دیا تھا۔

    مزید پڑھیں : بھارت کا پاکستان کو دریائے چناب پر زیر تعمیر آبی منصوبوں کے معائنے کے لئے گرین سگنل

    واضح رہے بھارتی انڈس واٹر کمشنر پی کے سکسینا کی سربراہی میں گزشتہ برس اگست میں بھارتی وفد پاکستان آیا تھا، مذاکرات میں پاکستانی حکام کا کہنا تھا کہ پکل ڈل، لوئرکلنائی پن بجلی گھروں کے ڈیزائن پراعتراض ہے اور مطالبہ کیا تھا کہ پکل ڈل پن بجلی ذخیرہ کرنےکی سطح اونچائی میں 5میٹرکمی کی جائے اور سپل ویز کے گیٹوں کی تنصیب میں 40 میٹراونچائی کا اضافہ کیا جائے گا جبکہ پن بجلی گھرکی جھیل بھرنےاورپانی چھوڑے کا پیٹرن واضع کیا جائے۔

    پاکستان کا موقف تھا کہ بھارت مغربی دریاؤں پر ڈیم تعمیر کرکے پاکستان کو خشک سالی کا شکار کردینا چاہتا ہے جو کہ پاکستان اور بھارت کے درمیان موجو د ’سندھ طاس معاہدے‘ کی خلاف ورزی ہے۔

    خیال رہے 2013سےاب تک منصوبوں پر مذاکرات کے 7دور ہوچکے ہیں۔

  • امریکی صدرکے نمائندہ خصوصی زلمے خلیل زاد کل پاکستان پہنچیں گے

    امریکی صدرکے نمائندہ خصوصی زلمے خلیل زاد کل پاکستان پہنچیں گے

    اسلام آباد : امریکی صدرکےنمائندہ خصوصی افغان مفاہمتی عمل زلمےخلیل زادکل پاکستان پہنچیں گے، دورے کامقصد افغانستان سے فوجی انخلا اور افغان طالبان سے بات چیت پر مشاورت ہے۔

    تفصیلات کے مطابق امریکی صدر کے نمائندہ خصوصی افغان مفاہمتی عمل زلمے خلیل زاد کل پاکستان پہنچ رہے ہیں ، زلمےخلیل زادکےہمراہ امریکی ڈپٹی وزیرخارجہ ایلس ویلزبھی آئیں گی۔

    سفارتی ذرائع کا کہنا ہے کہ زلمےخلیل زاد کا دورہ پاکستان 15 سے 19 جنوری تک ہوگا، دورے میں سول وعسکری قیادت سے ملاقاتیں کریں گے جبکہ باقاعدہ طور پر وفود کی سطح پر دفترخارجہ میں مذاکرات بھی کریں گے۔

    ذرائع کے مطابق دورے کامقصدافغانستان سےفوجی انخلا،افغان طالبان سےبات چیت پرمشاورت ہے۔

    یاد رہے 9 جنوری کو امریکا کے نمائندہ خصوصی برائے افغانستان زلمے خلیل زاد افغان امن مذاکرات کے سلسلے میں چارممالک کے دورے پر روانہ ہوئے تھے ، جس میں پاکستان،بھارت،چین اورافغانستان شامل ہیں۔

    امریکی محکمہ خارجہ کا کہنا تھا کہ افغانستان کے مسئلے کا پُرامن سیاسی حل چاہتے ہیں، افغان تنازع کاواحدحل یہ ہےکہ فریقین مل کر بیٹھیں، ہمارامقصد افغانستان میں فریقین کو مذاکرات کی میز پر لانا ہے، افغان تنازع کے پُر امن حل کے لئے ہر کاوش کے ساتھ ہیں۔

    اس سے قبل دسمبر میں بھی امریکی نمائندہ خصوصی برائے پاکستان و افغانستان نے پاکستان کا دورہ کیا تھا ، جہاں انھوں نے وزیراعظم عمران خان ، آرمی چیف  جنرل قمر جاوید باجوہ اور وزیر خارجہ شاہ محمود قریشی سے ملاتیں کیں تھیں، جس میں  افغانستان میں امن عمل پر بات چیت کی گئی تھی۔

    خیال رہے طالبان نے امریکی حکام سے طے شدہ مذاکرات ایجنڈے پر اتفاق نہ ہونے کی وجہ سے منسوخ کردیے تھے، طالبان کا کہنا تھا کہ فریقین نے مذاکرات منسوخ کرنے پراتفاق کیا تھا۔

  • معروف سابق برطانوی فٹبالر این رش پاکستان آنے کیلئے بے تاب

    معروف سابق برطانوی فٹبالر این رش پاکستان آنے کیلئے بے تاب

    لندن: برطانیہ کے سابق مایہ ناز فٹبالر این رش پاکستان کا دورہ کرنے کے لیے بے تاب ہیں، وہ جلد پاکستان آئیں گے۔

    تفصیلات کے مطابق سابق برطانوی اسٹار فٹبالر این رش جلد دورہ پاکستان کے لیے بے تاب ہیں، انہوں نے دیگر کھلاڑیوں کے ہمراہ پاکستان آنے کی خواہش کا اظہار کیا۔

    این رش کیریئر میں سب سے زیادہ 346گول کرنے والے کھلاڑی ہیں، ویلز کی قومی ٹیم کی جانب سے بھی این رش نے28 گول کیے۔

    فٹبالر این رش ریٹائرمنٹ کے بعد ٹی وی مبصرہیں، این رشن نے لیورپول کلب کے دیگر کھلاڑیوں کو بھی پاکستان لے جانے کا عندیہ دیا ہے۔

    خیال رہے کہ گذشتہ دنوں دنیائے فٹ بال کے دونوں بڑے نام کاکا اور لیوئس فیگو دبئی سے خصوصی طیارے سے کراچی پہنچے تھے، اس موقع پر انھیں سندھی ٹوپی اور اجرک پیش کی گئی تھی۔

    اسٹار فٹ بالر کاکا اور فیگو پاکستان میں فٹ بال کے فروغ کے لیے پرامید

    بعد ازاں ایک تقریب سے خطاب کرتے ہوئے اسٹار فٹ بالر کاکا اور فیگو نے کہا تھا کہ پاکستان میں فٹ بال کی راہ ہموار ہوتی جارہی ہے۔ پرتگال کے سابق کپتان فیگو نے کہنا تھا کہ خوابوں کو پورا کرنے کے لئے نوجوان فٹ بالرز بھرپور محنت کریں۔

    اُس موقع پر برازیل کے اسٹار فٹ بالر کاکا نے کہا تھا کہ فٹ بال سے زیادہ پاکستان میں کرکٹ مقبول کھیل ہے، البتہ پاکستان میں فٹ بال کی راہ ہموار ہوتی جارہی ہے، اگر محنت کریں، تو ورلڈ‌کپ میں‌ کوالیفائی کرسکتے ہیں۔

  • امریکی وزیرخارجہ جلد مشرقی وسطیٰ اور خلیجی عرب ممالک کا دورہ کریں گے

    امریکی وزیرخارجہ جلد مشرقی وسطیٰ اور خلیجی عرب ممالک کا دورہ کریں گے

    واشنگٹن: امریکی وزیرخارجہ مائیک پومپیو جلد مشرقی وسطیٰ اور خلیجی عرب ممالک کا دورہ کریں گے، اس موقع پر علاقائی سالمیت اور خطے سے دہشت گردی کے خاتمے پر زور دیا جائے گا۔

    تفصیلات کے مطابق امریکی وزیر خارجہ مائیک پومپیو اگلے ہفتے مشرقی وسطیٰ سمیت خیلجی ممالک کا دورہ کریں گے، جن میں سعودی عرب اور متحدہ عرب امارات کا دورہ اہم ہے۔

    غیر ملکی خبر رساں ادارے کے مطابق امریکی وزارت خارجہ کی جانب سے جاری کردہ بیان میں‌کہا گیا ہے مائیک پومپیو اس دورے کے دوران علاقائی قیادت کے ساتھ دہشت گردی کے خاتمے سمیت دیگر امور پر بھی بات چیت کریں گے۔

    مائیک پومپیو خلیجی ممالک کے ساتھ ساتھ مصر اور اردن کا بھی دورہ کریں گے اور شام سے ایران کے مکمل انخلاء کی ضرورت پر زور دیں گے۔

    امریکی حکام کا کہنا ہے کہ وزیرخارجہ اپنے دورے کے دوران خلیجی ممالک کے درمیان جاری کشیدگی، یمن کے بحران او مقتول صحافی جمال خاشقجی سمیت دیگر اہم امور پربھی بات چیت کریں گے۔

    ایران کو عالمی امن خطرے میں ڈالنے کی اجازت نہیں دیں گے، مائیک پومپیو

    خیال رہے کہ امریکی نے شام سے اپنی فوج واپس بلانے کا اعلان کیا ہے، جبکہ مائیک پومپیو اس فیصلے کے خلاف ہیں وہ چاہتے ہیں کہ جب تک مشن مکمل نہ ہوجائے فوج کو واپس نہ بلایا جائے۔

    واضح رہے کہ گذشتہ دنوں امریکی سیکریٹری خارجہ مائیک پومپیو نے کہا تھا کہ ایران بین البراعظمی بیلسٹک میزائل چھوڑنے کی تیاری کررہا ہے، ایران کو عالمی امن خطرے میں ڈالنے کی اجازت نہیں دیں گے۔

  • دورہٗ پاکستان مکمل، ابوظبی کے ولی عہد وطن واپس روانہ

    دورہٗ پاکستان مکمل، ابوظبی کے ولی عہد وطن واپس روانہ

    اسلام آباد : ابوظبی کے ولی عہد ایک روزہ کامیاب دورہٗ پاکستان کرکے وطن واپس روانہ ہوگئے۔

    تفصیلات کے مطابق متحدہ عرب امارات کی مسلح افواج کے ڈپٹی سپریم کمانڈر اور ابوظبی کے ولی عہد محمد بن زید النہیان ایک روزہ دورے پر آج صبح اسلام آباد پہنچے جہاں ان کا پُر تپاک استقبال کیا گیا۔

    اس سے قبل محمد بن زید النہیان کی وزیر اعظم عمران خان سے ون آن ون ملاقات ہوئی، جس میں دونوں رہنماؤں کے درمیان دو طرفہ تعلقات اور خطے کی صورتحال پر تبادلہ خیال کیا گیا۔

    متحدہ عرب امارات اور پاکستانی قیادت میں پاکستان کو دی جانے والی 3 ارب ڈالرز کی امداد اور سرمایہ کاری اقتصادی معاملات پر بھی گفتگو ہوئی ۔

    پاکستان اور متحدہ عرب امارات کے وفود کے درمیان مذاکرات ہوئے، پاکستانی وفد کی قیادت وزیر اعظم عمران خان کی جبکہ متحدہ عرب امارات کے وفد کی قیادت ولی عہد محمد بن زید کی۔

    پاکستانی وفد میں خارجہ، خزانہ، منصوبہ بندی، اور اطلاعات کے وزراء سمیت وزیر پٹرولیم ،مشیر تجارت، وزیرمملکت برائے دفاعی پیداوار بھی شامل تھے۔

    اس سے قبل ابوظبی کے ولی عہد کو پاک فضائیہ کے چاک و چوبند دستے نے گارڈ آف آنر پیش کیا تھا جبکہ نور خان ایئربیس پر محمد بن زید النہیان کو 21 توپوں کی سلامی بھی دی گئی تھی۔

    وزیر اعظم عمران خان معزز مہمان محمد بن زید کو گاڑی میں بیٹھا کر اسے خود چلاتے ہوئے وزیر اعظم ہاوس لے کر پہنچے۔

    خیال رہے کہ تین ماہ سے کم عرصے میں پاکستان اور متحدہ عرب امارات کی قیادت کے درمیان یہ تیسری ملاقات ہے جو دونوں ملکوں کے درمیان برادرانہ تعلقات کی خصوصی نوعیت کامظہرہے۔

    وزیراعظم عمران خان کا دورہٗ یواے ای ، شیخ محمدبن راشد المکتوم کا اردو میں ٹویٹ

    یاد رہے گذشتہ برس 19 نومبر کو وزیراعظم عمران خان ایک روزہ دورے پر متحدہ عرب امارات پہنچے تھے، اس موقع پر اُن کے ہمراہ آرمی چیف آف اسٹاف جنرل قمر جاوید باجوہ، وزیر خزانہ اسد عمر، وفاقی وزیر پیٹرولیم غلام سرور، وزیر برائے توانائی اور مشیر تجارت جبکہ یو اے ای میں پہلے سے موجود وفاقی وزیر خارجہ شاہ محمود بھی شامل تھے۔

    وزیراعظم عمران خان کی ولی عہدشیخ محمدبن زیدبن سلطان النہیان سےملاقات صدارتی محل میں ہوئی، جس میں باہمی امور اور خطے کی صورتحال پر تفصیلی تبادلہ خیال اور دو طرفہ تجارت سمیت معیشت کی بہتری کے معاملات پر بات چیت ہوئی تھی۔

  • ابوظبی کے ولی عہد کے دورہ پاکستان کی بہت اہمیت ہے، شیخ رشید

    ابوظبی کے ولی عہد کے دورہ پاکستان کی بہت اہمیت ہے، شیخ رشید

    اسلام آباد : وفاقی وزیر ریلوے شیخ رشید نے ابو ظبی کے ولی عہد محمد بن زید النہیان کے دورہ پاکستان پر کہا ہے کہ رواں سال پاکستان معاشی بحران سے نکل جائے گا۔

    تفصیلات کے مطابق شیخ وفاقی وزیر ریلوے رشید نے کہا ہے کہ متحدہ عرب امارات کی مسلح افواج کے ڈپٹی سپریم کمانڈر اور ابوظبی کے ولی عہد محمد بن زید النہیان ایک روزہ دورے پر پاکستان میں موجود ہیں اور ولی عہد کا دورہ کامیاب رہے گا۔

    شیخ رشید کا کہنا تھا کہ ابو ظبی کے ولی عہد کے دورے کی بہت اہمیت ہے، 5،6 سال سے کوئی بڑا رہنما پاکستان کا دورہ نہیں کرسکا تھا۔

    ان کا کہنا تھا کہ قرضے تو مل جاتے ہیں لیکن انہیں اتارنا بہت مشکل ہوتا ہے، میرا نہیں خیال آئی ایم ایف کے پاس جانے کے امکانات کم ہوئے ہیں، دکھائی دے رہا ہے کہ عنقریب عمران خان امریاک بھی جائیں گے۔

    مزید پڑھیں  : پاکستان اور یو اےای کے درمیان وفود کی سطح پر مذاکرات شروع

    خیال رہے کہ کچھ دیر قبل محمد بن زید النہیان کی وزیر اعظم عمران خان سے ون آن ون ملاقات ہورہی تھی، جس میں دونوں رہنماؤں کے درمیان دو طرفہ تعلقات اور خطے کی صورتحال پر تبادلہ خیال کیا جارہا تھا۔

    متحدہ عرب امارات اور پاکستانی قیادت میں پاکستان کو دی جانے والی 3 ارب ڈالرز کی امداد اور سرمایہ کاری اقتصادی معاملات پر بھی گفتگو ہوئی ۔

  • وزیر اعظم کا دورہ ترکی دونوں ممالک کو پہلے سے زیادہ قریب لایا: وزیر خارجہ

    وزیر اعظم کا دورہ ترکی دونوں ممالک کو پہلے سے زیادہ قریب لایا: وزیر خارجہ

    اسلام آباد: وزیر خارجہ شاہ محمود قریشی نے ترکی کے دورے کو کامیاب قرار دیتے ہوئے کہا کہ ترکی کی میزبانی میں روایتی انداز سے بڑھ کر گرمجوشی دیکھی۔ دورہ ترکی دونوں ممالک کو پہلے سے زیادہ قریب لایا۔

    تفصیلات کے مطابق وزیر خارجہ شاہ محمود قریشی نے 2 روزہ دورہ ترکی سے واپسی پر اپنے تاثرات میں کہا کہ 4 ممالک کے دوروں کی نوعیت الگ جبکہ دورہ ترکی کی اور نوعیت تھی۔

    وزیر خارجہ نے ترکی کے دورے کو کامیاب قرار دیتے ہوئے کہا کہ وزیر اعظم کا دورہ ترکی دونوں ممالک کو پہلے سے زیادہ قریب لایا، مسئلہ کشمیر، مسئلہ فلسطین اور افغانستان پر دونوں ممالک کا نقطہ نظر ایک ہے۔

    انہوں نے کہا کہ ترکی کے ساتھ افغانستان میں قیام امن پر مثبت بات چیت ہوئی، دورہ ترکی کا مقصد دو طرفہ تعلقات کو فروغ دینا اور باہمی تعاون کو بڑھانا تھا۔

    وزیرخارجہ کا کہنا تھا کہ ترکی کی میزبانی میں روایتی انداز سے بڑھ کر گرمجوشی دیکھی۔ 5 ممالک کے دورے میں ترجیحات اقتصادی اور سفارتی تھیں۔ دونوں ممالک عالمی فورم پر ہر مسئلے میں ایک ساتھ کھڑے ہوں گے۔

    خیال رہے کہ وزیر اعظم عمران خان نے وفاقی وزرا شاہ محمود قریشی، اسد عمر، خسرو بختیار اور مشیر تجارت رزاق داؤد کے ہمراہ ترکی کا 2 روزہ دورہ کیا تھا۔

    ترکی میں وزیر اعظم نے تاجروں اور صنعت کاروں کی تقریب سے خطاب کرتے ہوئے کہا کہ پاکستان میں سرمایہ کاری کے وسیع مواقع ہیں، پاکستان اور ترقی کے درمیان دو طرفہ تجارت کا فروغ ضروری ہے، ترکی کی تحریک آزادی میں بھی پاکستان کے لوگوں کا بڑا کردار ہے۔

    پاکستان ترک بزنس کاؤنسل سے خطاب میں وزیر اعظم کا کہنا تھا کہ 60 کی دہائی میں پاکستان ملائشیا اور جنوبی کوریا کے لیے رول ماڈل تھا۔ 60 کی دہائیکے بعد منافع کمانے کو برا سمجھا جانے لگا، معیشت کو نقصان پہنچا۔

    وزیر اعظم نے کہا کہ 80 کی دہائی میں کچھ سیاستدان اور بیورو کریٹ کاروبار میں منافع کے خلاف تھے۔ ہم سمجھتے ہیں کاروبار سے منافع کمانا کوئی بری بات نہیں، منافع سے لوگوں کو غربت سے نکالنے میں مدد ملتی ہے۔

    وزیر اعظم نے وفد کے ہمراہ مولانا جلال الدین رومی کے مزار پر حاضری بھی دی جہاں انہوں نے مزار پر پھول چڑھائے اور فاتحہ خوانی کی۔

    بعد ازاں وزیر اعظم اور ترک صدر رجب طیب اردوان کی ملاقات بھی ہوئی جس میں‌ پاکستان اور ترکی کے درمیان دو طرفہ تعلقات پر تبادلہ خیال کیا گیا۔

    مشترکہ پریس کانفرنس میں طیب اردوان نے کہا کہ وقت کے ساتھ پاکستان اور ترکی کے تعلقات مزید مضبوط ہو رہے ہیں، عمران خان نے پاکستان میں تبدیلی کے لیے طویل جدوجہد کی۔