پسرور: بھارت کی اینٹی ٹینک مائین سیلاب کے ساتھ بہہ کر پاکستان آگئی ، مائن کاوزن 18پاؤنڈہے، مائن تحویل میں لیکرکارروائی شروع کردی ہے ۔
تفصیلات کے مطابق اینٹی ٹینک مائین سیلاب میں بہہ کر پاکستان آگئی ، پھلواڑہ پولیس نے مائن کو اپنی تحویل میں لیکرکارروائی شروع کردی ہے ، مائن کاوزن 18پاؤنڈہے۔
یاد رہے گذشتہ سال دسمبر میں بھی ظفروال نالہ ڈیک کے مقام سے بھارتی ساختہ انٹی ٹینک مائن برآمد ہوئی تھی ، جسے بم ڈسپوزل اسکواڈ نے ناکارہ بنا دیا ہے۔
بتایا گیا تھا کہ بھارتی ساختہ انٹی ٹینک مائن 30 پونڈ وزنی ہے، مائن میں بہہ کر ہنجلی تک پہنچی‘ ریت اٹھانے کے دوران مزدوروں کو انٹی ٹینک مائن نظر آئی تو پولیس اور بم ڈسپوزل اسکواڈ کو طلب کیا گیا۔ بم ڈسپوزل سکواڈ نے اینٹی ٹینک مائن کو تحویل میں لے لیا تھا۔
یاد رہے گذشتہ روز بھارت نے ایل او سی پر بلا اشتعال فائرنگ کر کے شہری میر محمد کو شہید اور خاتون کو زخمی کردیا تھا۔
مزید پڑھیں : بھارتی فوج کی ایل او سی پر بلا اشتعال فائرنگ سے شہری شہید
آئی ایس پی آر کے مطابق بھارتی فوج نے چری کوٹ سیکٹر پر شہری آبادی پرآرٹلری اور مارٹر گولے داغے،پاک فوج کی جانب سے بھارتی اشتعال انگیزی کا مؤثرجواب دیا گیا، پاک فوج نے بھارتی چیک پوسٹوں کو کامیابی سے نشانہ بنایا۔
اس سے قبل بھی بھارتی فوج کی جانب سے لائن آف کنٹرول پر شہری آبادی پر بلا اشتعال فائرنگ اور گولہ باری سے 2 خواتین اور بچے سمیت 4 افراد زخمی ہوگئے تھے۔