مستقبل کی گاڑی، وولوکاپٹر نے اپنے فل سائز ایئر ٹیکسی کی آزمائشی پرواز مکمل کرلی، کمپنی نے بڑا دعویٰ کردیا ہے۔
وولوکاپٹر نے کامیابی کے ساتھ کامیابی کے اپنی فُل سائز مکمل برقی ولوسٹی ایئر ٹیکسی کی آزمائشی پرواز مکمل کرلی۔ کمپنی کا دعویٰ ہے کہ یہ شہری سفر کو بدل کر رکھ دے گی۔
کمپنی نے آزمائشی پرواز کی ویڈیو جاری کردی، ویڈیو میں فُل سائز مکمل برقی ولوسٹی ایئر ٹیکسی کو ایک منٹ تک اڑتے دیکھا جاسکتا ہے اس دوران اس نے اپنی پوزیشن کو مستحکم رکھا،عمودی ٹیک آف اور لینڈنگ کرنے والے اس وہیکل نے پیرس کے قریب پونٹوئیس ایئر فیلڈ سے دسمبر کی صبح پرواز بھری جس کی ویڈیو اب جاری کی گئی۔
جرمن کمپنی کا کہنا ہے کہ وہ ایک کمپنی میں رہتے ہوئے بوئنگ، لُفتتھانزا اور اُوبر بننا چاہتی ہے،تاہم، کمپنی اب یہ طے کر چکی ہے کہ ایئر کرافٹ کی حتمی کنفیگریشن کیا ہوگی؟
یہ بھی پڑھیں: ‘اسمارٹ واچ’ کی بیٹری کی زندگی کس طرح بڑھائی جاسکتی ہے؟ طریقے جانئے
ان ٹیکسیوں کی زیادہ سے زیادہ اسپیڈ 68 میل فی گھنٹہ ہے اور یہ 22 میل کے فاصلے تک سفر کر سکتی ہیں، جو چھوٹی شہری پروازوں کے لیے موزوں ہو گی۔
کمپنی کا مزید کہنا تھا کہ وولو کاپٹر ٹیکسیاں لوگوں کے لیے فضائی سواری چند اسمارٹ فون کلکس کے فاصلے پر ہوگی۔
کامیاب اڑان کے بعد کمپنی اپنی وولو سٹی ایئر ٹیکسی کو دو ہزار چوبیس میں پیرس اولمپکس میں مسافروں کو خدمات دینے کے لیے تیاری میں مصروف ہے۔
یاد رہے کہ وولو کاپٹر نے اپنی وولو سٹی کا خیال پہلی بار دو ہزار پندرہ میں پیش کیا تھا، تب سے اب تک اس کے کئی نمونے بنائے جا چکے ہیں اور 1500 آزمائشی پروازیں اڑائی جا چکی ہیں۔
