ARYNews.tv | Urdu – Har Lamha Bakhabar

Tag: Wahab Riaz

  • دبئی کی سخت گرمی میں وہاب ریاض باؤلنگ کرانا بھول گئے

    دبئی کی سخت گرمی میں وہاب ریاض باؤلنگ کرانا بھول گئے

    دبئی: سری لنکا کے خلاف دوسرے ٹیسٹ میچ کے دوران فاسٹ باؤلر وہاب ریاض باؤلنگ کرانا بھول گئے ایک یا دو نہیں مسلسل 5 بار رن اپ لیا لیکن بال کرانے میں ناکام رہے۔

    تفصیلات کے مطابق دبئی میں سری لنکا کے خلاف دوسرے ٹیسٹ میچ 19 واں اوور کراتے ہوئے سخت گرمی نے وہاب ریاض کو چکرا دیا مسلسل پانچ بار رن اپ بھول کر واپس آگئے۔

    فاسٹ باؤلر وہاب ریاض کی حالت دیکھ کر ڈریسنگ روم میں بیٹھے ہیڈ کوچ بھی پریشان نظر آئے جو پہلے ہی محمد عامر کے ان فٹ ہونے کی وجہ سے صدمے سے دوچار تھے۔

    قومی کرکٹ ٹیم کے باؤلنگ کوچ اظہر محمود اور کپتان سرفراز احمد بھی ایسی صورت حال کو دیکھ کر پریشان دکھائی دیے وہاب ریاض نے یہ اوور ساڑھے سات منٹ میں مکمل کیا۔

    وہاب ریاض کچھ دیر بعد دوبارہ باؤلنگ کے لیے آئے تو اس بار پچ پر قدموں کے نشان چھوڑ دیے جس پر معافی ملنے کے بعد جب وہ اپنا 23 واں اوور کرانے آئے تو انہوں نے ایک بار پھر پچ خراب کردی جس پر امپائر نے انہیں وارننگ دے دی۔

    محمد عامرسری لنکا کےخلاف ون ڈے سیریزسےباہر

    واضح رہے کہ دبئی ٹیسٹ کے دوسرے روز باؤلنگ کے دوران انجری کا شکار ہونے والے محمد عامر ون ڈے سیریز سے باہر ہوگئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وہاب ریاض کا اہلیہ کے ہمراہ رقص، مداحوں کو خوشگوار حیرت

    وہاب ریاض کا اہلیہ کے ہمراہ رقص، مداحوں کو خوشگوار حیرت

    لاہور : پاکستان کرکٹ ٹیم کے نامور کھلاڑی وہاب ریاض کا ایک اور ہنر عوام کے سامنے آگیا، وہ نہ صرف ایک اچھے بالر ہیں بلکہ اسٹیج پر رقص کرکے انہوں نے اس فن میں بھی خود کو منوالیا۔

    تفصیلات کے مطابق قومی کرکٹر وہاب ریاض باؤلنگ سے ساتھ ساتھ اچھا ڈانس بھی کرلیتے ہیں، اس بات  کاانکشاف گزشتہ دنوں ایک تقریب ہوا۔

    قومی کرکٹر وہاب ریاض اپنے بھائی احسن ریاض کی شادی کی تقریب میں اتنے خوش تھے کہ انہوں نے اپنی اہلیہ کے ساتھ اسٹیج پر ایک گانے میں ڈانس پرفارمنس دے کر وہاں موجود اپنے عزیز و اقارب اور مداحوں کو خوشگوار حیرت میں مبتلا کردیا۔

    لوگوں نے ان کی اس پرفارمنس کو بے حد سراہا، اس ویڈیو میں نہ صرف وہاب ریاض نے شاندار پرفارمنس دی بلکہ ان کی اہلیہ نے بھی ان کا بھرپور ساتھ دیا ہے۔

     فیس بک اورٹوئٹر پر جاری اس ویڈیو نے تہلکہ مچا دیا، یہ ویڈیو سوشل میڈیا پر خوب وائرل ہو رہی ہے، ویڈیو پر لوگوں نے اپنے دلچسپ کمنٹس کا بھی اظہار کیا ہے۔

  • ٹخنے کی انجری : فاسٹ بولر وہاب ریاض چیمپیئنز ٹرافی سے باہر

    ٹخنے کی انجری : فاسٹ بولر وہاب ریاض چیمپیئنز ٹرافی سے باہر

    برمنگھم : پاکستانی ٹیم فاسٹ بولر وہاب ریاض ٹخنے کی انجری کے باعث چیمپیئنز ٹرافی سے باہر ہوگئے۔ محمد عباس اور رومان رئیس متبادل کھلاڑی ہوسکتے ہیں۔

    تفصیلات کے مطابق گزشتہ روز بھارت کے خلاف میچ میں ان فٹ ہونے والے بالر وہاب ریاض چیمپیئنز ٹرافی سے باہر ہوگئے۔ وہاب بولنگ کے دوران ان فٹ ہوئے تھے۔

    ٹخنے میں انجری کے باعث انہیں اسکین کیلئے اسپتال لےجایاگیا، ڈاکٹرز کے مطابق وہاب کو مکمل صحتیاب ہونے میں دو ہفتے لگیں گے۔ پاک بھارت سے قبل بھی وہاب ریاض ہیمسٹرنگ انجری کا شکار ہو گئے تھے۔

    وہاب ریاض کی جگہ محمد عباس یا رومان رئیس کو چیمپیئنز ٹرافی کے اسکواڈ میں شامل کیےجانے کاامکان ہے۔ پی سی بی نے متبادل کھلاڑی کیلئے آئی سی سی کی ٹیکنیکل کمیٹی کو درخواست دے دی ہے۔

    مزید پڑھیں : وہاب ریاض اہم ہتھیار ہے، مکی آرتھر

    یاد رہے کہ قومی ٹیم کے ہیڈ کوچ مکی آرتھر نے کہا تھا کہ فاسٹ باؤلر وہاب ریاض ہمارا اہم ہتھیار ہے، ان کا کہنا تھا کہ پاکستان کے پاس ایسے باؤلرز موجود ہیں جو اپنی عمدہ باؤلنگ اور سوئنگ کی خصوصیات کے ساتھ مخالف ٹیم کو پریشان کرتے ہوئے حقیقی طور پر تباہی مچا سکتے ہیں۔

    مزید پڑھیں : بھارت کےخلاف میچ سے قبل وہاب ریاض انجری کاشکار

  • بھارت کےخلاف میچ سے قبل وہاب ریاض انجری کاشکار

    بھارت کےخلاف میچ سے قبل وہاب ریاض انجری کاشکار

    برمنگھم : چیمپیئنز ٹرافی کا آغازسےقبل قومی ٹیم کو بڑادھچکا لگ گیا۔فاسٹ باؤلروہاب ریاض ہیمسٹرنگ انجری کا شکار ہو گئے۔

    تفصیلات کےمطابق برمنگھم میں بیٹنگ، باؤلنگ اور فیلڈنگ کی بھرپور پریکٹس میں مصروف پاکستانی ٹیم کی تیاریوں کو اس وقت دھچکا لگا جب وہاب ریاض ہیمسٹرنگ انجری کا شکار ہو گئے۔

    خیال رہےکہ گزشتہ روزایجبسٹن میں ہونے والے پریکٹس سیشن میں وہاب ریاض سے باؤلنگ تو نہیں کروائی گئی البتہ انہوں نے جم سیشن ضرور مکمل کیا۔

    ذرائع کے مطابق فاسٹ باؤلر کے پٹھوں میں معمولی کھنچاؤ ہے لیکن ٹیم مینجمنٹ پرامید ہے کہ بھارت کے خلاف اہم میچ سے قبل وہاب ریاض مکمل فٹ ہو جائیں گے۔

    فہیم اشرف کی شاندار بیٹنگ، شاہینوں نے بنگال ٹائیگرز سے فتح چھین لی

    یاد رہےکہ پاکستانی فاسٹ باؤلر وہاب ریاض نے آئی سی سی ورلڈ کپ 2011ء سیمی فائنل میں بھارت کے خلاف 5/46کی پرفارمنس پیش کی تھی۔

    واضح رہےکہ اکتیس سالہ وہاب ریاض 78ون ڈے میچوں میں اب تک 102وکٹیں حاصل کر چکے ہیں، پاکستان کی موجودہ بولنگ لائن اپ میں وہاب ریاض ایک تجربے کار بولر کی حیثیت رکھتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • پاکستان سپر لیگ ، وہاب ریاض اور ان کی اہلیہ کے درمیان جنگ چھڑ گئی

    پاکستان سپر لیگ ، وہاب ریاض اور ان کی اہلیہ کے درمیان جنگ چھڑ گئی

    دبئی : پاکستان سپر لیگ میں جہاں سنسنی خیز مقابلے جاری ہیں، شائقین کا جوش تو عروج پر ہے ہی وہیں کرکٹرز کی فیملی بھی اپنی اپنی پسندیدہ ٹیموں کو سپورٹ کر رہی ہیں۔

    پاکستان سپر لیگ کے دم دار مقابلے گراونڈ میں جاری ہیں تو سوشل میڈیا پر کرکٹرز کی فیملیز میں نوک جھوک ہورہی ہے، سماجی رابطے کی ویب سائٹ ٹوئیٹر پر وہاب ریاض اور ان کی اہلیہ کے درمیان لفظی جنگ چھڑگئی۔

    wahab

    پشاور ظلمی کے وہاب ریاض جہاں اپنی ٹیم کا مورال بڑھا رہے ہیں وہیں ان کی اہلیہ کا دل لاہور قلندر زکے لئے دھڑک رہا ہے۔

    گزشتہ رات لاہور قلندرز کی فتح پر زینب وہاب نے ٹوئٹ کیا، لاہور کو جیت مبارک ہو، اب کوئی بھی فائنل میں جاسکتا ہے۔

    جس پر پشاور زلمی کے وہاب ریاض نے فوری ٹوئٹ کیا بیگم سب ٹیموں کو چھوڑیں، صرف پشاور زلمی کی فکر کریں، آپ کو کسی بھی حال میں پشاور کو ہی سپورٹ کرنا ہوگا ورنہ لاہور صرف تین گھنٹے دور ہے۔

    اس پر زینب وہاب نے ٹوئٹ کیا وہ پشاور کو ہی سپورٹ کر رہی ہیں۔ آپ آخری دو میچز میں فتح یقینی بنائیں ورنہ آپ کو مجھ سے پہلے ہی لاہور جانا پڑے گا۔

  • وہاب ریاض اہم ہتھیار ہے، مکی آرتھر

    وہاب ریاض اہم ہتھیار ہے، مکی آرتھر

    ہملٹن: قومی کرکٹ ٹیم کے کوچ مکی آرتھر  نے کہا ہے کہ پاکستان کے پاس ایسے باؤلرز موجود ہیں جو اپنی عمدہ باؤلنگ اور سوئنگ کی خصوصیات کے ساتھ مخالف ٹیم کو پریشان کرتے ہوئے حقیقی طور پر تباہی مچا سکتے ہیں۔

    کرک انفو سے خصوصی گفتگو کرتے ہوئے کوچ آرتھر نے کہا کہ ’’نیوزی لینڈ کے خلاف کھیلے جانے والے پہلے ٹیسٹ میں کچھ کھلاڑیوں میں ایسی خصوصیات نظر آئیں جو آسٹریلیا کے دورے میں اہم ہتھیارثابت ہوسکتی ہیں‘‘۔

    انہوں نے کہا کہ فاسٹ باؤلر وہاب ریاض کی سوئنگ نے کیوی بیٹسمینوں کو پریشان کیا، اُن کی باؤلنگ دیکھ کر ٹیم مینجمنٹ نے دورہ آسٹریلیا میں انہیں بطور  اہم ہتھیار کے طور پر سلیکٹ کیا جائے گا اور امید ہے کہ وہ ہماری امیدیوں پر پورا اتریں گے۔

    پڑھیں : ’’ سلو اوور ریٹ، کپتان مصباح الحق ایک میچ کے لیے معطل ‘‘

     ہملٹن کی وکٹ پر گفتگو کرتے ہوئے کوچ نے کہا کہ ’’وکٹ سبز تھی جس سے ہمیں کوئی فرق نہیں پڑا تاہم ہمارے پاس ایسے باصلاحیت باؤلرز موجود ہیں جو ہر قسم کی پچ پر تباہی مچا سکتے ہیں اور وہاب ریاض اُن میں سے ایک ہے‘‘۔

    مکی آرتھر نے کہا کہ ’’وہاب اپنی رفتار اور ریورس سوئنگ کی صلاحیتوں کے باعث آسٹریلیا میں ہتھیار نمبر ایک ثابت ہوں گے، وہ غیر معمولی باؤلر ہیں کیونکہ وہ دونوں کنڈیشنز میں باؤلنگ کروانے کی صلاحیت رکھتے ہیں‘‘۔

    مزید پڑھیں: ’’ نیوزی لینڈ نے پاکستان کو 8 وکٹوں سے شکست دے دی ‘‘

     خیال رہے پاکستان اور نیوزی لینڈ کے درمیان سیریز کا آخری اور دوسرا ٹیسٹ 25 نومبر کو ہملٹن میں شروع ہوگا، سیریز میں میزبان ٹیم کو 0-1 کی برتری حاصل ہے۔ قومی کرکٹ ٹیم ہملٹن ٹیسٹ کے بعد آسٹریلیا روانہ ہوگی جہاں وہ ون ڈے اور 3 ٹیسٹ میچز میں کھیلے گی جبکہ 5 ایک روزہ میچ کی سیریز بھی اس شیڈول میں شامل ہے۔

    پاکستان اور آسٹریلیا کے درمیان سیریز کا پہلا  ڈے اینڈ نائٹ ٹیسٹ 15 دسمبر کو برسبین گابا میں ہوگا۔

  • انگلش کھلاڑی کا وہاب ریاض پر بال ٹیمپرنگ کا جھوٹا الزام

    انگلش کھلاڑی کا وہاب ریاض پر بال ٹیمپرنگ کا جھوٹا الزام

    دبئی : پاکستان اور انگلینڈ کے درمیان جاری دبئی ٹیسٹ میں شکست سامنے دیکھ کر انگلش ٹیم نے روایت دہرادی۔ گوروں کو کچھ نہیں سوجھا تو پاکستانی پیسر وہاب ریاض پر بال ٹیمپرنگ کا الزام عائد کردیا۔

    تفصیلات کے مطابق دبئی ٹیسٹ میں اپنی متوقع شکست کو دیکھ کر انگلینڈ کی ٹیم اوچھے ہتھکنڈوں اور بے بنیاد باتوں پر اتر آئی۔

    انگلش کھلاڑی کب باز آئیں گے۔ رونے کی عادت کب جائے گی۔ جیت جائیں تو ٹھیک ہے مگر ہار برداشت نہیں۔ اس بار بھی گوروں نے دبئی ٹیسٹ کو متنازعہ بنانے کیلئے اوچھا ہتھکنڈا اپنالیا۔

    کھسیانی بلی کھمبا نوچے کے مصداق وہاب ریاض پر بال ٹیمپرنگ کا الزام عائد کردیا، شکست انگلش ٹیم کے دروازے پر دستک دے رہی ہے اور گوروں کے ہاتھ پاؤں پھول گئے ہیں۔

    انگلش کھلاڑی جو روٹ کو وہاب ریاض پر بال ٹیمپرنگ کا شبہ ہوا اور انہوں نے اس کی رپورٹ ٹیم مینجمنٹ کو کرڈالی۔

    انگلش کوچ ٹریور بیلس کا کہنا ہے کہ ان کو جو روٹ نے بتایا کہ وہاب ریاض نے پانی کے وقفے کے دوران بال کو اپنے پیر سے رگڑا جو بال ٹمپرنگ ہے ۔

    ٹیم مینمجنٹ کا بھی کمال دیکھئے انہوں نے میچ ریفری سے رابطہ کرلیا لیکن ویڈیو میں کچھ سامنے نہیں آیا۔

    ذرائع کے مطابق میچ ریفری نے بھی انگلش کھلاڑی کی شکایت پر کان نہیں دھرے۔ وہاب ریاض اور ٹیم مینجر کو طلب نہیں کیا گیا۔

    یاد رہے کہ وہاب ریاض نے دبئی ٹیسٹ کی پہلی اننگز میں تباہ کن بولنگ کرتے ہوئے انگلینڈ کے چار اہم کھلاڑیوں کو پویلین کی راہ دکھائی تھی ۔

    wahab

  • وہاب ریاض اور شکیب الحسن پر جرمانہ عائد

    کھلنا: پاکستان اور بنگلہ دیش کے درمیان پہلے ٹیسٹ میں میچ ریفری نے وہاب ریاض اور شکیب الحسن کے درمیان گرماگرمی کا نوٹس لے لیا، دونوں کھلاڑیوں پر میچ فیس کا تیس تیس فیصد جرمانہ عائد کردیاگیا۔

    وہاب ریاض اور شکیب الحسن پہلے ٹیسٹ کے آخری روز گرما گرمی کا واقع ہوا، وہاب ریاض نے وکٹ نہ لینے کا سارا غصہ بنگلادیشی کھلاڑی پر نکال دیا،دونوں کے درمیان سخت جملوں کا تبادلہ ہوا، تو تو میں میں اتنی بڑھ گئی کہ دونوں کھلاڑیوں نے ایک دوسرے کو انگلیاں دکھانے لگے۔

    کھلنا ٹیسٹ کے میچ ریفری جیف کرو نے رپورٹ کی روشنی میں دونوں پر میچ فیس کا تیس تیس فیصد جرمانہ لگادیا۔

     ذرائع کے مطابق شکیب الحسن نے جنید خان کو چیٹر کہا جس پر وہاب ریاض آگ بگولہ ہوگئے اور شکیب پر برس پڑے، مصباح الحق نے معاملہ رفع دفع کرایا۔

     وہاب ریاض پر اس سے قبل ورلڈ کپ کوارٹرفائنل میں بھی شین واٹسن سے نوک جھونک کا چارج لگاکر پچاس فیصد جرمانہ عائد کیا تھا۔

  • کیا تاریخ خود کو دہرانے جا رہی ہے

    کیا تاریخ خود کو دہرانے جا رہی ہے

    کراچی :کیا تاریخ خود کو دہرانے جا رہی ہے، انیس سو بانوے کی فتح کے سائے منڈلانے لگے، پاکستان نے زمبابوے کو شکست دیکر ورلڈ کپ میں پہلی فتح ریکارڈ کرالی۔

    تاریخ اپنے آپ کو دہرانے لگی،ورلڈ کپ میں پہلی کامیابی حاصل ہوتے ہی سو بانوے کی یاد تازہ ہوگئی، تیس سال قبل بھی شاہینوں نے زمبابوے کو ٹھکانے لگا کر عالمی کپ میں اپنا اکاؤنٹ کھولا۔

     اس بار بھی شاہینوں کا شکار زمبابوین ٹیم ہوئی، 1992 میں پاکستان کو پہلے میچ میں ویسٹ انڈیز نے عبرتناک دی۔

     اس بار بھی کالی آندھی شاہینوں کو اڑا کر لئےگئی، سونے پہ سوہاگا یہ وہی براعظم ہے، جہاں پاکستان تیس برس پہلے چیمپیئن بنا۔

    انیس سو بانوے میں ٹیم کے کپتان چالیس سالہ عمران خان اور اس بار چالیس سالہ مصباح ہیں، میانوالی کے دونوں کپتانوں کا تعلق بھی نیازی خاندان سے ہی ہے۔

    پاکستان نے انیس سو بانوے میں ٹائٹل جیتا تو اس وقت بھی وزیر اعظم میاں نواز شریف ہی تھے، تیس برس قبل جاوید میانداداپنا پانچواں ورلڈ کپ کھیل رہے تھے تو اس بار یہ کارنامہ آفریدی انجام دے رہے ہے۔

     یہ تمام چیزیں ایک جیسی ہیں،ایسے اتفاق کہہ لے یا کچھ اور تاریخ اپنے آپ کو دہرا رہی ہے اب دیکھنا یہ ہے کہ نتیجہ بھی وہی نکلتا ہے یا نہیں۔

  • پاکستان نے سخت مقابلے کے بعد زمبابوے کو بیس رنز سے ہرا دیا

    پاکستان نے سخت مقابلے کے بعد زمبابوے کو بیس رنز سے ہرا دیا

    برسبین :  پاکستان نے سخت مقابلے کے بعد زمبابوے کو بیس رنز سے شکست دیدی ،زمبابوے کی پوری ٹیم دوسو پندرہ کے اسکور پر پویلین سے باہر ۔

    تفصیلات کے مطابق ورلڈ کپ میں گروپ بی اہم میچ میں پاکستان کے دو سو چھتیس رنز کے ہدف کے تعاقب میں زمبابوے کی پوری ٹیم دو سو پندرہ رنز پر آؤٹ ہوگئی۔

    شاہینوں کو بیس رنز سے کامیابی مل گئی۔پاکسدتان کی جانب سے محمد عرفان نے تیس رنز دے کر چار وکٹیں حاصل کیں، جبکہ وہاب ریاض نے بھی پینتالیس رنز دے کر چارکھلاڑیوں کو پویلین کی راہ دکھائی،راحت علی نےسینتیس رنز دے کر ایک وکٹ لی۔

    دووسری جانب زمبابوے کے برینڈن ٹیلر پچاس رنز بنز کر نمایاں رہے، ایلٹن بورا نے پینتیس ،شان ویلیمز تینتیس اور ہملٹن نے انتیس رنز اسکور کئے۔

    اس سے قبل ورلڈ کپ کے اہم میچ میں پاکستان نے زمبابوے کے خلاف سات وکٹوں پر دوسو پینتیس رنز بنا ئے تھے ،برسبین میں کھیلے جانے والے میچ کا ٹاس پاکستان نے جیت کر پہلے بیٹنگ کا فیصلہ کیا۔

    قومی ٹیم کے کپتان مصباح الحق نے اپنی کپتانی کا حق ادا کرتے ہوئے  تہتّر رنز اسکور کئے ، جبکہ وہاب ریاض نے ان کا بھرپور ساتھ دیا اورشاندار کا مظاہرہ کرتے ہوئےاسکور میں چوّن رنزکا بہترین اضافہ کیا۔

    پاکستانی ٹیم نے شروع کے دس اوورز میں چودہ رنزبنائے جو قومی ٹیم کا دوہزار ایک کے بعد کم ترین اسکور ہے۔ حارث سہیل نے ستائیس،عمر اکمل نے تینتیس اور صہیب مقصود نے اکیس رنزبنائے تھے۔