بیجنگ: چین نے غزہ میں جاری جنگ کو ’تہذیب انسانی کیلیے باعث شرم‘ قرار دے دیا جبکہ غزہ میں فوری طور پر جنگ بندی کا مطالبہ کیا ہے۔
بین الاقوامی خبر رساں ادارے کی رپورٹ کے مطابق پریس کانفرنس کرتے ہوئے چین کے وزیرخارجہ وانگ ای کا کہنا تھا کہ یہ انسانیت کے لیے المیہ اور تہذیب انسانی کے لیے باعث شرم ہے کہ اکیسویں صدی میں بھی اس طرح سے انسانی تباہی جاری ہے۔
عالمی برادری پر زور دیتے ہوئے چینی وزیر خارجہ کا کہنا تھا کہ غزہ جنگ بندی اور وہاں جاری ظلم و جبر کے خاتمے کو اپنی ترجیح بنائے اور اپنی اخلاقی ذمے داری سمجھتے ہوئے فوری انسانی ریلیف کو ممکن بنانے کے لئے اقدامات کئے جائیں۔
خیال رہے کہ غزہ میں جنگ بندی کے لیے کی جانیو الی کوششوں کے باوجود جنگ چھٹے ماہ میں داخل ہوچکی ہے۔ جس کے نتیجے میں 30ہزار سے زائد بے گناہ فلسطینی جام شہادت نوش کرچکے ہیں۔
سویڈن باضابطہ طور پر نیٹو میں شامل
امریکی صدر جو بائیڈن کی جانب سے بھی اسرائیل اور حماس پر زور دیا گیا ہے کہ وہ رمضان کے آغاز سے قبل اسرائیل کے ساتھ جنگ بندی کے منصوبے کو قبول کرلے۔
