لاہور : سابق آسٹریلوی کرکٹر ڈین جونز سفری دستاویزات مکمل کرنے کے بعد دوبارہ پاکستان پہنچ گئے ہیں۔ اس سے قبل انھیں اسلام آباد سے ڈی پورٹ کردیا گیا تھا۔
تفصیلات کے مطابق سابق آسٹریلوی کرکٹر ڈین جونز کا معاملہ وزارت داخلہ تک پہنچ گیا۔ سفری کاغذات نامکمل ہونے کے باوجود اسلام آباد فرنچائز کے ہیڈ کوچ پاکستان کیسے آئے۔
ڈین جونز کے مطابق وہ پاکستانی ویزہ پالیسی سے واقف نہیں تھے۔ انہوں نے کہا کہ وہ ڈی پورٹ نہیں ہوئے۔ وفاقی وزیر داخلہ چوہدری نثار نے قصور وار ڈین جونز کو نہیں بلکہ غیر ملکی ائیرلائن کو ٹھہرایا ہے۔
وزیر داخلہ نے دو ٹوک کہہ دیا کہ غیر ملکی ائیرلائنز قانون کی پاسداری کریں۔ ۔وہ وقت گزر گیا جب قاعدے اور قوانین کی دھجیاں اڑائی جاتی تھیں۔
پاکستان کی عزت و وقار اور اس کی خودمختاری کا ہرحال میں تحفظ کیا جائے گا۔ ڈین جونز سفری کاغذات نہ ہونے کی وجہ سے اسلام آباد فرنچائز کے لوگو کی تقریب رونمائی میں شرکت نہ کرسکے۔
