Tag: Waqar Younis

زمبابوے کیخلاف سیریز، ہیڈ کوچ وقار یونس کو آرام دینے کی تجویز

لاہور: زمبابوے کے خلاف آئندہ ماہ ہوم سیریز میں ہیڈ کوچ وقار یونس کو آرام دینے کی تجویز دے دی گئی۔

زمبابوے کی ٹیم آئندہ ماہ تین ون ڈے اور دو ٹی ٹوئنٹی میچ کی سیریز کھیلنے کے لئے پاکستان کا دورہ کرے گی، بیک ٹو بیک سیریز میں ناکامی کے بعد ہیڈ کوچ وقار یونس کو زمبابوے کے خلاف سیریز کے لئے آرام دینے کی تجویز دی گئی ہے۔

ذرائع کے مطابق سیریز میں سلیکٹر کبیر خان کو کوچنگ کے فرائض دیئے جاسکتے ہیں، ایسا ہوا تو وقار یونس باہر بیٹھ کر اپنی غلطیوں کی نشاندہی کریں گے۔

ذرائع کے مطابق ہیڈ کوچ وقار یونس بنگلہ دیش سے ون ڈے اور ٹی ٹوئنٹی سیریز ہارنے کے بعد عہدہ چھوڑنے کی مشروط پیش کش کرچکے ہیں۔

یاد رہے کہ وقار یونس کی کوچنگ میں پاکستان مسلسل پانچ ون ڈے سیریز ہار چکا ہے۔

اپریل 28, 2015
وقار یونس نے مشروط استعفے کی پیشکش کردی

ڈھاکہ : بنگلہ دیش سے شکست کے بعد ہیڈ کوچ وقار یونس بھی گھر جانے کیلئے پر تول رہے ہیں، وقار یونس نے مشروط استعفے کی پیشکش کردی ۔

بنگلہ دیش سے شکست کے بعد پاکستان کرکٹ بورڈ کی بنیادیں ہل گئیں، چیئرمین پی سی بی شہریار خان نے سیریز کے بعد ٹیم کے پوسٹ مارٹم کا بھی اعلان کردیا۔

چیئرمین پی سی بی شہریار خان کو بنگلہ دیش کیخلاف پاکستان کی عبرت ناک شکست کے بعد سسٹم میں خرابی نظر آئی، انھوں نے کہا کہ اب سسٹم کو ٹھیک کرنے کا فیصلہ کیا ہے۔

چیئرمین پی سی بی کا کہنا ہے کہ بنگلہ دیش سے ہارے نہیں بری طرح ہارے ہیں۔

ذرائع کے مطابق ہیڈ کوچ وقار یونس بھی ہمت ہار گئے، عہدہ چھوڑنے کی مشروط پیش کش کردی ہے انکا کہنا ہے کہ خامیوں کی نشاندہی کی جائے گھر جانے کیلئے تیار ہیں، وقار یونس کی کوچنگ میں پاکستان پانچویں سیریز میں ناکام ہوا ہے۔

قومی ٹیم کے ہیڈ کوچ وقار یونس سے استعفے کا مطالبہ زور پکڑ گیا، شائقین کرکٹ کا کہنا ہے کہ ٹیم کی کارکردگی خراب ہورہی ہے، وقار یونس عہدہ چھوڑدیں۔

اپریل 27, 2015
پاکستان میں انٹرنیشنل کرکٹ کا نہ ہونا نقصان دہ ہے، وقار یونس

لاہور: پاکستانی کوچ وقار یونس نے ایک انٹرویو میں کہنا تھا کہ پاکستان کرکٹ کی بہتری کیلئے ٹھوس اقدامات کرنا ہوں گے، پاکستان میں انٹرنیشنل کرکٹ کا نہ ہونانقصان دہ ہے, ہمیں ملک میں بین الاقوامی ٹیموں کولانا ہوگا۔

ایک سوال پران کا کہنا تھا کہ ورلڈ کپ میں قومی ٹیم کے کھیل کا معیاردوسری ٹیموں سے کافی نیچے تھا، کھلاڑی اپنی کنڈیشیز میں تو اچھا کھیلتے ہیں لیکن باہر کی کنڈیشنز میں مشکلات ہوتی ہیں، کرکٹ بہت بدل چکی ہے ،گیم میں تیزی آگئی ہے۔

انکا مزید کہنا تھا کہ ٹیم میں زور دار شاٹس لگانے والے بلے بازوں کی ضرورت ہے۔

وقار یونس کا کہنا تھا کہ کرکٹ میں بہتری لانے کے لئے ڈومیسٹک کرکٹ پر توجہ دینا ہوگی، کرکٹ کے ساتھ ہمیں بھی بدلنا ہوگا۔

مارچ 24, 2015
سرفراز احمد نے ایک اور بڑا اعزاز اپنے نام کرلیا

ایڈلیڈ: آئرلینڈ کے خلاف میچ میں سرفراز احمد نے شاندار سینچری بناکر ایک بار پھر ٹیم کو سرفراز کردیا، سرفراز ورلڈ کپ میں سینچری بنانے والے پہلے پاکستانی وکٹ کیپر بیٹسمین بن گئے۔

ایڈیلیڈ میں پاکستان کو سرفراز نے سرفراز کیا، آئرش بولرز کے سامنے وکٹ کیپر بیٹسمن ڈٹ گئے، سرفراز ایک بار پھر آئے اور چھاگئے۔

سرفرازاحمد کی شاندار بیٹنگ نے شائقین کو جھومنے پر مجبور کردیا، سرفراز نے ایک سو بیس گیندوں پر چھ چوکوں کی مدد سے کیرئیر کی پہلی سینچری اسکور کی۔

ورلڈ کپ میں وہ سینچری بنانے والے پہلے پاکستانی وکٹ کیپر بھی بن گئے، سینچری بنانے پر سرفراز میچ کے بہترین کھلاڑی قرار پائے۔

سرفراز کا کہنا تھا کہ کوچ نے سینچری بنانے کے لئے حوصلہ بڑھایا تھا، دوہزار سات کے عالمی کپ کے بعد سرفراز ورلڈ کپ میں سینچری بنانے والے واحد پاکستانی کھلاڑی ہیں۔

مارچ 15, 2015
کامیابی کاکریڈٹ وقار یونس کو دوں گا، سرفراز احمد

آکلینڈ: جنوبی افریقہ کے خلاف میچ کے ہیرو سرفراز احمدکا کہنا ہےکہ کسی سے کوئی جھگڑا نہیں، وقاریونس بہت اعتماددیتےہیں،کامیابی کاکریڈٹ انہیں دوں گا۔

جنوبی افریقہ کیخلاف جارحانہ اننگز اور تاریخی فتح میں بولرز کا ساتھ دینے والے سرفراز احمد کی آل راؤنڈ کارکردگی نے تاریخ بدل دی۔

سرفراز احمد کا کہنا ہے کہ جنوبی افریقہ کےخلاف بڑامیچ تھا، نصف سنچری مکمل نہ کرنے پر بہت افسوس ہے، لیکن ٹیم میچ جیت گئی اس بات کی زیادہ خوشی ہے۔

سرفراز احمد نے کہا کہ کوچ اور کپتان نے بھرپور اعتماد دیا تھا کہ اپنا نیچرل گیم کھیلو، میدان میں اترا تو جنوبی افریقی بولرز کو دباؤ میں آئے بغیر کھیلا جس کا فائدہ ہوا۔

ورلڈ کپ میں سب سے زیادہ کیچز کا عالمی ریکارڈ برابر کرنے پر سرفراز نے کہا کہ وکٹ کیپنگ ریکارڈ برابر کرنے پرخوشی ہے،کسی سےکوئی جھگڑانہیں ہوا،وقاریونس بہت اعتماد دیتےہیں،کامیابی کاکریڈٹ انہیں دوں گا۔

مارچ 8, 2015
سرفراز احمد نے عمدہ کارکردگی کے ساتھ ساتھ عالمی ریکارڈ بھی بناڈالا

کراچی: سرفراز احمد نے ایک میچ میں اتنے کیچ پکڑ لئے جتنے عمر اکمل نے تین میچ میں چھوڑدیئے، سرفراز احمد نے ایک اننگز میں چھ کیچ پکڑ کر ورلڈ کپ میں سب سے زیادہ کیچز کا عالمی ریکاڑد بھی برابر کردیا۔

میچ میں شاندار کارکردگی کا مظاہرہ کرنے والے سرفراز احمد جب بیٹنگ کیلئے میدان میں آئے تو کسی بھی باﺅلر کو خاطر میں نہ لائے اور گراﺅنڈ کے چاروں جانب خوبصورت سٹروک کھیلے۔

انہوں نے محض 49 گیندوں پر 3 چھکوں اور 5 چوکوں کی مدد سے 49 رنز تاہم بدقسمتی سے محض 1 سکور کی کمی سے ففٹی مکمل کرنے میں ناکام رہے اور رن آﺅٹ ہو گئے۔

ہدف مقرر کرنے کے بعد جنوبی افریقی بلے باز میدان میں آئے تو محمد عرفان، راحت علی اور وہاب ریاض نے طوفانی باﺅلنگ کے ذریعے انہیں تگنی کا ناچ نچا دیا جبکہ وکٹ کے پیچھے کھڑے سرفراز احمد نے بھی باﺅلرز کا بھرپور ساتھ دیا۔

انہوں نے میچ میں وکٹ کے پیچھے 6 کھلاڑیوں کے کیچ دبوچ کر نا صرف میچ جیتنے میں اہم کردار ادا کیا بلکہ ایک ہی میچ میں کسی بھی وکٹ کیپر کی جانب سے سب سے زیادہ کیچز پکڑنے کا ریکارڈ بھی برابر کیا۔

آسٹریلیا کے سابق وکٹ کیپر بلے باز ایڈم گلکرسٹ 4 میچوں میں 6,6 کیچز پکڑ کر اس فہرست میں پہلے نمبر ہیں جبکہ ان کے بعدانگلینڈ کے سٹیورٹ ایلس، جنوبی افریقہ کے مارک باﺅچر، انگلینڈ کے میٹ پرائر، انگلینڈ کے وکٹ کیپر بٹلر اور سکاٹ لینڈ کے وکٹ کیپر کراس ایک ہی اننگز کے دوران وکٹ کے پیچھے 6 کیچز پکڑنے کا اعزاز حاصل کر چکے ہیں۔

مارچ 7, 2015
سرفراز احمد کی عمدہ کارکردگی نے کوچ وقار یونس کاوقار توڑ دیا

ایڈن پارک: سرفراز سے متعلق سوال پر وقار یونس غصے میں آکر پریس کانفرنس چھوڑ کر چلے گئے۔

جنوبی افریقہ کیخلاف جیت کے بعد پریس کانفرنس میں وکٹ کیپر سرفراز کے متعلق سوال کیا پوچھا وقار یونس غصے میں آگئے اور کہہ ڈالا کہ ایسے احمقانہ سوال کا میرے پاس کوئی جواب نہیں ہے۔

وقار یونس سرفراز احمد کی شاندار پرفارمنس دیکھ کر ہیڈ کوچ نے یو ٹرن لینے میں ہی بہتری جانی اور کہاکہ سرفراز کی صلاحیتوں سے کھبی شک نہیں کیا۔

وقار یونس کا کہنا تھا کہ نیوزی لینڈ کی باؤنسی وکٹوں پر اوپننگ کرنا آسان نہیں لیکن سرفراز نے بہترین کارکردگی دکھائی، جنوبی افریقہ کیخلاف جیت کی بہت اہمیت ہے، امید ہے ٹیم پرفارمنس کو برقرار رکھے گی۔

ورلڈ کپ کے پہلے ہی میچ میں سرفراز احمد کی عمدہ کارکردگی نے کوچ وقار یونس کا وقار توڑ دیا، جنوبی افریقہ کیخلاف میچ میں سرفراز احمد کی شمولیت نے ثابت کر دیا ہے کہ وقار یونس کا موقف ایک بہانے کے سوا کچھ نہیں تھا۔

واضح رہے کہ یو اے ای سے فتح کے بعد پاکستان کرکٹ ٹیم کے ہیڈ کوچ وقار یونس نے میڈیا سے سرفراز کی شمولیت کے حوالے سے انوکھی منتق اپناتے ہوئے کہا تھا کہ سرفراز سے اوپننگ کراکے ان کا کیرئیر تباہ نہیں کرنا چاہتے۔

مارچ 7, 2015
سرفراز سے اوپننگ کراکے ان کا کیرئیر تباہ نہیں کرنا چاہتے، وقار یونس

نیپیئر: سرفراز احمد کو ٹیم میں شامل کرنے پر ہیڈ کوچ نے نرالی منتق اپنالی ہے، وقار یونس کا کہنا تھا کہ سرفراز کو اوپنر کھلا کر ان کا کیرئیر داؤ پر نہیں لگانا چاہتے۔

پاکستان کرکٹ ٹیم کے ہیڈ کوچ وقار یونس نے میڈیا سے سرفراز کی شمولیت کے حوالے سے انوکھی منتق اپناتے ہوئے کہا سرفراز سے اوپننگ کراکے ان کا کیرئیر تباہ نہیں کرنا چاہتے۔

یو اے ای کیخلاف ایک سو انتیس رنز کی کامیابی پر وقار یونس نے کہا کہ عرفان کے انجرڈ ہونے سے نقصان ہوا، یو اے ای کیخلاف میچ ایک سو پچاس سے زائد رنز سے جیتنا چاہتے تھے۔

وقار یونس نےکہا کہ دو میچز جیت کا ٹیم کو مورال بلند ہے، کوارٹرفائنل میں باآسانی جگہ بنانے کیلئے جنوبی افریقہ کو ہرانا ہماری ضرورت بن گیا ہے۔

وقار یونس کا کہنا ہےکہ میگاایونٹ میں پاکستان کی کارکردگی کو بہتر نہیں کہا جارہا ہے لیکن تنقید کرنے والے اس بات کو بھی مد نظر رکھیں کہ اس وقت ٹیم کے دو اہم کھلاڑی سعید اجمل اور محمد حفیظ موجود نہیں ہیں۔

ہیڈ کوچ نے کہا کہ ہم نے ماضی میں کئی مرتبہ جنوبی افریقا کو شکست دی اور اب بھی دے سکتے ہیں۔

مارچ 4, 2015
یو اے ای کے خلاف عرفان انجرڈ، صرف 3 اوورز کراسکے

نیپئر : یو اے ای کے خلاف میچ میں پاکستان کو بڑا جھٹکا لگ گیا، فاسٹ بولر محمد عرفان انجری کا شکار ہوگئے۔

محمد عرفان دو اوورز کرانے کے بعد پھسل گئے جس کے بعدمیچ میں وہ صرف مزید ایک اوور ہی کراسکے۔

عرفان نے تین اوورز میں کوئی وکٹ حاصل نہیں کی، جنوببی افریقہ کے خلاف اہم میچ سے پہلے عرفان کی انجری نے ٹیم کو بڑا جھٹکا دے دیا ہے۔

اس سے قبل بھی عرفان انجری مسائل کا شکار رہ چکے ہیں۔ ٹیم کے فزیو تھراپسٹ کا کہنا ہے کہ عرفان کی انجری معمولی ہے۔ امید ہے وہ جلد ٹھیک ہوجائیں گے۔

مارچ 4, 2015
وقاریونس کے بھائی فوج داری مقدمے سے بچ گئے

لاہور: ہائیکورٹ نے سابق کرکٹروقاریونس کے بھائی کے خلاف جعلی ڈگری پرکارروائی کیلئے دائردرخواست نمٹادی۔

جسٹس سید منصور علی شاہ نے کیس کی سماعت کی، درخواست گزار کی جانب سے مؤقف اختیار کیا گیا کہ وقار یونس کے بھائی فیصل یونس کی بی اے کی ڈگری جعلی ہے، جس کی بنیاد پراس نے اعلٰی تعلیم حاصل کی اور بعد ازاں پی آئی اے میں پائلٹ تعینات ہوا۔

جعلی ڈگری پرفیصل یونس کو پی آئی اے سے فارغ کردیا گیا ہے، عدالت حکم دے کہ فیصل یونس سے تمام تنخواہیں اورمراعات واپس وصول کی جائیں جبکہ اس کی تمام ڈگریاں منسوخ کر کے فوجداری مقدمہ بھی درج کیا جائے۔

عدالت نے درخواست نمٹاتے ہوئے درخواست گزار کو پہلے متعلقہ فورم سے رجوع کرنے کی ہدایت کردی

مارچ 2, 2015