غزہ:اسرائیلی فضائیہ کےوسطی غزہ میں تازہ حملہ کے نتیجے میں تین فلسطینی شہید اورپانچ شدید زخمی ہوگٗے ہیں۔
غیر ملکی خبر ایجنسی کے مطابق اسرائیلی فضائیہ نے وسطی غزہ میں تازہ حملہ کیا ہے جس کےنتیجےمیں تین فلسطینی شہید اورپانچ شدید زخمی ہوگٗے ہیں،یاد رہےغزہ میں اسرائیلی جارحیت کا سینتالیس واں روزہوگیا ہے اوراب تک شہید فلسطینیوں کی تعداد دوہزارپچانوے ہوگئی ہے۔
اسرائیلی جارحیت سے اب تک پانچ سو سے زائد فلسطینی بچے شہید ہوچکے ہیں، عالمی دنیا اسرائیلی جارحیت کو رکوانے میں ناکام ہوگٗی ہے۔
کراچی:بھارتی فوج نےسیزفائرمعاہدےکی ایک بارپھرخلاف ورزی کرتے ہوئےنکیال سیکٹرمیں شدید فائرنگ کی۔
ذرائع کےمطابق بھارتی فوج نےایک بار پھرجنگ بندی معاہدےکی خلاف ورزی کرتے ہوئے کنٹرول لائن کےقریب نکیال سیکٹر کےعلاقےداتوٹ پرشدید فائرنگ کی۔
پاک فوج کی جوابی فائرنگ سے بھارتی گنیں خاموش ہوگئیں،بھارتی فوج کی جانب سے سیزفائرمعاہدے کی مسلسل خلاف ورزی کی جارہی ہے،چند روز قبل بھارتی ڈپٹی ہائی کمشنر کو دفترخارجہ طلب کرکے بھارتی فوج کی بلااشتعال کارروائیوں پرشدید احتجاج بھی کیا گیا تھا۔
لاہور:پاکستان عوامی تحریک نے پنجاب پولیس کے بد ترین تشدد اورکارکنوں کی شہادت کے بعد آئندہ لائحہ عمل طے کرنے کے لئے ہنگامی اجلاس طلب کرلیا ہے۔
پاکستان عوامی تحریک نے پنجاب بھرمیں یوم شہدا میں شرکت کے لئےآنے والےقافلوں پررات بھر کریک ڈائون اور بسوں پر فائرنگ اور شیلنگ سےہونے والی شہادتوں پر غور اورآئندہ لائحہ عمل پرغورکیلئےہنگامی اجلاس طلب کر لیا ہے۔
اجلاس میں سنی اتحاد کونسل،مجلس وحدت مسلمین،پاکستان مسلم لیگ ق اور دیگر جماعتوںکے رہنما شرکت کریں گے۔
پاکستان عوامی تحریک کے رہنما رحیق عباسی نے میڈیا سے بات چیت میں کہا ہے، خواتین کو بالوں سے پکڑ کر بسوں سے اتارا گیا،ایسا ظلم و تشدد تواسرائیل نے فلسطینیوں پر نہیں کیا،ان کا کہنا تھا کہ خدشہ ہے کہ پولیس شہیدوں کے جسد خاکی اور زخمیوں کو غائب کر سکتی ہے۔
طرابلس:لیبیا کے دارالحکومت طرابلس سمیت متعدد شہروں میں ہزاروں افراد نے حکومت کےخلاف پارلیمنٹ کےسامنے احتجاجی مظاہرہ کیا۔
خانہ جنگی کےشکارملک لیبیا میں انتخابات کےبعد بھی امن بحال نہ ہوسکا، نمازجمعہ کےبعد طرابلس سمیت ملک کے دیگر بڑے شہروں بن غازی اورمصراتہ میں ہزاروں افراد سڑکوں پر نکل آئے اور مغربی طاقتوں کے تعاون سے بننے والی نئی حکومت کے خلاف احتجاج کیا۔
لیبیا میں جاری سیاسی بحران کی وجہ سے مغربی ممالک نےاپنےسفارتکاروں کو واپس بلالیا ہے۔
پاک وطن کی بقا کے لیے دشمن کا صفایا کرنے والے کیپٹن راجاسرورشہید کا یوم شہادت آج منایا جارہا، ان کی خدمات کی وجہ سے پاکستان کاپہلاعسکری اعزاز تمغہ نشان حیدر بھی ان ہی کے نام کیا گیا۔
پنجاب رجمنٹ کے بہادر سپوت کیپٹن راجاسرورشہید نےوطن عزیر کی حفاظت کےلئے دشمن کی گولیوں کواپنے سینہ پر روکا۔کیپٹن راجاسرورشہید ضلع راولپنڈی کے ایک گاؤں میں انیس سو دس میں آنکھ کھولی ۔کیپٹن راجاسرور انیس سو چوالیس میں پنجاب رجمنٹ میں کمیشن حاصل کیا۔
انیس سو اڑتالیس میں کشمیر کے محاذپردشمن کی یلغار روکنے کےلئے دشمن کے مورچے کے قریب پہنچے۔ کیپٹن سرور، اوڑی سیکٹرمیں اپنے چھ فوجیوں کے ہمراہ دشمن کے مورچے کےقریب پہنچے اوردستی بموں سےان کے خودکارہتھیارخاموش کرادئیے، زخموں کی پروا نہ کرتے ہوئے اس بہادر سپوت نےاپنےدشمن پر گولیاں برساتے ہوئےستائیس جولائی انیس سو اڑتالیس کو جام شہادت نوش کرگئے۔ مادروطن کی خاطربیرونی دشمنوں کےخلاف جنگ لڑنےوالے کیپٹن سرورشہیدآج پاک فوج کے سپوتوں کے لئے بہادری کی روشن مثال ہیں ۔
