Tag: Washington

اسلام آباد: مشیرخارجہ سرتاج عزیز کا کہنا ہے بھارت کے میزائل تجربے سے خطے میں طاقت کا توازن بگڑے گا، بھارتی ہتھیاروں کا معاملہ عالمی سطح پراٹھائیں گے۔

مشیرخارجہ سرتاج عزیزنے کہہ دیا پاکستان اپنے دفاع سے غافل نہیں،دفاعی صلاحیتیں بڑھاتے رہیں گے۔دفاع کومزید بہترکرنے کے لئے ٹیکنالوجی استعمال کریں گے۔

سرتاج عزیز نے کہا بھارت کے ہتھیارجمع کرنے کے جنون سے خطے میں طاقت کا توازن بگڑے گا، بھارت کا ہتھیاروں کی دوڑشروع کرنے کا معاملہ عالمی سطح پراٹھائیں گے۔

مشیرخارجہ کا کہنا تھا بھارت کوامریکی تعاون حاصل ہے، واشنگٹن کا کہنا ہے چین کے مقابلے کے لئے بھارت کی مضبوطی ضروری ہے۔لیکن پاکستان سمجھتا ہے کہ بھارتی جنگی جنون سے خطے میں طاقت کا توازن بگڑے گا۔

اسلام آباد: مشیرخارجہ سرتاج عزیز نے امریکا کو دوٹوک الفاظ میں پیغام دےدیا، انہوں نے کہا کہ شکیل آفریدی پاکستان کا مجرم ہے رہائی کادباؤ مسترد کرتے ہیں،سرتاج عزیزنے ایف سولہ طیاروں پر پاکستان کاموقف بھی بتادیا۔

پاکستان نے شکیل آفریدی کی حوالگی پرامریکاکادباؤمستردکردیا، اسلام آباد میں تقریب سے خطاب کرتے ہوئے مشیرخارجہ نے دوٹوک الفاظ میں کہاشکیل آفریدی پاکستان کامجرم ہے۔

سرتاج عزیزنے ایف سولہ طیاروں پر پاکستان کاموقف بھی بتادیا،انہوں نے کہا کہ امریکا سے طیارے نہ ملے تو کہیں اورسے بھی خرید سکتےہیں۔

امریکی ترجمان کےبیان پرردعمل دیتےہوئےمشیرخارجہ نےکہافنانسنگ کا مسئلہ ہے،کولیشن سپورٹ فنڈزسے طیارے نہیں خرید سکتے، متبادل رقم کاانتظام کرناپڑے گا۔

امریکابھارت سول جوہری معاہدےپرتشویش کااظہارکرتےہوئےسرتاج عزیزکاکہناتھاایسےاقدامات برابری کی بنیادپرہونےچاہئیں،پاکستان کاایٹمی نظام ہرچیلنج کاجواب دینےکی صلاحیت رکھتاہے۔خطےمیں ایٹمی ہتھیاروں کی دوڑنہیں چاہتے ۔

طالبان وفدکی پاکستان یاتراکی تصدیق کرتے ہوئے مشیرخارجہ نےکہا دورہ افغان مفاہمتی عمل کاحصہ ہے،افغانستان میں استحکام کے لیے امریکاچین بھی کوشش کررہےہیں،افغانستان کےرویہ سےمایوسی ہوئی۔

واشنگٹن : مشیر خارجہ سرتاج عزیز نے کہا ہے کہ طالبان اورافغان حکام کےبراہ راست مذاکرات سے امن کوششوں کےاستحکام میں مدد ملےگی۔

انہوں نے امید ظاہر کی کہ افغان حکومت اور طالبان کے درمیان اگلے دس سے پندرہ روز میں ملاقات ہو سکتی ہے۔

یہ بات انہوں نے واشنگٹن میں خارجہ تعلقات کونسل کے زیر اہتمام تقریب میں اظہار خیال کرتے ہوئے کہی۔

سرتاج عزیز نے کہا کہ افغانستان میں امن کے بغیر پاکستان میں بھی امن قائم نہیں ہو گا۔ حکومت نے دہشت گردی اور انتہا پسندی کے مسئلے سے نمٹنے کیلئے بھرپور کارروائی کی ہے۔

علاوہ ازیں واشنگٹن میں صحافیوں سے گفتگو کرتے ہوئے مشیر خارجہ سرتاج عزیز نے بتایا کہ پاکستانی علاقوں میں بھارتی دہشت گردی کےشواہد امریکہ کے حوالے کردیئے ہیں۔

ان کا کہناتھا کہافغان مفاہمتی عمل میں پاکستان کا کردار اہم ہے، بلوچستان اورکراچی کی دہشتگردی میں بھارت کا ہاتھ ہے۔ثبوت بھی دے دئیے۔

پاکستان اورامریکا کے دفاعی اورسیکورٹی تعاون میں بہتری آرہی ہے۔توقع ہے ایف سولہ طیارے جلد پاکستان کے حوالے کردئیے جائیں گے۔

سرتاج عزیزنےکہا کہ بھارت جوہری ہتھیاروں میں کمی کرے توپاکستان بھی جوہری ہتھیاروں میں کمی پرغورکرسکتا ہے۔

اس سےقبل پاک امریکا اسٹریٹیجک مذاکرات کے مشترکہ اعلامیے میں پاک بھارت مذاکرات، کشیدگی میں کمی کے اقدامات سمیت دیگرامورپراتفاق کیا گیا۔