ARYNews.tv | Urdu – Har Lamha Bakhabar

Tag: Washington

  • واشنگٹن: پاکستانی سفارت خانے میں جشنِ آزادی کی تقریب

    واشنگٹن: پاکستانی سفارت خانے میں جشنِ آزادی کی تقریب

    واشنگٹن: دنیا بھر کی طرح امریکا میں بھی جشن آزادی کے موقع پر پاکستانی خوب پر جوش نظر آئے۔

    جشنِ آزادی کے حوالے سے منعقد کی جانے تقریب میں پاکستانی کمیونٹی سمیت سفارت خانے کے اہلکاروں نے اپنے خاندانوں کے ہمراہ شرکت کی، سفیر پاکستان جلیل عباس جیلانی نے اس موقع پر صدر ممنون حسین اور وزیر اعظم محمد نواز شریف کے جانب سے پیغامات پڑھ کر سنائے اور پاکستانی جھنڈا بلند کیا۔

    جشن آزادی کی خوشی میں سفارت خانے میں خصوصی کیک بھی بنوایا گیا، جلیل عباس جیلانی کا کہنا تھا کہ اس جشن آزادی کے موقع پر پاکستان ترقی کی جانب گامزن ہے اور دنیا کو ایک مثبت پیغام جارہا ہے۔

    سفیر پاکستان کا مزید کہنا تھا کہ رواں سال وزیرِاعظم نواز شریف کا دورہ امریکا دونوں ممالک کے درمیان تعلقات کو مزید پروان چڑھانے میں مدد گار ثابت ہوگا، جشن آزادی کی تقریب میں واشنگٹن کے دورے پر موجود ہائی کورٹس کے بارہ سے زائد جج صاحبان نے بھی خصوصی طور پر شرکت کی۔

  • پاکستانی ٹرک آرٹ امریکہ میں مشہور

    پاکستانی ٹرک آرٹ امریکہ میں مشہور

    واشنگٹن: امریکی قونصلیٹ جنرل کراچی نے ایک ٹویوٹا ایف جے کروزر کی تصاویر شیئر کی ہیں جسے مشہور پاکستانی ٹرک آرٹسٹ حیدر علی نے واشنگٹن ڈی سی میں ٹرک آرٹ کے شاہکار میں تبدیل کیاہے۔

    truck art

    گزشتہ چند سالوں سے پاکستانی ٹرک آرٹ نے دنیا کے مختلف علاقوں میں پذیرائی حاصل کرنا شروع کردی ہے اور پاکستانی کلچر کے اس دلچسپ نمونے کو بے پناہ سراہا جارہا ہے۔

    truck art

    حیدر علی کا دعویٰ ہے کہ اس کا خاندان گزشتہ 60 سال سے یہ کام انجام دے رہا ہے اور برصغیر کا یہ واحد آرٹ ہے جس میں پاکستان کا کوئی ثانی نہیں ہے۔

    truck art

    پاکستانی ٹرک آرٹ آرٹسٹ حیدر علی امریکا کے دورے پر ہیں جہاں وہ اس آرٹ کے چاہنے والوں کے لئے حسین شاہکار تخلیق دے رہے ہیں، انھوں نے دیکھتے ہی دیکھتے انتہائی مہارت کے ساتھ اس گاڑی کا حلیہ بدل ڈالاہے۔

    truck art

    حیدر علی نا صرف پوری دنیا میں اپنے فن کی ترویج کے لئے سفر کرتے ہیں بلکہ وہ اپنے فن کو امن کے پیامبر کے طور پر بھی استعمال کرتے ہیں جیساکہ انہوں نے ایک ٹرک عید کے تحفے کے طورپرتیارکرکے بھارت کو دیا۔

    truck art

    حیدر علی کا کراچی کے علاقے گارڈن ایسٹ اور ماری پور میں ورک شاپ ہے، وہ امریکہ، انگلینڈ، ترکی اوربھارت کا دورہ کرچکے ہیں۔

    ٹرک آرٹ کسے پسند نہیں۔ کیا آپ کو معلوم ہے کہ پاکستانی ٹرک آرٹ آرٹسٹ حیدر علی امریکا کے دورے پر ہیں جہاں وہ اس آرٹ کے چاہ…

    Posted by U.S. Consulate General Karachi on Sunday, August 9, 2015

  • پاکستان ’کابل/طالبان‘مذاکراتی عمل میں اہم کردار ادا کررہا ہے:امریکی محکمہ خارجہ

    پاکستان ’کابل/طالبان‘مذاکراتی عمل میں اہم کردار ادا کررہا ہے:امریکی محکمہ خارجہ

    واشنگٹن: امریکی محکمہ خارجہ کی نائب ترجمان مارک ٹونرکا کہناہے افغان طالبان کے پاس مصالحتی عمل کامیاب بنانے کا نادرموقع موجود ہے۔

    واشنگٹن میں نیوز بریفنگ کےدوران ان کا کہناتھا کہ افغان طالبان افغانستان کو اور اپنی زندگیوں کو پرامن بنا سکتے ہیں اورحکومت کا حصہ بھی بن سکتے ہیں۔

    ان کا کہنا تھا کہ پاکستان افغان مصالحتی عمل میں اہم کردارادا کررہاہے۔

    نائب ترجمان امریکی محکمہ خارجہ نےمزید کہا کہ افغانستان میں داعش کے بڑھتے ہوئے اثر رسوخ سے آگاہ ہیں،خطے میں داعش کے پھیلاؤ پر گہری نظر ہے۔

    انہوں نے مزید کہاکہ ملا عمر کے بیٹے اورطالبان کے نئے رہنما اختر منصور کے درمیان اختلافات سے بے خبرہیں۔

  • کیوبا امریکہ سفارتی تعلقات کا آغاز

    کیوبا امریکہ سفارتی تعلقات کا آغاز

    واشنگٹن: کیوبا اورامریکہ کے درمیان سرد مہری کا سلسلہ ختم ہوگیا، کیوبا میں آج امریکی سفارتخانے کا افتتاح کیا جائے گا۔

    کیوبا کےدارالحکومت ہوانا میں امریکی سفارتخانہ کھولنے کی تیاریاں مکمل کرلی گئیں،دونوں ممالک 54 سال بعد سفارتی تعلقات بحال ہورہے ہیں جبکہ واشنگٹن میں بھی کیوبن سفاتخانہ کھولا جائے گا۔

    سفارتخانے میں سرگرمیوں کے آغاز سے قبل خصوصی تقریب منعقد کی جائے گی جس میں امریکی وزیرخارجہ جان کیری شرکت کریں گے۔

    کیوبا پرتاحال تجارتی پابندی عائد ہے جسے امریکی کانگریس کی منظوری کے بعد ہٹایا جاسکے گا۔

  • امریکا میں ہم جنس پرستوں کو شادی کی اجازت دیدی گئی

    امریکا میں ہم جنس پرستوں کو شادی کی اجازت دیدی گئی

    واشنگٹن : امریکہ میں ہم  جنس پرستوں کو شادی کی اجازت مل گئی، امریکی عدالت نے اسے قانونی حق قرار دے دیا۔

    تفصیلات کے مطابق امریکی سپریم کورٹ نے ملک بھر میں ہم جنس پرستوں کو شادی کی اجازت دیتے ہوئے اسے ایک قانونی حق قرار دیا ہے۔

    امریکی صدر باراک اوباما نے ٹوئٹر پر عدالتی فیصلے کا خیرمقدم کرتے ہوئے اسے ” مساوات کی جانب ایک بڑا قدم” قرار دیا۔

    چیف جسٹس جون رابرٹس نے اپنے اختلافی نوٹ میں تحریر کیا ہے کہ عدالت قانون ساز ادارہ نہیں اور ہم جنس پرستوں کی شادی کا ہم سے کوئی تعلق نہیں۔

    امریکی سپریم کورٹ کے نو میں سے پانچ ججز کی اکثریت نے ہم جنس پرستوں کو ہر جگہ شادی کی اجازت دی جبکہ چیف جسٹس سمیت چار دیگر ججز نے اس کی مخالفت میں رائے دی۔

    تاہم عدالتی حکم کا اطلاق فوری طور پر نہیں ہوگا اور عدالت نے ناکام فریقین کو نظرثانی کی درخواست کے لئے تین ہفتوں کا وقت دیا ہے۔

  • سیکریٹری خارجہ کی امریکی قومی سلامتی کی نائب مشیر سے ملاقات

    سیکریٹری خارجہ کی امریکی قومی سلامتی کی نائب مشیر سے ملاقات

    واشنگٹن : سیکریٹری خارجہ اعزاز احمد چوہدری نے امریکی قومی سلامتی کی نائب مشیر ایورل ہیزن سے واشنگٹن میں ملاقات کی اور پینٹاگون کا دورہ بھی کیا۔

    اعزاز چوہدری اور نائب مشیر ایورل ہینز میں ملاقات وائٹ ہاؤس میں ہوئی، ملاقات میں دو طرفہ تعاون میں پیش رفت پر اطمینان کا اظہار کیا گیا۔

    سیکریٹری خارجہ نے انسداد دہشت گردی میں امریکہ کے کردار کی تعریف کی۔ اعزاز چوہدری کا کہنا تھا کہ ملک سے دہشت گردی کے مکمل خاتمے کے لئے پرعزم ہیں۔

    دونوں ممالک نے امن و سلامتی کیلئے مل کر کام کرنے پر اتفاق بھی کیا۔ سیکریٹری خارجہ نے پینٹاگون کا دورہ بھی کیا اور امریکہ محکمہ دفاع کرسٹائم دور مورتھ سے بھی ملاقات کی.

    اس موقع پر امریکہ میں پاکستان کے سفیر جلیل عباس جیلانی بھی موجود تھے۔

  • امریکی اور اطالوی شہری ڈرون حملے میں ہلاک ہوئے، وہائٹ ہاؤس کی تصدیق

    امریکی اور اطالوی شہری ڈرون حملے میں ہلاک ہوئے، وہائٹ ہاؤس کی تصدیق

    واشنگٹن :  بارک اوبامہ کی ڈاکٹر وارن اور اطالوی شہری افغانستان میں ہونے والے فوجی آپریشن میں ہلاک ہوئے، وائٹ ہاؤس نے تصدیق کر دی.

    تفصیلات کے مطابق امریکا سے بازیابی کی اپیل کرنے والےامریکی ڈاکٹر وارن وانسٹائن کو زندگی کی قید سے ہی نجات مل گئی ۔

    ڈاکٹر وارن وانسٹائن امریکی ڈرون حملے میں ما را گیا۔ وائٹ ہائوس سے جاری اعلامیہ میں اعتراف کیا گیا ہے کہ جنوری میں پاک افغان سرحدی علاقے میں امریکی کارروائی کے دوران القاعدہ کے ہاتھوں یرغمال امریکی ڈاکٹر وارن وان سٹائن اور اطالوی جیوانی لو پورتو ہلاک ہو گئے۔

    غیر ملکی خبر ایجنسی کے مطابق امریکی صدر نے ڈاکٹر وارن کی ہلاکت کو تکلیف دہ نقصان قرار دیتے ہوئے ا س پرافسوس کااظہار کیا ہے ۔

    وہائٹ ہاؤس سے جاری بیان میں کہا گیا ہے کہ یہ تصدیق کی جا سکتی ہے کہ آپریشن میں دونوں یرغمالی حادثاتی طور پر مارے گئے۔

  • آپریشن ضرب عضب پراربوں روپے کے اخراجات آچکے ہیں، اسحاق ڈار

    آپریشن ضرب عضب پراربوں روپے کے اخراجات آچکے ہیں، اسحاق ڈار

    واشنگٹن : وفاقی وزیر خزانہ اسحاق ڈار نے کہا ہے کہ آپریشن ضرب عضب پر اب تک چار سو پندرہ ملین ڈالر خرچ کئے جاچکے ہیں، جبکہ آئی ڈی پیز کی مکمل بحالی کیلئے اسیّ ارب روپے درکار ہیں۔

    ان خیالات کا اظہار وفاقی وزیر خزانہ اسحق ڈار نے واشنگٹن میں نیوز کانفرنس سے خطاب کرتے ہوئے کیا۔اپنے دورہ واشنگٹن کے اختتام پر وزیر خزانہ اسحاق ڈار نے ضرب عضب آپریشن کی کامیابیوں کا ذکر کرتے ہوئے کہا کہ ان کاروائیوں پر اربوں روپے کے اخراجات آچکے ہیں۔

    وزیر خزانہ کے مطابق یمن کے حوالے سے فوج نہ بھیجنے کے فیصلے پر مشرق وسطی میں کام کرنے والے پاکستانیوں کو واپس نہیں بھیجا جارہا۔

    جوڈیشل کمیشن پر اسحاق ڈار کا کہنا تھا کہ ووٹوں کے تھیلے اگر امریکہ میں بھی کھولیں جائیں تو مہروں کا مسئلہ یہاں بھی ہوگا۔ جوڈیشل کمیشن نے یہ دیکھنا ہے کہ کہیں سازش کے تحت انتخابات کو ہائی جیک تو نہیں کیا گیا۔

    اسحاق ڈار نے دعویٰ کیا کہ 2017 تک دس ہزار میگا واٹ بجلی سسٹم میں شامل کر لی جائے گی۔ وزیر خزانہ کا کہنا تھا کہ وفاقی حکومت کا ٹارگٹ ہے کہ 2018 تک پاکستان کے فارن ریزرو 18.5 بلین ڈالرز تک حاصل کر لئے جائیں۔

    انہوں نے چین کے ساتھ ہونے والے تاریخی اقتصادی معاہدوں کو بھی پاکستان کی ترقی کے لئے اہم قرار دیا۔

  • آپریشن ضرب عضب پر415 ملین ڈالر خرچ کئے جاچکے ہیں، وزیرِخزانہ

    آپریشن ضرب عضب پر415 ملین ڈالر خرچ کئے جاچکے ہیں، وزیرِخزانہ

    واشنگٹن: وفاقی وزیرِ خزانہ اسحاق ڈار کا کہنا ہے کہ آپریشن ضربِ عضب پر اب تک چار سو پندرہ ملین ڈالر خرچ کئے جاچکے ہیں جبکہ آئی ڈی پیز کی مکمل بحالی کیلئے اسیّ ارب روپے درکار ہیں۔

    اپنے دورہ واشنگٹن کے اختتام پر وزیرِ خزانہ اسحاق ڈار نے ضربِ عضب آپریشن کی کامیابیوں کا ذکر کرتے ہوئے کہا کہ ان کاروائیوں پر اربوں روپے کے اخراجات آچکے ہیں۔

    وزیرِ خزانہ کے مطابق یمن کے حوالے سے فوج نہ بھیجنے کے فیصلے پر مشرق وسطی میں کام کرنے والے پاکستانیوں کو واپس نہیں بھیجا جارہا۔

    جوڈیشل کمیشن پر اسحاق ڈار کا کہنا تھا کہ تھیلے امریکہ میں بھی کھولیں جائیں تو مہروں کا مسئلہ یہاں بھی ہوگا، جوڈیشل کمیشن نے یہ دیکھنا ہے کہ کہیں سازش کے تحت انتخابات کو ہائی جیک تو نہیں کیا گیا۔

    اسحاق ڈار نے دعوی کیا کہ 2017 تک دس ہزار میگا واٹ بجلی سسٹم میں شامل کر لی جائے گی۔

    وزیرِ خزانہ کا کہنا تھا کہ وفاقی حکومت کا ٹارگٹ ہے کہ 2018 تک پاکستان کے فارن ریزرو 18.5 بلین ڈالرز تک حاصل کر لئے جائیں۔ انہوں نے چین کے ساتھ ہونے والے تاریخی اقتصادی معاہدوں کو بھی پاکستان کی ترقی کے لئے اہم قرار دیا۔

  • انیس سوننانوے میں فوجی عدالتوں کو کالعدم قرار دینے کی وجہ حالت امن تھی، اعتزاز احسن

    انیس سوننانوے میں فوجی عدالتوں کو کالعدم قرار دینے کی وجہ حالت امن تھی، اعتزاز احسن

    واشنگٹن : اپوزیشن رہنما چوہدری اعتزاز احسن کا کہنا تھا کہ انیس سوننانوے میں فوجی عدالتوں کو کالعدم قرار دینے کی وجہ حالت امن تھی لیکن اگر پاکستان آج کسی جنگ کی کیفیت میں ہے تو سپریم کورٹ ان عدالتوں کو کسی اور زاویے سے دیکھے گی۔

    واشنگٹن میں پاکستانی پارلیمانی وفد کی نمائندگی کیلئے آئے ہوئے اپوزیشن رہنما چوہدری اعتزاز احسن نے ورجینیا میں پاکستانی کمیونٹی سے طویل ملاقات کی اور قومی سیاست اور دیگر معاملات پر لوگوں کے جوابات دئیے۔

    معروف قانون دان کے مطابق بین الاقوامی قوانین کے تحت جنگی حالات میں فوجی عدالتیں لگائی جاسکتی ہیں، اعتزاز احسن کا کہنا ہے کہ جوڈیشل کمیشن اگر چاہے تو چند دنوں میں معاملہ نمٹایا جاسکتا ہے۔ تھیلے امیدواروں کے سامنے کھولے جائیں۔

      انھوں نے کہا کہ ایم کیو ایم کے قائد الطاف حسین کے عدالتی ٹرائل سے پاکستان کا کوئی تعلق نہیں۔

    اعتزاز احسن نے کہا کہ پاکستانی پارلیمانی وفد کی امریکی نمائندگان سے ملاقاتیں مفید رہیں، امریکیوں کو مشورہ دیا ہے کہ پاکستان کا دورہ کرتے وقت جی ایچ کیو اور وزیر اعظم ہاؤس کے ساتھ ساتھ پاکستانی پارلیمنٹیریئنز سے بھی ملاقاتیں ضروری ہیں۔