واشنگٹن: امریکی محکمہ خارجہ نے کہا ہے کہ پاکستان میں پھانسی کی سزا دینے کے فیصلے میں امریکہ کا کوئی کردار نہیں ۔
واشنگٹن میں نیوز بریفنگ سے خطاب کرتے ہوئے امریکی محکمہ خارجہ کی نائب ترجمان میری ہارف کا کہنا تھا کہ پھانسی کی سزاؤں پر عمل در آمد کا فیصلہ پاکستان کا ہے امریکہ کا اس سے کوئی تعلق نہیں، پاکستان اپنے فیصلوں میں خود مختار ہے۔
امریکی محکمہ خارجہ کی ترجمان کا کہنا تھا کہ امریکہ کو ذکی الرحمان لکھوی کی ضمانت پر تحفظات ہیں تاہم انہیں امید ہیں کہ پاکستان انصاف کے تقاضے پورے کرے گا۔
واشنگٹن : کرسمس کی آمد آمد ہے، امریکا کی خاتون اول نے وائٹ ہاؤس کو رنگ برنگے قمقموں اور کرسمس ٹری سے سجا دیا ہے۔
ماہ دسمبر کی آمد کے ساتھ ہی دنیا بھر میں کرسمس کی تیاریاں عروج پر پہنچ گئیں ہیں، امریکی خاتونِ اول مشعل اوباما نے وائٹ ہاؤس کی راہداریوں کو کرسمس ٹری اور کئی دوسرے لوازمات سے آراستہ کردیا ہے، خاتون اول نے وائٹ ہاؤس کی تزئین و آرائش کے لئے چھبیس کرسمس ٹری لگائےاور انکا نظارہ کرنے کے لئے دوستوں کو مدعو کرلیا ہے۔
واشگنٹن: امریکی صدر بارک اوباما نے ایشٹن کارٹر کو پینٹا گون کا نیا سربراہ نامزد کردیا ہے،جس کا اعلان وہ سینیٹ کی حتمی منظوری کے بعد کریں گے۔
ایشٹن کارٹر پینٹا گون میں اکتوبر دوہزار گیارہ سے نائب سیکریٹری دفاع کے فرائض انجام دے رہیں ، ریپلیکن سینٹرز کا کہنا ہے کہ بارک اوباما نے سابق وزیردفاع چک ہیگل کی جگہ ایشٹن کارٹرکو وزیردفاع نامزد کرنے کا اصولی فیصلہ کیا ہے ۔۔امریکی آئین کے تحت سیکریٹری دفاع کی تقرری سینیٹ کی منظوری سے مشروط ہے، غیرملکی خبررساں ادارے کے مطابق سینیٹ کی حتمی منظوری کے بعد امریکی صدر بارک اوباما ان کی تقرری کا حتمی اعلان براہ راست کریں گے ۔
واشنگٹن: امریکہ میں برفانی طوفان سے نظام زندگی معطل ہو کررہ گیا ہے جبکہ نیویارک میں مختلف حادثات میں دس جبکہ مجموعی طور
پر اکیس افرادجان کی بازی ہار گئے۔
امریکہ کی متعدد ریاستوں نے سفید چادر اوڑھ لی ہے شدید سردی اور برف باری کے باعث معمولاتِ زندگی بری طرح متاثرہیں۔ عوام گھروں میں محصور ہو کررہ گئے ہیں جبکہ دس کاؤنٹیز میں اسکولوں کو بند کرکے ایمرجنسی کا نفاذ کردیا گیا ہے۔
حکام کے مطابق سخت موسم کے باعث ریاست نیویارک سمیت دوسری ریاستوں میں مختلف حادثات میں اکیس افراد جان سے گئے ۔ محکمہ موسمیات کے مطابق برف باری کا سلسلہ مزید کئی روز تک جاری رہنے کا امکان ہے۔
واشنگٹن: آرمی چیف جنرل راحیل شریف کہتے ہیں آپریشن ضرب عضب کامیابی سےجاری ہے۔کسی بھی دہشت گرد گروپ کو معاف نہیں کیا جائے گا۔
واشنگٹن میں امریکن فاؤنڈیشن کی تقریب سےخطاب میں آرمی چیف جنرل راحیل شریف کا کہناتھا، دہشت گردوں کیخلاف آپریشن کا فیصلہ بہت پہلے کرلیا تھا۔۔کسی دہشت گردگروپ کومعاف نہیں کیاجائے گا، حقانی نیٹ ورک کیخلاف بھی آپریشن کیا جارہا ہے۔
ان کا کہناتھا نئی افغان حکومت کے قیام سے پاک افغان تعلقات میں بہتری کی امید ہے۔پاک امریکا تعلقات بہتری کی جانب گامزن ہیں، امریکی حکام سےملاقاتوں کےمثبت نتائج نکلیں گے۔پاکستان اورامریکہ آپس میں بہتر تعلقات چاہتے ہیں۔
اس سے قبل پاکستانی سفارتخانے میں عشائیے سے خطاب کرتے ہوئے جنرل راحیل شریف نے کہا کہ دہشت گردوں کے خلاف فیصلہ کن کارروائیاں صرف شمالی اورجنوبی وزیرستان تک محدود نہیں بلکہ پورے ملک میں جاری ہیں، جس سےخطے میں جلد امن بحال ہوگا، آرمی چیف نے دورہ امریکا میں امریکی حکام سے ملاقاتوں کو مثبت قرار دیا
واشنگٹن: آرمی چیف جنرل راحیل شریف واشنگٹن پہنچ گئے، جہاں آرمی چیف آج امریکی ہم منصب سے ملاقات کریں گے۔
امریکی محکمہ خارجہ کا کہنا ہے پاکستان سے طویل مدتی تعلقات کے خواہاں ہیں، آرمی چیف جنرل راحیل شریف آج اپنے ہم منصب سمیت اعلیٰ امریکی حکام سے ملاقاتیں کرینگے۔
امریکی محکمہ خارجہ کے مطابق جنرل راحیل شریف آج پینٹاگون میں امریکی چیئرمین جوائنٹ چیفس آف اسٹاف کمیٹی جنرل مارٹن ڈیمپسی، سنٹرل کمانڈ کے رہنماؤں اور محکمہ خارجہ کے حکام سے ملاقاتیں کرینگے، فریقین دفاع کے شعبے میں تعلقات کے فروغ اور افغانستان میں استحکام کو یقینی بنانے کیلئے تعاون سے متعلق اقدامات پر تبادلہ خیال کرینگے۔
امریکی حکام نے کہا ہے کہ جنرل راحیل شریف کو اپنے امریکی ہم منصب سے ملاقاتوں سے فوج کی سطح پر دو طرفہ تعاون کو فروغ دینے کا موقع ملے گا۔
اس سے قبل ترجمان امریکی محکمہ خارجہ نے پریس کانفرنس کے دوران میڈیا سے بات کرتے ہوئے کہا کہ امریکہ پاکستان سےطویل المدتی تعلقات کا خواہ ہے، ترجمان نے بتایا کہ جنرل راحیل شریف نے سینٹ کام میں گول میزکانفرنس میں شرکت کی، امریکی محکمہ خارجہ کا کہنا تھا کہ جنرل راحیل شریف کی آئندہ ملاقات جنرل مارٹن سے ہوگی۔
واشنگٹن : وزیرِ خزانہ اسحاق ڈار نے رواں سال دسمبر میں آئی ایم ایف کی طرف سے ایک ارب دس کروڑ ڈالر کی قسط ملنے کی امید ظاہر کی ہے۔
وزیرِ خزانہ نے واشنگٹن میں پریس کانفرس کرتے ہوئے کہا کہ عمران خان اور طاہر القادری کے دھرنوں کی وجہ سے اوپر تلے آئی ایم ایف کی دو قسطیں رک گئی تھیں، جس میں سے ایک قسط رواں سال کے آخر تک ملنے کی توقع ہے۔
اسحاق ڈار نے کہا کہ دیا میر اور بھاشا ڈیم کی تعمیر کیلئے امریکی سرمایہ کاروں نے دلچسپی کا اظہار کیا ہے۔
پاک بھارت صورتحال پر اسحاق ڈار کا کہنا تھا کہ بھارتی وزیرِاعظم کے حالیہ بیانات خطے کے امن کیلئے منفی اثرات رکھتے ہیں۔
امریکا میں پریس بریفنگ کے دوران سینیٹر اسحاق ڈار نے کہا کہ پاکستان خطے میں امن چاہتا ہے لیکن اگر ہندوستان نے جنگ مسلط کی تو پاک فوج بھرپور جواب دینے کی صلاحیت رکھتی ہے، خطے کی ترقی کے لیے تجارت کا فروغ ضروری ہے، پاکستان خطے میں قیام امن کا خواہش مند ہے ۔
ان کا کہنا تھا کہ دونوں ممالک کے درمیان جنگوں سے کسی کو فائدہ نہیں ہوگا، بھارتی حکومت سے سمجھدار ی کا مظاہرہ کرے۔ پاکستان جنگ کا جواب دینے کی صلاحیت رکھتا ہے۔
وزیرِ خزانہ نے کہا کہ پاکستان کی معاشی ترقی کی شرح چار اعشاریہ ایک فیصد جو کہ گزشتہ چھ سال کی بلند ترین سطح ہے۔
واشنگٹن :امریکی محکمہ خارجہ نے پاکستان کو بم پروف گاڑیاں اور اس کے پرزہ جات فروخت کرنے کی اجازت دے دی ہے۔
امریکی ڈیفنس سیکورٹی ایجنسی کے اعلامیے کے مطابق امریکا ،پاکستان کو بم حملوں سے بچاؤ کی ایک سو ساٹھ گاڑیا ں اوران کےپرزہ جات فروخت کریگا۔ پاکستان کو گاڑیاں اور دیگرسامان ایک سواٹھانوے ملین ڈالرمیں بیچا جائے گا۔
امریکی حکومت اس جنگی سازوسامان کےحوالےسے پاکستانی حکام کوخصوصی تربیت فراہم کرنےکیلئےاپنےماہرین کوپاکستان بھیجےگی۔
اعلامیہ کے مطابق پاکستان نےامریکا سے بم حملوں سے بچاؤ کی گاڑیاں اوردیگرسامان حاصل کرنےکی درخواست کی تھی۔
واشنگٹن : وائٹ ہاؤس کی عمارت میں مشتبہ شخص کی موجودگی کی نشاندہی پر سیکیورٹی کو ہائی الرٹ کرتے ہوئے وائٹ ہاؤس کا کچھ حصہ خالی کرالیا گیا ہے۔
غیر ملکی خبررساں ادارے کے مطابق وائٹ ہاوس کے سیکیورٹی اہلکاروں نے عمارت میں مشتبہ شخص کی موجودگی کی اطلاع پر متعلقہ حصے کو گھیرے میں لے لیا۔
سیکیورٹی خدشات کی بناء پر وائٹ ہاؤس کے عملے اور پریس بریفنگ کے لئے آئے ہوئے صحافیوں کو بھی باہر نکال لیا گیا ہے، تاہم کچھ دیر بعد مشتبہ حصے کو کلئیر قرارد یتے ہوئے عملے اور صحافیوں کو واپس بلالیا گیا۔
حکام کا کہنا ہے کہ واقعے کے وقت امریکی صدر بارک اوباما موجود نہیں تھے۔
غیرملکی خبرایجنسی کے مطابق ایک شخص نے وائٹ ہاؤس کا جنگلہ پھلانگ کر اندر گھسنےکی کوشش کی تو سیکورٹی الارم بج اٹھے اور مشتبہ شخص کو حراست میں لے لیا گیا۔
اس وقت باراک اوباما وائٹ ہاؤس میں موجود نہیں تھے،حراست میں لئے گئے شخص سے پوچھ گچھ شروع کر دی گئی ہے۔