واشنگٹن : امریکی محکمہ خارجہ نے کہا ہے کہ امریکہ پاکستان میں کسی بھی ایسے غیر آئینی اقدام کے خلاف ہے جس سے جمہوریت کی بساط لپیٹی جائے۔
محکمہ خارجہ میں پریس بریفنگ کے دوران صحافیوں کے سوال کا جواب دیتے ہوئے ترجمان میری ہارف کا کہنا تھا کہ امریکہ بارہا کہ چکا ہے کہ وہ اسلام آباد میں جاری دھرنوں کی صورتحال کا احتیاط سے جائزہ لے رہا ہے۔
میری ہارف کا کہنا تھا کہ امریکہ پاکستان کی سیاسی قوتوں کے درمیان معاملات بات چیت کے ذریعے حل کرنے کی حوصلہ افزائی کرتا ہے، انہوں نے بتایا کہ پاکستان میں امریکی سفیر پاکستانی حکام سے رابطے میں ہیں۔
