ARYNews.tv | Urdu – Har Lamha Bakhabar

Tag: Washington

  • کورونا میں مبتلا صدر ٹرمپ اچانک اسپتال سے باہر آگئے

    کورونا میں مبتلا صدر ٹرمپ اچانک اسپتال سے باہر آگئے

    واشنگٹن : کورونا وائرس میں مبتلا امریکی صدر ڈونلڈ ٹرمپ اچانک اسپتال سے باہر نکل آئے، اسپتال کے باہر موجود ہزاروں حامیوں نے انہیں دیکھ کر خوشگوار حیرت کا اظہار کیا۔

    امریکی صدر ڈونلڈ ٹرمپ نے گزشتہ روز اپنے چاہنے والوں کو سرپرائز دیا، کوویڈ 19 میں مبتلا ٹرمپ والٹرریڈ اسپتال میں زیر علاج ہیں جہاں ان سے اظہار یکجہتی کیلئے ہزاروں افراد اسپتال کے باہر موجود تھے۔

    صدر ٹرمپ بھی اپنے مداحوں کو دیکھ کر نہ رہ سکے اور اپنی پروٹوکول سیکیورٹی کے ہمراہ اچانک اسپتال سے باہر آگئے، انہوں نے اسپتال کے باہر موجود اپنے ہزاروں حامیوں کو سامنے آکر حیران کردیا۔

    ٹرمپ نے چلتی گاڑی سے اپنے مداحوں کو دیکھ کر ہاتھ ہلایا اور مسکرائے۔ اپنے لیڈر کو دیکھ کر ان کے مداح خوشگوار حیرت میں پڑ گئے اور جذباتی انداز میں پر جوش نعرے لگائے، بعد ازاں ٹرمپ اپنے حامیوں کو اپنی جھلک دکھا کر واپس والٹرریڈ اسپتال چلے گئے۔

    علاوہ ازیں امریکی صدر ڈونلڈ ٹرمپ کے معالج ڈاکٹر شان کونلی نے کہا ہے کہ صدر ٹرمپ کو ہو سکتا ہے کل ہی ہسپتال سے رخصت دے کر وائٹ ہاؤس منتقل کر دیا جائے جہاں وہ اپنی صحت کی مکمل بحالی تک کا وقت گزاریں گے۔

    پریس کانفرنس سے خطاب کرتے ہوئے ڈاکٹر کونلی کا کہنا تھا کہ گذشتہ روز صدر ٹرمپ کے خون میں آکسیجن کی سطح 93 فیصد سے نیچے گر گئی تھی اور انھیں سانس پھولنے کی شکایت پیدا ہوئی جس کے بعد انھیں ڈیکسامیتھازون دی گئی۔

  • ٹرمپ کی پریس کانفرنس کے دوران فائرنگ، امریکی صدر اچانک چلے گئے

    ٹرمپ کی پریس کانفرنس کے دوران فائرنگ، امریکی صدر اچانک چلے گئے

    واشنگٹن : امریکی صدر ڈونلڈ ٹرمپ کی پریس بریفنگ کے دوران وائٹ ہاؤس کے باہر فائرنگ ہوگئی جس کے بعد خفیہ سروسز سے متعلقہ گارڈز نے مسلح شخص کو گولی مار دی، ٹرمپ کو پریس کانفرنس چھوڑ کرجانا پڑا۔

    تفصیلات کے مطابق امریکی صدر ڈونلڈ ٹرمپ گزشتہ شام کورونا وائرس سے متعلق پریس بریفنگ دے رہے تھے۔ اس دوران وائٹ ہاؤس کے باہر زور دار فائرنگ کی آواز آئی، فائرنگ کی آواز سے خوف و ہراس پھیل گیا۔

    ٹرمپ کو امریکی سیکریٹ سروس کے ایک ایجنٹ نے ہنگامی طور پر وائٹ ​​ہاؤس کے بریفنگ روم سے باہر نکالا، صدرٹرمپ کو پریس روم سے واپس اوول آفس لے جایا گیا۔

    امریکی میڈیا رپورٹس کے مطابق صدر ٹرمپ نے دوبارہ پریس کانفرنس میں آ کر بتایا کہ خفیہ گارڈز نے وائٹ ہاؤس کے باہر ایک مسلح شخص کو گولی ماری ہے اور اسے زخمی حالت اسپتال لے جایا گیا ہے، سیکیورٹی اسٹاف نے کہا کہ حالات کنٹرول میں ہیں اس لیے واپس آگیا ہوں۔

    خبر رساں ایجنسی کے مطابق اس واقعے کے بعد وائٹ ہاؤس کو لاک ڈاؤن کر دیا گیا، یہ فائرنگ وائٹ ہاؤس سے صرف ایک بلاک فاصلے پر17 ویں اسٹریٹ اور پنسلوینیا ایونیو کے قریب کی گئی۔

    پولیس ابھی بھی اس مشتبہ شخص کا مقصد جانے کی کوشش کرہی ہے اور اس معاملے میں مزید تفصیلات فراہم کرنے کی کوشش جاری ہے، ملزم کو مقامی اسپتال منتقل کیا گیا ہے  لیکن اس کی حالت فوری طور پر معلوم نہیں ہوسکی۔

  • کورونا وائرس ویکسین اسی سال بن جائے گی، امریکہ کا دعویٰ

    کورونا وائرس ویکسین اسی سال بن جائے گی، امریکہ کا دعویٰ

    واشنگٹن : امریکہ میں وائٹ ہاؤس کورونا وائرس ٹاسک فورس کے رکن اور فوڈ اینڈ ڈرگ ایڈمنسٹریشن کے کمشنر اسٹیفن ہان نے کہا ہے کہ امریکہ رواں برس کے آخر یا اگلے سال کے شروع میں ویکسین بنا لے گا۔

    امریکی اخبار واشنگٹن پوسٹ کے مطابق اسٹیفن ہان نے جمعرات کو نجی ٹی وی کو انٹرویو دیتے ہوئے کہا کہ ایف ڈی اے نے چار مختلف ویکسینز کے لیے کلینیکل ٹرائلز کی اجازت دے دی ہے۔

    اسٹیفن ہان نے کہا کہ دو ویکسینز کے ٹرائلز جولائی میں شروع ہو جائیں گے، ہمارا ٹارگٹ ہے کہ اس سال کے آخر یا اگلے برس کے آغاز میں ویکسین بن جائے۔‘

    واضح رہے کہ امریکہ میں 27 لاکھ سے زائد افراد کورونا وائرس سے متاثر ہیں جبکہ ایک لاکھ 28 ہزار سے زیادہ لوگوں کی موت ہوئی ہے، انہوں نے کہا کہ ٹرائلز سے جو ڈیٹا حاصل ہوگا وہ اس کے بارے میں پرامید ہیں۔

    ان کا کہنا تھا کہ وبا شروع ہونے کے بعد کورونا کا علاج کرنے والی دوائیں جیسے ریمیڈیسویر، ڈیکسامیتھازون یا کورونا سے صحت یاب ہونے والے مریض کے خون سے حاصل کیا گیا پلازمہ مہیا نہیں تھا، لیکن اب یہ دوائیں مریضوں کے لیے فائدہ مند ثابت ہو رہی ہیں۔

    سٹیفن ہان نے لیڈرز سے اپیل کی وہ وائٹ ہاؤس کورونا وائرس ٹاسک فورس کی طرف سے ہاتھ دھونے، ماسک پہننے اور سماجی فاصلہ قائم کرنے جیسی ہدایات پر عمل کریں۔

    دوسری طرف دنیا بھر میں کورونا وائرس سے متاثرہ افراد کی تعداد ایک کروڑ سات لاکھ سے تجاوز کر گئی ہے جبکہ اب تک اس مرض کے باعث پانچ لاکھ 17 ہزار سے زائد افراد ہلاک ہو چکے ہیں۔

    دنیا بھر میں وبا سے لوگ صحتیاب بھی ہو رہے ہیں اور اب تک تقریباً پچاس فیصد یعنی 55 لاکھ سے زیادہ لوگ شفایاب بھی ہوئے ہیں۔
    امریکی یونیورسٹی جان ہاپکنز کے مطابق امریکہ کے بعد وائرس سے سب سے زیادہ متاثر ممالک میں برازیل کا نمبر ہے جہاں اب تک 14 لاکھ 48 ہزار افراد میں وائرس کی تشخیص ہوئی ہے۔ برازیل میں کورونا سے اموات کی تعداد 60 ہزار 632 ہے۔

    تیسرے نمبر پر روس ہے جو وبا سے بری طرح متاثر ہوا ہے جہاں چھ لاکھ 60 ہزار سے زائد افراد میں وائرس پایا گیا ہے،کیسز کی تعداد کے لحاظ سے متاثرہ ممالک میں انڈیا چوتھے نمبر پر ہے جہاں اب تک چھ لاکھ سے زیادہ متاثرین ہیں اور 17 ہزار سے زائد ہلاکتیں ہوئی ہیں۔

    اموات کے لحاظ سے دیکھا جائے تو امریکہ اور برازیل کے بعد برطانیہ تیسرے نمبر پر ہے جہاں اب تک 43 ہزار 991 افراد ہلاک ہوچکے ہیں، برطانیہ میں اب تک کورونا کے تین لاکھ 14 ہزار 991 کیسز سامنے آئے ہیں۔

  • امریکہ میں کورونا سے متاثرہ افراد کی تعداد 10 لاکھ سے تجاوز،58 ہزار سے زائد ہلاک

    امریکہ میں کورونا سے متاثرہ افراد کی تعداد 10 لاکھ سے تجاوز،58 ہزار سے زائد ہلاک

    واشنگٹن : عالمی وبا کورونا وائرس سے شدید متاثر ملک امریکہ میں متاثرین کی تعداد 10 لاکھ سے تجاوز کر گئی ہے، امریکہ میں یہ وبا خوفناک شکل اختیار کر چکی ہے اور اس وبا سے اب تک 58 ہزار سے زائد افراد ہلاک ہو چکے ہیں۔

     گزشتہ چوبیس گھنٹوں کے دوران امریکا میں 2400 اموات ہوئیں، جس سے امریکا میں کرونا ہلاکتوں کی تعداد 59,266 ہو گئی ہے، جب کہ 10 لاکھ 35 ہزار سے زائد افراد وائرس کا شکار ہو چکے ہیں، امریکا میں گزشتہ چوبیس گھنٹوں کے دوران مزید 30 ہزار کیسز سامنے آئے

    جان ہاپکنز یونیورسٹی کے سائنس اور انجینئرنگ سینٹر (سی ایس ایس سی ) کی جانب سے جاری کئے گئے تازہ اعداد و شمار کے مطابق امریکہ میں کورونا وائرس سے ہلاک ہونے والوں کی تعداد 58 ہزار سے بڑھ کر 59,266 پہنچ گئی ہے جبکہ متاثرین کی تعداد 10 لاکھ سے بڑھ کر 1035399 ہو گئی ہے۔

    رپورٹ کے مطابق امریکہ میں ایک لاکھ سے ز ائد افراد کورونا سے صحت یاب بھی ہوئے ہیں۔ امریکہ کی ریاست نيويارک اور نیوجرسی کورونا سے بری طرح متاثر ہے۔ صرف نيويارک میں کورونا کے تقریباَ تین لاکھ کیسز کی تصدیق ہو چکی ہے جبکہ 22 ہزار سے زیادہ افراد ہلاک ہو چکے ہیں۔

    نیوجرسی میں اب تک کورونا کے ایک لاکھ سے زائد کیسز سامنے آئے ہیں جبکہ چھ ہزار سے زائد افراد اس وبا ہلاک ہو چکے ہیں سی ایس ایس ای کے مطابق میسا چوسٹس، ایلی نوائے ، کیلی فورنیا اور پنسلوانیا ایسے صوبے ہیں جہاں اب تک كووڈ -19 کے 40 ہزار سے زائد کیسز سامنے آ چکے ہیں۔

    مزید پڑھیں: ٹرمپ نے امریکا میں کرونا کیسز زیادہ ہونے کی وجہ بتا دی

    واضح رہے کہ کرونا وائرس سے دنیا بھر میں 3,138,413 افراد متاثر اور 217,985 افراد ہلاک ہو چکے ہیں جب کہ 955,824 افراد وائرس سے صحت یاب ہوئے ہیں، گزشتہ چار مہینوں سے وائرس کا پھیلاؤ تیزی سے جاری ہے اور 210 ممالک اور مختلف علاقے اس کی لپیٹ میں آ چکے ہیں۔

  • نیویارک کے بعد واشنگٹن کورونا کا گڑھ بن سکتاہے، امریکی ماہرین

    نیویارک کے بعد واشنگٹن کورونا کا گڑھ بن سکتاہے، امریکی ماہرین

    واشنگٹن : امریکی ماہرین نے انکشاف کیا ہے کہ نیویارک کے بعدواشنگٹن کوروناکاگڑھ بن سکتاہے، واشنگٹن کےرہائشی احتیاطی تدابیر،سماجی دوری پرعمل نہیں کررہے۔

    تفصیلات کے مطابق امریکی دارالحکومت میں بھی کوروناوائرس نےخطرےکی گھنٹی بجادی ، امریکی ماہرین نے انکشاف کیا ہے کہ نیویارک کے بعدواشنگٹن کوروناکاگڑھ بن سکتاہے، امریکی دارالحکومت کوروناکادوسرابڑانشانہ بننےوالاہے۔

    ماہرین کا کہنا ہے کہ آنےوالےمہینوں میں واشنگٹن میں کورونابدترین شکل اختیارکرسکتا، واشنگٹن کےرہائشی احتیاطی تدابیر،سماجی دوری پرعمل نہیں کررہے۔

    دوسری جانب میئرواشنگٹن میریل بائوزر نے کہا ہے کہ واشنگٹن کی صورتحال پرسخت تشویش ہے، آنےوالےمہینوں میں واشنگٹن میں کوروناوائرس عروج پرہوگا، احتیاطی تدابیرپرعمل نہ کرنےوالوں کوسزائیں دی جائیں گی۔

    امریکی میڈیا کے مطابق واشنگٹن کی میئرسخت قانون متعارف کراسکتی ہیں، بلاضرورت گھرسےنکلنےوالوں کو90دن قیدکی سزاکاقانون زیرغور ہے جبکہ بلاضرورت گھرسےباہرنکلنےوالوں کوقیدکےساتھ5ہزارڈالرزجرمانےپربھی غور کیا جا رہا ہے۔

    کورونا وائرس کے پیش نظر میئرنےواشنگٹن میں کرفیوعائدکرنےپربھی غورشروع کردیا ہے۔

  • عالمی منڈی میں خام تیل کی قیمت میں 26 فیصد تک ریکارڈ کمی

    عالمی منڈی میں خام تیل کی قیمت میں 26 فیصد تک ریکارڈ کمی

    واشنگٹن : عالمی منڈی میں خام تیل کی قیمت29سال کی کم ترین سطح پر آگئی، امریکی خام تیل کی قیمت30 فیصد کمی کے بعد 29 ڈالر88 سینٹ فی بیرل پر آگئی۔

    تفصیلات کے مطابق عالمی منڈی میں تیل کی قیمتیں 30 سال کی کم ترین سطح  پر آگئیں، عالمی منڈی میں 27 فیصد تک ریکارڈ کمی ہوئی، دنیا بھر کی اسٹاک مارکیٹیں بیٹھ گئیں۔

    عالمی منڈی میں خام تیل کی قیمتیں 1991 کی خلیجی جنگ کے بعد 29 سال کی کم ترین سطح پر آگئیں، امریکی خام تیل کی قیمت میں11 ڈالر 374 سینٹس کی کمی ہوئی جس کے بعد امریکی خام تیل کی قیمت 31فیصد کمی کے بعد 29 ڈالر 88 سینٹ فی بیرل پر آگئی۔

    اس کے علاوہ برینٹ خام تیل کی قیمت میں26اعشاریہ89 فیصد کی کمی سامنے آئی ہے، قیمت میں12ڈالر 15سینٹس کی کمی کے بعد برینٹ خام تیل کی قیمت 33ڈالر 3 سینٹس فی بیرل ہوگئی۔

  • 50 سال قبل جنگل میں پڑی لاش کس کی تھی؟

    50 سال قبل جنگل میں پڑی لاش کس کی تھی؟

    امریکی دارالحکومت واشنگٹن سے تعلق رکھنے والی ایک خاتون کو اچانک 5 دہائیوں بعد یاد آیا کہ انہوں نے اپنے بچپن میں جنگل میں ایک چھوٹی بچی کی لاش دیکھی تھی۔

    الزبتھ بریو مین نامی ان خاتون نے پولیس سے رابطہ کیا ہے اور انہیں بتایا ہے کہ انہوں نے تقریباً 5 دہائی قبل جنگل میں ایک بچی کو دیکھا تھا اور اب انہیں احساس ہوتا ہے کہ وہ مردہ حالت میں تھی۔

    الزبتھ نے مذکورہ مقام اسٹونی پوائنٹ پر اپنا بچپن گزارا تھا، اب وہ مین ہٹن میں رہتی ہیں لیکن کبھی کبھار گرمیوں میں اپنے پرانے گھر واپس آتی ہیں۔

    انہوں نے پولیس کو بتایا کہ وہ اس وقت اپنے گھر کے قریب جنگل میں چہل قدمی کر رہی تھیں جب انہوں نے پتوں میں آدھی چھپی ایک بچی کو وہاں لیٹے ہوئے دیکھا۔

    الزبتھ کا کہنا ہے کہ انہیں اس وقت بھی احساس تھا کہ انہوں نے کچھ غلط دیکھا ہے اور وہ کافی عرصے تک شعوری طور پر اس منظر کو اپنے ذہن سے نکالنے کی کوشش کرتی رہیں۔

    تاہم 90 کی دہائی میں انہوں نے ایک خاندان سے رابطہ کرنے کی کوشش کی۔ اس خاندان کی ایک بچی جون مردہ حالت میں جنگل سے برآمد ہوئی تھی اور یہ سنہ 1973 کی بات ہے۔

    جیسا کہ بعد میں الزبتھ کو علم ہوا، وہ بچی ایسٹر کے موقع پر اپنے پڑوسی کے گھر کوکیز کا تحفہ لے کر گئی تھی لیکن پھر وہاں سے واپس نہیں آئی، 3دن بعد اس کی لاش جنگل سے برآمد ہوئی۔

    بچی کی ماں کے مطابق مذکورہ پڑوسی ایک ہائی اسکول میں ٹیچر تھا لہٰذا انہیں اس کے گھر اپنی بچی کو بھیجتے ہوئے کسی قسم کی ہچکچاہٹ نہیں ہوئی، تاہم بعد ازاں وہی پڑوسی بچی کے قتل میں ملوث نکلا۔

    اس نے بچی کو قتل کرنے سے قبل اس کے ساتھ زیادتی بھی کی اور بعد ازاں خوف کی وجہ سے بچی کو قتل کردیا۔

    گو کہ الزبتھ کو لگتا ہے کہ انہوں نے جس بچی کی لاش دیکھی تھی وہ جون ہی تھی، تاہم بچی کی ماں اسے ماننے سے انکاری ہے۔

    الزبتھ حتمی طور پر یاد کرنے سے قاصر ہے کہ اس نے کس سنہ میں وہ لاش دیکھی تھی، تاہم اسے یقین ہے کہ وہ 70 کی دہائی کا اوائل تھا۔ دوسری جانب جون کی ماں کا کہنا ہے کہ الزبتھ نے کسی اور بچی کی لاش دیکھی ان کی اپنی بچی کا قتل اس کے کچھ عرصے بعد ہوا۔

    پولیس نے الزبتھ کی رپورٹ کو سنجیدگی سے لیتے ہوئے پرانی فائلیں کھنگالنی شروع کردی ہیں۔

  • ’سب اچھا ہے‘ صدر ٹرمپ کا ایرانی حملوں کے بعد عجیب بیان

    ’سب اچھا ہے‘ صدر ٹرمپ کا ایرانی حملوں کے بعد عجیب بیان

    واشنگٹن: امریکی صدر ڈونلڈ ٹرمپ نے ایرانی حملوں کے بعد سب اچھا قرار دے دیا ہے۔

    تفصیلات کے مطابق عراق کے شہر بغداد میں دو امریکی فوجی اڈوں پر ایرانی میزائلوں کے حملوں کے بعد امریکی صدر نے ردِ عمل ظاہر کرتے ہوئے کہا ہے کہ اب تک سب ٹھیک ہے۔

    ٹرمپ نے ٹویٹ کرتے ہوئے لکھا کہ ایران سے عراق میں موجود 2 فوجی اڈوں پر میزائل داغے گئے ہیں، حملوں کے نتیجے میں ہونے والے جانی اور انفرااسٹرکچر نقصانات کا تخمینہ لگایا جا رہا ہے، فی الحال سب اچھا ہے۔

    تازہ ترین:  ایران نے امریکا پر جوابی وار کر دیا، فوجی اڈوں پر دو بڑے حملے، پینٹاگون کی تصدیق

    امریکی صدر ٹرمپ نے ایرانی میزائل حملوں پر کل بیان دینے کا اعلان کرتے ہوئے کہا کہ ہمارے پاس دنیا کی سب سے زیادہ طاقت ور اور جدید فوج ہے۔

    خیال رہے کہ جنرل سلیمانی کے قتل پر ایران نے امریکا پر جوابی وار کر دیا ہے، گزشتہ رات عراق میں موجود دو فوجی اڈوں پر بیلسٹک میزائلوں سے دو بڑے حملے کیے گئے ہیں، ایرانی پاسداران انقلاب نے جاری بیان میں کہا کہ انھوں نے درجنوں میزائلوں سے امریکی اڈے کو نشانہ بنایا، اڈوں پر زمین سے زمین پر مار کرنے والے میزائل داغے گئے، امریکا کے خلاف انتقامی کارروائیوں کا آغاز ہو چکا۔

    غیر ملکی خبر ایجنسی کا کہنا ہے کہ مغربی عراق میں عین الاسد میں واقع فوجی اڈے پر 9 راکٹ گرے، پینٹاگون نے تصدیق کی ہے کہ عراق میں 2 فوجی اڈے ایرانی حملوں کا نشانہ بنے، امریکی، اتحادی افواج پر درجن سے زائد بیلسٹک میزائل فائر کیے گئے، ایرانی میزائلوں کا ہدف الاسد اور اربیل میں واقع فوجی اڈے تھے، حملوں میں نقصانات کا ابتدائی تخمینہ لگا رہے ہیں، امریکیوں اور اتحادیوں کے تحفظ کے لیے تمام ضروری اقدامات اٹھائیں گے۔

    ایرانی ٹی وی نے خبر دی ہے کہ ایران نے عراق میں امریکی اہداف پر ایک کے بعد دوسرا حملہ کیا، بغداد کے شمال میں واقع التاجی امریکی فوجی اڈے پر 5 راکٹ گرے۔ خیال رہے کہ عین الاسد ایئر بیس عراق میں امریکا کا سب سے بڑا فوجی اڈا ہے۔

    پاسداران انقلاب نے بیان میں تنبیہہ کی ہے کہ امریکا خطے سے اپنی افواج نکالے، ورنہ اسرائیل اور امریکی اتحادیوں کو بھی نشانہ بنائیں گے، امریکی اتحادی ممالک سے حملہ ہوا تو بھرپور جواب دیں گے، آیندہ کسی امریکی حملے کی صورت میں مزید سخت جواب دیں گے۔

  • واشنگٹن میں فائرنگ، 1 شخص ہلاک، 5 زخمی

    واشنگٹن میں فائرنگ، 1 شخص ہلاک، 5 زخمی

    واشنگٹن: امریکی دارالحکومت واشنگٹن میں فائرنگ سے ایک شخص ہلاک جبکہ 5 افراد زخمی ہوگئے، پولیس نے فائرنگ کرنے والے شخص کو گرفتار کرلیا۔

    تفصیلات کے مطابق واشنگٹن کے شمال مغربی علاقے میں فائرنگ کے نتیجے میں ایک شخص ہلاک جبکہ 5 افراد زخمی ہوگئے۔ فائرنگ کے واقعے کے بعد فوری طور پر پولیس کی بھاری نفری پہنچ گئی اورعلاقے کو گھیرے میں لے لیا۔

    پولیس کے مطابق فائرنگ کے واقعے میں زخمی ہونے والے افراد کو اسپتال منتقل کردیا گیا ہے جہاں انہیں طبی امداد دی جا رہی ہے۔

    میڈیا رپورٹس کے مطابق فائرنگ کا یہ واقعہ کولمبیا ہائٹس کے قریب پیش آیا جو وائٹ ہاؤس سے 2 سے 3 کلو میٹر کے فاصلے پر ہے۔

    امریکا میں فائرنگ کا واقعہ، مرنے والوں کی تعداد 7 ہوگئی

    اس سے قبل رواں ماہ امریکی ریاست ٹیکساس میں فائرنگ کے واقعے میں 7 افراد ہلاک جبکہ سترہ ماہ کی بچی سمیت بائیس افراد زخمی ہوگئے تھے

    امریکی ریاست ٹیکساس میں فائرنگ،5 افراد ہلاک

    یاد رہے کہ رواں ماہ یکم ستمبر کو امریکی ریاست ٹیکساس میں فائرنگ سے پانچ افراد ہلاک جبکہ 3 پولیس اہلکاروں سمیت 21 افراد زخمی ہوگئے تھے، فائرنگ کے تبادلے میں حملہ آور مارا گیا تھا۔

    ڈونلڈ ٹرمپ نے واقعے پر گہری تشویش کا اظہار کرتے ہوئے کہا تھا کہ قانون نافذ کرنے والے ادارے اپنا کام کررہے ہیں۔

    واضح رہے کہ 4 اگست کو امریکی ریاست ٹیکساس کے شہر ایل پاسو کے سیلو وسٹا شاپنگ مال میں فائرنگ کے نتیجے میں 22 افراد ہلاک جبکہ 40 زخمی ہوگئے تھے پولیس نے فائرنگ میں ملوث ایک سفید فام لڑکے پیٹرک کو گرفتار کیا تھا۔

  • پاکستان اور بھارت کے وزرائے اعظم سے ملاقات جلد ہوگی، ڈونلڈ ٹرمپ

    پاکستان اور بھارت کے وزرائے اعظم سے ملاقات جلد ہوگی، ڈونلڈ ٹرمپ

    واشنگٹن : امریکی صدر ڈونلڈ ٹرمپ نے کہا ہے کہ پاکستان اور بھارت کے درمیان تعلقات میں کافی پیشرفت ہوئی ہے اور میں خود جلد دونوں ممالک کے وزرائے اعظم سے ملاقات کروں گا۔

    بین الااقوامی خبر رساں ادارے کے مطابق صحافیوں سے گفتگو کرتے ہوئے امریکی صدر ڈونلڈ ٹرمپ نے کہا کہ رواں ماہ پاکستان اور بھارت کے وزرائے اعظم سے ملاقات ہو گی اور میرا خیال ہے دونوں ممالک کے درمیان تعلقات میں کافی پیشرفت بھی ہوئی ہے۔

    امریکی صدر ٹرمپ کی پاکستان اور بھارت کے وزرائے اعظم سے ملاقات کے حوالے سے واشنگٹن ہاؤس سے تفصیلات بیان نہیں کی گئیں تاہم بھارتی وزیراعظم نریندر مودی سے ملاقات22 ستمبر کو ہوسٹن اور وزیراعظم عمران خان نے اقوام متحدہ کے اجلاس میں نیویارک میں ملاقات متوقع ہے۔

    واضح رہے کہ صدر ٹرمپ ایک سے زائد بار مسئلہ کشمیر سمیت تمام مسئلوں کے حل کے لیے ثالثی کا کردار ادا کرنے کی پیشکش کی تھی لیکن اس پر پیشرفت نہیں ہوسکی تھی تاہم پاکستان کی مسلسل سفارتی کوششوں کے باعث مسئلہ کشمیر عالمی قوتوں میں تاحال زیر بحث ہے جس کا ایک مظہر امریکی صدر موجودہ بیان ہے۔

    مزید پڑھیں: امریکی صدر ٹرمپ کی مسئلہ کشمیر پر چوتھی بار ثالثی کی پیشکش

    واضح رہے کہ امریکی صدر ڈونلڈ ٹرمپ نے مسئلہ کشمیر پر چوتھی بار ثالثی کی پیشکش کردی ہے اور کہا ہے کہ پاکستان اور بھارت کی قیادت سے جلد بات کریں گے، بات چیت میں مسئلہ کشمیر پر پیشرفت ہوگی۔