Tag: watan wapis

کراچی: قومی ٹیم سڈنی سے دبئی پہنچ گئی آج رات سے کھلاڑیوں کی وطن واپسی کا سفر شروع ہو گیا، پی سی بی نے کھلاڑیوں کی حفاظت کیلئے لاہور پولیس سے مدد مانگ لی۔

 کراچی پہنچنے والے کھلاڑیوں میں کرکٹر شاہد آفریدی،سرفراز احمد اوسہیل خان شامل ہیں، کھلاڑی ائیرپورٹ پر پرستاروں سے مل کر گھر کے لئے روانہ ہوگئے۔

اس موقع پر شاہد آفریدی نے ایئرپورٹ پر شائقین کرکٹ سے معذرت بھی کی، انہوں نے کہا کہ وہ ناقص کارکردگی پر قوم سے شرمندہ ہیں ۔

اس سے پہلے قومی کرکٹ ٹیم طویل سفر طے کرنے کے بعد سڈنی سے دئبی پہنچی تھی، دیگر کھلاڑیوں اور آفیشلز کا پیر کو وطن واپس پہنچنے کا امکان ہے۔

پی سی بی نے کھلاڑیوں کے خلاف کسی ممکنہ ردعمل سے بچنے کے لئے ڈی آئی جی آپریشنز لاہور سے رابطہ کرکے سیکیورٹی کا مطالبہ کیا تھا۔

ڈی آئی جی آپریشنز نے یقین دہانی کرائی تھی کہ ٹیم کو فول پروف سیکیورٹی فراہم کی جائے گی۔

ایئرپورٹ کے اندر اے ایس ایف جبکہ ائیرپورٹ کے باہر پولیس کمانڈو موجودہونگے، کھلاڑیوں کے اہلخانہ کو ائیرپورٹ آنے سے منع کردیا گیا تھا۔

دوسری جانب قومی ٹیم کےوکٹ کیپر بیٹسمین سرفراز احمد کا گھرپہنچنے پر والہانہ استقبال کیا گیا، جہاں شائقین کرکٹ اوراہل محلہ نے ان پر پھولوں کی پتیاں نچھاورکیں۔ سرفرازاحمدنےگھرکی بالکونی میں آکرشائقین کاشکریہ اداکیا۔

سڈنی : ورلڈ کپ کے کوارٹر میں شکست کے بعد قومی ٹیم سڈنی سے پاکستان کیلئے روانہ ہوگئی ، آج رات سے کھلاڑیوں کی وطن واپسی کا سفر شروع ہوجائے گا۔

تفصیلات کے مطابق پاکستانی ٹیم کیلئے ورلڈ کپ تلخ یادوں کے بعد ختم ہوگیا،کوارٹرفائنل ہار کر شاہینوں کا ورلڈ کپ میں سفر تمام ہوا۔

قومی ٹیم نے ابتدائی دو میچز ہارنے کے بعد شاندار کم بیک کیا، زمبابوے، یو اےای ، جنوبی افریقہ اور آئرلینڈ کو شکست دیکر ناک آؤٹ مرحلے میں پہنچی، لیکن قمست نے ساتھ نہ دیا اور ٹیم ٹورنامنٹ سے ناک آؤٹ ہوگئی۔

ورلڈ کپ میں سفر ختم ہونے کے بعد قومی ٹیم سڈنی میں ایک روز آرام کے بعد وطن واپسی کیلئے روانہ ہوگئی ، کھلاڑی ٹولیوں کی شکل میں براستہ دبئی کراچی اور لاہور پہنچیں گے۔

پہلے مرحلے میں آفریدی، سرفراز احمد ، سہیل خان رات نو بجے فلائٹ نمبر ای کے چھ سو دو کے ذریعےکراچی پہنچیں گے، جبکہ دوسرا گروپ پیر کی صبح لاہور اترے گا، یونس خان کچھ روز قیام کے بعد پاکستان آئیں گے۔