Tag: WATCH

امریکا کی ریاست کولاراڈو میں سنو بورڈر برفانی تودے کی زد میں آگیا جس کی ویڈیو سوشل میڈیا پر وائرل ہورہی ہے۔

سنوبورڈنگ ہو یا پہاڑی کے نیچے ڈھلوان سے اسکیٹنگ کرنا ہو، کھلاڑی اور نوجوان اس سے لطف اندوز ہوتے ہیں لیکن جب طوفانی ہوائیں چل رہی ہوں تو یہ عمل خطرناک بھی ثابت ہوسکتا ہے۔

برف باری کے دوران قرب و جوار میں رہائش پذیر افراد کو خبردار کرنے کے لیے الرٹ بھی جاری کیا جاتا ہے کہ برف خطرناک بھی ثابت ہوسکتی ہے۔اس موسم میں سنو بورڈرز اور اسکیئرز پہاڑی چوٹیوں سے لطف اندوز ہونے کے لیے اپنی باری کا انتظار کرتے دکھائی دیتے ہیں۔

تاہم یہ لمحہ چند سیکنڈوں میں ہی ڈراؤنے خواب میں تبدیل ہوگیا جس کی ویڈیو سوشل میڈیا کے مختلف پلیٹ فارمز پر وائرل ہورہی ہے۔

ویڈیو میں سنو بورڈر کو دیکھا جاسکتا ہے جو پہاڑی سے نیچے آتے ہوئے برفانی تودے میں پھنس گیا لیکن قسمت اچھی تھی کہ اس کی زندگی بچ گئی اور وہ وہاں سے نکلنے میں کامیاب ہوگیا۔

وائرل ویڈیو میں ایک شخص کو اطمینان سے سنو بورڈ پر پہاڑی کی چوٹی سے نیچے آتے دیکھا جاسکتا ہے وہ اپنے کیمرے میں اس دلکش منظر کو ریکارڈ بھی کرتا ہے اسی اثنا میں بورڈ کی گرفت کمزور ہونے لگتی ہے۔‘

مذکورہ شخص کی شناخٹ بلیک نیلسن کے نام سے ہوئی ہے جو سالٹ لیک سٹی کے قریب بگ کاٹن ووڈ کینین میں سنو بورڈنگ کررہا تھا کہ برفانی تودے نے اسے لپیٹ میں لے لیا، اسے اچانک احساس ہوا کہ وہ برفانی تودے میں کی زد میں آگیا ہے اور ارد گرد ایک ٹن برف موجود ہے۔

لیکن اس نے برفانی لہر کے رکنے تک سفر جاری رکھا اور تقریباً 300 فٹ تک جانے کے بعد وہ اپنی جان بچانے میں کامیاب ہوگیا۔

رپورٹ میں بتایا گیا کہ بلیک اپنے ساتھی ’لوگن‘ کے ساتھ بذریعہ ریڈیو رابطے میں تھا اور ہر لمحے کی اطلاع اسے دے رہا تھا۔

اوٹاہ اویلینس سینٹر کی رپورٹ کے مطابق بلیک نے اس تجربے کو بیان کرتے ہوئے کہا کہ ’اس دوران برف کی ایک سلیب میرے پاؤں پر لگی تھی تاہم سنو بورڈز کو اس دوران کوئی چوٹ نہیں آئی۔