کراچی: نجی پاور پلانٹس نے پندرہ ارب کی ادا ئیگی کے بعد حکومت کو جاری وارننگ لیٹرز منسوخ کر دئیے۔
نجی پاور کمپنیوں نے حکومت کو جاری کردہ نوٹسز عارضی طور پر معطل کرنے کا فیصلہ کیا ہے، فیصلہ وزارت پانی و بجلی کی جانب سے آئی پی پیز کو پندرہ ارب روپے کے واجبات کی ادائیگی اور آئندہ کیلئے ایک جامع حل تلاش کرنے کیلئے مذاکرات کے آغاز کے باعث یا گیا ہے آئی پی پیز ایڈوائزری کونسل کی جانب سے جمعرات کو جاری اعلامیہ کے مطابق آئی پی پیز حکومت پاکستان کو مسئلے کے حل کیلئے وقت دینا چاہتی ہیں تاکہ حکومت کو ڈیفالٹ نہ کرنا پڑے۔