Tag: water and electricity minister

پچھلے سال کی نسبت اس سال بجلی کی لوڈشیڈنگ کم ہوگی، خواجہ آصف

اسلام آباد: وفاقی وزیرِ پانی و بجلی خواجہ آصف نے کہا ہے کہ تیل کی عارضی قلت دو سے تین روز میں ختم ہوجائے گی۔

قومی اسمبلی کا اجلاس اسپیکر سردار ایاز صادق کی زیرِ صدارت شروع ہوا، اجلاس میں ارکان کے سوالات کا جواب دیتے ہوئے وزیر پانی و بجلی خواجہ آصف کا کہنا تھا کہ سالانہ بھل صفائی کے باعث بجلی کی لوڈشیڈنگ میں اضافہ ہوا، ان کا کہنا تھا کہ پچھلے سال کی نسبت اس سال بجلی کی لوڈ شیڈنگ کم ہوگی۔

اپوزیشن لیڈر خورشید شاہ نے مطالبہ کیا کہ گستاخانہ خاکوں کیخلاف قومی اسمبلی سے مذمتی قرارداد منظور کرائی جائے، سید خورشید شاہ کا کہنا تھا کہ یورپ میں توہین آمیز خاکوں کی اشاعت دہشت گردی کو فروغ دے رہی ہے۔

وفاقی وزیرِ ریلوے خواجہ سعد رفیق نےکہا کہ اسطرح کے مذموم خاکوں سے دہشت گردوں کو جواز ملتا ہے، اسلام دہشت گردی کا نہیں امن کا درس دیتا ہے۔۔۔۔ ان کا کہنا تھا کہ حضور کی شان میں گستاخی نہیں کی جاسکتی، حکومت اپوزیشن کی مشاورت سےمذموم خاکوں کیخلاف قرارداد لائے گی۔

اجلاس کے دوران ڈپٹی اسپیکر نے پی ٹی آئی کے مزید غیر حاضر ممبران کے نام ایوان کو بتا دیئے۔

ایم کیو ایم نے کارکنوں کے قتل کیخلاف اسمبلی سے واک آؤٹ کیا، اسپیکر قومی اسمبلی نے کہا کہ اجلاس سے واک آؤٹ اچھی روایت نہیں ہے۔

جنوری 15, 2015
وزیردفاع خواجہ آصف کی روسی ہم منصب سے ملاقات

اسلام آباد: پاکستان اور روس کے درمیان دفاعی شعبےمیں تعاون بڑھانےکےمعاہدےپر دستخط ہوگئے، وزیردفاع خواجہ آصف کہتے ہیں دونوں ممالک میں دفاعی معاہدہ تاریخی سنگ میل ہے۔

وفاقی وزیر دفاع خواجہ آصف نے کہا ہے روس اور پاکستان کے درمیان دفاعی معاہدہ تاریخی سنگ میل ہے۔ پاکستان اورروس مضبوط تعلقات، علاقائی امن اور استحکام میں مدد فراہم کرینگے، ان کا کہنا تھا پاکستان کے ساتھ تعلقات کےفروغ کے لئے روس کےاقدامات قابل تعریف ہیں۔

روسی وزیر دفاع جنرل سرگئی شوگئی جو ان دنوں اکتالیس رکنی وفد کے ہمراہ پاکستان کے دورے پر ہیں ، ان کا کہنا تھا دہشت گردی کے خلاف جنگ میں پاکستانی عوام اور افواج کی قربانیاں قابل تحسین ہیں۔

نومبر 20, 2014
حیدرآباد: وفاقی وزیر عابد شیر علی کی کھلی کچہری میں بد نظمی

حیدرآباد: حیدرآباد میں پانی و بجلی کے وزیر عابد شیر علی نے عوام کے مسائل سننے کے لئے کھلی کچہری لگائی مگر جب کچہری شروع ہو ئی تو شور اور بدنظمی کا شکار ہوگئی۔ وفاقی وزیر نے واپس جانے میں ہی عافیت جانی۔

تفصیلات کے مطابق حیدرآباد میں وفاقی وزیر عابد شیر علی نے عوامی مسائل کو سننے کیلئے کھلی کچہری لگائی تھی ۔ وفاقی وزیر آئے تو عوامی مسائل سننے کے لئے تھے تاہم عوام انہیں سننے کے لئے تیار نہیں تھی۔ بے بناہ بد نظمی کے باعث تنگ آکر عابد شیر علی کچہری سے جانے لگے تاہم کچھ خیال آیا اور واپس پنڈال میں آگئے۔

سائلین نے بجلی کے بلوں پر ایسی بھڑاس نکالی کہ وزیر کو کھری کھری سنا دیں۔ عابد شیر علی نے یقین دلایا، سمجھایا اور حکم نامے بھی جاری کئے تاہم سائلین نا مانوں کی رٹ لگاتے رہے۔

عابد شیر بجلی کو سائلین اضافی بلوں اور علاقائی نمائندوں کے ہاتھوں رشوت سے تنگی کی شکایت بھی سناتے رہے اور اس حوالے سے دی جانے والی تسلیوں پر وفاقی وزیر پر برستے بھی رہے۔ کھلی کچھری میں عابد شیر علی کی پریشانی کے ساتھ شوراور بدنظمی بھی عروج پر رہی جو کہ دیدنی تھی۔

اس موقع پر سائلین گو نواز گو کے نعرے بھی لگاتے رہے۔

نومبر 19, 2014
چین سےملنی والی رقم قرض نہیں براہ راست سرمایہ کاری تھی، خواجہ آصف

اسلام آباد: وزیر پانی و بجلی نے سیلاب سے نقصانات کے اعداد و شمار بتاتے ہوئے کہا کہ سیلاب سے کم بارشوں سے زیادہ نقصان ہوا،ایک سو اٹھائیس افراد جان کی بازی ہار گئے۔

پارلیمنٹ کے مشترکہ اجلاس کے دوران سیلاب کی صورت حال اور اس کے نتیجے میں ہونے والے نقصانات کی تفصیل بتاتے ہوئے وزیر پانی و بجلی خواجہ آصف کا کہنا تھا کہ سیلاب سے کم بارشوں سے زیادہ نقصان ہوا،128افراد لقمہ اجل بنے،2لاکھ70ہزار زخمی 1242گھروں کونقصان پہنچا،191سیلابی ریلے میں بہہ گئے ایک ہزار53گاؤں متاثر ہوئے،3لاکھ ایکڑ سے زائد فصلیں تباہ 217ریلیف کیمپس قائم کئے گئے ہیں 4لاکھ36ہزار کی آبادی متاثر ہوئی 2000لوگ ریلیف کیمپس میں موجود ہیں۔

خواجہ آصف نے مزید کہاہےکہ چین سےملنی والی رقم قرض نہیں براہ راست سرمایہ کاری تھی، چینی بینک نجی سرمایہ کاری پر کمرشل قرضے جاری کرےگا، انہوں نے کہا کہ بجلی کی پیداوار کیلئے چین کا کوئلہ استعمال نہیں ہو گا اور تھر میں دو منصوبے شروع کئے جائیں گے جس میں وہیں کا کوئلہ استعمال ہو گا تاہم پنجاب میں پراجیکٹ کیلئے کوئلہ درآمد کیا جائے گا،ان کا کہنا تھا کہ پنجاب میں شروع ہونے والے پراجیکٹ کیلئے شفاف طریقے سے کوئلہ درآمد کیا جائے گا ۔

ستمبر 9, 2014
حالیہ سیلاب تاریخ کا بدترین سیلاب ہے، خواجہ آصف

اسلام آباد: وزیرِ پانی و بجلی خواجہ آصف کاکہنا ہے کہ حالیہ سیلاب تاریخ کا بدترین سیلاب ہے، تریموں سے آج بڑا ریلا گزرے گا، بیراج بچانے کیلئے حفاظتی بندوں میں شگاف ڈال دیئے ہیں۔

پارلیمنٹ اجلاس میں سیلاب سے متعلق تفصیلات بتاتے ہوئے وزیر پانی و بجلی خواجہ آصف نے کہا ہے کہ قادرآباد سے 9لاکھ کیوسک پانی گزرا ہے جبکہ قادرآباد سے پانی گزرنے کی گنجائش 8لاکھ کیوسک ہے۔

خواجہ آصف نے بتایا کہ تریموں سے آج سیلاب کا بڑا ریلا گزرے گا، تریموں بیراج بچانے کیلئے کچھ بند توڑے گئے ہیں، بند توڑنے کے باعث 7لاکھ آبادی متاثر ہوئی ہے جبکہ پھنسے ہوئے لوگوں کو کشتیوں، ہیلی کاپٹرسے نکالاجارہا ہے۔

وزیرِپانی وبجلی خواجہ آصف نے کہا ہےکہ پاک فوج کے ہیلی کاپٹرز کی مدد سے لوگوں کو نکالا جارہاہے،12ستمبرکو 6سے 7لاکھ کیوسک پانی پنجند پہنچنے گا، 14ستمبرکوپانی مٹھن کوٹ سے ہوکرگڈو پہنچے گا، گڈوبیراج سے 8لاکھ کیوسک کا ریلا گزرے گا۔

خواجہ آصف نے بتایا کہ سیلاب سے کم جبکہ بارشوں سے زیادہ جانی نقصان ہوا، بارش اور سیلاب سے 128اموات ہوئی ہیں۔

وزیرِپانی وبجلی نے کہا ہے کہ سیلاب اور بارشوں سے 1242گھروں ،3لاکھ ایکڑفصلوں کو نقصان پہنچا، پانی کے راستوں پر تجاوزات قائم کرلی گئی ہیں، تجاوزات کے باعث پانی کاراستہ کم ہوگیا ہے۔

ستمبر 9, 2014
مذاکرات کے راستے بند ہوئے تو فوج کو سہولت کار کے طور پر لایا گیا،عابد شیر

ملتان : وزیر مملکت برائے پانی وبجلی عابد شیر علی نے کہا ہے کہ فوج پاکستان کے کان اور آنکھیں ہے، مذاکرات کے راستے بند ہوگئے تو فوج کو سہولت کار کے طور پر لایا گیا۔

مسلم لیگی رہنما رانا محمودالحسن کے گھر پر میڈیا سے بات چیت کرتے ہوئے عابد شیر علی نے کہا کہ مسلم لیگ ن کی حکومت آتے ہی سازشیں شروع ہوجاتی ہیں، انہوں نے کہا کہ چند ہزارلوگوں کو اسلام آباد میں بٹھا کر حکومت کے خلاف سازش کی جارہی ہے، میڈیا کو کنٹرول کرکے سازش پھیلائی جارہی ہے۔

وزیر مملکت نے کہا کہ عمران خان ہر موقع پر یوٹرن لے لیتے ہیں، صبح سے شام تک طوطا کہانی چلتی ہے۔

انہوں نے سوال کیا کہ دھرنا دینے والے پاکستان سے کیا چاہتے ہیں؟ انہوں نے فوج کو ملک کی آنکھیں اور کان قراردیتے ہوئے کہا کہ اگر فوج نے تعاون کیا تو کون سا جرم کیا؟ ہم نہیں چاہتے کہ فوج اور عوام آمنے سامنے ہوں۔

عابد شیر علی کا کہنا تھا کہ احتجاج کرنے والوں کو آزاد عدلیہ پر بھی اعتماد نہیں، ججوں کی مدت ملازمت ختم ہوجاتی ہے تو عمران خان یوٹرن لے لیتے ہیں، انہوں نے کہا کہ قبریں کھود کرخون خرابے کا پیغام دیا جارہا ہے۔

اگست 30, 2014
وزارت پانی و بجلی نے 2630 میگاواٹ بجلی پیداکرنے کے منصوبوں کی منظوری دیدی

مارچ 7, 2014