Tag: wazarat e kharja

لاہور: وزارت خارجہ سے بیرون ملک قید پاکستانیوں کی تفصیلات لاہور ہائیکورٹ نے طلب کر لیں۔تفصیلات کے مطابق لاہور ہائی کورٹ کے جسٹس سید منصور علی شاہ نے بیرون ملک قید پاکستانیوں کی رہائی کیلئے دائر درخواستوں کی سماعت کی۔

جسٹس سید منصور علی شاہ نے وزارت خارجہ سے بیرون ملک قید پاکستانیوں کی تفصیلات طلب کرتے ہوئے کہا کہ عدالت کو بتایا جائے کہ دنیا بھر کے مختلف ممالک  کی جیلوں میں قید پاکستانی کن جرائم میں سزائیں بھگت رہے ہیں؟

انہوں نے کہا کہ حکومت کی جانب سے مذکورہ قیدیوں کو کس حد تک قانونی معاونت فراہم کی جا رہی ہے؟ واضح رہے کہ  درخواست گزاروں نے عدالت کو بتایا تھا کہ بیرون ملک قید پاکستانی کسمپرسی کی حالت میں جیلوں میں سزائیں بھگت رہے ہیں اور ان کی اکثریت بے گناہ ہے۔