کراچی: عالمی سطح پرتیل کی قیمتوں میں نمایاں کمی کےبعدحکومت نےتیل مصنوعات چودہ روپےفی لیٹرتک سستی کرنےکا اُصولی فیصلہ کرلیا۔
عالمی منڈی میں مسلسل پانچ ماہ سے گرتی قیمتوں کے بعد اب حکومت نے پیٹرولیم مصنوعات کی قیمتوں میں قابل ذکرکمی کرنےکااشارہ دےدیا ہے، وزارت خزانہ کے ذرائع کے مطابق پیٹرولیم مصنوعات زیادہ سے زیادہ چودہ روپے فی لیٹر سستی کرنےکی سمری تیار کرلی گئی ہے، جس میں پیٹرل 9 روپے بیاسی پیسےفی لیٹر سستاکرنےکی تجویز ہے۔
ہائی اوکٹین کی قیمت میں چودہ روپے فی لیٹر کمی تجویزکی گئی ہے، اسی طرح ہائی اسپیڈ ڈیزل سات روپے17پیسےفی لیٹر سستا ہوسکتا ہے، مٹی کا تیل 7روپے 62 پیسے اور لائٹ ڈیزل 8 روپے 37 پیسےفی لیٹر سستا کرنےکی تجویز ہے۔
