Tag: wazeer

لندن: قائد ایم کیو ایم کی تقریر پر چیئرمین سینٹ رضا ربانی نے اسپیکر برٹش پارلیمنٹ کیساتھ معاملہ اُٹھادیا۔

رضاربانی نے لندن میں اسپیکر برٹش پارلیمنٹ لارڈ فاؤلر سے ملاقات کی جس میں رضا ربانی کا کہنا تھا کہ برطانوی سرزمین پاکستان کے خلاف استعمال نہ ہونے دی جائے، چیئرمین سینٹ نے پاکستان مخالف تقریر پر کارروائی کا مطالبہ بھی کیا۔

رضاربانی نےمقبوضہ کشمیرمیں بھارتی ریاستی دہشت گردی کوبھی موضوع بحث بنایا، چیئرمین سینٹ نے کہا کہ برطانیہ مقبوضہ کشمیر میں ہونے والی انسانی حقوق کی خلاف ورزی کا نوٹس لے اور اپنا کردار ادا کرے۔

اسپیکر برٹش پارلیمنٹ لارڈ فاؤلر نے یقین دلایا کہ برطانیہ کشمیر میں ہونے والے مظالم کیخلاف اپنا کردار ادا کرے گا، میاں رضا ربانی نے لارڈ فاؤلر کو پاکستان آنے کی دعوت بھی دی جسے اسپیکر برٹش پارلیمنٹ نے قبول کرلیا۔

اس سے قبل ایم کیوایم کے قائد کے معاملے پر برطانوی ہائی کمشنر تھامس ڈریو نے وفاقی وزیر داخلہ چوہدری نثار سے ملاقات کی، ملاقات میں چوہدری نثار نے الطاف حسین کے خلاف کارروائی کا مطالبہ کیا تھا۔

اسلام آباد : پیپلز پارٹی کے سینئیر رہنما اور چیئرمین سینیٹ رضا ربانی وزراء کی عدم حاضری پر برہم نظر آئے،انھوں نے وفاقی وزیر بجلی وپانی خواجہ آصف اور عابد شیرعلی کی سینیٹ میں غیر حاضری پر سخت تنبیہ کرتے ہوئےکہا کہ وزارت میں دو دو وزیر ہیں لیکن سینیٹ میں آنے کی ایک بھی وزیر زحمت نہیں کرتا۔

وزراپارلیمنٹ کونظراندازکررہےہیں۔ آخر وزرا ہیں کہاں؟رضا ربانی کا یہ بھی کہنا تھا کہ اگر آئندہ اجلاس میں وفاقی وزراء غیر حاضر رہےتو وہ اس سلسلے میں سخت رولنگ دینگے۔

پانی و بجلی کےوزیروں کی عدم حاضری پر چیئرمین سینیٹ رضاربانی نےوزیر مملکت برائے پارلیمانی امور شیخ آفتاب کی سخت سرزنش کرڈالی۔

سینیٹ کااجلاس مقرر وقت پر شروع ہواتو طاہر مشہدی،روبینہ خالداور دیگرسینیٹرزکےسوالات وزارت پانی وبجلی سےمتعلق تھے۔لیکن جواب دہ وزرا کی نشستیں خالی تھیں۔

چیئرمین سینیٹ کےاستفسارپرشیخ آفتاب نےبتایا کہ محترم وزیرمنصوبےکی افتتاحی تقریب میں گئےہوئےہیں سوالات مؤخرکردیئےجائیں۔جس پر چیئر مین سینیٹ بگڑ گئے اوربرہمی کااظہار کرتےہوئےکہا کہ پہلے بھی تین باروارننگ دے چکاہوں اگلی مرتبہ وزرا نہیں آئے تو سخت ہدایات جاری کردوں گا۔

اب دیکھنا یہ ہے کہ چیئرمین سینیٹ کی اس برہمی پر وزراء کان دھرتے ہیں یا ایک کان سے سن کر دوسرے کان سے نکال دیتے ہیں