Tag: wazir e azam

عمران خان 16 ستمبر کو مزار قائد پر حاضری دیں گے

کراچی: وزیر اعظم پاکستان عمران خان 16 ستمبر کو سرکاری دورے پر کراچی پہنچیں گے جہاں وہ قائد اعظم کے مزار پر حاضری دیں گے۔

ذرائع کے مطابق وزیر اعظم عمران خان 16 ستمبر کو کراچی دورے پر پہنچیں گے اور سب سے پہلے قائد اعظم کے مزار پر حاضری دے کر فاتحہ خوانی کریں گے۔

بعد ازاں وزیراعظم گورنر ہاؤس میں قیام امن سےمتعلق اجلاس کی سربراہی کریں گے جس میں کراچی آپریشن پر سے متعلق عمران خان کو بریفنگ دی جائے گی۔

ذرائع کا کہنا ہے کہ اجلاس میں گرین لائن بس منصوبے سمیت دیگر ترقیاتی منصوبوں پر بھی وزیراعظم کو بریفنگ دی جائے گی بعد ازاں عمران خان شیڈول کے مطابق شہر کی سیاسی جماعتوں کے وفود اور تاجروں نمائندوں سے بھی ملاقاتیں کریں گے۔

واضح رہے کہ وزارتِ عظمیٰ کا حلف اٹھانے کے بعد عمران خان کا یہ پہلا کراچی کا دورہ ہوگا، عام انتخابات سے قبل تحریک انصاف کے چیئرمین نے شہر قائد میں جلسے کیے اور حکومت ملنے کی صورت میں ترقیاتی منصوبے شروع کرنے کا عندیہ بھی دیا تھا۔

ستمبر 14, 2018
وزیر اعظم شاہد خاقان عباسی کا غزہ میں قتل وغارت کی شفاف تحقیقات کا مطالبہ

استنبول: وزیر اعظم شاہد خاقان عباسی نے عالمی طاقتوں سے مطالبہ کرتے ہوئے کہا ہے کہ غزہ میں قتل وغارت کی آزادانہ اور شفاف تحقیقات ہونی چاہیے، پاکستان ہمیشہ فلسطینی عوام کے ساتھ کھڑا ہے۔

ان خیالات کا اظہار انہوں نے ترکی کے شہر استنبول میں منعقد اسلامی تعاون کی تنظیم (او آئی سی) کے اجلاس میں خطاب کرتے ہوئے کیا، وزیر اعظم پاکستان کا کہنا تھا کہ پاکستان فلسطین کے عوام سے اظہار یکجہتی کرتا ہے۔

انہوں نے کہا کہ امریکی سفارت خانے کی بیت المقدس منتقلی اور اسرائیل کی جانب سے انسانی حقوق کی پامالی کی شدید مذمت کرتے ہیں، فلسطینیوں کے لیے مل کر اقوام متحدہ میں آواز اٹھانے کی ضرورت ہے تاکہ فلسطین میں جاری بربریت کا خاتمہ ہوسکے۔

استنبول : فلسطین کی تازہ صورتحال پر او آئی سی کا غیر معمولی اجلاس

شاہد خاقان عباسی کا کہنا تھا کہ او آئی سی کے پلیٹ فارم سے مضبوط موقف دینے کی ضرورت ہے، سلامتی کونسل مسئلہ فلسطین پر اپنی قراردادوں پر عمل کروائے، سلامتی کونسل عمل درآمد نہیں کرواسکتی تو جنرل اسمبلی میں حمایت حاصل کرنا ہوگی۔

ان کا مزید کہنا تھا کہ آزاد فلسطینی ریاست کے لیے پاکستان کی حمایت کا اعادہ کرتے ہیں جبکہ پاکستان میں جمعے کو یوم یکجہتی فلسطین کے طور پر منایا گیا، دوسری جانب مقبوضہ کشمیر کے عوام بھی 70 سال سے بھارتی جبر کا شکار ہیں۔

خیال رہے کہ غزہ کی موجودہ صورت حال پر غور کے لیے ترکی کی میزبانی میں او آئی سی کا غیر معمولی اجلاس جاری ہے، رجب طیب اردگان کی زیر صدارت استنبول میں ہونے والے اہم اجلاس میں اٹھارہ ممالک کے سربراہان سمیت اڑتالیس اسلامی ملکوں کے نمائندے شریک ہیں، پاکستان کی نمائندگی وزیراعظم شاہد خاقان عباسی کر رہے ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 19, 2018
عمران خان چوردروزاے سے وزیراعظم بننے کا خواب دیکھنا چھوڑ دیں، حمزہ شہباز

ملتان : مسلم لیگ نواز کے مرکزی رہنما اور وزیر اعلیٰ پنجاب کے صاحبزادے خمزہ شہباز نے کہا ہے کہ چیئرمین پی ٹی آئی عمران خان چوردروزاے سے وزیراعظم بننے کاخواب دیکھنا چھوڑ دیں۔

پختونخوا والے بھی دھرنا سیاست سے پریشان ہیں۔ ان خیالات کا اظہار انہوں نے ملتان میں این اے 162 کی انتخابی مہم کے دوران پریس کانفرنس سے خطاب کرتے ہوئے کیا۔

حمزہ شہباز کا کہنا تھا کہ عمران خان دوسروں پرالزامات کی سیاست کررہے ہیں جن کا ثبوت وہ سپریم کورٹ میں پیش نہیں کر پاتے۔

حمزہ شہباز نے کہا کہ پاکستان میں انتشار اور احتساب کے نام پر سیاست کو لوگوں نے مسترد کر دیا ہے، طاہر القادری تو ملک چھوڑ کر ہی چلے گئے۔

ان کا کہنا تھا کہ 2018 کے انتخابات مین پتا چل جائے گا کہ کس نے دھرنوں کی سیاست کی اور کس نے ملکی ترقی کیلئے کام کیا۔

وزیراعظم نواز شریف کے بھتیجے نے اپنے تایا جان کے تین مرتبہ وزیراعظم بننے کا فارمولا بتاتے ہوئے عمران خان کو مشورہ دیتے ہوئے کہا کہ پی ٹی آئی چیئرمین پہلےجیل جائیں، پھر جلا وطنی کاٹیں اس کے بعد عوام کی خدمت کریں۔

حمزہ شہباز نے کہا کہ دھرنا سیاست کرنے والوں کو پختونخوا والے ڈھونڈ رہے ہیں، دوہزار اٹھارہ میں عوام ان کا احتساب کردیں گے۔

حمزہ شہباز نے کپتان پرتنقید کرتے ہوئے کہا کہ عمران خان خود سے بھی مایوس ہو چکےہیں۔ وہ یہ سوچیں کہ ہربارتنہا کیوں رہ جاتے ہیں۔ انہوں نے تحریک انصاف کے چیئرمین کو ضد چھوڑنے کا مشورہ بھی دیا۔

ستمبر 18, 2016
تاریخ میں پہلی باروزیر اعظم اپوزیشن کو منا کر ایوان میں واپس لے آئے

اسلام آباد : قومی اسمبلی کے اجلاس میں وزیر داخلہ کی تقریر میں اپوزیشن کو کڑی تنقید کا نشانہ بنانے پر اپوزیشن اراکین ناراض ہوگئے اور ایوان سے واک آؤٹ کردیا۔ وزیراعظم ان کو منا کر لے آئے۔

تفصیلات کے مطابق ملک کی پارلیمانی تاریخ میں پہلی مرتبہ وزیر اعظم نواز شریف خود جاکر روٹھی ہوئی اپوزیشن کو منا کرایوان میں واپس لے آئے۔

وزیر داخلہ چودھری نثار نے کوئٹہ دھماکے کے حوالے سے خطاب کرتے ہوئے جہاں اتحاد کی ضرورت پر زور دیا وہیں وہ جذبات میں آکر اپوزیشن پر شدید تنقید بھی کی۔

انہوں نے پیپلز پارٹی، سابق صدر آصف زرداری اور پی ٹی آئی کو اپنی تنقید کا نشانہ بنایا، بعد ازاں اپوزیشن لیڈر سید خورشید شاہ نے ان کے رویے پر اظہار افسوس کرتے ہوئے واک آوٹ کا اعلان کر دیا جس کے بعد پیپلز پارٹی اور تحریک انصاف کے ارکان ایوان سے واک آؤٹ کر گئے۔

وزیر اعظم نواز شریف پارلیمان میں ایک نئی تاریخ رقم کرتے ہوئے خود باہر جاکر روٹھی ہوئی اپوزیشن کو مناکر ایوان میں واپس لے آئے اور خورشید شاہ کو نشست پر لا کر بٹھایا۔

اگست 10, 2016
وزیر اعظم آج رات ایک بار پھر قوم سے خطاب کریں گے

اسلام آباد : وزیر اعظم آج رات کو ایک بار پھر قوم سے خطاب کریں گے، خطاب میں قوم کو پانامہ لیکس کی تحقیقات کے حوالے سے کئے جانے والے اقدامات سے آگاہ کریں گے۔

تفصیلات کے مطابق وزیر اعظم میاں ںواز شریف نے آج رات ساڑھے آٹھ بجے قوم سے خطاب کرنے کا فییصلہ کیا ہے، جس میں پانامہ لیکس کی تحقیقات کیلئے کمیشن کے قیام کے حوالے سے حکومت کی جانب سے کئے جانے والے اقدامات پر قوم کو اعتماد میں لیں گے۔

ذرائع کے مطابق وزیر اعظم چیف جسٹس آف پاکستان کو کمیشن کے قیام کیلئے خط لکھے جانے کے حوالے سے بھی آگاہ کریں گے ۔

وزیراعظم کی جانب سے خطاب کا فیصلہ ایسے موقع پرکیا گیا ہے جب گزشتہ روز ہی آرمی چیف جنرل راحیل شریف نے کرپشن میں ملوث فوجی افسروں کو جبری ریٹائر کردیا۔

ملک بھر میں کرپشن اور پاناما لیکس پر بڑھتی ہوئی بحث نے ہلچل مچا رکھی ہے۔ایسے میں ان کی جانب سے خطاب کا فیصلہ صورتحال کے تناظر میں انتہائی اہمیت کا حامل ہے۔

۔وزیراعظم یاد رہے کہ وزیر اعظم کا گزشتہ پندرہ بیس روز میں قوم سے تیسرا خطاب ہے۔ ملک کی مختلف سیاسی رہنماؤں کی جانب سے قوم سے خطاب کو قوت کا ضیاع قرار اور وزیر اعظم کو تنقید کا نشانہ بنایا جا رہا ہے۔رہنماﺅں کا کہنا ہے کہ مذکورہ معاملات نے حکومت پر دباﺅبڑھا دیا ہے۔

اپریل 22, 2016
وزیر اعظم نواز شریف کی گاڑی پر حملے کی ناکام کوشش

اسلام آباد : وزیر اعظم نواز شریف کے قافلے پر حملے کی کوشش ناکام بنا دی گئی، مبینہ حملہ آور کو گرفتار کرلیا گیا۔

تفصیلات کے مطابق وزیراعظم میاں نواز شریف اپنے اہلخانہ کے ہمراہ مری سے اسلام آباد جا رہے تھے کہ اسلام آباد کے قریب اچانک ایک نامعلوم گاڑی قافلے کی دیگر گاڑیوں کے درمیان سے گزرتی ہوئی وزیراعظم کی گاڑی کے نزدیک پہنچ گئی اور گاڑی کو ٹکرانے کی کوشش کی۔

مذکورہ گاڑی وزیراعظم نواز شریف کی گاڑی سے صرف چند قدم کے فاصلے پر تھی، تاہم سیکیورٹی اداروں نے اسے ناکام بنا دیا۔

گاڑی کے اچانک قافلے میں داخل ہونے سے پروٹوکول میں شامل دیگر گاڑیاں بھی آپس میں ایک دوسرے سے ٹکرا گئیں۔

سیکیورٹی اداروں نے گاڑی میں سوار شخص کو گرفتار کرکے تفتیش شروع کر دی ہے،ابتدائی تحقیقات میں قافلے میں گھسنے والی گاڑی کی نمبر پلیٹ بھی جعلی نکلی۔

وزیراعظم کے ہمراہ گاڑی میں خاتون اول بیگم کلثوم نواز اور ان کی بیٹی بھی موجود تھیں۔

اگست 2, 2015
وزیراعظم کی زیرصدارت اعلیٰ سطحی اجلاس، یمن صورتحال پرمشاورت

اسلام آباد : یمن بحران پروزیراعظم کی زیرصدارت اعلٰی سطح کااجلاس ہوا۔ جس میں آرمی چیف بھی شریک تھے،وزیراعظم اورجنرل راحیل شریف کل سعودی عرب روانہ ہورہے ہیں۔

اسلام آباد میں وزیر اعظم نواز شریف کی زیر صدارت اعلیٰ سطح کے اجلاس میں یمن سعودی عرب صورتحال پر مشاورت کی گئی۔

اجلاس میں آرمی چیف جنرل راحیل شریف سمیت وفاقی وزرابھی شریک ہوئے۔اجلاس کے شرکاء نے سعودی عرب کی جانب سے فضا ئی کارروائی روکنے کا خیرمقدم کیا۔

یمن کی صورتحال پر سعودی عرب کے مذاکراتی عمل کو بھی سراہا گیا۔ اجلاس میں فیصلہ کیا گیا کہ سعودی قیادت سےاظہار یکجہتی کیلئےوزیر اعظم اور آرمی چیف وفدکے ہمراہ ریاض جائیں گے۔

وفد میں وزیر دفاع خوا جہ آصف،طارق فا طمی اور سیکٹریری خا رجہ اعزازاحمدچوہدری شامل ہونگے،وزیراعظم ایک روزہ دورے کے دوران سعودی فرمانروا شاہ سلمان سے ملاقات میں یمن کی صورتحال پر تبادلہ خیال کرینگے۔

اپریل 22, 2015
وزیراعظم نےحلال اتھارٹی کےقیام کی منظوری دے دی

اسلام آباد : اے آر وائی نیوز کی کوششیں رنگ لائیں۔وزیراعظم نےحلال اتھارٹی پاکستان کےقیام کی منظوری دے دی۔ بدھ کو اسلام آباد میں ہونےوالےمشترکہ مفادات کونسل کے اجلاس میں حلال اتھارٹی پاکستان کےقیام کا بل منظوری کیلئے پیش کیا گیا۔

تفصیلی جائزے اور چاروں صوبوں کا اتفاق رائے سامنےآنےکےبعد وزیراعظم میاں نوازشریف نےحلال اتھارٹی پاکستان کےقیام کی فوری منظوری دےدی۔

اے آر وائی نیوزکےمعروف پروگرام سرعام کو یہ اعزاز حاصل ہےکہ اس میں آج سےقریباً ایک سال قبل ملک میں حرام اجزا والی درآمدی اشیاکی کھلےعام فروخت کا حساس ترین معاملہ ارباب اختیار کےسامنےاُٹھایا تھا۔

معاملےکی سنگینی کا احساس کرتےہوئےقائمہ کمیٹی وزارت سائنس اینڈ فوڈ ٹیکنالوجی نے کچھ عرصہ قبل اس کا نوٹس لیا اور اجلاس طلب کرکےمتعلقہ حکام سے تفصیلی رپورٹ طلب کی تھی۔

جبکہ اے آر وائی نیوز کےپروگرام اندر کی بات میں ملک میں فروخت ہونے والی ایسی درجنوں اشیاکی فہرست پیش کردی گئی جس میں حرام اجزا شامل تھے۔

قائمہ کمیٹی کےاجلاس میں انکشاف کیاگیا تھاکہ اسلامی جمہوریہ پاکستان میں چھوٹےبڑے اسٹورز پر سڑسٹھ فیصد ایسی درآمدی اشیا کھلےعام فروخت کی جارہی ہیں جس میں حرام اجزا شامل ہیں۔

حلال اتھارٹی پاکستان کےقیام سےاُمید ہےکہ اتھارٹی جلد ہی پاکستان میں ایسی اشیاء کی درآمد پر پابندی لگادےگی۔

مارچ 18, 2015
وزیراعظم نے پروفیسرساجد میر کو نااہل ہونے سے بچالیا

لاہور : پنجاب سے سینیٹ کی گیارہ نشستوں کے لیے 17 امیدوار میدان میں رہ گئے ہیں ، وزیراعظم کے سرٹیفیکیٹ نے پروفسیر ساجد میر کو نااہل ہونے سے بچالیا۔

تفصیلات کے مطابق سینٹ کے کاغذات نامزدگی کی جانچ پڑتال کے دوسرے دن مسلم لیگ ن کےلئے سب سے اہم مسئلہ پروفیسر ساجد میر کی اہلیت کا تھا ۔

جس کےلئے اتحادی جماعت کا سرٹیفیکیٹ میاں نواز شریف کی طرف سے ریٹرننگ آفیسر کو جمع کروایا گیا توتب جا کر کاغذات نامزدگی منظور ہوئے ۔

مبین الدین قاضی راجہ ظفر الحق اور لیفٹینٹ جنرل ریٹائرڈ عبدالقیوم نے بھی اپنے اوپر لگائے گئے الزامات کا جواب دیا ۔

لیفٹینٹ جنرل ریٹائرڈ عبدالقیوم مسلم لیگ ن کے سعود مجید سمیت 6 امیدواروں کے کاغذات نامزدگی مسترد کردیئے گئے۔

کاغذات کی منظوری کے خلاف ہائیکورٹ اور مسترد کئے جانے کے خلاف الیکشن کمیشن سے رجوع کیا جاسکتا ہے۔

فروری 20, 2015
وزیراعظم وآرمی چیف کا دورہ کراچی اہمیت کا حامل ہے،سراج الحق

لاہور: امیر جماعت اسلامی سراج الحق نے کہا ہے کہ وزیراعظم اور آرمی چیف کا دورہ کراچی اہم ہے، امید ہے سانحہ بلدیہ ٹاؤن پر پیش رفت ہو گی، جے آئی ٹی کی رپورٹ کئی ماہ کی تفتیش کے بعد تیار کی گئی۔

تفصیلات کے مطابق شوکت خانم ہسپتال لاہور میں کسان بورڈ کے رہنماء ظفر حسین کے بیٹے کی عیادت کے بعد میڈیا سے گفتگو کرتے ہوئے امیر جماعت اسلامی سراج الحق کا کہنا تھا کہ وزیراعظم اور آرمی چیف کا دورہ کراچی اہمیت کا حامل ہے،امید ہے کہ سانحہ بلدیہ ٹاون پر اہم پیش رفت ہوگی۔

انہوں نے کہا کہ جے آئی ٹی کی رپورٹ حساس اداروں کی مدد سے مہینوں کے بعد تیار کی گئی ہے ، جو وزیر اعظم کا امتحان ہے کہ وہ سیاسی مصلحتوں کا شکار ہوتے ہیں یا مجرموں کو کیفر کردار تک پہنچاتے ہیں۔

امیر جماعت اسلامی نے کہا کہ سینٹ کے انتخابات میں ایک صوبے کے افراد کو دوسرے صوبوں کی نشستوں پر انتخابات لڑانا افسوس ناک ہے، حکومت اور تحریک انصاف کے درمیان مذاکرات کےلیے بظاہر برف پگھلتی نظر نہیں آ رہی ۔

جہانگیر ترین اور اسحاق ڈار کو سیاسی جرگہ کی طرف سے خطوط لکھ دیئے گئے ہیں۔ انہوں نے میڈیا پر زور دیا کہ وہ آصف علی زرداری اوربلاول جیسے بڑے لوگوں کے اختلافات کی بجائے عوام کے مسائل پر توجہ دے۔

سراج الحق کا کہنا تھا کہ حکومت دو سال میں عوام کو ریلیف فراہم کرنے میں ناکام رہی ہے۔

فروری 16, 2015