لاہور: وزیر تعلیم پنجاب رانا مشہود احمد خان اسپورٹس، کلچر، امورنوجوانان اور سیاحت کی وزارتوں سے مستعفی ہوگئے۔
پنجاب حکومت کے ذمہ دار ذرائع کے مطابق صوبائی وزیر تعلیم رانا مشہود احمد خان نے اسپورٹس، کلچر، امور نوجوانان، سیاحت اور آرکیالوجی کی وزارتوں سے اپنا استعفٰی وزیر اعلٰی شہباز شریف کو بھجوا دیا ہے۔
رانا مشہود نے وزیر اعلٰی پنجاب کو لکھے گئے اپنے خط میں مؤقف اختیار کیا کہ وہ اضافی وزارتوں کی بجائے اپنی تمام ترتوجہ محکمہ تعلیم پر مرکوز کرنا چاہتے ہیں۔
ادھر حکومتی ذرائع کا کہنا ہے کہ رانا مشہود احمد خان کیخلاف نیب کی جانب سے پنجاب اسپورٹس بورڈ، فیوچر کنسرن کے معاملے پر وزیراعلٰی کا نام لے کر لی جانے والی رشوت کی تحقیقات اپنے آخری مراحل میں پہنچ چکی ہیں۔
ان تحقیقات کی بنا پر رانا مشہود نے اپنا استعفٰی وزیر اعلٰی کو ارسال کیا ہے۔
