کراچی: وفاقی وزیرتجارت خرم دستگیر نےکہا ہےکہ مارچ میں ایل این جی کی آمد سےرواں سال کے آخر تک گیس کےبحران میں کافی حد تک کمی آئےگی۔
فیڈریشن ہاؤس کراچی میں میڈیا سےگفتگوکرتے ہوئےخرم دستگیرکا کہنا تھا کہ وزیراعظم کی ہدایت ہےکہ کراچی سےبلتستان تک صنعتوں کو توانائی فراہم کی جائے۔
خرم دستگیرنےبتایاکہ رواں ماہ جرمنی میں ہونیوالی ہیم ٹیکسٹائل سےبڑی تعداد میں آرڈرز ملنےکی تو قع ہےجس سے رواں سال میں یور پ کو ٹیکسٹائل کی برآمدات ایک ارب ڈالرکی سطح عبورکرجائیں گی۔
خرم دستگیرنےکہا کہ آئندہ ایک سال میں قوم کو توانائی بحران اور انتہاپسندی کےعفریت سےنجات دلائیں گے۔پاک ایران گیس پائپ لائن سمیت روس،چین،افغانستان، تاجکستان اوربھارت سےتجارتی معاہدےزیرغور ہیں۔
