Tag: wcl-2025

  • ورلڈ چمپئن لیگ 2025 : جادوگر اسپنر سعید اجمل نے سب کو حیران کردیا

    ورلڈ چمپئن لیگ 2025 : جادوگر اسپنر سعید اجمل نے سب کو حیران کردیا

    (30 جولائی 2025)ہتھیار چھوڑے ہیں، چلانا نہیں بھُولے۔ پاکستانی جادوگر اسپنر سعید اجمل  نے ورلڈ چیمپئن شپ آف لیجنڈز میں آتے ہی دھوم مچادی۔

    لیسٹر میں کھیلے جانے والے میچ میں پاکستانی آف اسپنر سعید اجمل کی خطرناک بولنگ کی بدولت پاکستان نے آسٹریلیا چیمپئنز کو 10 وکٹوں سے شکست دی۔

    سعید اجمل نے اپنی نپی تُلی بالنگ سے آسٹریلیا چیمپئنز کے 6 بلے باز ٹھکانے لگا دیے، پوری ٹیم کو صرف 74رنز پرسمیٹ دیا، 9 بلے باز ڈبل فگر میں بھی نہ جاسکے۔ بین ڈنک 26 رنز بنا کر نمایاں رہے۔

    کینگروز سعید اجمل کی گوگلی گیندوں کو سمجھنے میں مکمل ناکام رہے، دوسرا اور تیسرا کے مؤجد سعید اجمل نے اپنی گھومتی گیندوں پر صرف 16 رنز دے کر 6 کینگروز کا شکار کیا۔

    لیسٹر میں قومی ٹیم نے پچھتر رنز کا ہدف ہنستے کھیلتے 8ویں اوورمیں حاصل کیا۔ کینگروز کو دس وکٹ سے ہرا کر پاکستان نے ناقابل شکست کا ریکارڈ برقرار رکھا۔

    گرین شرٹس پہلے ہی سیمی فائنل میں پہنچ چکے ہیں۔ فائنل میں رسائی کے لیے روایتی حریف بھارت سے ٹکرائیں گے۔

    مزید پڑھیں : پاکستان چیمپئنز نے آسٹریلیا کو 10 وکٹوں سے شکست دے دی

    یاد رہے کہ میچ میں پاکستان چیمپئنز نے شاندار کھیل کا مظاہرہ کرتے ہوئے آسٹریلیا چیمپئنز کو 10 وکٹوں سے شکست دی، پاکستان گروپ اسٹیج میں ناقابل شکست رہتے ہوئے پہلے ہی ناک آؤٹ مرحلے میں پہنچ چکا ہے۔

    پاکستان چیمپئنز نے 75 رنز کا ہدف 8 ویں اوور میں حاصل کیا، اوپنر شرجیل خان 32 اور صہیب مقصود 28رنز بنا کر ناٹ آؤٹ رہے۔

    آسٹریلیا چیمپئنز نے پہلے کھیل کر صرف 74 رنز اسکور کیے، پوری آسٹریلین ٹیم 12ویں اوور میں ڈھیر ہوگئی، آسٹریلیا چیمپئنز کے 9 بلے باز ڈبل فگر میں بھی داخل نہ ہوسکے۔

  • آسٹریلوی بولر جان ہیسٹنگز نے وائیڈ بال کی نئی تاریخ بنا ڈالی

    آسٹریلوی بولر جان ہیسٹنگز نے وائیڈ بال کی نئی تاریخ بنا ڈالی

    لیسٹر (30 جولائی 2025) آسٹریلوی بولر نے پاکستان کے خلاف میچ میں ناپسندیدہ ریکارڈ اپنے نام کرلیا، وائیڈ بال پھینکنے کی نئی تاریخ بنا دی۔

    اسٹریلین لیجنڈ کھلاڑی نے ورلڈ چیمپئن شپ آف لیجنڈز کے اہم میچ میں ایک اوور میں 12 وائیڈ بال پھینک کر کرکٹ کا جنازہ نکال دیا، جان ہیسٹنگز پاکستان کیخلاف میچ میں اپنی بالنگ لائن ہی بھول گئے۔

    یک طرفہ مقابلے میں دلچسپ صورتحال اُس وقت پیدا ہوئی جب پاکستان کو جیت کے لیے صرف 19 رنز درکار تھے، اس دوران آسٹریلیا کے باؤلر جون ہیسٹنگز باؤلنگ کے لیے آئے تو انہوں نے ایک ہی اوور میں 12 وائیڈ بال کروا کر سب کو حیران کر دیا۔

    آسٹریلوی فاسٹ باؤلر کو اپنا ایک اوور ختم کرنے کے لیے 6 کے بجائے 18 گیندیں کرانی پڑیں۔ اس موقع پر فیلڈنگ پر کھڑے دیگر کھلاڑی اور اسٹیڈیم میں موجود آسٹریلوی تماشائی اپنے بالر کو بےبسی کی تصویر بنے دیکھتے رہے۔

    مزید پڑھیں : پاکستان چیمپئنز نے آسٹریلیا کو 10 وکٹوں سے شکست دے دی

    یاد رہے کہ میچ میں پاکستان چیمپئنز نے شاندار کھیل کا مظاہرہ کرتے ہوئے آسٹریلیا چیمپئنز کو 10 وکٹوں سے شکست دی، پاکستان گروپ اسٹیج میں ناقابل شکست رہتے ہوئے پہلے ہی ناک آؤٹ مرحلے میں پہنچ چکا ہے۔

    پاکستان چیمپئنز نے 75 رنز کا ہدف 8 ویں اوور میں حاصل کیا، اوپنر شرجیل خان 32 اور صہیب مقصود 28رنز بنا کر ناٹ آؤٹ رہے۔

    آسٹریلیا چیمپئنز نے پہلے کھیل کر صرف 74 رنز اسکور کیے، پوری آسٹریلین ٹیم 12ویں اوور میں ڈھیر ہوگئی، آسٹریلیا چیمپئنز کے 9 بلے باز ڈبل فگر میں بھی داخل نہ ہوسکے۔

    https://urdu.arynews.tv/jasprit-bumrah-unwanted-record-in-test-cricket/

  • لیجنڈز میچ منسوخی : شاہد آفریدی کا بھارتی کھلاڑیوں کو کرارا جواب

    لیجنڈز میچ منسوخی : شاہد آفریدی کا بھارتی کھلاڑیوں کو کرارا جواب

    قومی ٹیم کے سابق کپتان شاہدآفریدی نے ورلڈ چیمپئن شپ آف لیجنڈز کا میچ منسوخ ہونے پر کہا ہے کہ کرکٹ میں سیاست کو نہ لے کر آؤ، کھیل پہلے ہے شاہد آفریدی بعد میں ہے۔

    پاکستانی کرکٹر شاہد آفریدی نے میڈیا سے بات کرتے ہوئے ایک بار پھر بڑا پن دکھا کر بھارتی کھلاڑیوں کی نفرت کو مات دے دی۔

    انہوں نے کہا کہ اگر مجھے پتا ہوتا کہ میری وجہ سے میچ نہیں ہورہا تو میں اسٹیڈیم ہی نہ جاتا، کرکٹ ہم سے بڑی ہے، کھیل پہلے ہے شاہدآفریدی بعد میں ہے۔

    بوم بوم آفریدی نے مزید کہا کہ کرکٹ میں سیاست کو نہ لے کر آؤ، کوئی کہتا ہے کہ اس نے نہیں کھیلنا تو وہ جائے اپنا کھیلے، کرکٹ اس سے بڑی ہے۔

    ان کاکہنا تھا کہہم نے پہلے بھی اپنے تعلقات کرکٹ کے ذریعے بہتر کیے، اسپورٹس ڈپلومیسی سے بہترین چیز کوئی نہیں ہے، یہ آپ کو قریب لاتی ہے جب تک ساتھ نہیں بیٹھیں گے، بات نہیں کریں گے تو مسائل حل نہیں ہوں گے بلکہ امزید بڑھیں گے۔

    مزید پڑھیں : بھارتی کھلاڑیوں کی ہٹ دھرمی کی وجہ سے پاک بھارت میچ منسوخ 

    ورلڈ چیمپئن شپ آف لیجنڈز کے تحت برمنگھم میں پاکستان اور بھارت کے درمیان ہونے والا شیڈول میچ 5بھارتی کھلاڑیوں کی ہٹ دھرمی کے باعث منسوخ کردیا گیا تھا۔

    جن بھارتی کھلاڑیوں نے کھیلنے سے انکار کیا ان میں یوسف پٹھان، عرفان پٹھان، ہربھجن سنگھ ، سریش رائنا، یووراج سنگھ شامل ہیں۔ ان کا کہنا تھا کہ اگر شاہد آفریدی نے پاکستان کی طرف سے کھیلا تو ہم یہ میچ نہیں کھیلیں گے۔

  • بھارتی کھلاڑیوں کی ہٹ دھرمی : آج ہونے والا پاک بھارت میچ منسوخ

    بھارتی کھلاڑیوں کی ہٹ دھرمی : آج ہونے والا پاک بھارت میچ منسوخ

    برمنگھم : ورلڈ چیمپئن شپ آف لیجنڈز کے تحت پاکستان اور بھارت کے درمیان آج ہونے والا میچ بھارتی کھلاڑیوں کی ہٹ دھرمی کے باعث منسوخ کردیا گیا۔

    کرکٹ سے ریٹائرمنٹ کے بعد بھی شاہد آفریدی "بوم بوم” بھارتیوں کے اعصاب پر سوار ہے، بھارتی کرکٹرز کی پاکستانی لیجنڈزسے نفرت کھل کر سامنے آگئی۔

    برمنگھم میں آج ہونے والا پاک بھارت مقابلہ بھارتی کھلاڑیوں کی ہٹ دھرمی کی وجہ سے منسوخ ہوا، ورلڈ چیمپئن شپ آف لیجنڈز کا یہ میچ شیڈول تھا۔

    اس حوالے سے ذرائع کا کہنا ہے کہ شاہد آفریدی کے ڈر سے 5 بھارتی کھلاڑیوں نے میچ کھیلنے سے انکار کردیا تھا۔

    جن بھارتی کھلاڑیوں نے کھیلنے سے انکار کیا ان میں یوسف پٹھان، عرفان پٹھان، ہربھجن سنگھ ، سریش رائنا، یووراج سنگھ شامل ہیں۔

    بھارتی کھلاڑیوں کا کہنا تھا کہ اگر شاہد آفریدی نے پاکستان کی طرف سے کھیلا تو ہم یہ میچ نہیں کھیلیں گے، ورلڈ چیمپئن شپ آف لیجنڈز میں پاک بھارت مقابلہ دیکھنے کیلئے شائقین کرکٹ بے تاب تھے۔

    یہ پڑھیں: ورلڈ چیمپئن شپ آف لیجنڈز: پاکستان چیمپئنز نے انگلینڈ کو 5 رنز سے ہرا دیا

    یاد رہے کہ گزشتہ روز پاکستان چیمپئنز نے انگلینڈ چیمپئنز کو 5 رنز سے شکست دے کر ایونٹ کا فاتحانہ آغاز کیا، دوسرے میچ میں جنوبی افریقا چیمپئنز نے ویسٹ انڈیز چیمپئنز کو بال آؤٹ پر شکست دی۔

    https://urdu.arynews.tv/wcl-2025-indian-cricketers-shahid-afridi/

  • بھارتی ٹیم نے چیمپئنز لیگ کا میچ نہ کھیلنے سے متعلق کوئی اطلاع نہیں دی، آرگنائزر

    بھارتی ٹیم نے چیمپئنز لیگ کا میچ نہ کھیلنے سے متعلق کوئی اطلاع نہیں دی، آرگنائزر

    ورلڈ چیمپئن شپ آف لیجنڈز کے آرگنائزر  نے کہا ہے کہ بھارتی ٹیم  نے چیمپئنز لیگ کا میچ نہ کھیلنے سے متعلق کوئی اطلاع نہیں دی۔

    اے آر وائی نیوز کی رپورٹ کے مطابق ورلڈ چیمپئن شپ آف لیجنڈز کے آرگنائزر نے بتایا کہ پاکستان چیمپئنز اور انڈیا چیمپئنز کا میچ شیڈول کے مطابق ہوگا۔

    واضح رہے کہ ورلڈ چیمپئن شپ آف لیجنڈز میں پاکستان اور بھارت کل مدمقابل آئیں گے لیکن اس سے قبل بھارتی کھلاڑیوں کی پاکستان دشمنی سامنے آگئی۔

     5 بھارتی کرکٹرز نے پاکستان ٹیم سے کھیلنے کے لیے یہ شرط عائد کی تھی کہ اگر شاہد آفریدی میچ کھیلیں گے تو ہم نہیں کھیلیں گے۔

    بھارتی کھلاڑیوں کا کہنا تھا کہ اگر شاہد آفریدی میدان میں بھی آئے تو میچ کا بائیکاٹ کردیں گے، جن بھارتی کھلاڑیوں نے کھیلنے سے انکار کیا ان میں یوسف پٹھان، عرفان پٹھان، ہربھجن سنگھ ، سریش رائنا، یووراج سنگھ شامل ہیں۔

    یہ پڑھیں: ورلڈ چیمپئن شپ آف لیجنڈز: پاکستان چیمپئنز نے انگلینڈ کو 5 رنز سے ہرا دیا

    یاد رہے کہ گزشتہ روز پاکستان چیمپئنز نے انگلینڈ چیمپئنز کو 5 رنز سے شکست دے کر ایونٹ کا فاتحانہ آغاز کیا، دوسرے میچ میں جنوبی افریقا چیمپئنز نے ویسٹ انڈیز چیمپئنز کو بال آؤٹ پر شکست دی, واضح رہے کہ پاکستان اور بھارت کے درمیان کل برمنگھم میں میچ شیڈول ہے۔

    https://urdu.arynews.tv/wcl-2025-indian-cricketers-shahid-afridi/