ARYNews.tv | Urdu – Har Lamha Bakhabar

Tag: weapon

  • امریکی ہتھیاروں کی سب سے زیادہ فروخت مشرق وسطیٰ میں

    امریکی ہتھیاروں کی سب سے زیادہ فروخت مشرق وسطیٰ میں

    اسٹاک ہوم: دنیا بھر میں ہتھیاروں کی برآمدات میں ساڑھے 5 فیصد اضافہ ہوگیا، امریکا ہتھیار فروخت کرنے والا سب سے بڑا، اور بھارت ہتھیار خریدنے والا دوسرا بڑا ملک بن گیا۔

    تفصیلات کے مطابق اسٹاک ہوم انٹرنیشنل پیس ریسرچ انسٹی ٹیوٹ نے ہتھیاروں کی خرید و فروخت پر جاری کی جانے والی اپنی رپورٹ میں کہا ہے کہ دنیا بھر میں ہتھیاروں کی برآمدات میں ساڑھے 5 فیصد اضافہ ہوگیا ہے۔

    رپورٹ کے مطابق سنہ 2015 سے 2019 تک ہتھیاروں کی برآمدات 5.5 فیصد بڑھیں، امریکا ہتھیاروں کا سب سے بڑا برآمد کرنے والا ملک بن گیا۔

    رپورٹ میں کہا گیا کہ تنازعے کا شکار ممالک میں ہتھیاروں کی طلب میں اضافہ ہوا، امریکا کے ہتھیاروں کی برآمدات کا آدھا حصہ مشرق وسطیٰ گیا۔

    اسی طرح چین دنیا میں ہتھیاروں کا پانچواں بڑا برآمد کنندہ ہے۔

    پیس ریسرچ انسٹی ٹیوٹ کے مطابق روس کی ہتھیاروں کی برآمدات میں کمی ہوئی، جبکہ فرانس کی ہتھیاروں کی برآمدات گزشتہ پانچ سال میں 72 فیصد بڑھیں۔

    رپورٹ میں کہا گیا کہ بھارت ہتھیار درآمد کرنے والا دوسرا بڑا ملک بن گیا۔

    رپورٹ کے مطابق سنہ 2010 سے 2014 اور سنہ 2015 سے 2019 کے درمیان بھارت اور پاکستان کی جانب سے ہتھیاروں کی درآمد بالترتیب 32 اور 39 فیصد تک کم ہوئی۔

  • عزیز آباد سے اسلحے کی کھیپ برآمد

    عزیز آباد سے اسلحے کی کھیپ برآمد

    کراچی: رینجرز نے عزیز آباد میں کارروائی کرتے ہوئے خورشید میموریل کے قریبی مکان سے اسلحہ برآمد کرنے کا دعویٰ کیا ہے۔

    ترجمان رینجرز کی جانب سے جاری اعلامیے میں کہا گیا ہے کہ رینجرز نے انٹیلی جنس بنیادوں پر موصول ہونے والی اطلاعات کے بعد خورشید میموریل ہال سے 150 گز کے فاصلے پر موجود مکان نمبر 512 سے بھاری تعداد میں اسلحہ برآمد کرلیا۔

    رینجرز کے مطابق متعلقہ مکان محمد عامر نامی شخص کا ہے اور یہاں لندن کے شرپسندوں نے اسلحہ کا ذخیرہ مکان میں موجود اسٹور روم کی عارضی دیوار کے پیچھے چھپایا گیا تھا۔

    عارضی دیوار کے کھدائی کے دوران وہاں سے اسلحے اور ایمونیشن کا بڑا ذخیرہ برآمد کیا گیا، برآمد ہونے والے اسلحے میں 20 ایس ایم بمعہ 29 میگزین، 2 ایل ایم جیز ایک میگزین، ایک تھری جی، ایک سیون ایم ایم ، 3 اسنائپر رائفلز،  ایک عدد 22 نور پستول، 10 عدد بلٹ پروف جیکٹس اور مختلف اقسام کے 10 ہزار راؤنڈز شامل ہیں۔

    یاد رہے کراچی میں گزشتہ 3 برس سے آپریشن جاری ہے اور اس دوران شہر کے مختلف علاقوں سے قانون نافذ کرنے والے اداروں نے اسلحہ برآمد کیا ہے، گزشتہ برس عزیز آباد کے ہی علاقے سے اسلحے کی بڑی کھیپ برآمد کرنے کا دعویٰ کیا گیا تھا اور ڈی جی رینجرز نے اس اسلحے کا مقصد جنگ کرنا بتایا تھا۔

    عزیز آباد اسلحے کا مقدمہ درج کر کے کیس انسداد دہشت گردی کی عدالت میں بھیجا گیا تاہم تفتیشی افسر نے کچھ ماہ بعد کیس بند کرنے کی درخواست دی جس کے بعد عدالت نے اس کیس کو بند کردیا۔

  • سی ٹی ڈی کی کارروائی، بھاری تعداد میں اسلحے کی منتقلی ناکام بنادی

    سی ٹی ڈی کی کارروائی، بھاری تعداد میں اسلحے کی منتقلی ناکام بنادی

    کراچی: سندھ پولیس کے کاؤنٹرٹیررازم ڈپارٹمنٹ نے حساس ادارے کی اطلاع پر اورنگی ٹاؤن میں واقع نشان حیدر چوک پر کارروائی کرتے ہوئے اسلحے کی منتقلی کو ناکام بنا کر بھاری تعداد میں اسلحہ برآمد کرلیا ہے۔

    تفصیلات کے مطابق گارڈن ہیدکوارٹر میں انچارج سی ٹی ڈی نے میڈیا سے گفتگو کرتے ہوئے کہا کہ ’’حساس ادارے کی اطلاع پر اورنگی ٹاؤن کے علاقے نشان حیدر چوک پر ناکہ بندی کی گئی۔ اس دوران سیاسی جماعت سے وابستہ 2 دہشت گرد پولیس کی نفری کو دیکھتے ہی گاڑی چھوڑ کر فرار ہوگئے۔

    پڑھیں:   سندھ رینجرز کی کارروائی، ایم کیو ایم کے زیراستعمال مدفون اسلحہ برآمد

    انچارج سی ٹی ڈی کا کہنا تھا کہ مسروقہ گاڑی کی تلاشی کے دوران اُس میں سے بھاری تعداد میں اسلحہ برآمد کیا گیا، برآمد کیے جانے والے اسلحے میں 7 کلاشنکوف، ایم پی فائیو رائفل، ایل ایم جی، 8 سیون ایم ایم، 3 سیمی آٹو میٹک رائفلز، 2 اوتھرے رائفل سمیت 2 ہزار سے زائد گولیاں برآمد کرلی گئیں ہیں۔

    CTD-1

    سی ٹی انچارج نے کہا کہ ’’برآمد کیے جانے والے اسلحے کا فارنزک معائنہ کروایا جائے گا تاکہ معلوم ہوسکے کہ شہر میں کس کس مقام پر اس اسلحے کو استعمال کیا گیا ہے‘‘۔

    CTD-2

    سی ٹی ڈی انچارج علی رضا نے مزید کہا کہ ’’قبضے میں لی گئی گاڑی کی تحقیقات جاری ہیں اور ملزمان کی گرفتاری کے لیے بھی چھاپوں کا سلسلہ شروع کردیا گیا ہے‘‘، اُنہوں نے خدشہ ظاہرکیا کہ برآمد کیا جانے والا اسلحہ شہر میں ٹارگٹ کلنگ اور بدامنی کے لیے استعمال کیا جاناتھا‘‘۔

  • پاک فوج کی گلگت بلتستان میں کارروائی، 2 دہشت گرد گرفتار

    پاک فوج کی گلگت بلتستان میں کارروائی، 2 دہشت گرد گرفتار

    راولپنڈی: پاک فوج نے گلگت بلتستان کے علاقے جگلوٹ میں اسلحہ منتقلی کے دوران کارروائی کر کے 2 دہشت گردوں کو گرفتار کر کے اُن کے قبضے بھاری تعداد میں اسلحہ برآمد کرلیا۔

    آئی ایس پی آر سے جاری کردہ اعلامیے کے مطابق پاک فوج نے خفیہ اطلاع پر گلگت بلتستان کے علاقے جگوٹ میں کارروائی کرتے ہوئے 2 دہشت گردوں کو گرفتار کرلیا ہے۔

    پڑھیں:  خیبرایجنسی میں فضائی کارروائی، شدت پسندوں کے 9 ٹھکانے تباہ

    اعلامیے میں مزید کہا گیا ہے کہ ’’دہشتگردوں کے قبضے سے  2کلاشنکوف اور 12 میگزین، 1800 سے زائد مختلف ہتھیاروں کی گولیاں، 5 رائفلیں، 2 پستول اور 270 ڈیٹونیٹر برآمد کی گئی ہیں‘‘۔

    فوج کے تعلقات عامہ کے مطابق دہشت گردوں کے قبضے سے خودکُش جیکٹ بھی برآمد ہوئی ہے، دونوں دہشت گرد ایک کار میں اسلحہ و گولہ بارود منتقل کررہے تھے، گرفتار ملزمان کو تفتیش کے لیے نامعلوم مقام پر منتقل کردیا گیا ہے۔

    علاوہ ازیں اعلامیے میں مزید کہا گیا ہے کہ ’’راولپنڈی میں سے پاک فوج نے کارروائی کرتے ہوئے 2 خطرناک دہشت گردوں کو گرفتار کرلیا ہے، جو قانون نافذ کرنے والے اداروں کو متعدد وارداتوں میں مطلوب تھے‘‘۔

  • امریکی کانگریس میں شام کےباغیوں کیلئےامداد منظور

    امریکی کانگریس میں شام کےباغیوں کیلئےامداد منظور

    واشنگٹن:امریکی ایوان نمایندگان نےشامی باغیوں کو مدد فراہم کرنےکی منظوری دےدی۔

    امریکی حکومت نے کانگریس میں شام کے باغی گروپوں کومسلح کرنےاورتربیت دینےکامنصوبہ پیش کیاتھا، کانگریس نےبحث کےبعدایک سو چھپن کےمقابلے میں دوسو تہتر ووٹوں سےقرارداد منظورکرلی،کانگریس میں پیش کی گئی قراد کےمطابق امریکہ بشارالاسد کی حکومت کے مخالف اتحاد کو ٹینک شکن راکٹ اور طیارہ شکن میزائل فراہم کریگا۔