ARYNews.tv | Urdu – Har Lamha Bakhabar

Tag: weather forecast

  • ملک میں بارشوں کی انٹری، رین ایمرجنسی نافذ

    ملک میں بارشوں کی انٹری، رین ایمرجنسی نافذ

    راولپنڈی، ترجمان واسا کا کہنا ہے کہ اسلام آباد میں موسلا دھار بارش کا سلسلہ جاری ہے، محکمہ موسمیات کی پیشگوئی پر واسا راولپنڈ ی ہائی الرٹ، رین ایمرجنسی نافذ کردی گئی ہے۔

    ترجمان واسا کے مطابق عملہ ہیوی مشینری کے ساتھ نشیبی علاقوں میں موجود ہے، جڑواں شہروں میں 80 ملی میٹر سے زائد بارش ریکارڈ کی گئی ہے۔

    سیدپور میں 52، گولڑہ 25، بوکڑہ 66، پی ایم ڈی 32 ملی میٹر بارش ریکارڈ کی گئی، شمس آباد میں 55، کچہری 41، پیر ودھائی میں 53 ملی میٹر بارش ریکارڈ کی گئی۔

    ایم ڈی واسا کے مطابق شہر بھر کے نالوں اور نالہ لئی کی مانیٹرنگ کی جا رہی ہے، نالہ لئی میں کٹاریاں پر پانی کی سطح 9 فٹ، گوالمنڈی پل پر 5 فٹ ہے۔

    کراچی کا موسم:

    محکمہ موسمیات کا کہنا ہے کہ کراچی میں آج حبس کی کیفیت کیساتھ موسم گرم اور مرطوب رہے گا، دن میں سمندری ہوائیں جزوی طور پر بند رہیں گی۔

    محکمہ موسمیات کے مطابق زیادہ سے زیادہ درجہ حرارت 38 ڈگری تک جانے کا امکان ہے، آج سے 2 روز تک درجہ حرارت میں اضافہ متوقع ہے۔

    نمی زیادہ ہونے سے دن میں گرمی کی شدت زیادہ محسوس کی جاسکتی ہے، جنوب مغرب سے ہوا 12 کلو میٹر فی گھنٹہ کی رفتار سے چل رہی ہے۔

    محکمہ موسمیات نے شہرِقائد کے شہریوں کو خوشخبری سناتے ہوئے کہا ہے کہ کراچی میں 27 جون سے بارشوں کا امکان ہے، جس کے باعث رین ایمرجنسی نافذ کردی گئی ہے۔

    محکمہ موسمیات نے بتایا کہ کراچی میں نہ صرف 27 جون کو بادلوں کے برسنے کا امکان ہے بلکہ 28 اور 29 جون کو شہر میں بارش کا امکان زیادہ ہے، کراچی میں 27 سے 29 جون کے دوران تیز اور معتدل بارش متوقع ہے۔

    کراچی میں تیز ہوائیں چلنے کا امکان، موسمیات کی پیشگوئی

    محکمہ موسمیات نے بتایا کہ مون سون کا سسٹم 25 جون کو ملک کے بالائی علاقوں پر اثرانداز ہوسکتا ہے، 26 جون سے سسٹم سندھ پر اثرانداز ہونا شروع ہوگا۔

  • بھارت کی مختلف ریاستوں میں طوفانی بارشوں سے سیلابی صورتحال

    بھارت کی مختلف ریاستوں میں طوفانی بارشوں سے سیلابی صورتحال

    بھارت کی مختلف ریاستوں میں مون سون کی طوفانی بارشوں سے سیلابی صورتحال پیدا ہوگئی ہے، کئی ریاستوں میں حالات بہت خراب ہو چکے ہیں۔ ہر جانب پانی ہی پانی ہے۔

    غیر ملکی ذرائع ابلاغ کے مطابق طوفانی بارشوں کے باعث لوگوں کو کافی مشکلات کا سامنا ہے، گجرات، مہاراشٹر، بہار، جھارکھنڈ سمیت کئی ریاستوں میں سیلابی صورتحال ہے۔

    رپورٹس کے مطابق جھار کھنڈ میں شدید بارش کا اثر واضح طور پر دیکھا جا رہا ہے، سیلاب نے پوری ریاست میں صورتحال خراب کردی ہے، تیز بارش کی وجہ سے گاڑیاں ڈوب چکی ہیں، جبکہ آج بھی شدید بارش کا الرٹ جاری کیا گیا ہے۔

    رپورٹس کے مطابق مہاراشٹر اور گجرات میں بھی کم و بیش ایسی ہی صورتحال کا سامنا ہے، ممبئی میں بھی یہی صورتحال ہے۔ کئی اضلاع میں سیلاب سے معمولات زندگی شدید متاثر ہوچکے ہیں۔

    بھارت کی ریاست گجرات میں بارش کی وجہ سے اب تک 18 افراد کے ہلاک ہونے کی اطلاعات ہیں، احمد آباد، گاندھی نگر، نوساری سمیت کئی اضلاع میں سیلاب کی وجہ سے لوگ پھنسے ہوئے ہیں۔

    پونے اور ناسک کی صورتحال سب سے زیادہ خراب بتائی جارہی ہے، محکمہ موسمیات کی جانب سے پوری ریاست میں اورنج الرٹ جاری کردیا گیا ہے۔

    رپورٹس کے مطابق بہار اور مغربی بنگال کی صورتحال بھی ابتر ہے، تمام دریا اور ندیاں بہہ رہی ہیں۔ بہار میں ندیاں گھاٹوں کو چھوڑ کر شہروں میں داخل ہوچکی ہیں، لوگ مدد کے لیے پکار رہے ہیں۔

    بھارتی محکمہ موسمیات نے صورتحال کو دیکھتے ہوئے کچھ ریاستوں کے لیے الرٹ جاری کردیا ہے، مہاراشٹر، چھتیس گڑھ، جھارکھنڈ اور مشرقی اتر پردیش میں موسلادھار بارش کا الرٹ جاری کردیا گیا ہے۔

    بارش برسانے والا سسٹم پاکستان میں داخل ہونے کے لئے تیار ، عوام کے لئے الرٹ جاری

    محکمہ موسمیات نے الرٹ جاری کرتے ہوئے عوم سے محتاط رہنے کا کہا ہے، جاری کردہ الرٹ میں مزید کہا گیا ہے کہ صرف ضرورت پڑنے پر ہی گھر سے باہر نکلیں۔ جبکہ بعض ریاستوں میں طوفان کی پیش گوئی بھی کی گئی ہے۔

  • مری اور گلیات کے موسم سے متعلق اہم پیشگوئی

    مری اور گلیات کے موسم سے متعلق اہم پیشگوئی

    مری اور گلیات اور قرب و جوار میں آج موسم سخت سرد اور خشک رہے گا۔

    ترجمان پی ڈی ایم اے کے مطابق مری اور گلیات میں آج ہفتے کو موسم سخت سرد اور خشک رہے گا جب کہ اتوار کے روز کہیں کہیں بادل چھائے ہوں گے، اور سردی کی لہر برقرار رہے گی۔

    پیر کے روز ہلکی بارش اور رات کے وقت برف باری کے امکانات ہیں، منگل کے روز آسمان پر بادلوں کے ڈیرے ہوں گے، صبح کے وقت برف باری کا بھی امکان ہے۔ ترجمان پی ڈی ایم اے کے مطابق بدھ کے روز موسم سخت سرد اور خشک رہنے کی پیشگوئی ہے، جب کہ جمعرات کے روز بھی سردی کی شدت برقرار رہے گی اور موسم خشک ہوگا۔

    ریلیف کمشنر پنجاب کے مطابق مری میں سیاحوں کی سہولیات کے لیے 13 فیسلیٹیشن سینٹرز قائم کیے گئے ہیں، سیاحوں سے گزارش کی گئی ہے کہ وہ موسم سے متعلق معلومات حاصل کر کے سفر کریں۔

    دوسری طرف ملک کے بیش تر علاقوں میں موسم سرد اور خشک رہے گا، شمالی علاقوں اور شمالی بلوچستان میں موسم شدید سرد رہے گا، اسلام آباد، پنجاب، بالائی سندھ اور خیبر پختون خوا کے میدانی علاقوں میں شدید دھند اور اسموگ چھائی رہے گی، اسلام آباد اور گرد و نواح میں موسم سرد رہنے کے علاوہ شدید دھند چھائے رہنے کا امکان ہے۔

    آئندہ چوبیس گھنٹوں کے دوران کراچی کا موسم

    خیبر پختون خوا کے بیش تر اضلاع میں موسم سرد رہے گا، بالائی اضلاع میں موسم شدید سرد اور مطلع جز وی ابر آلود رہے گا، چارسدہ، رشکئی، مردان، نوشہرہ، صوابی، پشاور، لکی مروت، بنوں، ڈی آئی خان میں دھند کا امکان ہے۔ پنجاب کے بیش تر اضلاع میں موسم سرد، مری، گلیات اور گرد و نواح میں موسم شدید سرد رہے گا۔ بہاولپور، ساہیوال، اوکاڑہ، قصور، لاہور، سیالکوٹ، نارووال، گوجرانوالہ، منگلا، فیصل آباد، جھنگ، سرگودھا، منڈی بہاؤالدین، ٹوبہ ٹیک سنگھ، خانیوال، ملتان، خان پور، رحیم یار خان، حافظ آباد، بھکر، لیہ میں دھند اور اسموگ کا امکان ہے۔

    ڈیرہ غا زی خان اور گرد و نواح میں شدید دھند اور اسموگ چھائے رہنے کا امکان ہے، بلوچستان کے بیش تر اضلاع میں موسم سرد اور خشک رہے گا، شمالی علاقوں میں موسم شدید سرد اور مطلع جزوی ابر آلود رہے گا، مکران کے ساحلی علاقوں میں ہلکی بارش اور بوندا باندی ہو سکتی ہے، سندھ کے بیش تر اضلاع میں موسم سرد اور خشک رہے گا، جیکب آباد، موہن جودڑو، سکھر، لاڑکانہ، دادو، گھوٹکی، خیر پور اور پڈعیدن میں دھند اور اسموگ کا امکان ہے۔ کشمیر اور گلگت بلتستان میں موسم شدید سرد اور خشک رہے گا۔

  • آئندہ چوبیس گھنٹوں کے دوران کراچی کا موسم

    آئندہ چوبیس گھنٹوں کے دوران کراچی کا موسم

    کراچی: آئندہ چوبیس گھنٹوں کے دوران کراچی کا موسم خشک اور خنک رہنے امکان ہے۔

    محکمہ موسمیات کے مطابق آج ہفتہ کو کراچی کا کم سے کم درجہ حرارت 13.5 ڈگری سینٹی گریڈ ریکارڈ کیا گیا ہے، جب کہ زیادہ سے زیادہ درجہ حرارت 25 سے 27 ڈگری سینٹی گریڈ کے درمیان بڑھنے کا امکان ہے۔

    ہوا میں نمی کا تناسب 68 فی صد ریکارڈ کیا گیا، مشرق سے 4 کلومیٹر فی گھنٹہ کی رفتار سے ہوائیں چل رہی ہیں، ایئر کوالٹی انڈیکس کے مطابق فضا میں آلودگی کے زرات کی شرح 176 پرٹیکیولیٹ میٹرز ریکارڈ کیا گیا ہے، اور دنیا کے آلودہ ترین شہروں کی فہرست میں کراچی آج چھٹے نمبر پر ہے۔

    سردی میں اضافہ، اسکولوں سے متعلق اہم فیصلہ

    شہر قائد میں سردی کی شدت میں اضافہ ہو گیا ہے، جس پر محکمہ تعلیم نے اسکولوں کے اوقات کار تبدیل کر دیے ہیں، تمام سرکاری و نجی اسکولوں میں تدریس کا آغاز صبح ساڑھے 8 بجے ہوگا، محکمہ تعلیم نے احکامات پر عمل درآمد کی ہدایت جاری کر دی ہے۔

    اسکول لگنے کے اوقات کار میں آدھے گھنٹے کا اضافہ کیا گیا ہے، یہ نیا شیڈول 31 جنوری 2024 تک نافذ العمل رہے گا۔

  • سال کے پہلے دن موسم کی پیشگوئی

    سال کے پہلے دن موسم کی پیشگوئی

    محکمہ موسمیات نے پیشگوئی کی ہے کہ سال کے پہلے دن ملک کے بیش تر علاقوں میں موسم سرد اور خشک رہے گا۔

    تفصیلات کے مطابق محکمہ موسمیات نے کہا ہے کہ شمالی علاقوں اور شمالی بلو چستان میں موسم آج سال 2024 کے پہلے دن شدید سرد رہے گا، جب کہ پنجاب کے بیش تر میدانی علاقوں میں شدید دھند اور اسموگ، کے پی کے میدانی علاقوں اور بالائی سندھ میں دھند اور اسموگ چھائے رہنے کا امکان ہے، اسلام آباد میں موسم سرد اور خشک رہے گا۔

    محکمہ موسمیات کے مطابق کے پی کے بیش تر اضلاع میں موسم سرد اور خشک، بالائی اضلاع میں شدید سرد رہے گا، چارسدہ، مردان، نوشہرہ، صوابی، پشاور، اور ڈی آئی خان میں دھند چھائے رہنے کا امکان ہے۔

    پنجاب کے بیش تر اضلاع میں موسم سرد اور خشک، مری اور گلیات میں شدید سرد رہے گا، بہاولپور، ساہیوال، اوکاڑہ، قصور، لاہور، سیالکوٹ، نارووال، گوجرانوالہ، جہلم، منگلا، فیصل آباد، جھنگ، سرگودھا، منڈی بہاالدین، ٹوبہ ٹیک سنگھ میں اسموگ کا امکان ہے، جب کہ خانیوال، ملتان، خان پور، رحیم یار خان، حافظ آباد، بھکر، لیہ، اور ڈی جی خان میں شدید دھند اور اسموگ کا امکان ہے۔

    بلوچستان کے بیش تر اضلاع میں موسم سرد اور خشک رہے گا، شمالی اضلاع میں موسم شدید سرد اور مغربی اضلاع میں مطلع جزوی ابر آلود رہے گا، سندھ کے بیش تر اضلاع میں موسم سرد اور خشک رہے گا، جیکب آباد، موہن جودڑو، سکھر، لاڑکانہ، دادو، گھوٹکی اور پڈعیدن میں دھند اور اسموگ کا امکان ہے۔ گلگت بلتستان اور کشمیر میں موسم شدید سرد اور خشک رہے گا۔

  • مک بھر میں آج موسم کیسا رہے گا؟ محکمہ موسمیات کی پیش گوئی

    مک بھر میں آج موسم کیسا رہے گا؟ محکمہ موسمیات کی پیش گوئی

    کراچی: ملک کے بیشتر میدانی علاقوں میں موسم سرد اور خشک، جب کہ شمالی اضلاع میں شدید سرد رہے گا۔

    محکمہ موسمیات کے مطابق پنجاب اور کے پی کے میدانی علاقوں، اور بالائی سندھ میں دھند اور اسموگ چھائے رہنے کا امکان ہے، اسلام آباد میں موسم سرد اور خشک رہے گا، اور صبح کے اوقات میں بعض مقامات پر کہرا پڑنے کا امکان ہے۔

    محکمہ موسمیات نے پیش گوئی کی ہے کہ کے پی کے بیشتر اضلاع میں موسم سرد اور خشک، بالائی علاقوں میں شدید سرد رہے گا، مردان، صوابی، چارسدہ، نوشہرہ، پشاور، ڈی آئی خان میں دھند اور بعض مقامات پر کہرا پڑنے کا امکان ہے۔

    پنجاب کے بیش تر علاقوں میں موسم خشک اور سرد رہے گا، مری، گلیات اور گرد و نواح میں موسم شدید سرد رہے گا، بہا ولپور، ساہیوال، سرگودھا، لاہور، گوجرانوالہ، نارووال، فیصل آباد میں اسموگ رہنے کا امکان ہے۔ ٹوبہ ٹیک سنگھ، جھنگ، خانیوال، ملتان، خان پور، رحیم یارخان، سیالکوٹ، حافظ آباد، گجرات، منڈی بہاالدین میں اسموگ کا امکان ہے۔

    محکمہ موسمیات نے جہلم، بھکر، لیہ، ڈیرہ غا زی خان اور گرد و نواح میں شدید دھند اور اسموگ چھائے رہنے کی پیش گوئی کی ہے۔ صبح کے اوقات میں خطہ پوٹھوہار میں بعض مقامات پر کہرا پڑنے کا امکان ہے۔

    بلوچستان کے بیش تر اضلاع میں موسم سرد اور خشک جب کہ شمالی اضلاع میں شدید سرد رہے گا، سندھ کے بیش تر اضلاع میں موسم سرد اور خشک رہے گا، جیکب آباد، موہن جودڑو، سکھر، لاڑکانہ، دادو، گھوٹکی اور پڈعیدن میں دھند اور اسموگ چھائے رہنے کا امکان ہے۔ کشمیر اور گلگت بلتستان میں بھی موسم شدید سرد اور خشک رہے گا، کشمیر میں صبح کے اوقات میں بعض مقامات پر کہرا پڑنے کا امکان ہے۔

  • کراچی سمیت ملک بھر کے موسم کی پیش گوئی

    کراچی سمیت ملک بھر کے موسم کی پیش گوئی

    کراچی: شہر قائد میں آج بھی موسم گرم رہے گا، پنجاب میں تیز ہواؤں کے ساتھ بارشیں برسیں، بلوچستان میں بارشوں سے مرچ اور ٹماٹر کی فصلوں کو نقصان کا خدشہ ہے۔

    محکمہ موسمیات کے مطابق کراچی میں آج بھی موسم گرم اور خشک رہے گا، آج گرمی اور حبس کی شدت کل سے زیادہ رہنے کا امکان ہے، شہر کا موجودہ درجہ حرارت 31 ڈگری سینٹی گریڈ ہے۔

    شہر میں 9 کلو میٹر فی گھنٹہ کی رفتار سے ہوا چل رہی ہے، ہوا میں نمی کا تناسب 70 فی صد ہے، کراچی میں دن میں درجہ حرارت 35 سے 37 ڈگری سینٹی گریڈ تک رہے گا، دن میں ہوا 20 کلو میٹر فی گھنٹہ کی رفتار سے چلے گی۔

    پنجاب کے مختلف علاقوں میں تیز ہواؤں کے ساتھ بارش ہوئی، راجن پور، خان پور، ہارون آباد، فورٹ عباس میں تیز آندھی کے ساتھ بارش برسی، مظفر گڑھ، وہاڑی، ٹبہ سلطان پور، دنیا پور، اوچ شریف، حاصل پور میں بھی بادل برسے۔

    بارش کے باعث متعدد فیڈر ٹرپ کر جانے سے مختلف علاقوں میں بجلی کی فراہمی معطل ہو گئی۔

    بلوچستان کے ضلع کوہلو اور گرد و نواح میں تیز بارش کے ساتھ ژالہ باری بھی ہوئی، کپاس اور مرچ ٹماٹر کی فصلیں متاثر ہونے کا خدشہ پیدا ہو گیا ہے۔

    محکمہ موسمیات کے مطابق آج جنوبی پنجاب، شمال مشرقی بلوچستان، اور کشمیر میں گرج چمک کے ساتھ بارش کا امکان ہے، ملک کے جنوبی علاقوں میں موسم شدید گرم رہے گا۔

  • عید قرباں کا پہلا دن : کراچی میں ہلکی اور تیز بارش، صفائی کا فقدان

    عید قرباں کا پہلا دن : کراچی میں ہلکی اور تیز بارش، صفائی کا فقدان

    کراچی : شہر قائد کے مختلف علاقوں میں عید کے پہلے بھی دن بارش کا سلسلہ جاری ہے، قربانی کے موقع پر نکاسی آب کا مؤثر نظام نہ ہونے کے باعث شہریوں کو شدید مشکلات درپیش ہیں۔

    کراچی کے مختلف علاقوں، ناظم آباد، سائٹ ایریا، گولیمار اوراطراف میں ہلکی اور تیز بارش ہوئی اس کے علاوہ نارتھ ناظم آباد، کے ڈی اے، گلبہار، گلستان جوہر میں بھی بادل برسے۔

    کراچی میں مطلع جزوی طور پر ابرآلود ہے، یاد رہے کہ محکمہ موسمیات نے آج شہر کے مختلف علاقوں میں بوندا باندی یا ہلکی بارش کی پیش گوئی کی تھی۔

    گزشتہ روز محکمہ موسمیات نے وارننگ جاری کرتے ہوئے کہا تھا کہ آج سے ملک میں مون سون ہواؤں کا نیا سسٹم داخل ہوگا جس کے نتیجے میں کراچی سمیت سندھ کےساحلی علاقوں اور بلوچستان میں عید کے تینوں دن بارشوں کا امکان ہے۔

    کراچی میں گزشتہ دنوں ہونے والی تیز بارش کے بعد مختلف شاہراہوں پر کھڑا پانی اب بیشتر سڑکوں سے اتر گیا ہے تاہم گلیوں اور محلوں میں نکاسی آب کی صورتحال انتہائی خراب ہے۔

    علاوہ ازیں گزشتہ 24 گھنٹوں کے دوران کوئٹہ میں 4 اور صوبے میں سب سےزیادہ 15 ملی میٹر بارش پنجگورمیں ریکارڈ کی گئی۔

    مسلم باغ میں 9 اور بارکھان میں 6 ملی میٹربارش رکارڈکی گئی۔ اسی طرح تربت میں 3 اور جیوانی میں 2 ملی میٹر بارش رکارڈ کی گئی،اس دوران لسبیلہ اورسبی میں بھی ہلکی بارش ہوئی۔

  • کراچی میں کل سے موسلادھار بارشوں کی پیشگوئی

    کراچی میں کل سے موسلادھار بارشوں کی پیشگوئی

    کراچی : محکمہ موسمیات نےکل سے کراچی میںموسلادھاربارش کی پیشگوئی کردی ہے ، بارش سےدرجہ حرارت مزید 4 سے 6 ڈگری تک کم ہوجائے گا۔

    تفصیلات کے مطابق محکمہ موسمیات نے کراچی والوں کو خوشخبری سنادی اور کل سے کراچی سمیت مختلف علاقوں میں تیزہواؤں اورگرج چمک کے ساتھ بارشوں کی پیشگوئی کردی ہے، بدھ سے ہفتے تک موسلادھار بارشوں کا سلسلہ جاری رہنے کا امکان ہے۔

    محکمہ موسمیات کا کہنا ہے بدھ سے ہفتے تک موسلادھاربارشوں کا امکان ہے ، جمعرات سےبارشوں کےسلسلےمیں تیزی آئےگی، بارش سےدرجہ حرارت مزید 4 سے 6 ڈگری تک کم ہوجائے گا جبکہ بالائی علاقوں سمیت کشمیر،گلگت میں بادل جم کر برسیں گے۔

    دوسری جانب کر اچی میں سورج اور بادلوں میں آنکھ مچولی جاری ہے ، شہر کادرجہ حرارت 31 ڈگری سینٹی گریڈ، ہوامیں نمی کا تناسب61 فیصد ہے جبکہ ہوا 21 کلو میٹر فی گھنٹہ کی رفتار سے چل رہی ہے۔

    محکمہ موسمیات کے مطابق آج سندھ اورجنوبی پنجاب میں موسم شدیدگرم رہے گا، اسلام آباد میں مطلع جزوی ابر آلود ہے، مکران، سکھرڈویژن، ملتان، بہاولپور، فیصل آباد، سرگودھا، راولپنڈی ، بنوں، ڈی اسمٰعیل خان، گلگت بلتستان اورکشمیرمیں چندمقامات پرآندھی اورگرج چمک کیساتھ بارش کا امکان ہے۔

    مزید پڑھیں : کراچی میں بوندا باندی سے موسم خوشگوار

    گزشتہ روزسب سے زیادہ درجہ حرارت جیکب آباد،نوابشاہ،دادو اورلاڑکانہ میں پینتالیس ڈگری سینٹی گریڈریکارڈ کیا گیا۔

    یاد رہے چند روز قبل شہرقائد کے مختلف علاقوں میں بوندا باندی اور تیز ہواؤں کے باعث موسم خوشگوار ہوگیا تھا۔

    قبل ازیں محکمہ موسمیات نے پیشگوئی کی تھی کہ رمضان المبارک کے پہلے عشرے میں کراچی کا درجہ حرارت پینتیس سے چھتیس ڈگری سینٹی گریڈ تک رہنے کا امکان ہے۔

  • کراچی میں بارش کا کوئی امکان نہیں، محکمہ موسمیات

    کراچی میں بارش کا کوئی امکان نہیں، محکمہ موسمیات

    کراچی : محکمہ موسمیات کا کہنا ہے بارش برسانے والاسسٹم پاکستان میں موجود ہے تاہم کراچی میں بارش کاکوئی امکان نہیں، کراچی میں ہواؤں کی رفتارمیں تیزی کاامکان ہے اور اپریل کے آخر تک گرمی کی شدت میں اضافہ متوقع ہیں۔

    تفصیلات کے مطابق ڈائریکٹرمحکمہ موسمیات کا کہنا ہے ایران میں بننےوالابارش کانظام فی الحال بلوچستان ،پنچاب اور کے پی میں موجود ہے، بارش کانظام کراچی سمیت سندھ سے نکل چکاہے۔

    محکمہ موسمیات نے بتایا راچی میں بارش کاکوئی امکان نہیں ، موسم جزوی طورپرابرآلودرہےگا جبکہ ہواؤں کی رفتارمیں تیزی کاامکان ہے، چنددنوں میں موسم پھرسےگرمی کی جانب لوٹ جائے گا اور اپریل کےآخرتک گرمی کی شدت میں اضافہ متوقع ہے۔

    اپریل کےآخرتک گرمی کی شدت میں اضافہ متوقع ہے

    ڈائریکٹر موسمیات کا کہنا تھا کراچی میں 18 سے 20 ناٹیکل مائل کی رفتار سے ہوائیں چلیں گی، شام تک ہواکی رفتار کم ہونا شروع ہوجائے گی۔

    کراچی کاموجودہ درجہ حرارت 28 ڈگری سینٹی گریڈ اور ہوا میں نمی کاتناسب 56 فیصد ہے، زیادہ سے زیادہ درجہ حرارت 32 ڈگری سینٹی گریڈ رہنے کا امکان ہے۔

    دوسری جانب بلوچستان میں موسلادھار بارشوں اورسیلاب سےنظام زندگی درہم برہم ہوگئی ، مختلف حادثات میں ہلاکتوں کی تعداد نو ہوگئی ۔ پنجاب اور سندھ کے مختلف شہروں میں بارش سےگرمی کی شدت میں کمی آگئی ہے۔

    سندھ کے مختلف شہروں میں بارش کاسلسلہ جاری ہے ، لاڑکانہ , سکھر ، نوشہرو فیروز سمیت دیگر شہروں میں بارش سےگرمی کازورٹوٹ گیا۔

    محکمہ موسمیات کے مطابق اسلام آباد، پنجاب، خیبر پختون خوا، کوئٹہ، ژوب، سکھر، لاڑکانہ، کشمیر اور گلگت بلتستان میں آج بھی بارش کا امکان ہے۔