کراچی: آئندہ چند روز کے دوران کراچی سمیت ملک کے کسی علاقے میں گرمی کی شدید لہر کا کوئی خطرہ نہیں، آئندہ دو سے تین روز کے دوران ملک کے بالائی علاقوں میں کہیں کہیں گرج چمک کے ساتھ بارش کا امکان ہے۔
ڈائریکٹر محکمہ موسمیات کا کہنا ہے کراچی میں گرمی حبس کے باعث ہے، جو آئندہ چند روز میں کم ہو جائے گی جبکہ جولائی کے دوسرے ہفتے میں کراچی سمیت ملک بھر میں بارشوں کا نیا سلسلہ شروع ہوگا۔
محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں موسم گرم اور خشک رہے گا۔ تاہم آج (شام/رات) خیبر پختونخواہ (مالاکنڈ، ہزارہ، بنوں، کوہا ٹ ڈویژن)، پنجاب(راولپنڈی، سرگودھا، فیصل آباد، ساہیوال، ملتان، ڈی جی خان ڈویژن)، ژوب، قلات ڈویژن، بالائی فاٹا، اسلام آباد، کشمیر اور گلگت بلتستان میں چند مقامات پرتیز ہواؤں اور گرج چمک کے ساتھ بارش کا امکان ہے، اس دوران ساہیوال، سرگودھا، فیصل آباد اور ملتان ڈویژن میں آندھی چلنے کا بھی امکان ہے۔
رواں ہفتہ کے دوران جنوبی پنجاب ، بالائی سندھ، سبی اور مکران ڈویژن مین زیادہ سے زیادہ درجہ حرارت 45 – 47 ڈگری سنٹی گریڈ ہو سکتا ہے۔
گزشتہ 24گھنٹوں کے دوران : ملک کے بیشتر علاقوں میں موسم گرم اور خشک رہا، تاہم سرگودھا، مالاکنڈ، بنوں، کوئٹہ ڈویژن اور گلگت بلتستان میں چند مقامات پر گرج چمک کےساتھ بارش ہوئی، سب سے زیادہ بارش جوہر آباد میں 21 ملی میٹر جبکہ بنوں 08، نور پور تھل 07، بارکھان 02، ہنزہ، دیر 01 ملی میٹرریکارڈ کی گئی۔
گزشتہ روز ریکارڈ کیے گئے گرم ترین مقامات: سب سے زیادہ درجہ حرارت سبی میں48 ڈگری سینٹی گریڈ جبکہ تربت 47، نوکنڈی 46، بھکر، دالبندین 45، رحیم یار خان اور نورپورتھل میں 44 ڈگری سینٹی گریڈ ریکارڈ کیا گیا۔
