Tag: weather forecast

  • کراچی اورلاہور میں ہلکی بارش،موسم خوشگوار، مزید بارش کا امکان

    کراچی اورلاہور میں ہلکی بارش،موسم خوشگوار، مزید بارش کا امکان

    کراچی : کراچی سمیت لاہور کے مختلف علاقوں میں بارش نے موسم خوشگوار کر دیا، محکمہ موسمیات کے مطابق لاہور سمیت چند ایک مقامات پر بارش کا امکان ہے

    کراچی کے مختلف علاقوں میں کہیں ہلکی اور کہیں تیز بارش نے گرمی کی شدت کو کم کر دیا، بوندا باندی سےموسم خوشگوار ہوا تو شہریوں کے چہرے بھی کھل اٹھے۔

    لاہور میں بادل برسے تو گرمی کا زور ٹوٹ گیا، گوجرانوالہ، سرگودھا ،مالاکنڈ ،ہزارہ، قلات اور کوئٹہ سمیت مختلف شہروں میں بارش نے موسم سہانا کردیا۔

    محکمہ موسمیات کا کہنا ہے کہ خیبرپختونخواہ، اسلام آباد ،لاہور، سرگودھا، ڈی جی خان اورشمالی بلوچستان، کشمیر اور گلگت بلتستان سمیت چند ایک مقامات پر گرج چمک کے ساتھ بارش کا امکان ہے۔

    محکمہ موسمیات کے مطابق گزشتہ چوبیس گھنٹے کے دوران سب سے زیادہ بارش جوہر آباد میں بتیس اور سب سے زیادہ درجہ حرارت دالبندین میں بیالیس ڈگری سینٹی گریڈ، ریکارڈ کیا گیا۔

  • اسلام آباد راولپنڈی میں موسلادھار بارش، گرمی کا زورٹوٹ گیا

    اسلام آباد راولپنڈی میں موسلادھار بارش، گرمی کا زورٹوٹ گیا

    اسلام آباد: اسلام آباد اور راولپنڈی میں موسلادھار بارش سے موسم گرمی کا زور ٹوٹ گیا، محکمہ موسمیات کا کہنا ہے کہ حیدرآباد سمیت سندھ کے مختلف شہروں میں بھی ابر کرم برسنے کا امکان ہے۔

    اسلام آباد اور راولپنڈی میں موسلادھار بارش نے موسم ّخوشگوار کر دیا ہے، ابر کرم برسا تو گرمی سے پریشان شہری بھی خوش ہوگئے، محکمہ موسمیات کے مطابق ہزارہ، کشمیراورگلگت بلتستان سمیت چند مقامات پر بادل چھائے ہے اور کہیں بارش برسنے کا کوئی امکان  نہیں۔

    محکمہ موسمیات کا کہنا ہے کہ حیدرآباد سمیت سندھ بھر میں چھائے بادل کبھی بھی برس سکتے ہیں، گزشتہ چوبیس گھنٹے کے دوران مالاکنڈ، ہزارہ اورپشاورسمیت چند شہروں میں بارش ہوئی۔

    سب سے زیادہ بارش دیر میں چوبیس ملی میٹر ریکارڈ کی گئی اور سب سے زیادہ درجہ حرارت نورپور تھل میں تینتالیس ڈگری سینٹی گریڈ رہا۔

  • آئندہ3سے4روزمیں اکثرعلاقوں میں مطلع صاف اور موسم خشک رہنے کا امکان

    آئندہ3سے4روزمیں اکثرعلاقوں میں مطلع صاف اور موسم خشک رہنے کا امکان

    اسلام آباد:آئندہ 3 سے4 روز کے دوران ملک کے اکثر علاقوں میں مطلع صاف اور موسم خشک رہنے کا امکان ہے۔ موسم کی تازہ ترین صورتحال کے مطابق ملک کے بیشتر علاقوں میں مطلع صاف ہے تاہم گلگت بلتستان اور جنوب مشرقی سندھ میں مطلع جزوی طور پر ابرآلود ہے۔

    محکمہ موسمیات کے مطابق آئندہ24گھنٹوں کے دوران ملک کے بیشتر علاقوں میں موسم گرم اور خشک رہے گا، میر پور خاص ڈویژن اور گلگت بلتستان میں مطلع جزوی طور پر ابرآلود اور ایک دو مقامات پر گرج چمک کے ساتھ بارش کا امکان ہے۔

    گزشتہ چوبیس گھنٹوں کے دوران ملک کے بیشتر علاقوں میں موسم گرم اور خشک رہا ، تاہم مالاکنڈ ڈویژن اور گلگت بلتستان میں چند ایک مقامات پر تیز ہواؤں اور گرج چمک کے ساتھ بارش ہوئی۔

    سب سے زیادہ بارش دروش میں06 ملی میٹر جبکہ ہنزہ،چترال05،گوپس03اور کالام میں01ملی میٹر ریکارڈ کی گئی، گزشتہ روز ملک میں سب سے زیادہ درجہ حرارت دادو میں40ڈگری سینٹی گریڈ جبکہ دالبندین میں39،تربت اور لسبیلہ میں38ڈگری سینٹی گریڈ ریکارڈ کیا گیا۔

  • محکمہ موسمیات کی آئندہ 24 گھنٹے کے دوران بارش کی پیش گوئی

    محکمہ موسمیات کی آئندہ 24 گھنٹے کے دوران بارش کی پیش گوئی

    اسلام آباد: محکمہ موسمیات نےآئندہ چوبیس گھنٹے کے دوران ملک کے بیشتر شہروں میں بارش کی پیش گوئی کردی ۔

    گزشتہ چوبیس گھنٹوں میں خیبر پختونخوا اور پہاڑی علاقوں میں چند مقامات پر بادل خوب برسے، بارش سے گرمی اور حبس ختم ہوا اور موسم خوشگوار ہوگیا۔ سب سے زیادہ بارش پارا چنار اور دیر میں آٹھ ملی میٹر ریکارڈ کی گئی ۔

    محکمہ موسمیات نے آئندہ چوبیس گھنٹے کے دوران کراچی، اسلا م آباد، بالائی پنجاب، خیبر پختونخواہ ، گلگت بلتستان، کشمیر میں تیز ہواؤں، آندھی چلنے اور گرج چمک کیساتھ بارش کی پیشگوئی کی ہے۔

  • کراچی: ہلکی رم جھم نے موسم خوشگوار کردیا

    کراچی: ہلکی رم جھم نے موسم خوشگوار کردیا

    کراچی :  ملک کے مختلف شہروں میں ابر آلود موسم نے گرمی کا زور توڑ دیا، کراچی میں ہلکی پھلکی رم جھم نے موسم خوشگوار کردیا، ملک بھر میں موسم کروٹ بدل رہا ہے، لاہور ،فیصل آباد سمیت پنجاب کے مختلف علاقوں میں بادل خوب برسے، جس سے موسم خوشگوار ہوگیا۔

    محکمہ موسمیات کے مطابق آئندہ چوبیس گھنٹوں کے دوران کراچی، حیدرآباد اور سندھ کے مختلف شہروں میں وقفے وقفے سے ہلکی بارش کا امکان ہے جبکہ جمعہ سے اتوار کے دوران اسلا م آباد، بالائی پنجاب، خیبر پختونخواہ ، گلگت بلتستان،کشمیر میں تیز ہواؤں، آندھی چلنے اور گرج چمک کیساتھ بارش کی پیشگوئی ہے۔

    آئندہ چوبیس گھنٹوں کے دوران ملک کے بیشتر علاقوں میں موسم گرم اور مرطوب رہا، سب سے زیادہ درجہ حرارت دالبندین، نوکنڈی چوالیس ڈگری سینٹی گریڈ ریکارڈ کیا گیا۔

  • سندھ بھر میں آئندہ چند روز میں بارش کا امکان

    سندھ بھر میں آئندہ چند روز میں بارش کا امکان

    محکمہ موسمیات بھی تجزیہ کا روں کی طرح پیشنگوئی کررہا ہے کہ ملک کے بیشتر حصوں میں مطلع ابر آلود رہے گا۔

    کہیں گر می کا زور برقرار ہے تو کہیں بارش سے موسم خوشگوار کردیا ہے، کراچی والوں کو شدت سے بارش کا انتظار ہے، اندرون سندھ میں ابر آلود موسم نے گرمی کی شدت کو کم کردیا ہے،جس سے گرمی سے بلبلائے شہریوں نے سکھ سانس لیا۔

    محکمہ موسمیات کے مطابق سندھ بھر میں آئندہ چند روز میں بارش کا امکان ہے، راولپنڈی، گوجرا نوالہ، سرگودھا، ساہیوال اور ملتان سمیت پنجاب کے مختلف شہروں میں بھی بارش کی پیشگوئی کی گئی ہے، آئندہ چوبیس گھنٹے کے دوران خیبر پختون خوا، گلگت بلتستان اور کشمیر بادلوں کے سائے میں رہینگے، تاہم بیشتر شہروں میں موسم گرم اور مرطوب رہنے کی توقع ہے ۔

    گزشتہ چوبیس گھنٹے کے دوران ما لاکنڈ ڈیویژن، گلگت سمیت بیشتر شہروں میں بارش ہوئی، آئندہ چوبیس گھنٹے کے دوران ملک کے اہم شہروں کا درجہ حرارت کچھ اس طرح رہے گا،اسلام آباد بتیس،لاہور تیس ، کراچی تیس، حیدر آباد پینتیس ،کوئٹہ چھتیس اور پشاور میں بتس سینٹی گریڈ رہے گا۔

  • کراچی سمیت سندھ کے مختلف علاقوں میں ہلکی بارش، موسم خوشگوار

    کراچی سمیت سندھ کے مختلف علاقوں میں ہلکی بارش، موسم خوشگوار

    کراچی: کراچی سمیت سندھ کے مختلف علاقوں میں ہلکی بارش سے موسم خوشگوار ہوگیا۔

     شہر کے مختلف علاقوں میں بارش سے موسم خوشگوار ہوگیا، محکمہ موسمیات کے مطابق آج ملک کے بیشتر علاقوٕں میں مطلع جزوی طور پر ابرآلود ہے، اگلے چوبیس گھنٹے کے دوران اسلام آباد، راولپنڈی سمیت پنجاب، خیبر پختونخوا، سندھ ، شمال مشرقی بلوچستان اور کشمیر میں کہیں کہیں گرج چمک کے ساتھ بارش کا امکان ہے۔

    اس دوران حیدر آباد اور میرپورخاص ڈویژن میں چند مقامات پر موسلادھار بارش ہوگی، گزشتہ چوبیس گھنٹے کے دوران بالائی علاقوں، سندھ اور بلوچستان کے بعض حصوں میں بارش ہوئی۔

  • عید کی آمد، بادل اور بارش کا امکان،ملک بھرمیں موسم خوشگوار

    عید کی آمد، بادل اور بارش کا امکان،ملک بھرمیں موسم خوشگوار

    اسلام آباد: عید کی آمد پر ملک بھر میں گرمی کا زورکچھ ٹوٹ گیا، آئندہ چوبیس گھنٹوں میں ملک کے بالائی اور وسطی علاقوں میں بارش جب کہ کراچی میں مطلع ابر آلود رہنے کا امکان ہے۔

    گزشتہ دو دونوں سے جا ری بارش نے اسلام آباد اور لاہور سمیت پنجاب کے مختلف علاقوں میں موسم خوشگوار و رنگین ہوگیا ہے، محکمہ موسمیات نے لاہور میں عید کے دنوں میں موسم خو شگوار رہنے کی پیشگوئی کی ہے، پنجاب کے مشرقی شمالی شہروں میں مطلع ابرآلود اور بارش کا امکان ہے۔

    آئندہ چوبیس گھنٹے کے دوران کشمیر، ا سلام آباد،بالائی پنجاب، بالائی خیبرپختونخوا، قلات، ژوب، مکران ڈویژن میں کہیں کہیں بارش کا امکان ہے، گلگت بلتستان میں بعض مقامات پر گرج چمک کے ساتھ بارش کا امکان اور کشمیر میں بعض مقامات پر بارش کی توقع ہے۔

    آئندہ چند روز کے دوران اسلام آباد، پنجاب، کے پی کے اور کشمیر میں بارش کا امکان ہے، اس کے علاوہ کراچی میں بھی مطلع ابر آلود رہنے کے امکانات ظا ہر کئے گئے ہیں، گزشتہ چوبیس گھنٹوں کے دوران سب سے زیادہ درجہ حرارت نوکنڈی میں سینتالیس ڈگری سینٹی گریڈ ریکارڈ کیا گیا۔

  • ملک بھر میں موسم گرم اور مرطوب رہے گا، محکمہ موسمیات

    ملک بھر میں موسم گرم اور مرطوب رہے گا، محکمہ موسمیات

    اسلام آباد: محکمہ موسمیات کے مطابق آئندہ چوبیس گھنٹے کے دوران ملک بھر میں موسم گرم رہے گا تاہم کراچی کے مختلف علاقوں میں بوندا باندی نے موسم دلکش کردیا۔

    کراچی میں ابر آلود موسم، ٹھنڈی ہوائیں اور ہلکی بوندا باندی نے موسم خوشگوار کردیا، محکمہ موسمیات کے مطابق آئندہ چوبیس گھنٹے کے دوران ملک کے بیشتر علاقوں میں موسم گرم اور مرطوب رہے گا، کراچی اور بلوچستان کے کچھ علاقوں میں مطلع جزوی ابر آلود رہنے کا امکان ہے تاہم گلگت بلتستان میں چند ایک مقامات پر گرج چمک کیساتھ بارش کی توقع ہے۔

    محکمہ موسمیات کے مطابق گزشتہ چوبیس گھنٹے کے دوران راولپنڈی، سرگودھا، مالاکنڈ، میر پورخاص، گوجرانولہ اور گلگت میں چند مقامات پر تیز ہواوں کیساتھ بارش ہونے کا امکان ہے، محکمہ موسمیات کے مطابق ملک میں میدانی علاقوں میں گرمی برقرار رہنے کی توقع ہے۔

    گزشتہ روز سب سے زیادہ درجہ حرارت سبی میں چوالیس ڈگری ریکارڈ کیا گیا، آئندہ چوبیس گھنٹے کے دوران اسلام آباد اور لاہور میں چھتیس، کراچی میں پینتیس، کوئٹہ چھتیس، پشاور میں انتیس ڈگری اور حیدرآباد میں ستائیس ڈگری سینٹی گریڈ ریکارڈ کیا گیا۔

  • بالائی علاقوں میں جاری مون سون بارشوں میں آج سے کمی آجائیگی

    بالائی علاقوں میں جاری مون سون بارشوں میں آج سے کمی آجائیگی

    اسلام آباد: ملک کے بالائی علاقوں میں جاری مون سون بارشوں میں آج  سے کمی آجائیگی اور ہفتہ کے روز سے ملک کے بیشتر علاقوں میں موسم خشک رہنے کا امکان ہے۔

    یکم رمضان سے کراچی میں بادل چھائے ہوئے ہیں، جس سے کراچی کے درجہ حرارت میں تین سے چار ڈگری سینٹی گریڈ کمی ہوئی ہے، حالیہ بارشوں کی وجہ سے ملک کے بالائی علاقوں میں آٹھ ڈگری سینٹی گریڈ تک کمی ریکارڈ کی گئی۔

    محکمہ موسمیات کے مطابق آج سے ملک کے بالائی علاقوں میں جاری مون سون بارشوں میں کمی آجائیگی اور ہفتہ کے روز سے ملک کے بیشتر علاقوں میں موسم خشک رہنے کا امکان ہے۔

    آئندہ چوبیس گھنٹوں کے دوران اسلام آباد، پنجاب، خیبرپختونخوا، کشمیر اور گلگت بلتستان میں کہیں کہیں جبکہ قلات ڈویژن اور زیریں سندھ میں چند مقامات پر تیز ہوائوں اور گرج چمک کیساتھ مزید بارش کا امکان ہے اس دوران ہزارہ ڈویژن، بالائی پنجاب اور کشمیر میں بعض مقامات پر موسلادھار بارش کی توقع ہے۔

    گزشتہ روز سب سے زیادہ بارش راولاکوٹ میں چوالیس ملی میٹر ریکارڈ کی گئی جبکہ سب سے زیادہ درجہ حرارت سبی میں پینتالیس ڈگری سینٹی گریڈ رہا۔