ARYNews.tv | Urdu – Har Lamha Bakhabar

Tag: weather update

  • موسم کی خرابی کے باعث پروازوں کے رخ تبدیل، آمدورفت متاثر

    موسم کی خرابی کے باعث پروازوں کے رخ تبدیل، آمدورفت متاثر

    اسلام آباد میں بارش اور موسم کی خرابی کے باعث پروازوں کی آمدورفت شدید متاثر ہورہی ہے، جس کے پیش نظر پروازوں کے رخ یا شیڈول تبدیل کیا جائے گا۔

    اس حوالے سے ایئر پورٹ ذرائع کا کہنا ہے کہ جدہ سے اسلام آباد جانے والی نجی ایئرلائن کی پرواز کراچی لینڈ کرادی گئی ہے۔

    ائیرپورٹ ذرائع کے مطابق پی آئی اے کی کراچی سے اسلام آباد کی پرواز نے ملتان ایئرپورٹ پر لینڈنگ کی جبکہ پرواز پی کے 370کو موسم کی خرابی کے باعث ملتان ایئرپورٹ رخ موڑا گیا ہے۔

    اس کے علاوہ پی کے370رات 9 بجے کراچی سے اسلام آباد شیڈول تھی، پی کے370 چار گھنٹے تاخیر سے رات ایک بجے روانہ ہوئی۔

    ائیرپورٹ ذرائع کے مطابق مسافروں کو ملتان ایئرپورٹ پر طیارے میں رہنے کی ہدایت کی گئی ہے، اے ٹی سی کی ہدایت پر کپتان نے پرواز کو ملتان ایئرپورٹ لینڈ کرا دیا۔

    ترجمان پی آئی اے کا کہنا ہے کہ جیسے ہی موسم بہتر ہوگا پرواز کو ملتان سے اسلام آباد بھیج جائیگا،
    ایئر بس طیارے میں اے سی بند ہونے سے مسافروں کو طیارے میں پریشانی کا سامنا کرنا پڑا۔

    موسم کی خرابی پر اسلام آباد کے اوپر طیارےنے کئی منٹ تک چکر لگائے، لینڈنگ کی اجازت نہ ملنے پر طیارے کو کپتان نے ملتان ایئرپورٹ لینڈ کرایا ہے۔

  • ملک شدید گرمی کی لہر، محکمہ موسمیات نے بارش کی نوید سنادی

    ملک شدید گرمی کی لہر، محکمہ موسمیات نے بارش کی نوید سنادی

    اسلام آباد: محکمہ موسمیات کا کہنا ہے کہ ملک بھرمیں شدید گرمی کی لہر آج بھی برقرار رہے گی، درجہ حرارت معمول سے 5 سے 7 ڈگری زیادہ ریکارڈ کیا گیا ہے۔

    محکمہ موسمیات کے مطابق اسلام آباد و گرد و نواح میں دن میں موسم شدید گرم، شام یارات میں بارش کا 30 فیصد امکان موجود ہے، جبکہ شہر اقتدار میں درجہ حرارت 45 ڈگری سینٹی گریڈ تک جاسکتا ہے۔

    محکمہ موسمیات نے بالائی کے پی، پوٹھوہار، کشمیر اور جی بی میں شام یا رات کو بارش اورآندھی کی پیش گوئی کی ہے، انتباہ کرتے ہوئے کہا گیا ہے کہ صبح 11 سے شام 4 بجے تک دھوپ سے بچیں، پانی زیادہ سے زیادہ پئیں۔

    کے پی کے میدانی علاقوں میں شدیدگرمی، چترال، دیر، سوات، پشاور، وزیرستان میں بارش کا امکان ہے جبکہ پنجاب کے میدانی علاقوں میں شدیدگرمی، پنڈی، مری، چکوال، جہلم میں بارش کی پیشگوئی کی گئی ہے۔

    اس کے علاوہ لاہور، ملتان، فیصل آباد، پشاور میں درجہ حرارت 45 سے 46 ڈگری رہے گا جبکہ سندھ، جنوبی پنجاب، بلوچستان کے میدانی علاقے شدید گرم اور خشک موسم، گرد آلود ہواؤں کی توقع ہے۔

    زمین پر موسموں کا نظام نہایت پیچیدہ اور نازک ہوتا ہے، جانیے کیسے؟

    بیان کے مطابق گلگت بلتستان اور کشمیر میں دن میں موسم گرم اورخشک، رات کو جزوی بادل اوربارش کی توقع ہے۔

  • کراچی میں موسم سرما کی پہلی بارش

    کراچی میں موسم سرما کی پہلی بارش

    کراچی : شہر قائد کے مختلف علاقوں میں ہونے والی موسم سرما کی پہلی بارش سے موسم خوشگوار ہوگیا، اہلیان کراچی کے چہرے کھل اٹھے۔

    اے آر وائی نیوز کے نمائندے کی رپورٹ کے مطابق کراچی کے مختلف علاقوں نارتھ کراچی میں سرسید ٹاؤن، ناگن چورنگی، بفرزون، سرجانی ٹاؤن، حب چوکی، منگھوپیر، نارتھ ناظم آباد اور سائٹ ایریا میں ہلکی بارش ہوئی ہے۔

    محکمہ موسمیات کا کہنا ہے کہ آج رات سے ہفتہ کی صبح تک مختلف علاقوں میں ہلکی بارش کا امکان ہے۔ کچھ علاقوں میں درمیانی رفتار سے بارش بھی ہوسکتی ہے۔

    نمائندے کے مطابق محکمہ موسمیات نے گزشتہ روز ہی اس بات کی پیش گوئی کردی تھی کہ ہفتے کے روز سے کراچی میں سردی کی شدت میں مزید اضافہ ہوگا کیونکہ بارش برسانے والا سسٹم کل پاکستان میں داخل ہوگا۔

    مزید پڑھیں : محکمہ موسمیات کی کراچی میں سخت سردی کی پیشگوئی

    اس کے علاوہ موسم کا حال بتانے والوں کے مطابق کراچی میں آج سے شروع ہونے والی سردی کی لہر ایک ہفتہ جاری رہنے کا امکان ہے۔

    مزید پڑھیں : مختلف شہروں میں آج کا موسم کیسا رہے گا؟

    اس حوالے سے موسمیاتی تجزیہ کاروں کا کہنا ہے کہ مغربی ہواؤں کے اثرات بوندا باندی اور ہلکی بارش کی صورت میں نظر آرہے ہیں، اس کے علاوہ مغربی ہواؤں کا سلسلہ شہر میں مزید پھیلنے پر شام میں بھی بارش ہوسکتی ہے۔

  • ملک میں آج موسم کیسا رہے گا؟ محکمہ موسمیات کا اہم بیان

    ملک میں آج موسم کیسا رہے گا؟ محکمہ موسمیات کا اہم بیان

    محکمہ موسمیات کا کہنا ہے کہ ملک کے بیشتر علاقوں میں آج بھی موسم شدید گرم اور خشک رہنے کا امکان ہے۔

    اے آر وائی نیوز کے مطابق محکمہ موسمیات کے بیان میں کہا گیا ہے کہ شام اور رات میں اسلام آباد، پنجاب کے بعض علاقوں، بالائی خیبرپختونخوا، کشمیر اور گلگت بلتستان میں کہیں کہیں بارش کا امکان ہے۔

    گزشتہ روز ملک میں سب سے زیادہ درجہ حرارت سبی میں 48 ڈگری سینٹی گریڈ ریکارڈ کیا گیا۔

    کراچی میں 36، کوئٹہ میں 35، مظفر آباد میں 42، اسلام آباد میں 41، پشاور میں 38ا ور گلگت میں 34 ڈگری سینٹی گریڈ ریکارڈ کیا گیا۔

    ملک کے مختلف شہروں میں زلزلے کے جھٹکے

    منڈی بہاؤ الدین اور دادو میں 46، لاہور، سرگودھا، تربت اور بنوں میں 45، گوجرانوالہ میں 47 جبکہ ملتان، ساہیوال اور فیصل آباد میں 43 ڈگری ریکارڈ کیا گیا۔

  • ملک بھر میں گرمی کی شدت میں اضافہ، محکمہ موسمیات نے خبردار کردیا

    ملک بھر میں گرمی کی شدت میں اضافہ، محکمہ موسمیات نے خبردار کردیا

    اسلام آباد: محکمہ موسمیات کا کہنا ہے کہ رواں ہفتے ملک کے بیشتر علاقے شدید گرمی کی لہر کی لپیٹ میں رہیں گے، اسلام آباد اور گرد و نواح میں موسم شدید گرم اور خشک رہے گا۔

    اے آر وائی نیوز کے مطابق اسلام آباد میں درجہ حرارت معمول سے 4 سے 6 ڈگری سینٹی گریڈ زیادہ رہنے کا امکان ہے۔

    خیبر پختونخوا کے بیشتر اضلاع میں موسم گرم اور خشک رہنے کا امکان ہے، جبکہ خیبر پختونخوا کے میدانی اضلاع میں موسم شدید گرم رہے گا، درجہ حرارت معمول سے 4 سے 6 ڈگری سینٹی گریڈ زیادہ رہنے کا امکان ہے۔

    چترال، دیر، سوات، کوہستان، شانگلہ، بٹگرام، ہری پور، مانسہرہ، ایبٹ آباد چند مقامات پر بارش کاامکان ہے، جبکہ باجوڑ، مہمند، اورکزئی میں چند مقامات پر تیز ہوائیں، جھکڑ چلنے، گرج چمک کے ساتھ بارش کا امکان ہے۔

    محکمہ موسمیات کے مطابق پنجاب کے بیشتر اضلاع میں موسم شدیدگرم رہے گا، جبکہ مری، گلیات اور گرد و نواح میں موسم گرم اور خشک رہے گا۔ مری، گلیات میں درجہ حرارت 4 سے 8 ڈگری سینٹی گریڈ زیادہ رہنے کا امکان ہے۔

    بلوچستان کے بیشتراضلاع میں موسم شدید گرم رہے گا، بلوچستان میں درجہ حرارت معمول سے 4 سے 6 ڈگری سینٹی گریڈ زیادہ رہنے کاامکان ہے۔

    سندھ کے بیشتراضلاع میں موسم شدیدگرم،ساحلی علاقوں میں گرم اور مرطوب رہے گا، درجہ حرارت معمول سے 6 سے 8 ڈگری سینٹی گریڈ زیادہ رہنے کا امکان ہے۔

    خلیج بنگال میں رواں سال کا پہلا سمندری طوفان بننے کا امکان، نام کیا رکھا جائے گا؟

    محکمہ موسمیات کے مطابق کشمیر اور گلگت بلتستان میں موسم گرم اور خشک رہے گا، کشمیر اور گلگت بلتستان کادرجہ حرارت 4 سے 6 ڈگری سینٹی گریڈ زیادہ رہنے کاامکان ہے۔

  • آج موسم کیسا رہے گا؟

    آج موسم کیسا رہے گا؟

    اسلام آباد: ملک کے بیش تر علاقوں میں آج موسم سرد اور خشک رہے گا۔

    محکمہ موسمیات کے مطابق پنجاب اور خیبر پختون خوا کے میدانی علاقوں اور بالائی سندھ میں صبح اور رات کے اوقات میں دھند چھائے رہنے کا امکان ہے۔

    خیبر پختون خوا کے بیش تر اضلاع میں موسم سرد اور خشک رہے گا، صبح اور رات میں پشاور، چارسدہ، نوشہرہ، مردان، صوابی اور ڈی آئی خان میں دھند چھائے رہنے کا امکان ہے۔

    پنجاب کے بیش تر اضلاع میں بھی موسم سرد اور خشک رہے گا، مری، گلیات اور گرد و نواح میں موسم سرد رہے گا، صبح، رات کے اوقات میں نارووال، سیالکوٹ، اوکاڑہ، ساہیوال، گوجرانوالہ، لاہور، فیصل آباد، ٹوبہ ٹیک سنگھ، جھنگ، خانیوال، ملتان، بہاولپور، خان پور، رحیم یار خان اور ڈی جی خان کے گرد و نواح میں دھند کا امکان ہے۔

    بلوچستان کے بیش تر اضلاع میں بھی موسم خشک جب کہ شمالی اضلاع میں سرد رہے گا، سندھ کے بیش تر اضلاع میں بھی موسم خشک رہے گا، جیکب آباد، موہن جو دڑو، سکھر، لاڑکانہ، دادو، گھوٹکی اور پڈعیدن میں دھند چھائے رہنے کا امکان ہے۔

    محکمہ موسمیات اسلام آباد کے مطابق کشمیر اور گلگت بلتستان میں موسم سرد اور خشک رہے گا۔

  • آئندہ 24 گھنٹوں کے دوران موسم کا حال

    آئندہ 24 گھنٹوں کے دوران موسم کا حال

    کراچی: محکمہ موسمیات کا کہنا ہے کہ آئندہ 24 گھنٹوں کے دوران ملک کے بیش تر علاقوں میں موسم خشک رہنے کا امکان ہے۔

    تفصیلات کے مطابق گزشتہ 24 گھنٹوں کے دوران ملک کے بیش تر شہروں میں موسم گرم اور خشک رہا، تاہم بالائی خیبر پختون خوا میں بعض مقامات پر گرج چمک کے ساتھ بارش ہوئی۔

    سب سے زیادہ درجہ حرارت تربت میں 40 ڈگری سینٹی گریڈ ریکارڈ کیا گیا۔

    این ایف آر سی سی کے مطابق آئندہ چوبیس گھنٹوں کے دوران ملک کے وسطی اور جنوبی علاقوں میں موسم گرم رہنے کا امکان ہے، جب کہ بالائی کے پی میں چند مقامات پر آندھی اور گرج چمک کے ساتھ بارش ہو سکتی ہے۔

    نیشنل فلڈ رسپانس اینڈ کوآرڈنیشن سینٹر کے مطابق گزشتہ 24 گھنٹوں کے دوران انفرا اسٹرکچر کو مزید کوئی نقصان نہیں پہنچا، سیلاب سے کل 13 ہزار 98 کلو میٹر سڑکیں اور 440 پلوں کو نقصان پہنچا ہے۔

    متاثرہ اضلاع میں قمبر شہدادکوٹ، جیکب آباد، لاڑکانہ، خیرپور، دادو، نوشہرو فیروز، ٹھٹھہ، بدین، کوئٹہ، نصیر آباد، جعفرآباد، جھل مگسی، بولان، صحبت پور، لسبیلہ، دیر، سوات، چارسدہ، کوہستان، ٹانک، ڈی آئی خان، ڈی جی خان اور راجن پور شامل ہیں۔

  • کوئٹہ میں سردی کی شدت میں اضافہ، کراچی میں بدستور گرمی

    کوئٹہ میں سردی کی شدت میں اضافہ، کراچی میں بدستور گرمی

    اسلام آباد: صوبہ بلوچستان کے دارالحکومت کوئٹہ اور اس کے گرد و نواح میں سردی کی شدت میں اضافہ ہوگیا۔ دوسری جانب شہر کراچی میں آج زیادہ سے زیادہ درجہ حرارت 36 ڈگری سینٹی گریڈ تک جانے کا امکان ہے۔

    تفصیلات کے مطابق صوبہ بلوچستان کے دارالحکومت کوئٹہ اور اس کے گرد و نواح میں سردی کی شدت میں اضافہ ہوگیا۔

    محکمہ موسمیات کا کہنا ہے کہ بلوچستان کے بیشتر علاقوں میں موسم خشک رہے گا، پہاڑی علاقوں میں موسم سرد رہنے کا امکان ہے۔

    محکمہ موسمیات کے مطابق کوئٹہ کا موجودہ درجہ حرارت 8 ڈگری سینٹی گریڈ ریکارڈ کیا گیا ہے، دوسری جانب گوادر کا موجودہ درجہ حرارت 22 ڈگری سینٹی گریڈ ریکارڈ کیا گیا ہے۔

    محکمہ موسمیات کا کہنا ہے آزاد کشمیر، شمالی علاقہ جات اور خیبر پختونخواہ میں بھی موسم سرد رہے گا۔ پختونخواہ کے دارالحکومت پشاور میں اس وقت درجہ حرارت 17 ڈگری سینٹی گریڈ ہے۔

    صوبہ پنجاب میں موسم دن کے اوقات میں گرم جبکہ رات کے اوقات میں سرد رہے گا، لاہور میں اس وقت درجہ حرارت 21 ڈگری سینٹی گریڈ ہے۔

    محکمہ موسمیات کے مطابق صوبہ سندھ میں بھی موسم خشک رہے گا۔ کراچی میں آج مطلع جزوی ابر آلود رہے گا، کراچی کا موجودہ درجہ حرارت 20 ڈگری سینٹی گریڈ ہے۔

    شہر میں زیادہ سے زیادہ درجہ حرارت 36 ڈگری سینٹی گریڈ تک ریکارڈ کیے جانے کا امکان ہے۔

  • کوئٹہ میں سردی کی شدت میں اضافہ، کراچی میں سب سے زیادہ درجہ حرارت

    کوئٹہ میں سردی کی شدت میں اضافہ، کراچی میں سب سے زیادہ درجہ حرارت

    کوئٹہ: صوبائی دارالحکومت کوئٹہ اور اس کے مضافات میں سردی کی شدت میں اضافہ ہوگیا، دوسری جانب صوبہ سندھ کے دارالحکومت کراچی میں آج ملک میں سب سے زیادہ درجہ حرارت رہے گا۔

    تفصیلات کے مطابق صوبہ بلوچستان کے دارالحکومت کوئٹہ اور اس کے مضافات میں سردی کی شدت میں اضافہ ہوگیا، محکمہ موسمیات کے مطابق کوئٹہ میں موجودہ درجہ حرارت 9 ڈگری سینٹی گریڈ ریکارڈ کیا گیا۔

    محکمہ موسمیات کا کہنا ہے کہ بلوچستان کے مغربی علاقوں میں آج موسم خشک رہنے کا امکان ہے، تاہم صوبے کے جنوبی علاقوں میں دن کے اوقات میں موسم گرم ہوسکتا ہے۔

    دوسری جانب صوبہ سندھ کے دارالحکومت کراچی میں آج ملک میں سب سے زیادہ درجہ حرارت رہے گا، کراچی میں آج پارہ 28 ڈگری سینٹی گریڈ تک جا پہنچے گا۔

    محکمہ موسمیات کے مطابق صوبہ پنجاب کے دارالحکومت لاہور میں 26 اور خیبر پختوںخواہ کے دارالحکومت پشاور میں درجہ حرارت 20 ڈگری سینٹی گریڈ رہے گا۔

  • سندھ اور پنجاب کا موسم آج سرد اور خشک رہے گا، محکمہ موسمیات

    سندھ اور پنجاب کا موسم آج سرد اور خشک رہے گا، محکمہ موسمیات

    کراچی : آج سندھ اور پنجاب کا موسم سرد اور خشک رہے گا جبکہ ملک کے بیشتر مقامات پر تیزہواؤں اور گرج چمک کے ساتھ بارش اورپہاڑوں پر برفباری کا امکان ہے۔

    تفصیلات کے مطابق محکمہ موسمیات نے پیش گوئی کی ہے کہ جمعہ سے پیر کے دوران خیبرپختونخوا، پنجاب ، اسلام آباد، گلگت اور کشمیرمیں اکثرمقامات پر تیزہواؤں اورگرج چمک کے ساتھ بارش اورپہاڑوں پربرفباری کا امکان ہے۔

    اس دوران چند مقامات پرموسلادھاربارش کی توقع ہے، اس دوران بلوچستان اور ڈی جی خان میں موسلادھاربارش کی وجہ سے مقامی ندی نالوں میں طغیانی کا امکان ہے،

    محکمہ موسمیات کے مطابق مالاکنڈ، ہزارہ ڈویژن، گلگت بلتستان اور کشمیر میں لینڈ سلائیڈنگ کا بھی خدشہ ہے۔ گزشتہ روز سب سے کم درجہ حرارت کالام اوراستور میں منفی دس سینٹی گریڈ ریکارڈ کیا گیا۔

    اس کے علاوہ آج سندھ اور پنجاب کا موسم سرد اورخشک رہے گا، بلوچستان ، ڈی جی خان کے ندی نالوں میں طغیانی کا امکان ہے۔