ARYNews.tv | Urdu – Har Lamha Bakhabar

Tag: weather

پاکستان کا موسم
پاکستان ایک ایسا ملک ہے جہاں موسم کی مختلف اقسام پائی جاتی ہیں۔ ملک کے مختلف علاقوں میں کافی فرق ہوتا ہے۔ ملک کے شمالی علاقے سردیوں میں برف سے ڈھکے رہتے ہیں جبکہ جنوبی علاقے گرم اور مرطوب ہوتے ہیں۔ پاکستان میں چار اہم موسم پائے جاتے ہیں: بہار، گرما، خزاں اور سردی۔

 

  • موسمیاتی تبدیلی، درجنوں والرس پہاڑوں سے گرکر ہلاک

    موسمیاتی تبدیلی، درجنوں والرس پہاڑوں سے گرکر ہلاک

    انٹارکٹکا: دنیا کے پانچویں بڑے براعظم میں موسمیاتی تبدیلیوں کے باعث درجنوں والرس پہاڑوں سے گرکر ہلاک ہوگئے۔

    تفصیلات کے مطابق سرد ترین براعظم انٹارکٹکا میں موسمیاتی تبدیلیوں کے باعث پہاڑوں پر برف پگھل رہے ہیں، اس صورت حال کے پیش نظر آبی جانور ہلاک ہورہے ہیں.

    غیر ملکی خبر رساں ادارے کے مطابق چودہ ہزار 425 ملین مربع کلومیٹر کے ساتھ انٹارکٹکا ایشیا، افریقا، شمالی امریکا اور جنوبی امریکاکے بعد دنیا کا پانچواں بڑا براعظم ہے۔

    سوشل میڈیا پر وائرل ہونے والی ویڈیو میں دیکھا جاسکتا ہے، متعدد والرس پہاڑوں سے گرتے دکھائی دے رہے ہیں جس سے ماہرین کو شدید تشویش لاحق ہے۔

    جنگی حیات اور ماحولیات کے ماہرین کا کہنا ہے کہ ماحولیاتی تبدیلی کے باعث والرس پہاڑوں کا رخ کررہے ہیں، جبکہ پہاڑوں پر برف نہ ہونے ان کی ہلاکت کی وجہ بن رہی ہے۔

    پانی میں رہنے والے اس جانور کو خشکی پر کم دکھائی دیتا ہے، حجم کے اعتبار سے پھیلی ہوئی جسامت کے باعث والرس پہاڑوں پر اپنا توازن برقرار نہیں رکھ پاتے۔

    دوسری جانب جنگلی حیات کی عالمی تنظیم ڈبلیو ڈبلیو ایف نے بھی اسی امر کی تصدیق کرتے ہوئے تشویش کا اظہار کیا ہے۔ ان کے مطابق برف پگلنے کے باعث والرس پہاڑوں کا رخ کررہے ہیں جو ان کی جان کے لیے انتہائی خطرناک ہے۔

    خیال رہے کہ انٹارکٹکا 98 فیصد برف سے ڈھکا ہوا ہوتا ہے، جس کے باعث وہاں کوئی باقاعدہ و مستقل انسانی بستی نہیں۔ صرف سائنسی مقاصد کے لیے وہاں مختلف ممالک کے سائنس دان قیام پزیر ہیں۔

  • آندھی اورطوفانی بارشیں، مختلف حادثات میں3 افراد جاں بحق، درجنوں زخمی

    آندھی اورطوفانی بارشیں، مختلف حادثات میں3 افراد جاں بحق، درجنوں زخمی

    پشاور/ صوابی / راولپنڈی / بھکر / کوئٹہ :ملک کے مختلف شہروں میں آندھی اور گرج چمک کے ساتھ بارش نے معمولات زندگی درہم برہم کر دئیے، خیبر پختونخو میں چھتیں گرنے اور دیگر واقعات میں تین افراد جاں بحق اور درجنوں زخمی ہوگئے۔

    تفصیلات کے مطابق پشاور سمیت خیبر پختونخوا کے مختلف علاقوں میں آندھی اور طوفان نے تباہی مچا دی، پشاور میں تین افراد جاں بحق اور42زخمی ہو گئے۔ تیز ہواؤں سے بی آر ٹی سٹیشن کی سیلنگ بھی اڑ گئیں۔

    طوفانی بارش کے سبب کئی علاقوں میں بجلی غائب، نشیبی علاقے زیرآب آنے سے شہریوں کو مشکلات کا سامنا ہے۔ آندھی اور بارشوں سے تباہی مچ گئی، معمولات زندگی درہم درہم ہوگئے،مختلف شہروں میں کئی حادثات بھی ہوئے۔

    پشاور میں تیز ہوائیں، آندھی کے بعد گرج چمک کے ساتھ موسلادھار بارش کی وجہ سے فقیرکلے میں گھرکی دیوار گرگئی، جس کے ملبے تلے دب کر ایک بچہ جاں بحق ہوگیا۔

    اس کے علاوہ پیربالا میں چھت گرگئی، علاقہ مکینوں نے اپنی مدد آپ کے تحت ملبے تلے دب جانے والے تین بچوں کو نکال لیا، تیز ہواؤں اور طوفانی بارش سے بی آرٹی بس اسٹیشن کی سیلنگ گرگئی، کئی چھتیں اکھڑ گئیں، جان بچانے کے لیے مزدور بھاگ کھڑے ہوئے۔

    صوابی میں بھی طوفانی بارش ہوئی، اللہ داد خیل میں گھر کی چھت گرگئی، ملبے تلے دب کر دو خواتین جاں بحق اور تین زخمی ہوگئیں، کئی علاقوں میں بجلی کی فراہمی معطل ہے۔

    ڈی آئی خان اور ٹانک میں بھی تیز ہواؤں کے ساتھ شدید بارش ہوئی اس کے علاوہ دین پور میں گھر کی دیوارگرنے سے پولیس کانسٹیبل شدید زخمی ہوگیا، مردان میں آندھی اور بارش کے باعث حادثات میں 4 افراد زخمی ہوگئے، جنہیں طبی امداد کیلئے مقامی اسپتال پہنچادیا گیا۔

    لوئر دیر میں بھی طوفانی بارش نے بجلی کا نظام درہم برہم کردیا، چوک اعظم اورگرد و نواح میں آندھی اور موسلادھار بارش کے دوران کئی درخت جڑوں سے اکھڑ گئے، بجلی کے کئی پول گرگئے۔ بھکر میں بھی طوفانی ہواؤں اوربارش سے درخت اور بجلی کے کھمبے اکھڑ گئے۔

    فیصل آباد میں بھی تیز آندھی چلی، موسم کا حال بتانے والوں کا کہنا ہے کہ پشاورمیں چھ، پاراچنار میں چار اور کوئٹہ میں دو ملی میٹر بارش ریکارڈ کی گئی، آج بھی ملاکنڈ، پشاور، کوہاٹ، کوئٹہ،راولپنڈی اور دیگر شہروں میں بارش کا امکان ہے۔

  • اندرون سندھ گرمی کی شدت میں اضافہ، بے نظیر آباد میں پارہ 44 ڈگری کو چھو گیا

    اندرون سندھ گرمی کی شدت میں اضافہ، بے نظیر آباد میں پارہ 44 ڈگری کو چھو گیا

    کراچی : محکمہ موسمیات نے کہا ہے کہ گزشتہ روز اندرون سندھ کے مختلف اضلاع میں گرمی کی شدت میں اضافہ رہا اور سب سے زیادہ درجہ حرارت شہید بے نظیر آباد میں 44 ڈگری ریکارڈ کیا گیا۔

    محکمہ موسمیات کے مطابق ملک میں جاری گرمی کی لہر نے اندرون سندھ کو اپنی لپیٹ میں لے رکھا ہے اور سندھ کے مختلف اضلاع میں پیر کو بھی سورج آگ برساتا رہا۔

    محکمہ موسمیات کے مطابق اندرون سندھ کے مختلف اضلاع میں گرمی کی شدت میں اضافہ رہا اور سب سے زیادہ درجہ حرارت شہید بے نظیر آباد میں 44 ڈگری ریکارڈ کیا گیا.

    صوبے دیگر اضلاع میں ریکارڈ کئے گئے درجہ حرارت کے مطابق مٹھی میں 43، دادو میں42.2، چھور میں 42، حیدرآباد، ٹنڈوجام، پڈعیدن اور سکرنڈ میں 41 ڈگری، بدین، دادو، لاڑکانہ، میرپورخاص میں40گری، روہڑی39، جیکب آباد 39 اور ٹھٹھہ میں 37 ڈگری رہا جبکہ کراچی میں درجہ حرارت 36.6 ڈگری سینٹی گریڈ ریکارڈ کیا گیا۔

  • ملک بھر میں آج موسم گرم اور خشک رہے گا

    ملک بھر میں آج موسم گرم اور خشک رہے گا

    اسلام آباد: ملک کے بیشتر علاقوں میں آج موسم گرم اور خشک جبکہ سندھ اور جنوبی پنجاب کے حصے شدید گرمی کی لپیٹ میں رہیں گے۔

    تفصیلات کے مطابق محکمہ موسمیات نے آئندہ چوبیس گھنٹوں میں کراچی، کوئٹہ، لاہور، اسلام آباد، پشاور سمیت ملک کے بیشتر علاقوں میں موسم گرم اور خشک رہنے کی پیشگوئی کی ہے۔

    جنوبی پنجاب اور سندھ کے بیشتر حصے شدید گرمی کی لپیٹ میں رہیں گے، گزشتہ روز سب سے زیادہ درجہ حرارت شہید بے نظیرآباد اور مٹھی میں پینتالیس ڈگری سینٹی گریڈ رہا۔

    ڈائریکٹر محکمہ موسمیات عبدالرشید کا گذشتہ دنوں کہنا تھا کہ مئی میں درجہ حرارت 40 ڈگری تک پہنچنے کا امکان ہے، کراچی میں ہیٹ ویو آنے کا بھی خدشہ ہے۔

    انہوں نے یہ بھی کہا تھا کہ ہیٹ ویو آنے سے قبل سارے ادارے تیار رہیں گے تو ہیٹ ویو سے نمٹنے میں مشکلات نہیں ہوں گی۔

    کراچی میں آج بھی گرمی قہر ڈھائے گی

    خیال رہے کہ کراچی ان دنوں گرمی کے لپیٹ میں ہے، یہ سلسلہ ہفتوں تک جاری رہنے کی پیش گوئی کی گئی ہے، جبکہ شہری اپنی حفاظت اپنی مدد آپ کے تحت یقینی بنارہے ہیں۔

  • ملک کے بیشترعلاقوں میں آج موسم خشک رہے گا، کراچی میں گرمی کی لہر

    ملک کے بیشترعلاقوں میں آج موسم خشک رہے گا، کراچی میں گرمی کی لہر

    کراچی : ملک کے بیشترعلاقوں میں آج موسم خشک رہے گا تاہم چند ایک پہاڑی علاقوں میں بارش کا امکان ہے، جبکہ کراچی کے درجہ حرارت میں کئی ڈگری سینٹی گریڈ کا اضافہ دیکھنے میں آیا  ۔

    محکمہ موسمیات کا کہنا ہے کہ آج کراچی سمیت سندھ بھر کا موسم جزوی ابرآلود رہے گا، تاہم خنک ہوائیں بند ہونے کے بعد شہر قائد کے کم سے کم اور زیادہ سے زیادہ درجہ حرارت میں گزشتہ چند روز کے مقابلے میں کئی ڈگری سینٹی گریڈ کا اضافہ ہوگیا۔

    کراچی کا زیادہ سے زیادہ درجہ حرارت 35 ڈگری سینٹی گریڈ تھا، تاہم آج زیادہ سے زیادہ درجہ حرارت 36.5 ڈگری سینٹی گریڈ ریکارڈ ہوا، اور جمعرات کو بھی شہر میں درجہ حرارت زیادہ رہنے کا امکان ہے۔

    محکمہ موسمیات کے مطابق بلوچستان کے علاقے کوئٹہ، قلات اور تربت میں بوندا باندی کا امکان ہے، پنجاب کے علاقے ملتان اور سرگودھا میں بھی ہلکی بارش کی توقع ہے ۔

    پشاور، دیر، چترال، مالاکنڈ ڈویژن اور گلگت میں بعض مقامات پرگرج چمک کے ساتھ ہلکی بارش کا امکان ہے۔ گزشتہ روزسب سے کم درجہ حرارت کالام میں منفی دوڈگری سینٹی گریڈ ریکارڈ کیا گیا۔

  • ملک کے بیشتر علاقوں میں موسم سرد اور خشک رہے گا

    ملک کے بیشتر علاقوں میں موسم سرد اور خشک رہے گا

    لاہور / پشاور/ کراچی : آج ملک کے بیشتر علاقوں میں موسم سرد اور خشک رہے گا تاہم پنجاب اور کے پی کے میں بارش اور پہاڑوں پر ہلکی برفباری اور کراچی کا موسم جزوی ابرآلود رہنے کا امکان ہے۔

    تفصیلات کے مطابق محکمہ موسمیات کا کہنا ہے کہ آج کراچی کا موسم جزوی طور پر ابرآلود رہنے کا امکان ہے، پنجاب اورخیبرپختونخوا میں وقفے وقفے سے بارش کا سلسلہ جاری ہے جو آئندہ چوبیس گھنٹے تک جاری رہنے کی توقع ہے۔

    اس کے علاوہ مری، دیر، چترال، چلاس، سوات، اسکردو، گلگت اور مظفرآباد کے مختلف پہاڑی علاقوں میں ہلکی برفباری کا سلسلہ جاری ہے، گزشتہ روزسب سے کم درجہ حرارت پاراچنارمیں منفی چارڈگری سینٹی گریڈ ریکارڈ کیا گیا۔

    کرک، میرپور آزاد کشمیر میں موسلا دھار بارش سے سردی کی شدت میں اضافہ ہو گیا۔ سوات اور گردونواح میں برفباری سے سردی کی شدت میں اضافہ ہو گیا۔ شدید برف باری سے ملتان کالام روڈ بند ہو گیا۔

  • بلوچستان میں موسلادھار بارشیں اور برفباری، سردی میں اضافہ

    بلوچستان میں موسلادھار بارشیں اور برفباری، سردی میں اضافہ

    کوئٹہ : بلوچستان میں بارش کا سلسلہ شروع ہو گیا، بولان اور سبی میں بادل خوب جم کر برسے، قلات میں بارش کے ساتھ برفباری نے سردی بڑھا دی، موسم خوشگوار ہوگیا۔

    تفصیلات کے مطابق بلوچستان کے مختلف شہروں کوئٹہ، چمن، کوہلو، قلعہ عبداللہ اورقلات سمیت مختلف مقامات پر بادل خوب جم کر برسے، قلات میں بارش کے ساتھ برفباری نے سردی بڑھا دی، کوئٹہ والوں پر بھی قدرت مہربان رہی۔

    سرمئی گھٹاؤں اور ٹھنڈی ہواؤں کے ساتھ رم جھم پھوار سے موسم خوشگوار ہوگیا، چمن، قلعہ عبداللہ، گلستان، دوبندی اور جنگل پیرعلی زئی میں کہیں ہلکی تو کہیں تیز بارش سے سردی پھر بڑھ گئی۔

    موسلادھار بارش سے ندی نالوں میں طغیانی کا خدشہ ہے۔ مستونگ، بولان، مچھ اور دکی میں بھی ٹپ ٹپ برستی بوندوں نے سردی بڑھادی۔ قلات میں بارش کے ساتھ برفباری بھی ہوئی، ہربوی کے پہاڑوں پر ایک فٹ سے زیادہ برفباری ریکارڈ کی گئی۔

    محکمہ موسمیات کی پیشگوئی کے مطابق آج کوئٹہ، مکران اور قلات میں بھی تیز بارش کا امکان ہے جس سے ندی نالوں میں طغیانی کا خدشہ ہے، آج کراچی ڈویژن، حیدرآباد، سکھر اور لاڑکانہ میں بارش متوقع ہے۔

    موسلا دھار بارشوں کے پیش نظر صوبائی ڈیزاسٹر مینجمنٹ اتھارٹی نے تمام عملے کو ہائی الرٹ کردیا ہے۔

  • ملک کے مختلف شہروں میں ایک بار پھر بادل برس پڑے، پہاڑوں پر برفباری

    ملک کے مختلف شہروں میں ایک بار پھر بادل برس پڑے، پہاڑوں پر برفباری

    کوئٹہ / قلات/  کراچی : ملک کے مختلف شہروں میں ایک بار پھر بادل برس پڑے، کئی علاقوں میں بارش نے جاتی سردی کو روک لیا، ہفتے اور اتوار کو کراچی کا موسم ابرآلود رہے گا۔

    تفصیلات کے مطابق محکمہ موسمیات کی جانب سے بلوچستان میں مزید بارش کی پیش گوئی کی گئی ہے، مارچ میں بارش اور برفباری کا مارچ پاسٹ جاری ہے، جاتی سردی کو بریک لگ گیا، بالائی علاقوں میں روئی کے گالوں کی برسات کی وجہ سے مری اور مالم جبہ میں دو انچ تک برف پڑی۔

    پہاڑوں پر برفباری سے نظارے دلفریب ہوگئے، موسم بھی ٹھنڈا ٹھار ہوگیا۔ رحیم یار خان اور پنجاب کے دیگر شہروں میں گرجتے بادل خوب برسے، جس سے جاتی ہوئی سردی واپس لوٹ آئی.

    دنیا پور میں سرمئی گھٹاؤں کا راج رہا، چوک اعظم میں ٹپ ٹپ برستی بوندوں سے موسم سہانا کردیا، لیاقت پور میں بھی برکھا برسی تو جل تھل ایک ہوگیا۔ بلوچستان میں بادل خوب گرج کر برسے۔

    کوئٹہ قلات سمیت مختلف شہروں میں گہرے بادلوں کے ڈیرے رہے، موسم کا حال بتانے والوں نے پیشگوئی کی ہے کہ آج بلوچستان کے بیشتر علاقوں میں گرج چمک کے ساتھ بارش کا امکان ہے جبکہ ہفتے اور اتوار کو کراچی کا موسم ابرآلود رہے گا۔

  • بلوچستان میں بارشیں، حب ڈیم میں پانی کی سطح خطرناک حد تک پہنچ گئی

    بلوچستان میں بارشیں، حب ڈیم میں پانی کی سطح خطرناک حد تک پہنچ گئی

    کراچی: بلوچستان میں ہونے والی موسلا دھار بارشوں کے بعد حب ڈیم میں پانی کی سطح میں خطرناک حد تک اضافہ ہوگیا، محکمہ آبپاشی نے ڈیم میں مزید پانی جمع ہونے کا خدشہ ظاہر کردیا۔

    تفصیلات کے مطابق بلوچستان میں ہونے والی بارشوں کے بعد مختلف علاقوں میں سیلابی صورتحال پیدا ہوگئی جس کے باعث نظام زندگی مفلوج ہوا۔حکومتی ترجمان کے مطابق طوفانی بارشوں اور سیلابی ریلوں سے متعدد مکانات تباہ ہوئے جبکہ دیگر حادثات میں بچوں سمیت 5 افراد جاں بحق ہوئے۔

    بلوچستان کے علاقے قلعہ عبداللہ کے قریب قومی شاہراہ پرپل سیلابی ریلے میں بہہ گیا، چمن، پشین، ہرنائی، ژوب، لورالائی، قلعہ سیف اللہ میں شدید بارشوں کے باعث ندی نالوں میں طغیانی ہوئی۔

    مزید پڑھیں: بلوچستان میں بارشوں سے تباہی، 5 افراد ہلاک، ریسکیو کے لیے پاک فوج کے جوان میدان میں آگئے

    دوسری جانب حب ڈیم میں بھی پانی کی سطح 301 فٹ تک پہنچ گئی جس کے بعد واٹر بورڈ نے حب ڈیم سے کراچی کو پانی کی فراہمی شروع کردی۔ واٹر بورڈ کے ترجمان کا کہنا تھا کہ کراچی کو حب ڈیم سے 8 کروڑ گیلن پانی کی فراہمی شروع ہوگئی۔

    وزیراطلاعات بلوچستان کے مطابق تربت کے علاقے میں پھنسنے والے 13 افراد کو ریسکیور کر کے بچا لیا گیا جبکہ کیچ اور دیگر علاقوں میں حکومت نقصانات کا جائزہ لے رہی ہے۔

    ظہور بلیدی کے مطابق متاثرہ علاقوں میں فوری اور بروقت ریسکیو کی کارروائیاں شروع کر دی گئیں، سیلابی صورتحال کےباعث مکران کاعلاقہ سب سے زیادہ متاثر ہوا۔

    بلوچستان میں واقع میرانی ڈیم میں پانی کی سطح خطرے کے نشان تک پہنچ گئی، ضلعی انتظامیہ نے ہنگامی صورت حال کسے نمٹنے کے لیے پاک فوج سے مدد طلب کرلی۔ پاک فوج نے میرانی ڈیم کے قریب حفاظتی کیمپ قائم کردیا جبکہ مکران ڈویژن میں ریسکیو آپریشن کے لیے پاک فوج کے 2 ہیلی کاپٹروں کی مدد طلب کرلی گئی۔

    یہ بھی پڑھیں: بلوچستان میں شدید بارشیں ، حب ڈیم کا لیول خطرناک حد تک بڑھ گیا

    یاد رہے کہ گزشتہ ماہ بلوچستان میں ہونے والی بارشوں کے بعد حب ڈیم میں پانی کی سطح 298 فٹ تک پہنچ گئی تھی جسے محکمہ آبپاشی نے خطرناک قرار دیا تھا۔  واضح رہے کہ حب ڈیم اور کینجھر جھیل کراچی کو پانی کی فراہمی کے دو بڑے ذرائع ہیں، جہاں سے  پانی دھابیجی، گھارو اور حب پمپنگ اسٹیشنز کے ذریعے شہر کو سپلائی کیا جاتا ہے۔

    کراچی کے ضلع ویسٹ کے علاقوں کو پانی کی فراہمی حب ڈیم سے ہوتی ہے اور گذشتہ کئی سال سے بارشیں نہ ہونے کے سبب علاقوں میں پانی کی فراہمی نہ ہونے کے برابر تھی۔

  • بلوچستان میں برفباری اور بارشیں : مکان کی چھت گرنے سے خاتون سمیت سات بچے زخمی

    بلوچستان میں برفباری اور بارشیں : مکان کی چھت گرنے سے خاتون سمیت سات بچے زخمی

    حب : صوبہ بلوچستان کے پہاڑی علاقوں میں برفباری اور بارشوں کے بعد سیلابی صورت حال پیدا ہوگئی ہے ندی نالوں میں طغیانی کے باعث نظام زندگی شدید متاثر ہوا، مکانات کی چھتیں اور دیواریں گرنے سے 2 بچیاں جاں بحق جبکہ خاتون سمیت سات بچے زخمی ہوگئے ۔

    تفصیلات کے مطابق ملک کے مختلف حصوں میں کہیں رم جھم کہیں بارش تو کہیں راستے برف سے ڈھک گئے۔ جس کی وجہ سے کئی رابطہ سڑکیں بند ہوگئیں اور شہریوں کا مشکلات کا سامنا کرنا پڑ رہا ہے۔

    حب کے ضلع لسبیلہ کے پہاڑی علاقوں موسلادھار بارشیں ہوئیں، جس کے بعد وندر، اوتھل، بیلا اور شاہ نورانی کے ندی نالوں میں طغیانی آگئی جبکہ اوتھل میں مکان کی چھت گرگئی، حادثے میں ایک خاتون اور سات بچے زخمی ہونے کی اطلاعات ہیں۔

    اس کے علاوہ سیاحتی مقامات زیارت میں تین فٹ اور قلات میں ایک فٹ سے زیادہ برفباری ہوئی، گیس پریشر اور بجلی کی طویل لوڈ شیڈنگ سے معمولات زندگی متاثر ہوئے ہیں۔

    کوئٹہ میں برفباری سے سڑکیں بند ہوگئیں، کئی مقامات پر لوگ محصور ہوگئے، اسکردو، مستونگ اور مانسہرہ میں برفباری سے راستے بند ہوگئے، خضدار میں پاک فوج کے جوانوں نے برف ہٹانے کے کام کا آغاز کر دیا۔

    علاوہ ازیں چمن سمیت ضلع بھر میں دو روز سے وقفے وقفے سے جاری موسلادھار بارش نے تباہی مچا دی مکانات کی چھتیں اور دیواریں گرنے سے 2 بچیاں جاں بحق جبکہ خاتون سمیت سات بچے زخمی ہوگئے ہیں، کوژک ٹاپ پر شدید برف باری کے باعث کوئٹہ چمن شاہراہ دن بھر ٹریفک کی آمدورفت کے لئے بند رہا

    روجھان اور شہداد کوٹ میں بیشتر سڑکیں بارش کا پانی جمع ہونے کے باعث تالاب کا منظر پیش کرنے لگیں، لکی مروت اور بارکھان میں سڑکوں اور گلیوں میں جمع بارش کے پانی اور کیچڑ سے شہریوں کا چلنا محال ہو گیا۔